Американската армија соопшти дека, во координација со ирачките безбедносни сили, извршила напад во западен Ирак во кој се убиени четворица водачи на групата Исламска држава, вклучително и шефот на операциите во таа земја.

Оваа операција беше насочена кон лидерите на Исламската држава и ги наруши и намали нејзините можности да организира и спроведува операции, соопшти командата на американската војска за Блискиот Исток.

Се додава дека во акцијата што била изведена на крајот на август биле убиени вкупно 14 членови на Исламска држава.

The post Американската војска соопшти дека се убиени четворица водачи на Исламска држава appeared first on Република.

Израелските трупи отпочнаа лов на командантот на Хамас, кој го нарекуваат палестински Осама Бин Ладен. Ветуваат дека ќе го пронајдат каде и да се крие и тврдат дека деновите му се избројани, пишува Дејли Мејл.

Јахја Синвар (60) во моментов е шеф на Хамас во Појасот Газа.

Израел неколку пати го апсел, а во израелските затвори поминал 24 години. Пуштен е во 2011 година во рамки на размена на затвореници во замена за израелскиот војник Гилад Шалит.

Синвар, според тврдењата на Израелците, одговорен е за убиството на 1300 Израелци во нападот на 7 октомври.

Јахја Синвар е лицето на злото. Тој е главниот ум зад ова, токму како што беше Бин Ладен. Својата кариера ја изгради убивајќи Палестинци кога сфати дека се колаборационисти. Затоа стана познат како Касапин Кан Јунис - рекол портпаролот на Израелските одбрамбени сили, Ричард Хехт.

Хехт рекол дека израелските трупи нема да се смират додека Синвар не биде пронајден и убиен.

Ќе дојдеме до тој човек и целиот негов тим -рекол Хехт.

Главниот портпарол на ИДФ, контраадмиралот Хагари, рекол дека е покрената потрага по Синвари, каква што не е видена во историјата на Израел.

Тој е мртов човек - рекол Хагари.

The post Тој е нашиот Бин Ладен, тој е лицето на злото: Израелците тргнаа во лов на човек, каков не е виден во историјата на таа земја appeared first on Република.

Израелските одбрамбени сили(ИДФ), што е официјален назив на војската на таа земја, објавија дека го убиле високиот водач на терористичката организација Хамас.

Тајмс од Израел пренесува дека нападот на ИДФ е изведен синоќа во Појасот Газа.

Во ударот, со кое е целено на седиштето на терористичката организација од кое се изведувале воздушните активности, убиен е Мурад Абу Мурад, шеф на воздушните сили на Хамас, објави ИДФ.

Израелската војска навела дека Абу Мурад имал голема улога во наведување на терористите за време на масакрот, кој го изведоа во Израел минатиот викенд, вклучувајќи го упадот по воздушен пат, со користење на параглајдери.

IDF says that in an overnight airstrike in the Gaza Strip, the head of Hamas's aerial array, Murad Abu Murad, was killed. The strike targeted a headquarters from which the terror group managed its aerial activity, according to the IDF. pic.twitter.com/KqYjDCqrTX

— Emanuel (Mannie) Fabian (@manniefabian) October 14, 2023

The post Убиен воачот на воздушните сили на Хамас: Мурад Абу Мурад ги насочувал напаѓачите на параглајдери за време на масакрот во Израел appeared first on Република.

Еден од лидерите на Исламска држава, Хамза ал Хомси е убиен, а четворица американски војници се ранети во напад на американски хеликоптер во североисточна Сирија, соопшти американското Министерство за одбрана.

Ранети се четворица американски војници и едно работно куче, додека командантот на ИСИС е убиен – се наведува во соопштението.

Операцијата беше спроведена во четвртокот вечерта во партнерство со Сириските демократски сили предводени од Курдите, кои се сојузници со САД, пренесува АП.

Не беше прецизирано во кој дел од североисточна Сирија е извршен нападот.

И покрај поразот во Сирија во март 2019 година, т.н Заспани ќелии на ИД продолжуваат да вршат напади низ Сирија и Ирак каде што некогаш прогласија калифат.

Заедничките операции на американската војска и борците на СДФ се вообичаени во североисточна и источна Сирија, долж границата со Ирак.

The post Во Сирија е убиен еден од водачите на Исламска држава appeared first on Република.