Министерството за транспорт обезбеди финансиски средства од над 53 милиони денари за изградба на водоводна мрежа, атмосферска и фекална канализација во повеќе општини, соопшти валдината прс-служба по денешната седница на Владата на која се одобрени и 68 милиони денари за изградба на колекторот Трпејца.

Владата на предлог на Министерството за транспорт донела и одлука за давање на право на трајно користење на државно градежно земјиште на општина Велес за изградба на нова катна гаража за потребите на жителите на оваа општина.

Проценетата инвестициска вредност на проектот за изградба на главен колектор и станица за пречистување на отпадни води во с. Трпејца, општина Охрид е 68 милиони денари со вклучен ДДВ и средствата ќе бидат обезбедувани во Буџетот на Министерството за транспорт. Рокот за изведба на планираниот проект би изнесувал околу осум календарски месеци.

Од Владата информираат дека обезбедени се 21 милион денари за изградба на атмосферска канализација на дел од улиците „Илија Алексов“, „крак на улица 8“, „улица 8“, „улица 9“ во УБ15, општина Радовиш. Планирано е набавката за реализација да започне месецов.

Дваесет и еден милион денари ќе бидат инвестирани во изградба на фекална канализација на дел од ул. „Кленоец“ и изградба на атмосферска канализација на дел од ул. „Кленоец“, општина Охрид, а набавката за реализација треба да почн следниот месец.

За реконструкција на водоводна мрежа и реконструкција на мешовита канализациона мрежа на ул. „11 Март“, ул. „Панде Николов“, ул. „Козара“ и ул. „Чеде Филиповски Даме“, општина Битола Министерството за транспорт обезбеди финансиски средства се оебзедени 11,1 милиони денари, а набавката за реализација треба да започне месецов.

The post Обезбедени 68 милиони денари за изградба на колекторот Трпејца, 53 милиони денари за водоводи и канализации во повеќе општини appeared first on Република.

Шалтерите за наплата, шалтерите за рекламација и телефонистите во Дирекцијата на ЈП Водовод и канализација - Скопје денеска ќе работат во две смени.

Како што информираат од ова комунално претпријатие, работното време е во периодот од 07:30-19:00 часот.

The post Шалтерите за наплата, за рекламација и телефонистите во Водовод денеска ќе работат во две смени appeared first on Република.

Кожи и внатрешни органи од животни, камења, ќебиња, перници, се само дел од отпадот изваден од шахтите и канализациската мрежа во Струга, информира за МИА директорот на Јавното претпријатие „Водовод и канализација“ Дашмир Насуфи.

Тој вели дека најголем проблем со кој се соочуваат екипите на претпријатието е несовесноста на граѓаните, кои намерно фрлале отпад во канализацијата.

Пример за тоа, нагласи, се наполнети шахти со камења, а од канализациската мрежа меѓу другото било извадено и пцовисано јагне.

И во овие летни месеци кога туристите и посетителите во Струга уживаат во убавините на езерото, екипите на ЈП „Водовод и канализација“ секојдновно се борат да го стават системот за одведување на фекални води во функционален, истакна Насуфи.

При вршење на работните задачи, тимовите на струшки „Водовод и канализација“, според директорот на претпријатието, секојдневно чистеле влажни марамчиња.

Нашите тимови секојдневно се борат со чистење огромните количини марамчиња наталожени на канализациските цевки, шахти и пумпни станици.

Апелираме до граѓаните и туристите, искористените влажни марамчиња да ги одложуваат во кантите за отпад, наместо во санитариите, изјави Насуфи.

Тој посочи дека несоработката и непридржувањето кон домаќинските практики може да доведе до колапс на системот и домовите да бидат поплавени од фекалии.

The post Кожи и внатрешни органи од животни, камења, ќебиња, перници, пцовисано јагне…се само дел од отпадот изваден од шахтите и канализациската мрежа во Струга appeared first on Република.

Шалтерите за наплата на „Водовод и канализација“ во дирекцијата на претпријатието денеска ќе работат од 07:30 до 14 часот, а утре од 09 до 14 часот.

Наплатните пунктови во Сарај, Шуто Оризари и Лисиче, нема да работат. Од претпријатието информираат дека од петок продолжуваат со редовно работно време.

