Украинската армија соопшти дека руски воен брод е уништен во близина на јужниот пристанишен град Бердјанск, што се наоѓа меѓу Крим и опколениот Мриупол.

Во објава на Фејсбук, украинската морнарица наведува дека големиот десантен брод „Орск“ бил погоден и запален во Азовското Море.

Украинските медиуми јавуваат дека еден руски брод потонал, а два горат, како и дека биле погодени складиште за муниција и складиште за гориво на бродот.

Оваа информација не е потврдена од независни извори.

Русија го зазеде Бердјанск пред неколку недели и го користи пристаништето за полнење гориво. Градот се наоѓа помеѓу Крим и опколениот град Мариупол.

The post Украинската војска го уништила рускиот воен брод „Орск“ appeared first on Република.