Администрацијата на американскиот претседател Џо Бајден соопшти дека ќе испрати воена помош во вредност од 425 милиони долари за Украина.

Овој пакет помош вклучува оружје што може да се извлече од постоечките американски воени резерви, вклучувајќи противвоздушни ракети, ракети за системите ХИМАРС и топови со калибар од 155 милиметри, како и оклопни возила и противтенковско оружје.

Украинската војска е во лоша состојба во борбите во регионот Доњецк, каде што руските сили секојдневно напредуваат.

The post На неколку дена пред изборите: Нова американска воена помош за Украина appeared first on Република.

Речиси три години, САД ги собираат сојузниците во поддршка на украинскиот народ додека ја брани својата слобода од руската агресија. Главен приоритет на мојата администрација е да ѝ се обезбеди на Украина потребната поддршка за да победи во оваа борба“ изјави американскиот претседател Џо Бајден.

Тој го потврди „наглиот раст“ на воената помош за Украина, откривајќи детали од новиот пакет:

2,4 милијарди долари финансирање за Украина преку Иницијативата за безбедносна помош во Украина. На Украина ќе и обезбеди дополнителна противвоздушна одбрана и муниција воздух-земја.

- САД ќе ѝ дадат на Украина оружје со долг дострел (Joint Standoff Weapon - JSOW), таканаречени лизгачки бомби.

- Украина ќе добие и „стотици дополнителни ракети Patriot и AMRAAM“ следната година.

- Повеќе ракети за повеќецевни фрлачи од типот ХИМАРС, кои Украинците ги користат исклучително ефикасно против руските сили.

- Се проширува обуката за украинските пилоти на авиони Ф-16. Тоа значи обука за дополнителни 18 пилоти следната година.

- САД ќе продолжат да ги зголемуваат трошоците за Русија за нејзината војна во Украина и да ја лишуваат руската одбранбена индустриска база од ресурси.

Бајден вети и дека ќе свика нов состанок на Контакт групата за одбрана на Украина во Германија со цел да се координираат напорите на 50-те земји кои ја поддржуваат Украина.

Веројатно најзначајниот дел од новиот пакет помош од САД, најавен денеска за Украина, се т.н. лизгачки бомби. Тоа е оружје кое Русија го користи веќе извесно време во војната, а Киев го посакува долго време.

Американските воздушни сили ги опишуваат лизгачките бомби како „оружје без мотор, дизајнирано да уништува цели од висока вредност.“ Тие се долги 3,65 метри, со тежина од 1.133 килограми, и со цена од 245.000 долари по бомба се значително поевтини од балистичките проектили.

Овие бомби можат да бидат лансирани од украинските борбени авиони Ф-16, а имаат можности за сателитско наведување и прецизно насочување кон метите.

Овие бомби се опремени со можности за сателитско наведување кои им помагаат да се движат во сите услови, дење и ноќе, но и за време на лоши временски услови.

Операторот може да ги води со далечински управувач по лансирањето од авион, но може и претходно да се „фиксираат“ на цели, кон кои потоа автоматски ќе се водат. Нивните крила се обликувани како буквата X, што им помага да се лизгаат низ воздухот и прецизно да ја следат патеката до нивната цел.

Нивниот распон на крила е околу метар и половина.

The post Новиот огромен американски пакет воена помош за Украина вклучува и „лизгачки“ бомби appeared first on Република.

Германија нема да прекине со давањето воена помош на Украина, изјави денеска германскиот канцелар Олаф Шолц во воената база во близина на градот Тодендорф.

На овој начин тој се обиде да ги отфрли стравувањата дека Берлин може да го разочара Киев поради домашната буџетска криза и медиумските извештаи за замрзнување на новата германска воена помош.

„Германската поддршка за Украина нема да престане. Постигнавме договори за одбрана и обезбедивме финансии навреме за Украина да продолжи целосно да се потпира на нас во иднина“, рече Шолц.

The post Германија нема да прекине со давањето воена помош на Украина appeared first on Република.

Шефот на европската дипломатија, Жозеп Борел, изјави дека најавеното намалување на германската помош за Украина е „многу загрижувачко“ и претставува „лоша вест“.

Француски „Монд“ го цитира Борел, кој во Сантандер, на северот од Шпанија, изјави дека Германија прави многу за да и помогне на Украина да се спротивстави на Русија и затоа претстојното намалување на помошта од Берлин е „многу загрижувачко“.

Германскиот канцелар Олаф Шолц во вторникот изјави дека ништо не може да влијае на тоа Германија да ги прекрши своите ветувања за поддршката на Украина и изрази изненадување од извештаите во германските медиуми дека официјален Берлин има намера да ја намали воената помош за Киев.