Одлуката, како што посочуваат од ЈП „Водовод и канализација“ е во согласност со заклучоците од 199. седница на Владата поради одржување на 30. Министерски состанок на ОБСЕ.

The post Шалтерите во Дирекцијата на „Водовод и канализација“ денеска и утре ќе работат до 14 часот appeared first on Република.

По завршување на мандатот за кој беа назначени в.д. директорите на ЈП „Водовод и канализација”, МКЦ и Зоолошката градина, градот Скопје назначи нови директори со значителено работно и раководно искуство.

За нов директор на ЈП „Водовод и канализација” е назначен Драган Илиевски, кој е машински инженер со повеќе од 20 години работно искуство. Досегашниот директор Марјанчо Митовски, кој на позицијата беше назначен од редот на вработените продолжува со ангажман како секторски директор на претпријатието.

Нов директор на Зоолошката градина е Зоран Попов, кој доаѓа од редот на вработените. Попов е економист со 20 годишно работно искуство.

Младинскиот културен центар МКЦ ќе добие нов директор по евалуацијата на биографиите за позицијата.

Косана Мазнева назначена е со нов мандат и продолжува да ја извршува функцијата директор на јавното претпријатие Комунална хигиена.

The post Нови директори на „Водовод и канализација“ и Зоолошката градина appeared first on Република.

Граѓаните кои денеска одлучиле да ги подмират сметките во Водовод и канализација денеска наидоа на заклучена врата и не можеа да ги платат сметките.

https://www.youtube.com/watch?v=tjj_HtqlJ7k

На некои од нив им било речено дека работеле до пладне бидејќи после тоа имале прослава.

извор: Канал 5

The post Вратите на Водовод и канализација денеска затворени, граѓаните се жалат не можеле да си ги платат сметките appeared first on Република.

В.д директорот на јавното претпријатие Водовод и канализација кон 30-тина работници се однесува како деспот и ги крши работничките права. Ова обвинување го изнесе првиот човек на ССМ, Дарко Димовски кој обвинува дека незаконски директорот давал работни задачи и префрлувања на работно место на одредени работници, иако такви задолженија ги немале во договорите за работа. Како што вели тој, го пријавиле ова во Државниот инспекторат за труд и Државниот управен инспекторат, од каде добиле одговор дека директорот постапува незаконски и ги крши работничките права.

Димовски вели дека имале средба со директорот, кој немал слух за овие жалби. Напротив, вели Димовски, лицето задолжено за правни работи во ова претпријатие, му сугерирало на директорот дека постапува законски.

Незаконски се делат некакви задолженија, како магационер, а не како директор и се задолжуваат нашите работници да извршуваат плус работни задачи на некое си место кое не е предвидено со договорот за работа. Не може хидроинжењери да праќаме по чуварски куќички и пумпни станици. Не може работници на специјални возила да седат во базата да не работат ништо затоа што не му се допаѓале на в.д директорот Марјан Митовски - вели Дарко Димовски, претседател на ССМ.

The post Димовски: Директорот на Водовод се однесува како деспот, да не остане Скопје без вода како без јавен превоз appeared first on Република.

На социјалните мрежи се појави видео снимка за која се тврди дека е од јавното претпријатие „Водовод и Канализација“, а на која се гледа како еден човек удира друг со тупаница во стомакот.

Според објавеното, напаѓачот е шеф на кабинет на новиот директор Марјанчо Митовски, во постот опишан како „Јовче Куварот“. Инаку, новиот директор на скопски „Водовод и Канализација“ беше поставен пред околу една недела од градоначалничката Данела Арсовска.

Водовод е единствена фирма со двајца шефови на кабинет, Јовче куварот од прв ден сее страв и мава недолжни луѓе по ходници/лифтови! се вели во постот на Твитер.

Алоо МВР! pic.twitter.com/pbbzU0u4OP

— Бомбашот (@bombasotaco) September 23, 2022

The post Шефот на кабинетот на новиот директор на Арсовска малтретира вработени appeared first on Република.

Имајќи ги во предвид предизвиците поврзани со сериозноста на економската положба во која се наоѓаат граѓаните, деликатните процеси со ценовните пазарни шокови и актуелната инфлација, состојби од кои не се исклучени и вработените во ЈП Водовод и канализација, Директорот на ЈП Водовод и канализација Златко Перински, ќе предложи до Управниот добро на претпријатието да се пристапи кон линеарно покачување на платите на сите вработени во ЈП Водовод и канализација.

