Вчера (28 февруари) во 16 часот и 30 минути, полициски службеници на СВР Тетово во домот на М.Ц. во тетовско Сараќино ја пронашле Ј.Т.(14) од с.Волково, скопско, за која во 14.05 часот во Полициската станица Ѓорче Петров, нејзината мајка И.Т. пријавила дека се оддалечила од домот.

Инаку, таа и претходно е пријавувана дека се оддалечувала од домот, велат од МВР.

Во присуство на претставник од Центар за социјални работи, малолетничката била предадена на родителите.

The post Исчезната малолетничка од Волково пронајдена во тетовско Сараќино appeared first on Република.

На 08.02.2024 во 20.40 часот во с.Волково-скопско полициски службеници од Единицата за интервентна полиција при СВР Скопје го лишиле од слобода М.С.(64) од скопско поради тоа што за него била распишана централна потерница по наредба од Основен кривичен суд-Скопје за затворска казна за сторено кривично дело по чл.297 ст.1 од Казнениот законик.

Тој ќе биде предаден на надлежната казнено поправна установа.

The post 64-годишник баран за в затвор поради тешка сообраќајка уапсен во Волково appeared first on Република.

На 05.09.2023 полициски службеници од СВР Скопје- Единица за недозволена трговија, по претходно добиени оперативни сознанија и наредба за претрес од Основен кривичен суд Скопје, извршија претрес во дом кај И.К. (31) во Волково, скопско, соопшти МВР.

При претресот пронајдени се марихуана, дигитална вага и еден куршум. Лицето е лишено од слобода и задржано во полициска станица и против него, по документирање на настанот, ќе биде поднесена соодветна кривична пријава по брза постапка.

The post Фатен дилер во Волково appeared first on Република.

Полициски службеници од СВР Скопје - Единица за недозволена трговија, вчера по претходно добиени оперативни сознанија и наредба за претрес од Основен кривичен суд Скопје, извршија претрес во дом кај И.К. (31) во Волково, скопско, при што се пронајдени марихуана, дигитална вага и еден куршум.

Како што информира МВР, лицето е лишено од слобода и задржано во полициска станица и против него, по документирање на настанот, ќе биде поднесена соодветна кривична пријава по брза постапка.

The post Фатен дилер од Волково appeared first on Република.

Голем пожар избувнал попладнево во скопско Волково, каде дел од куќите биле зафатени, но за среќа на време изгасени, а жителите биле видно исплашени, објави ТВ Сител.

Пожарот почнал покрај реката Лепенец, каде кејот е полн со ѓубре. Огнот потоа брзо се проширил поради ветрот ја зафатил сувата трева и околните дрвја, а стигнал и до првите куќи.

Жителка на Волково за Сител, сведочеше дека многу брзо огнот стигнал до нив и дека да не биле пожарникарите се ќе изгорело.

Другите жители сведочеа дека постојано покрај Лепенец се трупа отпад, таму се пали, но во вакви временски услови, кога е суво, а има ветар, постојано се под закана од пожар.

The post Пожар вечерва во Волково, брзата реакција на пожарникарите спречи голема трагедија appeared first on Република.

Основното јавно обвинителство Скопје донесе наредба за спроведување истражна постапка против 55-годишен жител на селото Волково осомничен за кривично дело „тешка телесна повреда“ од член 131 став 3 од Кривичниот законик.

Како што информира ОЈО, на 15 јуни годинава, во дворот од семејна куќа во Волково, осомничениот тешко го нарушил здравјето на својата сестра и предизвикал нагрденост.

-Осомничениот најпрво започнал вербална расправија на висок тон, упатувајќи навредливи зборови кон оштетената, нејзината ќерка и уште двајца сведоци кои работеле во дворот. Потоа станал агресивен и им се заканил да престанат, а за кратко се вратил во дворот со нож во раката и се упатил кон внуката. Нејзината мајка се обидувала да ја смири ситуацијата и во моментот кога осомничениот замавнал со ножот, таа застанала пред ќерката за да ја заштити, па била прободена во левата страна од лицето во пределот кон слепоочницата, соопшти ОЈО.

Бидејќи постојат околности што укажуваат на опасност од криење и бегство, оправдан страв дека ќе ја попречува истрагата со влијание врз сведоците и вештаците, како и особени околности кои го оправдуваат стравот дека ќе го повтори кривичното дело или ќе стори кривично дело со кое се заканува, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.

The post Ја избол сестра си со нож кога станала да ја заштити ќерка си од вујкото насилник appeared first on Република.