Тој потврди дека германската Влада планира следната година да одвои четири милијарди евра за воена поддршка на Украина и посочи дека оваа сума е поголема од издвојувањето на која било друга европска земја, пренесоа украинските медиуми.

Шолц потсети дека, според одлуката на земјите-членки на Г7, Украина ќе добие заем од 50 милијарди евра од средствата од конфискуваниот имот на Руската Федерација, истакнувајќи дека официјален Киев со овие пари ќе може да купи оружје.

Германскиот весник „Франкфуртер алгемајне цајтунг“ претходно објави дека Германија „остро ја намалува“ воената помош за Украина и дека Берлин, наводно, веќе престанал да плаќа за поправка на германската опрема оштетена во Украина. Весникот наведе дека во нацрт-буџетот за следната година Германија сака да ги преполови издвојувањата за Украина.

The post Борел е многу загрижен поради најавата дека Германија ќе ја намали помошта за Украина appeared first on Република.

Германија планира во нацрт-буџетот за 2025 година да ја преполови својата билатерална воена помош за Украина и да се потпре на приходите од замрзнатите руски средства за да продолжи да го поддржува Киев.

-Владата на Олаф Шолц, која се обидува да заштеди пари, не планира „никаква дополнителна помош“ од четири милијарди евра буџетирани за следната година за воена помош за Украина, изјави извор од германскиот парламент.

Годинава помошта на Берлин, вториот придонесувач по САД, изнесува осум милијарди евра.

The post Германија: Буџетот за 2025 година планира да ја намали билатералната воена помош за Украина appeared first on Република.

Според нацрт-буџетот одобрен од владата, Германија следната година планира речиси за половина да ја намали воената помош за Украина, од околу осум милијарди евра на околу четири милијарди евра.

Министерот за финансии Кристијан Линднер рече дека финансирањето на Украина е „сигурно во догледна иднина“ поради планот на Г7 да собере 50 милијарди долари од каматите на замрзнатите руски средства.

Германија е вториот најголем воен донатор на Украина, по САД. Во 2024 година германскиот буџет за Киев изнесуваше речиси 7,5 милијарди евра.

Планираните намалувања на помошта доаѓаат поради стравувањата во Украина и меѓу нејзините европски сојузници дека американското финансирање би можело да биде намалено или дури и запрено доколку Доналд Трамп победи на претседателските избори во ноември.

The post Германија ќе ја намали воената помош за Украина appeared first on Република.

НАТО официјално се обврза да обезбеди воена помош за Украина во висина од 40 милијарди евра следната година, стои во заклучната декларација усвоена од шефовите на државите и владите на земјите-членки на Алијансата на состанокот во Вашингтон.

Ние имаме намера да обезбедиме пакет основна помош во вредност од најмалку 40 милијарди евра следната година и потоа да ја одржуваме безбедносната помош на одржливо ниво, така што Украина ќе победи, се наведува во соопштението, одобрено вчера по локално време во главниот град на САД од Северноатлантскиот совет - највисокиот политички орган за донесување одлуки во НАТО.

Во петокот, генералниот секретар на НАТО, Јенс Столтенберг, потврди дека алијансата ќе обезбеди воена помош за Украина во висина од 40 милијарди евра следната година. Сојузниците се договориле да го одржуваат овој финансиски ангажман и во 2026 година како минимално ниво потребно за задоволување на потребите на Украина за заштита од руската агресија, додаде тој.

Меѓутоа, ветувањето за 40 милијарди евра не е повеќегодишен финансиски ангажман за поддршка на Украина, што Столтенберг сакаше да биде одобрено од НАТО. Следната година, алијансата ќе направи ревизија на воената помош за оваа земја.

Унгарија, која се спротивставува на воената помош за Украина, доби право да не ја дава истата.

Лидерите на НАТО објавија дека патот на Украина кон членство во НАТО е неповратен, но не наведоа конкретни рокови. Поранешната советска република ќе може да се приклучи кон западниот воен сојуз кога ќе ги исполни соодветните услови и ќе биде постигната согласност меѓу земјите-членки.

Денеска лидерите на НАТО ќе се сретнат со украинскиот претседател Володимир Зеленски на состанок на Советот НАТО-Украина. Зеленски пристигна во Вашингтон со барања за членство и зголемување на помошта, особено во областа на противвоздушната одбрана.

