Размислувам да се кандидирам за претседателка на СДСМ, но конечната одлука ќе ја донесам откако ќе биде започната постапката, изјави актуелната министерка за одбрана Славјанка Петровска за „Фокус“.

Таа вели дека сериозно размислува да се вклучи во трката за нов партиски лидер, откако Димитар Ковачевски најави внатрепартиски избори по дебаклот што го доживеа СДСМ на претседателските и на парламентарните избори.

Покрај неа, како што пишува најновиот број на неделникот „Фокус“, како можни претседателски кандидати на СДСМ се споменуваат и Зоран Заев, Стево Пендаровски, Оливер Спасовски, Венко Филипче…

The post Петровска најави кандидатура за претседател на СДСМ, ова се останатите имиња кои се споменуваат appeared first on Република.

Демократската унија за интеграција (ДУИ) во недела ќе одржи внатрепартиски избори за консолидација на нејзините партиските тела во 14 ограноци со примена на демократскиот принцип „еден член, еден глас“.

По успешно завршениот процес на регистрација на членството, проверката и објавувањето на кандидатурите и изборната кампања на кандидатите што завршува денес, во недела го повикуваме членството на Демократската унија за интеграција слободно да се изјасни за новото раководство на ограноците во Бутел, Чаир, Дебар, Јегуновце, Кичево, Крушево, Куманово, Липково, Битола, Петровец, Пласница, Преспа, Шуто Оризаре, Велес, стои во денешното соопштение од ДУИ.

Во текот на овој изборен процес се гласа за избор на претседатели на ограноци, членови на раководството на ограноците, претседатели на локалните подограноци и членови на раководството на локалните подограноци, процес кој ќе го води Партиската изборна комисија.

Примената на овој модел при изборот на партиските органи, се додава во соопштението, го докажува демократскиот пристап и капацитет на Демократската унија за интеграција.

На крајот на овој демократски процес, победници ќе бидат сите, бидејќи општото добро, придонесот за неговото остварување и ефикасната служба кон граѓаните се несомнено наша заедничка мисија, се подвлекува во соопштението од ДУИ.

The post Во недела внатрепартиски избори во ДУИ appeared first on Република.

Демократската унија за интеграција организира внатрепартиски избори во нејзините ограноци во Тетово, Гостивар, Боговиње, Врапчиште, Желино, Теарце, Арачиново, Чашка, Студеничани, Брвеница и Долнени, информираат од партијата.

Додаваат дека според Статутот, членството во Демократската унија за интеграција е слободно и доброволно бидејќи ДУИ е отворена за сите граѓани на Република Македонија.

Во овој изборен процес се применува принципот утврден во статутот усвоен на последниот партиски конгрес, еден член еден глас. Овој принцип ќе ги определи претседателите на локалните ограноци на ДУИ кои веќе се на внатрепартиски избори. Во сите ограноци процесот на онлајн зачленување веќе е почнат и истиот процес се очекува да заврши до месец јуни ова година.

Демократската Унија за Интеграција ги поканува сите граѓани кои чувствуваат дека се подготвени да придонесат кон креирањето на политики за подобра иднина за сите нас, да не се двоумат, да се зачленат онлајн на: www.regjistrim.mk или на релевантниот огранок каде припаѓаат и со тоа да станат дел од изборите внатре во партијата.

Член на ДУИ може да стане секој граѓанин кој има наполнето 18 години, тие кои ќе ја прифатат Програмата, Статутот на партијата и ќе се изјаснат и пополнат формуларот за членство во партијата во електронска форма, велат од ДУИ.

The post Внатрепартиски избори во ДУИ appeared first on Република.