Донесена е легитимна одлука за зголемување на тарифата за приватните превозници на предлог на советничката група на ВМРО ДПМНЕ и Коалицијата, со што се одбегна предлогот на СДС поддржан од Левица и ДУИ за зголемување на цената на билетот за превоз за граѓаните, соопштија од ВМРО-ДПМНЕ демантирајќи ја претходната објавата на Град Скопје дека не е донесена одлука во врска со барањата на приватните превозници.

Данела Арсовска може да не се согласува со оваа одлука, но таа е легитимна и денес свесно внесува неоснована забуна во јавноста и медиумите кога вели дека истата не е донесена, поради недостиг на кворум. Што не е вистина и истото го демантираме и тоа може лесно да се заклучи од снимките кои се јавни. Со таквото нејзино тврдење штитејќи ги тесноградите и партиски интереси на триото СДС, ДУИ и Левица, на штета на скопјани, практично сака да се врати проблемот од почеток и да не се решат барањата на превозниците и Скопје да е во повторен хаос. Апелираме да се стави во сила легално и легитимно изгласаната одлука на Советот кој е орган чии надлежности се над криминалните желби на кумата и господарот на хаосот во Скопје Данела Арсовска, стои во соопштението.

Воедно, се упатува апел и до советниците на СДС и координаторката Љубица Јанчева, како и до советниците на Левица и ДУИ, како што се наведува, да не се прават крпи и да го губат достоинството пред налетот на сценаријата за хаос на Арсовска и да ја деградираат функцијата советник потчинувајќи се на Арсовска.

Одлука и решение е донесено на последната седница. И истото треба да се спроведе, стои во демантот од Центарот за комуникации на ВМРО-ДПМНЕ.

Од Град Скопје претходно, соопштија дека по вчерашната Седница на Советот на Град Скопје, на која не беше донесен заклучок во рамки на законските и деловнички процедури, денеска се одржал координативен состанок на кој учествувале градоначалничката и секретарот на Град Скопје, координаторите на советничките групи кои ги претставуваат политичките партии во Советот на Град Скопје, членови на Советот, претставници на стручните служби на Град Скопје и претставниците на приватните превозници. На средбата, се посочува, е донесен заклучок според кој во рок од 15 дена треба да се изготви анализа во која согласно утврдената методологија ќе се утврдат реалните трошоци за извршување на услугата јавен превоз, од страна на експерти вешти лица, претставници на стручните служби на Град Скопје од соодветните сектори и со земање во предвид на поднесените податоци од страна на претставниците на приватните превозници.

-Анализата со предлог решение и одлуки да се презентира од страна на стручните служби на 16 декември пред истиот состав на координативен состанок, по кој членовите на Советот на Град Скопје ќе имаат можност да се изјаснат со носење на одлука со која ќе се изврши корекција на надоместокот за приватните превозници од страна на Советниците во Советот во Град Скопје, стои во соопштението од Град Скопје.

The post Донесена е легитимна одлука за зголемување на тарифата за приватните превозници на предлог на советничката група на ВМРО ДПМНЕ и Коалицијата appeared first on Република.

Денеска во својство на координатор на советничка група на ВМРО ДПМНЕ и Коалицијата, присуствував на координација помеѓу Градоначалничката на Град Скопје,координаторите на советничките групи и приватните превозници.

На таа средба, присуствував се со цел да слушнам предлог од Градот Скопје за решавање на проблемот со приватните превозници. На моето прашање за предлог, одговор не добив, вели Мартин Стојановски, советник на ВМРО ДПМНЕ во Советот на град Скопје.

На средбата иако бев информиран дека средбата ќе биде само со координатори и Градоначалник, на средбата имаше голем број присутни вработени од градот Скопје и повеќе советници од советничките групи за кој не беше договорено за таква средба. Јас како координатор ја напуштив таа средба после добиени навреди и омаловажувања од неколку од присутните советници и секако не добив предлог за проблемот со приватните превозници.

Сакам да нагласам дека советничката група на ВМРО ДПМНЕ нема да навлегува во задкулисните и нечесни игри на коалицијата Сдсм,Град Скопје,Дуи и Левица кој никако не работат за доброто на граѓаните на градот Скопје.

Секако, на вчерашната седница советот донесе заклучок со кворум од присутни 29 члена на советот за покачување на цената на приватните превозници за 30 денари по извозен километар“, стои во објавата на Мартин Стојановски.

The post Стојановски: Советничката група на ВМРО-ДПМНЕ нема да навлегува во задкулисните и нечесни игри на коалицијата СДСМ, Град Скопје, ДУИ и Левица appeared first on Република.