Завчера, на првиот ден од самитот, сојузниците од НАТО се обврзаа да обезбедат десетици системи за противвоздушна одбрана на Украина, вклучувајќи четири системи „Патриот“.

Во заклучната декларација, лидерите на алијансата изразија загриженост за зближувањето меѓу Русија и Кина и ја осудија поддршката на Пекинг за руската инвазија во Украина. „Продлабочувањето на стратешкото партнерство меѓу Русија и Кина, како и нивните заеднички обиди да го дестабилизираат и прекројат поредокот базиран на правила, предизвикуваат длабока загриженост“, се вели во текстот.

Денеска, на последниот ден од Самитот, лидерите на НАТО ќе имаат состанок со партнери од Индо-Пацифичкиот регион и Европската Унија. Поканети се лидерите на Австралија, Нов Зеланд, Јапонија, Јужна Кореја, Украина и ЕУ, соопшти Стејт департментот на САД.

Пред почетокот на состанокот во Вашингтон, Кина ја критикуваше активноста на НАТО во Азијатско-тихоокеанскиот регион.

The post НАТО официјално се обврза да обезбеди воена помош за Украина во висина од 40 милијарди евра следната година appeared first on Република.

Данскиот министер за одбрана, Троелс Лунд Поулсен, на платформата „Икс“ соопшти дека Данска ќе испрати нов пакет воена помош за Украина, вклучувајќи првенствено оружје за противвоздушна одбрана и артилерија, во вредност од околу 5,6 милијарди дански круни (750 милиони евра).

Сите сојузници треба да обезбедат поголема воена поддршка за Украина“, рече данскиот министер за одбрана на Самитот за демократија во Копенхаген, кога се разговараше за воените потреби на Украина.

Претседателот на Украина, Володимир Зеленски, вчера изјави дека Украина има најголем дефицит на оружје за противвоздушната одбрана и побара од американскиот државен секретар Ентони Блинкен, со кого се сретна во Киев, два ракетни системи „Патриот“ за одбрана на Харков.

The post Данска подготви нов пакет воена помош за Украина во вредност од 750 милиони евра appeared first on Република.

Американскиот Стејт департмент го информирал Конгресот за пакет помош оружје за Израел во вредност од милијарда долари, јавија американски медиуми повикувајќи се на анонимни извори.

Според нив, пакетот ќе вклучува тенкови, минофрлачи и оклопни тактички возила. Претседавачите и водечките членови на Комитетот за надворешни односи на Сенатот и Комитетот за надворешни односи на Претставничкиот дом на Конгресот на САД се оние кои ги разгледуваат главните договори за оружје со други земји.

Американскиот претседател Џо Бајден минатата недела изјави дека ја одложил испораката на бомби до Израел поради стравувањата дека тие би можеле да бидат употребени во голема офанзива против градот Рафа во јужниот дел на Појасот Газа.

Бајден го повика израелскиот премиер Бенјамин Нетанјаху да не започнува офанзива врз Рафа без да ја гарантира безбедноста на цивилите.

The post Стејт департментот му префрли на Конгресот една милијарда долари помош за Израел appeared first on Република.

Велика Британија ќе ги пренесе во Украина најмодерните проектили „Пејввејв 4“, објави дописникот на Би-Би-Си, Џонатан Бил.

„Пејввејв 4“ се прилагодливи воздушни бомби способни да погодат на растојание од повеќе од 30 км, во зависност од висината на лансирање. Ласерското наведување овозможува бомбата да погоди цели во движење. Тежината на еден проектил е 230 кг.

Информациите за испораката на „Пејввејв 4“ со новиот британски пакет помош за Украина се уште се неофицијални. Исто така, не се знае кој модел на авиони на воздухопловните сили на земјата ќе ги носат и лансираат овие воздушни бомби.

Во моментов, вакви гранати се користат од воздухопловните сили на САД, Велика Британија и Саудиска Арабија.

The post Проектил тежок 230 кг: Британија ќе ги испрати во Украина најновите авионски бомби „Пејввеј 4“ appeared first on Република.

Украинскиот пратеник, Олександр Дубински, го нарече новиот американски пакет помош за Украина „подарок за американскиот воено-индустриски комплекс“.

Дубински вели дека помошта од 61 милијарда долари, што помина низ Претставничкиот дом, е само капка во кофа во споредба со фискалните потреби на Киев и дека поголемиот дел од средствата ќе бидат наменети за американскиот воено-индустриски комплекс.

