Денеска над 300 храбри припадници од армијата добија парична награда за нивниот неуморен труд и посветеност при справувањето со пожарите. Благодарност за секој од нив кој со својата храброст и професионализам придонесе во борбата со огнените стихии. Вашата храброст е наша гордост, објави на својот Фејсбук профил министерот за одбрана, Владо Мисајловски.

Независниот синдикат на одбраната информира дека денес Министерството за одбрана исполни уште една своја обврска од колективниот договор, исплатени се средствата кои беа заостанати од потпишувањето на КД заклучно со јуни.

Исплатата доаѓа по разговорите со министерот за одбрана Владо Мисајловски, а се однесува на: Зголемување по Уредба 15% и 30% за период од 02/2024 до 06/2024

Посебен степен на образование КША, ШНО, Докторат, Магистратура и др. за период од 02/2024 до 06/2024
Учество во комисии во висина од 10% за период од 02/2024 до 06/2024
ДОПОЛНИТЕЛНО е исплатено и:
Закупнина за 10/2024
Награда од 10.000 денари за 320 учесници во пожарите, информираат од Синдикатот.

НСО како репрезентативен синдикат продолжува со социјалниот дијалог за подобрување на правата и благосостојбата на вработените во МО и Армијата и изразува благодарност до министерот за исполнување на наследените обврски.

The post Мисајловски: Над 300 храбри припадници од армијата добија парична награда за нивниот неуморен труд и посветеност при справувањето со пожарите appeared first on Република.

НАТО планира да ги зголеми своите сили со распоредување на 49 нови борбени бригади, што претставува околу 250.000 војници, со цел да се спречи руска агресија врз Европа.

Оваа информација ја објави Велт aм Зонтаг (Welt am Sonntag), повикувајќи се на доверливи планови на германското Министерство за одбрана, до кои дојде овој медиум. Основите на ова зголемување, како дел од заштитата на НАТО од можен напад од Русија, ги поставија двајца највисоки команданти на НАТО, американскиот генерал Кристофер Каволи и францускиот адмирал Пјер Вандије. Ова е една од главните задачи на новиот генерален секретар на Алијансата, Марк Руте, кој ја презеде функцијата минатата недела, пренесува тпортал.хр

Претходно се сметаше дека за НАТО се доволни 82 бригади, или околу 400.000 војници, но новите проценки покажуваат дека минималниот број на потребни сили е 131 бригада, со по 5.000 војници во секоја, што би значело вкупно околу 650.000 војници. Исто така, се планира зголемување на бројот на корпуси од шест на 15 и на штабовите на дивизии од 24 на 38.

Освен зголемување на бројот на војници, Алијансата планира да ги зголеми своите резерви на оружје, вклучувајќи системи за противвоздушна одбрана, муниција, прецизно оружје и возила. Бројот на системи за противвоздушна одбрана, како што се Patriot, Iris-T SLM и Skyranger, би требало да се зголеми од 293 на 1.467. Исто така, се планира зголемување на бројот на хеликоптери од 90 на 104.

Во статијата се нагласува дека овие барања за зголемување важат за сите 32 членки на НАТО, а обврските на секоја држава ќе зависат од нејзините економски капацитети и бројот на население. За споредба, зголемувањето на силите на НАТО за 250.000 војници е еквивалентно на четири германски копнени армии (кои бројат 62.000 војници) и е двојно повеќе од целите француски вооружени сили (114.000 војници), а речиси половина од американската копнена војска, која брои 453.000 војници.

За опремување на новите сили од толкав обем, според стандардите на германската војска, би биле потребни најмалку 1.200 тенкови, 2.700 борбени возила за пешадија, повеќе од 3.000 оклопни транспортери и 900 артилериски системи од голем калибар, пишува "Defense Express".

Според американските воени стандарди, би бил потребен сличен број на воена техника: 1.300 тенкови, 2.300 борбени возила, 5.000 оклопни транспортери и 1.200 топови и ракетни артилериски системи. Без оглед на стандардите кои се користат, се работи за огромни финансиски средства потребни за опремување на новите 49 борбени бригади.

