Тројца украински воени пилоти загинале во судар на два авиони за обука Л-39 на небото над централна Украина.

Како што соопштија од украинското воздухопловство, несреќата се случила во областа Житомир, која се наоѓа западно од главниот град Киев. Воздухопловните сили соопштија дека еден од пилотите, чиј прекар бил „Џус“, бил познат по многуте интервјуа што ги дал за странски медиуми.

Изразуваме сочувство до семејствата на загинатите. Тоа е болна и непоправлива загуба за сите нас“, напишаа украинските воздухопловни сили на социјалната мрежа Телеграм, додавајќи дека е во тек истрага за да се утврдат причините за судирот.

Смртта на тројцата пилоти е тешка загуба за Украина, која се подготвува со огромни напори да ги обучи што е можно побрзо екипажите на своите воздухопловни сили да управуваат со борбени авиони Ф-16 кои ги вети Западот. Досега на Киев му се ветени најмалку 61 од овој тип воени авиони.

The post Се удриле меѓу себе: Тројца воени пилоти загинале во судар на два авиони над централна Украина appeared first on Република.