Од ВМРО-ДПМНЕ реагираат дека настаните по повод „прославата“ на денот на албанското знаме, инцидентите и дивеењето на неколку групи се смислено сценарио на СДС и ДУИ кои преку манипулација, ескалација и креирање на етнички тензии се обидуваат да го заштитат криминално стекнатиот капитал.

Антидржавните партии СДС и ДУИ преку манипулирана група од политички насилници направија директен напад врз државата преку чин на агресија кој беше директно насочен кон достоинството на македонскиот народ.

 

СДС и ДУИ после 7 години власт се длабоко во политичкото мочуриште, нервозни се, во паника и исплашени поради соочување со правдата и затоа сеат раздор.

 

СДС и ДУИ се немоќни и во агонија поради тоа што немаат поддршка за протести и токму затоа посегнаа по креирање на меѓуетнички тензии и обид за деескалација“, велат од ВМРО-ДПМНЕ.

Оттаму додаваат дека за разлика од минатото кога „полицајци се удираа во пајаци“, сега МВР одговори одлучно, брзо и професионално за сите кривично правни настани и прекршочни настани.

МВР во текот на вчерашниот ден реагираа во насока на приведување на учесниците и лицата кои го сквернавеа македонското државно знаме и предизвикаа инциденти.

 

ВМРО -ДПМНЕ ги осудува ваквите настани и апелира граѓаните да останат смирени и да ги игнорираат црните сценарија на поединци.

 

Нема да има милост кон никого секој оној кој ќе го прекрши законот и Уставот ќе одговара.

 

Владата предводена од ВМРО-ДПМНЕ останува посветена на заштита на стабилноста, безбедноста, заштита на државните симболи и достоинството на граѓаните“, се вели во реакцијата на ВМРО-ДПМНЕ.

The post ВМРО-ДПМНЕ: СДС и ДУИ нервозни, во паника и страв од соочување со правдата сеат раздор appeared first on Република.

На гостувањето на поткастот „ВМРО-ДПМНЕ Зборува“, пратеникот на ВМРО-ДПМНЕ, Бојан Стојаноски го пофали договорот на Владата за покачување на платите во здравството, бидејќи како што вели тој, сега Владата има слух за барањата и ги решава проблемите.

-Јас сум многу задоволен кога ќе ги видам и претставниците на синдикалните здруженија кога ќе ги пофалат одредени потези на Владата, бидејќи во минатото многу често нив ги гледавме во улога пред Владата на протести барајќи си ги своите основни права. А, впрочем ние и за тоа ја добивме власта, тоа го понудивме на граѓаните и затоа победивме, потенцираше Стојаноски.

Пратеникот посочи дека опозицијата, кога била власт, не нашла начин и по седум години владеење, да ги зголеми платите на полицијата, армијата и администрацијата, а сега преку амандмани барале покачување на истите, без да проверат во буџетот дека ќе се зголемат платите во овие сектори.

-Пораснаа платите во образованието, пораснаа во здравството, ќе се покачат и на полицијата, во армијата целосно се почитува колективниот договор. Исто така има предвидено средства и за покачување на минималната плата и за покачување на платите и во државниот и приватниот сектор, појасни Стојаноски.

The post Стојаноски: Со власта предводена од ВМРО-ДПМНЕ растат платите во образование, здравство, полиција, армијата и администрацијата appeared first on Република.

Венко Филипче е потрчко на Зоран Заев и тој едноставно не може да биде новото лице на СДС, велат од ВМРО-ДПМНЕ по денешниот конгрес на СДСМ.

Филипче е човекот на кој му изгореа 14 лица во модуларната во Тетово и тој не понесе одговорност. Филипче е човекот кој за време на короната ја стави Македонија високо на светската и европската листа, но по број на умрени луѓе. На ниво на свет ја стави Македонија на високото петто место по број на починати, а на нив на Европа по број на починати на еден милион на високото четврто место, велат од ВМРО-ДПМНЕ.

Од ВМРО-ДПМНЕ реагираат и за новата потпретседателка на СДСМ.

https://republika.mk/vesti/makedonija/poraneshnata-direktorka-na-otvoreno-opshtestvo-stana-potpretsedatelka-na-sdsm/

Фани Каранфилова-Пановска која сака да ја продаде како нов лик е претседателка на Сорос Македонија. Каранфилова Пановска не е никаков нов лик, ниту лице заинтересирано за општо добро. Неа и се важни само парите или како директор на македонски Сорос, според јавно достапните информации месечно зема скоро 3.500 илјади евра. Луѓето на Филипче се истите луѓе на Заев кои се второ име за корупција и криминал, воедно и назадување на Македонија на секој план. Филипче, неврохируругот на Заев и 40 потрчковци се само синоним за корупција и криминал што резултираше со тонење на Македонија, реагираат од ВМРО-ДПМНЕ.