Авторите на планот за зголемување на силите нагласуваат дека ќе бидат потребни значителни дополнителни финансиски средства, бидејќи потребите далеку ги надминуваат сегашните референтни граници за издвојување за одбрана од два проценти од БДП. Исто така, се нагласува дека времето е критичен фактор, бидејќи Русија секој ден станува се посилна и поспремна за потенцијална војна.

The post НАТО распоредува 49 нови бригади во Европа appeared first on Република.

Од денеска до 16 октомври, НАТО ќе распореди околу 200 припадници на новоформираните сојузнички сили за одговор (АРФ) на Западен Балкан, со цел да започнат со обука и да бидат подготвени да им помогнат на членовите на КФОР.

КФОР соопшти дека ова е првпат да се распоредат припадници на АРФ по формирањето на таа формација во јули годинава, а се додава дека ќе бидат распоредени 50 членови на Оперативниот тим за врски и извидување во рамките на АРФ во Косово, додека останатите ќе бидат распоредени во Македонија.

Распоредениот персонал ќе се обучи за одржување на високо ниво на подготвеност и тестирање на вештини и процедури за брзо распоредување. Еден дел од администрацијата на АРФ привремено ќе биде интегриран во командната структура на мисијата на КФОР, со задача да ги утврди логистичките, инфраструктурните и оперативните потреби на КФОР, што треба да претставува значително зајакнување на состојбата на КФОР, се наведува во соопштението.

Се додава дека АРФ е „стратешка, високо подготвена сила подготвена за делување на многу области“ и дека се во состојба да се распореди во многу краток временски период.

The post НАТО распоредува нови 150 војници во Македонија appeared first on Република.

Припадниците на Армијата, од гарнизоните Кичево, Штип и Тетово, согласно укажаната потреба продолжуваат и понатаму да учествуваат во гасењето на пожарите.

Ангажирани се во гаснењето во реоните на општините Македонски Брод, Свети Николе, Кратово, Пехчево и Пробиштип.

На терен се над 150 армиски припадници кои гаснат од земја, а активирани се и армиските хеликоптери кои гаснат од воздух.

The post Припадници на АРМ на терен, гаснат пожари во Македонски Брод, Свети Николе, Кратово, Пехчево и Пробиштип appeared first on Република.

Гордана Сиљановска Давкова, претседателката на државата и командант на врховните сили денеска во 12 часот ќе ги посети припадниците на Армијата кои учестуваат во гаснењето на големиот шумски пожар на планината Серта, кај неготинското село Калањево, информираат од Центарот за управување со кризи (ЦУК).

The post Сиљановска Давкова ќе ги посети војниците кои го гаснат пожарот на планината Серта appeared first on Република.

Европските земји-членки на НАТО немаат доволно воен персонал и во случај на конфликт со Русија ќе им биде тешко да привлечат повеќе од 300.000 војници, пишува „Фајненшл тајмс“.

На хартија, европските сојузници во НАТО имаат вкупно 1,9 милиони војници - очигледно доволно за да се спротивстават на Русија (1,1 милион војници и 1,5 милиони резервисти). Се очекува тие да учествуваат во конфликтот, но и во случај нан нивен максимален ангажман, подготовката ќе трае со месеци“, оценуваат аналитичарите со коис се консултира „Фајненшл тајмс“.

The post „Фајненшл тајмс“: Европа нема доволно војници за војна против Русија appeared first on Република.

Балтичките земји би можеле да испратат свои трупи во Украина доколку ситуацијата на бојното поле значително се влоши, објави германскиот весник „Дер Шпигел“ (Der Spiegel).

Според весникот, германскиот канцелар Олаф Шолц сака да ја убеди германската и европската јавност дека не сака понатамошна ескалација на конфликтот во Украина, па затоа е многу внимателен кога станува збор за испраќање оружје, особено за она што Украинците би можеле да го употребат за напади на руска територија.

Шолц исто така ја блокира испораката на крстосувачките ракети Таурус и одбива заштита на украинскиот воздушен простор од територијата на НАТО или обука на украинските војници од страна на Алијансата во Украина.

