Маж од Јужна Кореја е осуден на условна затворска казна од една година, бидејќи намерно се здебелил повеќе од 20 килограми, за да избегне воена служба, соопшти денеска Судот во Сеул.

Според судската одлука, и пријател на осудениот добил условна казна од една година затвор затоа што му помогнал да избегне воена служба. Во 2017 година оној кој требало да служи војска, тежел 83 килограми, но по советот на неговиот пријател дека може да ја избегне воената служба доколку има вишок килограми, тој го удвоил дневниот внес на храна, сосредоточувајќи се на висококалорични прехранбени производи. Според тамошните медиуми, и двајцата се на возраст од 26 години.

На три прегледи од 2022 до 2023 година тој тежел од 102 до 105 килограми, поради што тој требало да одработи само цивилна воена служба.

Инаку, од Јужнокорејците - мажи на воена возраст, се бара да отслужат воен рок од 18 до 21 месец, со тоа што лицата со здравствени проблеми, служат цивилна воена служба во установи како што се центрите за социјална помош. Мажите со сериозни здравствени проблеми се ослободени од воени должности.

Во Јужна Кореја годишно се забележуваат околу 50 до 60 случаи на избегнување воена служба.

The post Намерно се здебелил за да избегне служење војска appeared first on Република.

Финска ќе потпише договор за соработка на воено поле со САД со што ќе се овозможи пристигнување на американски војници и воен материјал за помош во одбраната на оваа нордиска земја, соопштија од Владата во Хелсинки.

Нордискиот сосед на Русија, Финска, стана најновата членка на НАТО оваа година, како одговор на руската инвазија на Украина, започната на крајот на февруари 2022 година.

Договорот со САД, што ќе биде потпишан в понеделник, има за цел да овозможи брз воен пристап и помош за Финска во случај на конфликт, изјавија официјални лица.

„Фактот дека нема да има потреба да се договориме за се посебно го олеснува организирањето на мировните операции, но пред се може да биде од витално значење во кризите“, рече Елина Валтонен, финска министерка за надворешни работи.

Договорот наведува 15 објекти и области во Финска до кои американската војска ќе има неограничен пристап и каде што исто така може да складира воена опрема и муниција.

The post Финска и САД постигнаа договор за воена соработка appeared first on Република.