Портпаролот на Кремљ, Дмитриј Песков, изјави дека специјалната воена операција во Украина би можела да заврши во „догледна иднина“.

Русија се надева дека операцијата ќе ги постигне своите цели или ќе заврши благодарение на преговорите меѓу руската и украинската делегација во следниот период, односно во догледна иднина - порача Песков.

The post Русија очекува дека воената операција би можела да заврши во догледна иднина appeared first on Република.

Огромното мнозинство руски граѓани поддржуваат потенцијален вооружен напад на територијата на Европската Унија, вклучително и напади врз одредени земји како Полска, Естонија, Чешка и Словачка.

Анкетата на украинската маркетинг компанија „Актив Груп“ покажала дека дури 86,6 отсто од руските испитаници толерираат или поддржуваат потенцијален вооружен напад на територијата на Европската Унија, вклучувајќи напади врз Полска, Естонија, Латвија, Литванија, Бугарија, Чешка, Словачка и други.

75,5 отсто од испитаниците го поддржуваат тврдењето дека руската воена акција треба да се прошири и во Полска. Тие сметаат дека ова е логично продолжение на специјалната воена операција на Руската Федерација. Дополнително, дури 75 отсто од испитаниците го поддржуваат сценариото во кое Русија користи нуклеарно оружје, без разлика дали станува збор за одбранбен или „превентивен“ чин.

Во исто време, само 13,4 отсто од руските испитаници имаат негативно мислење за воената акција во другите европски земји, 46 отсто се апсолутно сигурни дека Русија треба да ја нападне Европската Унија, додека 40,6 отсто сметаат дека проширувањето на руските воени операции е дозволено и подносливо.

Според испитаниците, следните земји за кои Русија смета дека треба да бидат нападнати се: Полска (75,5%), балтичките земји, вклучувајќи ги Естонија, Латвија и Литванија (41%), Бугарија, Чешка, Словачка и Унгарија (39, 6%). Во самата анкета, испитаниците можеле да изберат една или повеќе од понудените земји.

Само 25,5 отсто од Русите силно се противат на употребата на нуклеарно оружје. Од испитаниците, 40,3 отсто сметаат дека нуклеарниот напад е многу прифатлив, а 34,3 отсто донекаде ќе ја поддржат таа одлука, доколку руските власти решат да ја направат. Јавното мислење на рускиот народ може да биде потенцијален показател за идните активности на Кремљ.

Практично, испитаниците или одбија да зборуваат откако ја дознаа темата или рекоа дека се целосно подготвени да ги поддржат и одобрат понатамошните руски операции во други земји - коментира Андриј Еременко, основач на „Актив Груп“.

The post Украинска анкета: Огромен број Руси поддржуваат потенцијален напад на територијата на Европската Унија appeared first on Република.