Имавме државничко, величествено и исклучително достоинствено чествување на Илинден, во Крушево и на сите други места, а по повеќе од декада благодарение на водењето доброседски односи се врати чествувањето и во манастирот „Св.Прохор Пчински“. Не треба да се бара сензационализам во изведбата на песната во Крушево, оцени премиерот Димитар Ковачевски во интервју на ТВ Канал 5.

На прашањето дали имало некаква цензура во чествувањето на празникот во Крушево при изведбата на „Во борба македонски народе“, Ковачевски рече дека тоа е аранжманот кој што се користи при такви настани во однос на песните. Наведе дека не треба да се бара сензационализам во такво нешто, бидејќи, како што рече, тие што ги изведуваат песните и кои го подготвувале целиот настан се врвни професионалци кои се дел од нашите институции.

Навистина не треба да бараме сензационализам во нешто каде што го нема, потенцираше Ковачевски.

Тој повтори дека предците го остварија сонот за независна држава, а на сегашните генерации е да ја внесеме во ЕУ.

– Ние низ историјата сме потврдиле дека можеме да носиме и тешки и големи одлуки, меѓутоа и дека сме вреден народ. Вие само ако погледнете во државата се произведуваат високософистицирани производи коишто ги прават македонски граѓани. Значи, јас верувам, ние имавме најбрзо интегрирање во НАТО и сметам дека ќе имаме и најбрзо интегрирање во ЕУ, рече Ковачевски во во интервју на телевизијата Канал 5.

The post Koвачевски за кратењето на песната „Во борба во борба“: Tоа е аранжманот кој што се користи при такви настани во однос на песните appeared first on Република.

Скандал на вечерашното отворање на прославата за Иинден од страна на Владата на премиерот Димитар Ковачевски. Во текот на изведбата на добро подготвената програма, песната “Во борба, во борба“ беше едноставно искасапена, а од неа беше исфрлена втората строфа после првиот рефрен во која се споменува Гоце Делчев и „фашистичка крв се лее“, што претставува спој на борбата на Илинденците од 1903 година и на партизаните од НОБ кои се борат додека над главите знамето на Гоце се вее.

Впрочем еве ја целата строфа која беше исфрлена при изведбата:

“Излеговме ние смели партизани,
над нас на Гоце знамето се вее,
во гори, полја и на сите страни,
фашистичка крв насекаде се лее.“

Инаку целата песна, во збирката на Кочо Рацин која посмртно е објавена (Збирката е пронајдена во неговата чанта), а која ја напишал Владо Малески, гласи вака:

Како што можете да видите, односно чуете, исфрлена е и последната строфа за нов живот на Македонците со браќата Власи, Турци, и Албанци!

Погледнете го видеото со токму овој дел од вечерашната прослава.

https://youtu.be/QPpAW6d6ffA

Извор: Скопје1

The post Владата слави Илинден во Крушево, а го бришат Гоце Делчев од песната „Во борба, во борба“ appeared first on Република.