Но, додека Шолц предупредува на ескалација на војната и ја фали германската и американската воздржаност, источноевропските земји-членки на НАТО стравуваат дека токму оваа политика може да предизвика дополнителна ескалација.

„Дер Шпигел“ потсетува дека минатата недела, на маргините на Конференцијата за надворешна и безбедносна политика на Ленарт Мери во Талин, претставниците на балтичките држави ги предупредија владините претставници од Берлин за последиците од германската политика. Нивниот аргумент е: ако Русите постигнат стратешки пробив во источна Украина бидејќи Западот само со половина срце му помага на Киев, ситуацијата може драматично да се влоши.

Германскиот весник наведува дека претставниците на балтичките земји и на Полска не би чекале руските војници да бидат распоредени на нивната граница, туку би испратиле војници во Украина. А со тоа НАТО ќе заземе страна во војната.

Германија е на второ место, зад САД по испратената помош за Украина.

The post Некои земји-членки на НАТО би можеле да испратат војници во Украина appeared first on Република.

НАТО нема намера директно да се вклучи во конфликтот во Украина и нема да испрати војници, изјави шефот на НАТО Јенс Столтенберг.

„НАТО нема намера директно да учествува во конфликтот“, изјави генералниот секретар на НАТО во интервју за италијанскиот весник „Република“.

Според него, алијансата се соочува со две главни задачи: да го поддржи Киев и да го спречи ширењето на конфликтот надвор од Украина.

„Претседателот Путин не веруваше дека ќе му пружиме толкава помош на Зеленски, но во исто време јасно ставивме до знаење дека нема да испраќаме војници. Украина не ги побара од нас, тие од нас бараат поддршка, муниција и офанзива, артилерија“, рече Столтенберг.

Столтенберг нагласи дека не гледа „непосреден ризик од каков било воен напад врз кој било сојузник на НАТО“ од страна на Русија. Истовремено, тој ја нарече „непромислена руска нуклеарна реторика“, според него, НАТО не гледа никакви промени во позицијата на Москва од оваа гледна точка.

The post НАТО нема да испраќа војници во Украина appeared first on Република.

Претседателот е врховен командант на вооружените сили. А вооружените сили се бранителот на територијалната независност и интегритет на Македонија. Во војската мора да има ред! Во војската мора да има хиерархија! Во војската мора да има стандарди! Особено мора да ги почитуваме НАТО стандардите бидјеќи сме членка на сојузот!

Ова го истакна кандидатот за претседател од ВМРО-ДПМНЕ, професорката Гордана Силјановска-Давкова од митингот во Прилеп.

Меѓутоа ако и таму има политизација и партизација, ако нема доволни жени на клучни позиции, тогаш мислам дека прашалникот е голем. Зошто жени? Бидејќи и јас како и сите жени, сум горда и знам дека во сите области можеме да внесеме нешто ново. А важно е бидејќи главните жртви во сите војни се жените и децата. Кога има жени во Армијата и на клучни фукции, на клучните позиции во државата, тогаш има поголеми гаранции за мир!

https://www.youtube.com/live/w5U7H9SpTUM?si=l-5vFSL3N1IOEfjX

The post Силјановска Давкова: Ќе се залагам АРМ секогаш да ги исполнува НАТО стандардите и да вклучува повеќе жени! appeared first on Република.

Шпанските војници почнуваат се помасовно да го менуваат полот за да добијат повеќе бенефиции, коишто се резервирани за жените.

Новиот тренд предизвикува најпогоден пол за шпанската армија да биде „однадвор хетеросексуалец, а внатре лезбејка“, пишува „Телеграф“.

Британскиот весник ги пренесува зборовите на Роберто Пердигонес, воен офицер кој минатата година се пријавил како жена. Тој сега заработува повеќе пари и живее во луксузна куќа.

Однадвор се чувствувам како стрејт маж, но одвнатре сум лезбејка. Откако го сменив полот, ми рекоа дека ми е зголемена пензијата затоа што на жените им се плаќало повеќе за да ја надоместат нееднаквоста. Добивам и 15 отсто повеќе плата затоа што сум мајка“, вели Пердигонес.