The post ВМРО-ДПМНЕ: Потрчкото на Заев не може да биде новото лице на СДСМ appeared first on Република.

Нема област во која во владеење на СДС и ДУИ не преовладувал нивниот бизнис интерес, на место интересот на државата и граѓаните, велат од ВМРО ДПМНЕ.

Како и се што уништија во државата, СДС и ДУИ за свои лукративни интереси го девалвираа и уништија и енергетскиот сектор.

Поради нивите бизнис интереси со цел големи профити, направија граѓаните да плаќаат поскапа електрична енергија.

Поскапата струја која што ја плаќаат граѓаните, како и финансиските проблеми на некогаш најпрофитабилното македонско претпријатие, ЕСМ е последица на седум годишното криминалното и недомаќинско работење на кадрите на СДС и ДУИ.

Дека тоа е така може да се споредат сумите во различни периоди. На пример, во 2017 година кога со ЕСМ раководеше премиерот и претседател на ВМРО-ДПМНЕ, Христијан Мицкоски просечната цена за еден мегават час електрична енергија беше 33 евра, а сега истата изнесува 133 евра за мегават-час.

Освен ова, во периодот кога премиерот Мицкоски управувал со ЕСМ, производната цена за електрична енергија се намалила за 25% во однос на претходната.

Ова само покажува одговорно и домаќинско работење, што не е случај со изминатото седумгодишно раководство кое мислело на само на свои бизнис и лукративни интереси.

И со секоја следна година од доаѓањето на власт на СДС и ДУИ, цената на произведената електрична енергија по мегават-час постојано растеше, за годинава да достигне рекордни 133 евра.

Една од причините за енормниот раст на цената на струјата е не ископот на јаглен и скапо увезениот. И тоа најверојатно се направило за да се им овозможи на одредени компании блиски до СДС и ДУИ, да увезуваат јаглен и со тоа да остварат големи профити.

Бизнис интересот и лакомоста за големи профити на СДС и ДУИ ги плаќаме сите ние, преку поскапа цена на струјата.

Можеби ќе треба време за да се намали цената на струјата, но преку посветено, одговорно и домаќинско работење на новото раководство на ЕСМ тоа ќе се постигне.

Набрзо од денес енергетскиот систем во Македонија ќе биде целосно консолидиран и вратен во нормална состојба, што ќе доведе и до пониски цени на електричната енергија, нагласуваат од ВМРО ДПМНЕ.

The post ВМРО-ДПМНЕ: Поради недомаќинско работење во енергетскиот сектор, граѓаните плаќаат скапа електрична енергија appeared first on Република.

Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е во слободен пад, па посегнаа по алтернативни методи во Собранието и на помош го повикаа и активираа насилникот и пудлицата на Венко, Димитар Апасиев од Левица. Филипче во паника и агонија користи нарачано насилство и провокации како единствен начин да го сврти вниманието кон опозицијата во Собранието. Поради тоа СДС го активира насилникот и пудлицата на Венко, Димитар Апасиев, велат од ВМРО-ДПМНЕ.

-Примитивни и недолични се обидите на СДС преку нивниот приврзок, Левица и насилникот и пудлицата на Венко, Апасиев да прават драми во законодавниот дом каде наместо цивилизирана и аргументирана дебата, конструктивни и продуктивни решенија нудат дефокус, политиканство и циркус. Во текот на вчерашниот ден во видео од неколку секунди јавноста имаше можност да ја види целата мизерија на СДС и Левица. На виделина излезе целиот примитивизам со кој се служи Филипче, а за профилот на политичкиот циркузант и акробациите на насилникот и пудлицата на Венко, Апасиев кој во Собранието јавно навредуваше семејства и деца на пратеници, јавноста може самата да суди, посочуваат од владејачката партија.

Од ВМРО-ДПМНЕ додаваат:

„СДС и Левица се елементарна непогода на политичката сцена. Во современа демократија за која се залага ВМРО-ДПМНЕ нема простор за девијантно однесување, циркузанти, политиканство и деструкција. Време е во политиката да има поинаков пристап. Време е за идеи, проекти и работа во интерес на граѓаните во Македонија. ВМРО-ДПМНЕ со жалење и разочарување гледа на вчерашниот инцидент во Собранието, осудувајќи ги намерите на поедини пратеници од опозицијата да предизвикаат инцидент“ – посочуваат тие.

The post ВМРО-ДПМНЕ смета дека Филипче и СДСМ стојат позади инцидентот со Апасиев appeared first on Република.