Вчера во Волково, во Ѓорче Петров, официјално беше пуштена во употреба новата детска градинка „Сонце“ со капацитет за 150 деца/

Со изградбата на објектот, децата до шест години од Волково, добиваат пристап до квалитетна социјална услуга за ран детски развој во нова градинка, која за првпат е изградена во ова населено место.

Премиерот Димитар Ковачевски сподели видео како изгледа новоизградената градинка:

 

View this post on Instagram

 

A post shared by Димитар Ковачевски (@dimitar.kovachevski)

The post Како изгледа новоизградената градинка „Сонце“ во Волково? appeared first on Република.

Премиерот Димитар Ковачевски, заедно со министерката за труд и социјална политика, Јованка Тренчевска и директорот на Канцеларијата на Светска Банка за Македонија и Косово, Масимилиjано Паолучи, присуствуваше на отворањето на новата детска градинка „Сонце“ во населбата Волково, општина Ѓорче Петров. Со изградбата на објектот, децата до шест години од Волково, добиваат пристап до квалитетна социјална услуга за ран детски развој во нова градинка, која за првпат е изградена во ова населено место.

Изградивме уште еден објект, уште една градинка, која, верувам, ќе донесе многу детски насмевки. Со новата градинка „Сонце“, решаваме еден повеќедецениски проблем за граѓаните од овој дел на градот.

Градинката во Волково е изградена според современи стандарди и има капацитет за згрижување на 150 деца. Грижата за нашите деца се наш врвен приоритет. Обезбедуваме континуитет во зацртаното со реализација на нови градинки или доградување на постоечките. Од 2017 година до денес, отворивме 75 градинки со опфат од 5.500 деца, а заедно со оваа, нова градинка, тој број го заокружуваме на вкупно 76, со што се згрижени 5.650 деца“, потенцираше премиерот Ковачевски во своето обраќање пред присутните, заблагодарувајќи се на поддршката од Светската банка во реализацијата на изградба на градинката.

Набројувајќи ги мерките на Владата, премиерот потенцираше дека платите на вработените во јавните установи за предучилишно воспитание и образование во изминатиот период се покачени и најави ново покачување.

Не ги заборавивме ниту оние вклучени во воспитниот процес, воспитувачките, негувателките. Oд 2017 година досега, давателите на услуги, воспитувачките и негувателките во градинките добија за околу 36% повисока плата. Со новото усогласување во месец март, овој процент ќе достигне нешто помеѓу 45-50% вкупно раст за последните 5 години. Со новото законско покачување кое ќе се случи во месец март и кое очекуваме да порасне за околу 2.500 денари, минималната плата ќе достигне 20.500 денари. Ова предизвикува  линеарно зголемување на  платите  за околу 2.500 денари, на сите вработени во јавните установи за предучилишно воспитание и образование, истакна премиерот Ковачевски, во своето обраќање.

Осврнувајќи се на реализираните проекти во оваа сфера, министерката за труд и социјална политика, Јованка Тренчевска нагласи дека вложувањето во квалитетни инфраструктурни услови и проширување на капацитетите за згрижување на децата е клучната цел и прв чекор во обезбедување можности за квалитетен ран детски развој.

Од 2017 година до сега, Министерството за труд и Владата имаат инвестирано во изградба и проширување на вкупно 76 градинки ширум земјата, меѓу кои е и оваа градинка. Тоа е најдобар показател за нашата посветеност во вложувањата во развојот на децата како најдобра инвестиција во иднината на земјата. Со други зборови, не можеме да зборуваме за развој и просперитет на земјата сѐ додека не инвестираме во грижата за децата уште од најмала возраст, рече Тренчевска.

Во изградбата и опремувањето на градинката се вложени близу 103 милиони денари. Ова е деветта од вкупно 16 градинки кои се предвидени со Компонента 2 од Проектот за подобрување на социјалните услуги што го спроведува Министерството за труд и социјална политика, со поддршка од Светска Банка.

Инвестирањето во предучилишното образование и раниот детски развој носи големи придобивки за децата и општеството во целина. Вложените четири долари денес, се враќаат како 16 долари во иднина. Инвестирањето јавни средства со цел да им се овозможи на децата пристап до стимулирачка, ангажирана, инклузивна и забавна средина за учење, значи добро потрошени пари на даночните обврзници, рече Масимилиjано Паолучи, директор на Канцеларијата на Светска банка за Македонија и Косово.

The post Премиерот се „врати“ во градинка appeared first on Република.