The post Шпанските војници почнаа да го менуваат полот за да добијат повеќе бенефиции appeared first on Република.

Идејата за отворање на центри за рехабилитација на ранети и повредени украински војници, но и деца во земјите од Западен Балкан, вклучително и Македонија, начелно е прифатлива за нас, но потребна е конкретна разработка на деталите, што ќе биде во надлежност на владите од земјите кои ќе земат учество во програмата, велат од Кабинетот на претседателот на државата Стево Пендаровски по првичниот предлог на премиерот на Хрватска, Андреј Пленковиќ и претседателот на Црна Гора, Јаков Милатовиќ.

На новинарско прашање дали има пристигнато официјално барање и дали ова прашање е разговарано на седница на Советот за национална безбедност, за тоа какви би биле импликациите по националната безбедност, од Кабинетот на претседателот, информираат дека станува збор за првичен предлог од страна на премиерот на Хрватска, Андреј Пленковиќ и претседателот на Црна Гора, Јаков Милатовиќ, со оглед на тоа дека тие две држави веќе имаат искуство и капацитети за рехабилитација од воените дејствија во 1990-те.

Идејата, начелно, е прифатлива за нас, при што е потребна конкретна разработка на деталите, што ќе биде во надлежност на владите од земјите кои ќе изразат согласност да земат учество во оваа програма, се вели во одговорот од Кабинетот на Пендаровски.

Идејата балканските држави, вклучително и Македонија, да помогнат во рехабилитацијата на деца и војници од воените зони во Украина, како што објави на Х (твитер) претседателот на Украина Володомир Зеленски, била дискутирана на средби со претседателите на Македонија и на Црна Гора, Стево Пендаровски и Јаков Милатовиќ, на самитот Украина – Југоисточна Европа што се одржа во Тирана на 28 февруари годинава.

Во објавата на Зеленски, по средбата со Пендаровски, се вели дека го информирал претседателот Пендаровски за моменталната ситуација на бојното поле и за одбранбените потреби на Украина, како и дека изразил благодарност за целата политичка поддршка и јасниот став за иднината на Украина во НАТО.

Ја истакнав важноста од учеството на Македонија во спроведувањето на Формулата за мир и подготовката за првиот Глобален самит за мир во Швајцарија. Посебно внимание посветивме на можноста за формирање центар за рехабилитација за ранетите украински војници и украинските деца со помош на балканските држави, се вели во објавата на Зеленски на Х (твитер).

I met with North Macedonia's President @SPendarovski and expressed gratitude for all of the political support and clear stance on Ukraine's future in NATO.

I informed President Pendarovski of the current battlefield situation and Ukraine's defense needs.

I emphasized the… pic.twitter.com/Sc3R8Hp1Yu

— Volodymyr Zelenskyy / Володимир Зеленський (@ZelenskyyUa) February 28, 2024

Во соопштението од Кабинетот на Претседателот Стево Пендаровски, по средбата со Зеленски во Тирана, во рамки на учеството на самиот Украина – Југоисточна Европа, беше соопштено дека двајцата претседатели разговарале за последниот развој на случувањата во Украина и можностите за продлабочување на соработката во насока на поддршка на украинскиот народ и враќање на територијалниот интегритет на Украина во рамките на нејзините меѓународно признаени граници.

Претседателот Пендаровски го реафирмираше ставот дека Македонија од самиот почеток силно ја осудува агресијата на Руската Федерација врз Украина која претставува повреда на Повелбата на ОН и принципите на ОБСЕ. Воедно, претседателот ја поздрави одлуката на Европскиот совет за отворање на преговори за членство на Украина во ЕУ и истакна дека Македонија, како земја-членка на НАТО, останува посветена на политиката на отворени врати и ја поддржува апликацијата на Украина за членство во Алијансата“, се вели во соопштението од Кабинетот на Пендаровски по средбата со Зеленски.

Хрватска во 2023 година, со одлука на Владата прими ранети Украинци и ги згрижи во своите здравствени установи.

The post За Пендаровски е прифатливо во Македонија да се лекуваат ранети украински војници appeared first on Република.

