Израелската армија објави подготвеност за војна и ги мобилизира резервистите кои веднашпочнаа со воздушни напади врз Појасот Газа, два часа откако исламистичката организација Хамас изврши ненадеен ракетен напад врз израелска територија од таа територија.

Израел објави подготвеност за војна и го обвини Хамас, кој владее со Појасот Газа, за нападот. Армијата соопшти дека Хамас „ќе ги сноси последиците и одговорноста за настаните“

Министерот за одбрана Јоав Галан прогласи мобилизација на резервистите и вонредна состојба на 80 километри од Појасот Газа, по ненадејниот напад на Хамас, соопшти неговиот кабинет. Бројот на резервисти кои ќе бидат повикани ќе зависи од потребите на армијата, пишува „Тајмс оф Израел“.

The post Израел прогласи воена состојба и мобилизација appeared first on Република.

Рускиот претседател Владимир Путин денеска соопшти дека потпишал закон за воведување воена состојба во четирите украински региони кои Кремљ се обиде да ги присоедини, што е кршење на меѓународното право, јави Си-Ен-Ен.

Региони се Херсон, Запорожје, Доњецк и Луганск.

Путин ова го соопшти за време на состанокот на рускиот Совет за безбедност.

Тој додаде дека шефовите на тие области ќе добијат дополнителни овластувања за обезбедување сигурност на граѓаните.

The post Путин прогласи воена состојба во четири украински региони за кои тврди дека ги анектираше appeared first on Република.

Украинскиот Парламент изгласа продолжување на воената состојба и општа мобилизација за три месеци.

Врховната Рада гласаше за продолжување на воената состојба до 23 август, а општата мобилизација е продолжена за три месеци.

Украинскиот претседател Володимир Зеленски претходно до Врховната Рада на Украина поднесе предлог-закони за продолжување на воената состојба и мобилизацијата, кои истекуваа на 24 мај.

Воената состојба во Украина беше воведена на 24 февруари, кога започна воената инвазија на Русија против таа земја.

The post Воената состојба во Украина е продолжена до крајот на август appeared first on Република.

Претседателот на непризнатата Република Нагорно-Карабах Араик Харутјуњан потпиша указ за привремено ограничување на правата и слободите поради воведување на воена состојба, се наведува на Телеграмскиот канал на официјалниот информативен центар на НКР.

Претседателот на Република Нагорно-Карабах, Араџик Харутјуњан, потпиша указ за привремено ограничување на правата и слободите во услови на воена состојба прогласена на територијата на Република Арка (Нагорно-Карабах)“, пренесе агенцијата РИА Новости.

Според уредбата, правото на слобода на собирање е ограничено, а штрајковите се забранети.

Покрај тоа, се прекинува работата на организациите кои се занимаваат со пропаганда или други активности насочени против одбранбените способности и безбедноста на Република Арках“, беше кажано на каналот Телеграм.

Министерството за внатрешни работи и Службата за национална безбедност на непризнаените републики се одговорни за примената на привремените ограничувања на правата и слободите утврдени со таа уредба.

Азербејџанските вооружени сили влегоа во областа на одговорност на руската мировна мисија во Нагорно-Карабах и извршија четири напади врз вооружените формации на Нагорно-Карабах, користејќи беспилотно летало Бајрактар ​​ТБ2 во близина на селото Фурух, соопшти денеска руското Министерство за одбрана.

Азербејџанските вооружени сили влегоа во зоната на одговорност на рускиот мировен контингент во Нагорно-Карабах од 24 до 25 март, прекршувајќи ги одредбите од трилатералната изјава на лидерите на Русија, Азербејџан и Ерменија од 9 ноември 2020 година и формираа набљудувачница, се вели во соопштението, пренесено од ТАС С.

Беспилотното летало „Бајрактар“ ТБ2 извршило четири удари врз вооружените формации на Нагорно-Карабах кај Фурух, се вели во соопштението.

The post Во Нагорно Карабах е прогласена воена состојба, aзербејџанските сили извршиле четири напади со беспилотни летала appeared first on Република.

Украинскиот претседател Володимир Зеленски ја продолжи воената состојба во земјата за уште 30 дена од 26 март, соопшти денеска прес-службата на Врховната Рада.

Претседателот на Украина потпиша неколку воени закони, меѓу кои и оној за продолжување на воената состојба во Украина. Со законот се продолжува воената состојба во државата за 30 дена од 26 март 2022 година, се наведува во соопштението.

Врховната Рада на 15 март го усвои предлог-законот за продолжување на воената состојба.

Воената состојба во Украина беше воведена на 24 февруари, на почетокот на руската инвазија врз таа земја, која, според Москва, има за цел да изврши денацификација и демилитаризација на Украина.

The post Воената состојба во Украина продолжена за 30 дена appeared first on Република.

Украинскиот министер за одбрана Алексеј Резников изјави дека нема основа за воведување воена состојба во земјата.

Сигурен сум дека во моментов нема апсолутно никаква причина да се воведе таквата одредба за посебен правен режим, рече Резников за украинската телевизија ICTV, одговарајќи на прашањето дали треба да се очекува воена состојба.

Само за да се регулира или нормализира медиумската атмосфера и простор, тоа во никој случај не може да се направи, додаде министерот.

Јас сум апсолутно мирен и убеден дека ќе ја преживееме оваа криза. Пред се, таа е навистина информативна, кажа министерот Резников, додавајќи.

Но, воена состојба се воведува доколку има директна агресија, како инвазија. Се надевам дека таква инвазија нема да се случи и затоа се ќе биде во ред.

Украинскиот претседател Владимир Зеленски на средбата со германскиот канцелар Олаф Шолц вчера изјави дека неговото семејство останува во главниот град. Тој, исто така, заминувањето на дипломатите од голем број западни земји во врска со ситуацијата околу Украина го нарече „голема грешка“.

The post Резников: Нема основа за воведување воена состојба во Украина appeared first on Република.

Во делот на границата меѓу Таџикистан и Киргистан избувна престрелка меѓу војници од двете страни, соопшти Граничната служба на Државниот комитет за национална безбедност на Киргистан (СЦНС).

Ситуацијата во киргистанско-таџикистанскиот дел на државната граница се карактеризира како тензична. Таџикистанската страна користи минофрлачи и фрлачи на гранати во областите Торт-Кочо и Чир-Добо“, се вели во извештајот. Засега нема информации за загинати или повредени.

На границата е прогласена воена состојба, а стационирани се силите на Државниот комитет за национална безбедност, полицијата и армијата.

Жителите на киргистанските села долж границата со Таџикистан почнаа да ги напуштаат своите домови поради престрелката меѓу војниците од двете страни.

Администрацијата на регионот Баткен во Киргистан соопшти дека жените, децата и постарите лица се евакуирани на безбедно од селата во зоната на конфликтот.

The post Престрелка меѓу војници на киргистанско-таџикистанската граница, прогласена воена состојба appeared first on Република.