Отворени вратите за 150 дечиња во новата градинка „Сонце“ во Волково!

Чест ми е што во мојот мандат, заедно со мојот тим и со финансиско учество на општината од 9 милиони денари го завршивме овој грандиозен објект. Дечињата во овој објект ќе бидат згрижени почнувајќи од понеделник во возрасни групи од 9 месеци до 6 години, поделени во 7 групи, порача денеска градончалникот на Ѓорче Петров Александар Стојкоски.

Тој рече дек веќе аплицирале со проект за нова детска градинка во Дексион, а изработен е и проект за нов објект во Стопански Двор.

Исто така, одлична вест е што работиме и на уште две локации за градинки во урбаниот дел на Ѓорче Петров. Продолжуваме со работа со засилено темпо. Ѓорче Петров ќе биде урбано јадро со решени проблеми. Граѓаните заслужуваат добри услови и тие остануваат наш приоритет, порача Стојкоски.

The post Отворени вратите за 150 дечиња во новата градинка „Сонце“ во Волково! appeared first on Република.

Во тек се последните подготовки за пуштање во употреба на градинката во Волково, соопшти градоначалникот на Ѓорче Петров, Александар Стојкоски.

Објектот изработен по светски стандарди ќе згрижи над 150 дечиња од Ѓорче Петров поделени во 7 групи. Вкупната површина е 1.558,86 м2, а површината на дворот, е 6.161 м2. Свеченото отворање е на 16-ти февруари, соопшти Стојкоски, споделувајќи фотографии од објектот.

The post Отворање на новата градинка за 150 дечиња од Ѓорче Петров на 16 февруари appeared first on Република.

Претседателот на ВМРО-ДПМНЕ Христијан Мицкоски заедно со градоначалникот на општина Ѓорче Петров, Александар Стојкоски ќе присуствуваат на увид во завршни активности пред пуштање во употреба на нова градинка во Волково, општина Ѓорче Петров.

Од партијата велат дека посетата е во рамките на активноста „Промените се случуваат, секогаш со народот“.

По завршувањето на настанот изјава за медиуми ќе даде Мицкоски.

The post Мицкоски во посета на Волково appeared first on Република.

Вчера во с.Волково, скопско, полициски службеници од Полициската станица Ѓорче Петров го лишиле од слобода В.З.(53) од Скопје поради сомнение дека околу 18.20 часот во селото пукал на семејна веселба.

Кај него била пронајдена и одземена пушка „Застава M59/66“ калибар 7,62 x39 mm, додека на местото биле пронајдени повеќе чаури од испукани куршуми. Во службен разговор во полициска станица тој го признал делото.

По целосно документирање на случајот против него ќе биде поднесена соодветна пријава.

The post Пукање на свадба во Волково appeared first on Република.

Повеќе од дваесет години жителите на ул. 77 во Волково чекаа за асфалт до своите домови.
🦺Благодарение на Град Скопје и екипите на ЈП „Улици и патишта“ - Скопје од денес ќе газат по нов коловоз.
🤝 Со градоначалничката Danela Arsovska ветивме дека во нашиот мандат нема да има заборавени места и на тоа посветено работиме од првиот ден.

The post По 20 години ветувања – асфалт за улицата 77 во Волково appeared first on Република.

Голем дефект на далековод во скопската општина Ѓорче Петров ги остави предмалку жителите на Волково, Ново Село и Стопански Двор без електрична енергија, објави „Плусинфо“.

Од ЕВК за Плусинфо ја потвдиле информацијата и велат дека сите дежурни екипи се упатени кон далеководот.

Се работи за голем дефект на далековод. Нашите дежурни екипи се веќе излезени на терен и работат на решавање на проблемот. Засега не се знае колку време ќе одземе поправката, односно кога повторно граѓаните ќе можат да користат струја – велат од ЕВН.

The post Цело Волково е без струја, голем е дефектот appeared first on Република.

Попладнево силно невреме го погоди Скопје. Денеска на удар беше Волково

The post Силно невреме го погоди Скопје appeared first on Република.

Пожар избувна денеска во компанија за производство на училишен и канцелариски мебел во скопската населба Волково.

Од Територијалната противпожарна единица на Град Скопје за МИА информираа дека пожарот е локализиран и се работи на догасување. Интервенирано е со четири возила и девет пожарникари.

Пожарот не е проширен на околните куќи и нема жртви. Причинета е материјална штета која допрва ќе се утврдува.

The post Изгоре фирма за училишен и канцелариски мебел во Волково appeared first on Република.