Поголемиот дел од средствата ќе бидат наменети за американскиот воено-индустриски комплекс преку Пентагон. Ова е закон за лобирање што го спонзорира американскиот воено-индустриски комплекс, кој може да испорачува оружје на Украина на кредит преку Министерството за одбрана на САД. Односно, тие добиваат финансиски стимулации за загарантиран пазар“, напиша Дубински во објава на социјалните мрежи.

Дубински додава дека што се однесува до парите ветени за стабилизација на буџетот, Киев ќе ги добие - во износ од 7,8 милијарди долари.

Но, тој не може да се троши за пензии и социјални бенефиции и е резервиран за платите на бирократите и вработените во јавниот сектор. Вкупниот буџетски дефицит останува колосален, па дури и кога ќе се земат предвид овие средства, изнесува околу 20 милијарди долари, чие влијание ќе стане очигледно од втората половина на годината“, вели Дубински.

Дубински го окарактеризира американскиот пакет од 61 милијарда долари како „трошки од масата на мајсторот“ и „резултат на долга политичка игра (која не чини животи, територија и инфраструктура)“ во која Украина е принудена да работи „во интерес на специфични политички и лоби групи во САД“.

Дополнително, „со оглед на тоа што понатамошните пакети помош се чини дека се малку веројатни, интересот за оваа украинска влада од американскиот естаблишмент е исцрпен“, заклучи тој.

The post Украински пратеник го нарече новиот пакет помош за Украина „подарок за американскиот воено-индустриски комплекс“ appeared first on Република.

Холандската министерка за одбрана, Каиса Олонгрен, изјави дека Холандија ќе и обезбеди на Украина вкупно 24 борбени авиони Ф-16.

Севкупно, на Украина ќе и обезбедиме 24 борбени авиони Ф-16. Тие ќе и бидат предадени на Украина штом се е подготвено. Овој момент зависи од обуката на украинските пилоти и техничари, како и, се разбира, од инфраструктурата, нагласи Олонгрен.

Според неа, овој трансфер е заеднички напор со Украина, како и со Данска, САД и други земји.

Тешко е, комплицирано е, но ќе се случи. Нашата коалиција се надева дека ова лето ќе можеме да почнеме со испорака на борбени авиони Ф-16, прво од Данска, а потоа и од Холандија, додаде Олонгрен.

Холандија има намера да ја изврши првата испорака на Ф-16 во Украина во втората половина на оваа година, забележуваат украинските медиуми.

The post Холандија ќе испорача 24 борбени авиони Ф-16 за Украина appeared first on Република.

Гласањето во американскиот Конгрес за помош за Киев ќе биде одложено уште неколку недели. Како што пишува „Блумберг“, станува збор за гласањето првично предвидено за на 9 април.

Според публикацијата, претседателот на Претставничкиот дом, Мајк Џонсон, сè уште бара начини да ја омекне републиканското противење. Досега Џонсон не одлучил какви отстапки да бара од претседателот Џо Бајден и не им дал на републиканците план за пакет помош.

Тој претходно порача дека Конгресот ќе може да расправа за нацрт-законот за обезбедување помош на Украина по враќањето од одмор на 9 април и вети дека нема да го одложува прашањето.

The post Помошта за Украина ќе причека: Американскиот Конгрес го одложува гласањето за неколку недели appeared first on Република.

Косово ќе испрати воена помош за Украина.

Како што на социјалните мрежи соопшти министерот за одбрана на Косово, Ејуп Македончи, помошта се состои од муниција за минофрлачи, камиони и оклопни возила.

Првиот пакет воени камиони, тактички и оклопни возила ќе бидат испорачани најрано следната недела“, соопшти Македончи.

The post Оклопни возила, камиони, муниција за минофрлачи: Косово испраќа воена помош за Украина appeared first on Република.

Шефот на германското министерство за финансии, Кристијан Линднер, во за Н-ТВ изјави дека Германија не гледа причина да ја зголеми воената и финансиската помош за Украина.

Според Линднер, со оглед на значителните напори што ги прави официјален Берлин, Германија во моментов не гледа предуслови за зголемување на обемот на воената и финансиска помош за Украина.

Ние снабдуваме системи за оружје, обезбедуваме финансиска помош и обезбедуваме заштита на многу Украинци во Германија. Ние веќе сме вториот најголем донатор на Украина во светот. Германија финансира добра половина од целата помош што доаѓа од Европа. Во моментов нема индикации дека треба да се направи повеќе“, рече Линднер.

Истовремено, министерот истакна дека Германија е заинтересирана за зголемување на уделот на помошта од страна на другите европски земји.

Не може другите да работат помалку само затоа што Германија работи повеќе“, објасни тој.

The post Германија не гледа причина да ги зголеми воената и финансиската помош за Украина appeared first on Република.