Ова покачување ќе ги опфати сите 1 278 вработени чии месечни плати заклучно со августовската плата ќе се зголемат линеарно по 2,806 денари. Ова е прво вакво зголемување на платите по 13 годишна нивна стагнација.

Ова покачување на платите се прави поради сериозноста на економската состојба, и е дотолку значајно што доаѓа и покрај големите предизвици со кои соочува Јавното Претпријатие, наследените финансиски обврски, големите државни должници спрема ЈП Водовод и канализација. Меѓу најголемите должници на претпријатието со неисплатени обврски останува Заеднички Служби во Државниот Клинички Центар во Скопје со долг од 124,316,964 денари, Општина Зелениково 41,320,352 денари итн. ЈП Водовод и канализација – Скопје, секогаш ќе ги штити интересите на своите вработени, како сега, така и во иднина. И покрај споменатите сериозни предизвици заштитата на стандардот и обезбедувањето на квалитетна вода за пиење останува нашиот приоритет, информираат од ЈП Водовод и канализација.

The post ЈП Водовод и канализација – Скопје ги зголемува платите на вработените appeared first on Република.

ЈП Водовод и канализација – Скопје, со цел доближување на услугите до своите корисници, како и излегување во пресрет на барањата на жителите во oпштина Шуто Оризари, отвори нов пункт за наплата во оваа општина.

Пункот за наплата се наоѓа во општинската зграда на приземје и истиот ќе работи секој работен ден од 08 до 15 часот.

The post Водовод отвори нов наплатен пункт во Шуто Оризари appeared first on Република.

ЈП Водовод и канализација со цел да овозможи поголема достапност за граѓаните за плаќањето на сметките постави апарат за наплата во ТЦ Капитол во Аеродром на вториот кат во трговскиот центар.

Поставувањето на овој апарат е дел од планот на јавното претпријатие за забрзан процес на дигитализација со цел доближување на услугите до своите корисници. Граѓаните на овој начин имаат можност да направат преглед на сметките и да извршат уплата за истите со користење на мастер и виза картичките од сите банки.

ЈП Водовод и канализација досега вакви апарати има поставено во дирекцијата на претпријатието, во Одделението за грижа на корисниците на ЈП Комунална хигиена и во ГТЦ на приземје. Корисниците, исто така можат да пристапат до електронските услуги на ЈП Водовод и канализација и на веб-страницата на претпријатието и мобилната апликација достапна за Android и iOS.

Ги потсетуваме корисниците на услугите на ова јавно претпријатие дека е во тек акцијата за наплата на долговите без пресметка на камата за задоцнето плаќање со можност за склучување на договори за рати, до 48 за физички и до 24 рати за правни лица, која трае до 15.03.2022. Воедно ги повикуваме корисниците кои имаат заостанати долгови, да ја искористат оваа можност, со цел да ги избегнат гужвите што би се создале во текот на последните денови.

The post Отворен нов пункт за наплата на ЈП Водовод и канализација во ТЦ Капитол appeared first on Република.

The post Директорот на ЈП Водовод и канализација, Златко Перински на увид во изведбата на екипите за отстранување на дефект на водоводна цевка appeared first on Република.

Во текот на изминатите неколку дена е извршена кражба на 10 решетки на сливници на ул. Среќко Пужалка и 5 на ул. Финска, информираа од ЈП Водовод и канализација-Скопје.

Случајот е документиран и пријавен во полициска станица. Дел од решетките на сливниците се заменети, а дел ќе се заменат во најбрз можен рок.

ЈП Водовод и канализација – Скопје, упатува апел до граѓаните на град Скопје за одговорно однесување кон атмосферската канализација, имајќи ги предвид кражбите на решетки на сливници во изминатите неколку дена.

Ваквиот вандализам негативно се одразува на претпријатието и истовремено ја загрозува безбедноста на граѓаните и учесниците во сообраќајот, велат од претпријатието.

The post Не ги крадете решетките од сливниците, апелираат од „Водовод и канализација“ appeared first on Република.