Израелската армија денеска соопшти дека во судирите во јужниот дел на Појасот Газа загинал еден војник, а 13 се повредени.

Во соопштението се наведува дека загинал 21-годишен војник, а од повредените шестмина се во тешка здравствена состојба.

Израелската армија истакна дека од 7 октомври минатата година кога почна војната во Појасот Газа загинале 587 војници, од кои 247 во текот на копнената инвазија.

The post Од почетокот на војната во Појасот Газа загинале 587 израелски војници appeared first on Република.

Словачкиот премиер Роберт Фицо денеска изјави дека Словачка нема да испраќа свои војници на територијата на Украина.

Словачка ќе и понуди на Украина можност да обучува војници на наша територија, поточно единици за деминирање, изјави премиерот по состанокот на владата пред самитот на претставниците на ЕУ и другите земји од НАТО денеска во Париз.
Во Париз ќе има разговори за „нов квалитет, нов обем на поддршка за Украина во наредниот период“, рече Фицо и додаде дека сака да ја отвори темата за мировниот план.

„Тезите на преговорите сведочат за фактот дека работите во Украина одат далеку над очекувањата. Како е можно да имаме воен план, а не мировен план“, изјави Фицо, пишува словачкиот весник „Стандард“.

Преостанатите две коалициски партии, Глас и Словачката национална партија (СНС), се согласија со одлуката да не се испраќаат словачки војници во Украина

The post Фицо: Словачка нема да испраќа војници во Украина appeared first on Република.

Израелската војска соопшти дека 21 нејзин војник загинале во Појасот Газа, кога две згради се урнале по голема експлозија, а тенк бил погоден од проектил.

Портпаролот на Израелските одбранбени сили (ИДФ) контраадминистраторот Даниел Хагари, соопшти дека вкупно 21 војник загинале во вчерашниот инцидент во центарот на Газа, во близина на пограничната заедница Кисуфим.

Тој вели дека војниците оперирале во област на околу 600 метри од границата, уништувајќи структури и локации на Хамас, како дел од напорите на армијата да воспостави тампон зона за да им овозможи на жителите на израелските погранични заедници да се вратат во своите домови.

Како што дознаваме, околу 16 часот од страна на терористите биле испукани гранати кон тенк кој ги обезбедувал силите, а истовремено се случила и експлозија во две двокатни згради. Зградите се урнаа поради оваа експлозија, додека повеќето сили беа внатре и во нивна близина, вели тој.

Хагари вели дека експлозијата најверојатно била резултат на мини поставени од војниците за да ги урнат зградите, но причината за детонацијата сè уште се истражува.

Неколку часа спасувачките сили работеа на извлекување на жртвите од урнатите згради, пренесува Тајмс оф Израел.

The post Најсмртоносен ден за израелската војска: Во експлозија загинаа 21 војници appeared first on Република.

И за ова ли не знае министерката за одбрана Славјанка Петровска, прашува пратеникот Драган Ковачки, откривајќи нов скандал во Министерството и Армијата на Македонија.

Во Министерството за одбрана имаме најнов изум на кој никој во институцијата се немаше сетено. Барем досега.
Имено, политичкиот габарит Славјанка Петровска која си се испофали дека веќе инвестирала и ќе инвестира во човечки ресурси, има “иновативен” пристап во инвестирањето.
Еве ја најновата иновација и “инвестиција” во човечки ресурси на Петровска:
За да бидат примени како професионални војници, Албанци биле принудени да се пишуваат дека се Македонци. На тој начин им ги земале местата на кандидатите кои биле Македонци (?)!!
Овде има партиска математика и истата е пред се’ поради партиските договарања и обидите на распаднатите од СДС да им се додворат на зелените од ДУИ за да на изборите одат со заеднички листи.
Славјанка Петровска треба да знае дека одбраната на државата не трпи импровизации и изигрување на законите. За да го спаси трајно неспособниот Ковачевски од дебакл, не смее да им удоволува на своите газди од ДУИ и да си игра со полнење на армијата со кадри на кои утре ќе им ја довери одбраната на државата, а кои со лажна етничка припадност биле примени на работа во МО.
Славјанка Петровска е директно одговорна за ова изигрување на законите и партиските пазарења во кои СДС повторно е искористен еднократно од страна на газдите од ДУИ.
Се поставува прашањето дали Славјанка Петровска повторно потпишала нешто за кое не знаела, или да се изразам во нејзин стил - знаела ама не била информирана?, прашува Ковачки.