Од 68 милијарди долари одобрени од Конгресот за помош на Украина, околу 90% остануваат во САД, односно одат за американски компании, пишува „Вашингтон пост“.

Овие средства се користат за производство на ново оружје (на 117 производни линии во 31 држава и 71 американски град) или за замена на оружјето испорачано од американските залихи.

Истовремено, дури 31 конгресмен, чии области имаат најголема корист од финансирањето од Украина, гласаа против или ја ограничија помошта за Киев, нагласува весникот.

Администрацијата на претседателот Џо Бајден ги користи овие податоци за да се обиде да го убеди Конгресот да продолжи со воената поддршка за вооружените сили на Украина, пишува „Политико“.

The post „Вашингтон пост“: Најголем дел од американската помош за Украина останува во САД appeared first on Република.

Министерката за одбрана на Белгија, Лудивајн Дедондер, соопшти дека земјата ќе испрати неколку борбени авиони Ф-16 на Украина во 2025 година.

Како што пренесуваат локалните медиуми, Дедондер прецизира дека тоа ќе биде можно откако ќе почнат првите испораки на поновите борбени авиони Ф-35 за белгиските воздухопловни сили, што се очекуваат на крајот на годината.

Планирано е и Белгија да се вклучи во обуката на украинските борбени пилоти.

Претходно, белгиските политичари и војската влегоа во отворен спор околу тоа дали да и дадат борбени авиони на Украина. Некои тврдат дека тоа не е можно бидејќи белгиските ловци биле премногу стари и затоа би биле опасни за украинските пилоти.

The post Белгија ќе испрати борбени авиони Ф-16 во Украина, откако ќе добие понови Ф-35 appeared first on Република.

Премиерот на Унгарија, Виктор Орбан, коментира дека европските институции со нивната опседнатост за воена помош за Украина создаваат „орвелски свет“.

Според Орбан, властите на ЕУ декларираат желба за мир и стабилност, но во реалноста дејствуваат на сосема спротивен начин.

Тие купуваат и снабдуваат оружје преку Европскиот фонд за мир. Тие сакаат да ги контролираат медиумите преку законот за слобода на медиумите. Не се боревме со комунистите да завршиме како во 1984 година“, коментира Орбан.

The post Орбан ја споредува ЕУ со Орвеловата дистопија: Не се боревме со комунистите за да завршиме во 1984 година appeared first on Република.

Словачката претседателка, Зузана Чапутова, го отфрли планот на привремената влада за испраќање нова воена помош за Украина, велејќи дека владата нема такво овластување и оти партиите кои се противат на таквата поддршка преговараат за формирање влада по минатонеделните избори.

Претседателскиот кабинет соопшти дека актуелната техничка влада има само ограничени овластувања, бидејќи на 15 јуни ја загуби потребната доверба во парламентот, еден месец откако Чапутова положи заклетва.

Чапутова во понеделникот го повика Роберт Фицо да формира влада. Неговата партија Смер-Словачка социјалдемократија (СМЕР-СД) освои најмногу гласови на парламентарните избори, но не и мнозинство во парламентот.

Фицо вети дека ќе ја стопира воената поддршка на Словачка за Украина, а неговата победа би можела дополнително да го наруши кревкото единство во Европската Унија и НАТО.

Во соопштението за печатот се наведува дека Чапутова, која е цврст поддржувач на Украина од почетокот на војната и двапати го посети Киев, не го променила својот став за неопходноста од воена помош за Украина. Но, во него се наведува и дека „одобрувањето на пакетот воена помош од страна на владата во заминување ќе создаде ризичен преседан за промена на власта по какви било идни избори“.

The post Словачка ја стопира воената помош за Украина appeared first on Република.

Советникот за национална безбедност на Белата куќа, Џејк Саливан, изјави САД нема да ги испорачаат армиските тактички ракетни системи (ATACMS) како дел од новиот пакет воена помош за Украина.

Тој соопшти дека американскиот претседател Џо Бајден ќе објави нов пакет кој ќе вклучува системи за воздушна одбрана и друго оружје за да и помогне на Украина пред тешката зима.

Американскиот лидер постојано разговара со своите воени и европски колеги, како и со самите Украинци, за тоа што е потребно на бојното поле во која било фаза од војната, изјави Саливан.

Тој објасни дека Бајден одлучил дека нема да испрати тактички ракетни системи, но дека и не ја исклучил таа можност за во иднина.

The post Белата куќа соопшти дека САД нема да и испорачаат тактички ракетни системи на Украина appeared first on Република.