The post Војници Албанци се пишуваат Македонци за да се вработат во МО appeared first on Република.

Германскиот канцелар Олаф Шолц денеска го повика рускиот претседател Владимир Путин да го направи првиот чекор кон мирно решавање на конфликтот во Украина.

-Тој мора да ги повлече војниците, рече Шолц за време на посетата на Нутетал, во сојузната покраина Бранденбург, пренесоа британските медиуми.

Германскиот канцелар беше дециден дека во моментов нема знаци дека тоа се случува.

-Путин не смее да успее во својата цел, со употреби сила да анектира делови од соседна земја, рече Шолц.

Тој уште еднаш изрази уверување дека Германија ќе и помага на Украина во нејзината одбрана од руската агресија, се додека тоа е потребно.

The post Шолц: Путин мора да го направи првиот чекор и да ги повлече војниците од Украина appeared first on Република.

Бројот на жртви на фронтот во Украина се ближи до 500.000 руски и украински војници. Американски официјални лица за „Њујорк тајмс“ рекоа дека станува збор за значителен пораст на бројот на загинати во 2023 година како резултат на интензивните борби на истокот на земјата.

Руските загуби се ближат до бројката од 300.000, меѓу кои и 120.000 кои загинале во борбите. Украина, наводно, има 70.000 загинати и меѓу 100.000 и 120.000 ранети. Големиот број на жртви на двете страни е последица на жестоките борби во близина на Бахмут.

The post Речиси 500.000 загинати руски и украински војници – жестоки борби за и околу Бахмут appeared first on Република.

Осум лица се затруле со јаглерод моноксид додека црпеле вода од подрумот на Домот на културата во Чрна на Корошкем.

Меѓу нив има и седум војници кои превентивно се пренесени на лекување во болница, јавува РТВ Словенија.

Главниот медицински офицер на словенечката армија Роберт Карота соопшти дека на гасот биле изложени 32 лица, од кои 18 припадници на македонската армија, шест припадници на словенечката армија и осум пожарникари.

Сите се надвор од животна опасност, а на превентивно лекување во болницата се испратени пет припадници на словенечката армија, двајца припадници на македонската армија и еден пожарникар.

Словенија на почетокот на август беше погодена од силни поплави, во кои загинаа шест лица.

The post Македонски војници затруени со јаглерод моноксид во Словенија, двајца се во болница appeared first on Република.

Полска планира да распореди до 10.000 дополнителни војници на границата со Белорусија за поддршка на Граничната стража, изјави денеска министерот за одбрана Мариуш Блашчак.

Околу 10.000 војници ќе бидат на границата, од кои 4.000 директно ќе ја поддржуваат Граничната стража, а 6.000 ќе бидат во резерва, соопшти министерот во интервју за јавното радио.

Ја приближуваме армијата до границата со Белорусија за да го избркаме агресорот, за да не се осмели да нè нападне, изјави Блашчак.

Заменик-министерот за внатрешни работи Масиеј Вашик вчера изјави дека Полска ќе испрати дополнителни 2.000 војници на границата со Белорусија.

The post Полска испраќа 10.000 војници на границата со Белорусија appeared first on Република.

ПОЛСКА ќе испрати 2.000 војници на границата со Белорусија како поддршка на граничната стража, рече Мациеј Васик, заменик-министер за внатрешни работи. Полска и Литванија изразија загриженост поради белоруските воени вежби во Сувалки истмус.

Во вежбите во близина на границата учествуваа и платеници на групата Вагнер, а неодамна имаше информации дека платеничката група има намера да формира камп на 24 километри од јужната граница на Белорусија со Украина.

The post Полска испраќа 2.000 војници на границата со Белорусија appeared first on Република.