За прв пат после долг период владата предводена од ВМРО-ДПМНЕ постигна историски договор за зголемување на платите на здравствените работници. Владата предводена од ВМРО-ДПМНЕ ги санира штетите од владеењето на СДС и ДУИ во здравството и е посветена на подобрување на условите за работа во интерес на сите граѓани, велат од ВМРО-ДПМНЕ.

-Владата предводена од ВМРО-ДПМНЕ е прва Влада во Република Македонија која покажа дека има слух за медицинските работници особено за средниот медицински персонал. Потпишан е анекс на Колективен договор во Здравството.

Владата на ВМРО-ДПМНЕ за еден мандат ќе ги зголеми платите на здравствените работници за над 40 % почнувајќи од ноемвриската плата.

Владата на ВМРО-ДПМНЕ работи напорно за значително да се подобри финансискиот статус на сите вработени во здравствените установи. Следува повисока плата за сите вработени од 2.450 денари до крај на годината. Повисока плата за 3.850 денари за сите медицински сестри до крај на годината.

Владата предводена од ВМРО-ДПМНЕ се грижи за сите работници а вработените во здравството добиваат покачување на платите од 40 до 50 проценти во следните 4 години.

Покрај зголемувањето за 10 % во 2024 година за плати, следната 2025 во март месец ќе има дополнителни 5 % зголемување, наредната 2026 година зголемувањето ќе е од 5-7 %, истото зголемување од 5-7% ќе биде и во 2027година, а од 7-10 % ќе биде зголемувањето во 2028 година.

Со владата на ВМРО-ДПМНЕ стартува трансформација на здравствениот сектор, следуваат реформи во здравствениот систем, со што граѓаните конечно ќе добијат квалитетни и навремени здравствени услуги, потенцираат од партијата.

The post Вработените во здравството добиваат покачување на платите од 40 до 50 проценти во еден мандат, следува трансформација и реформи во здравствениот систем а граѓаните ќе добијат навремени и квалитетни услуги appeared first on Република.

Срамно е што опозициската СДС е против покачувањето на платите на вработените во здравството, додека Владата предводена од ВМРО-ДПМНЕ постигна историски договор за нивно покачување и посветено работи за подобрување на состојбите во здравството, се вели во партиската реакција на владејачката ВМРО-ДПМНЕ.

За прв пат после долги години во Македонија има влада која има слух за здравствените работници. ВМРО-ДПМНЕ покажува вистинска грижа за здравството и здравствените работници. ВМРО-ДПМНЕ активно работи на подобрување на состојбите во здравството преку вложување во здравствените работници со цел нивно задржување во државата, како и преку осовременување на технологии и методите на лекување. Владата предводена од ВМРО-ДПМНЕ во соработка и консултации со синдикатите и синдикалните организации постигна историски договор за покачување на платите на здравството.

Потпишан е анекс на колективниот договор за коригирање на коефициентите од 0,233 за сите здравствени работници и од 0,364 коефициент за медицинските сестри со средно образование и останатиот средно-медицински кадар. Со корекцијата на коефициентите на вработените во здравството со кој сите медицинските работници, уште од следната плата ќе добијат покачување од 2.450 денари. За разлика од СДС која ги заборави во целост медицинските сестри и останатиот средно-медицински кадар, ВМРО-ДПМНЕ покажува особена грижа за овој важен столб во здравствениот систем, така што и до крајот на годината истите ќе добијат покачување на платите од 3.850 денари. Освен покачувањето на платите од 10% кое што здравствените ќе го добијат годинава како резултата на корекцијата на бодовите од колективниот договор, покачување на платите во здравството од пет проценти ќе има и во март следната година. Покачувањето на платите на во здравството нема да застане тука, тоа продолжува и во следните 2026 и 2027 година каде што покачувањето се очекува да биде од 5-7% во зависност од кондицијата на буџетот, додека во 2028 година покачувањето на платите ќе биде од 7-10%, истакнуваат од ВМРО-ДПМНЕ.

Сето ова значи дека во четиригодишниот мандат на владата на ВМРО-ДПМНЕ платите на вработените во македонското здравство ќе биде од 40-50 проценти, додаваат од владејачката партија.

The post ВМРО-ДПМНЕ: СДС е против покачувањето на платите на вработените во здравството appeared first on Република.

СДС го уништи домашното производство на струја, заради нив е потребно да се увезува струја. Да инвестираше СДС во нови производствени капацитети изминативе седум години или да се потрудеше да ги одржува подобро постојните, увозот на струја не би бил толкав, соопштија од ВМРО-ДПМНЕ.

Наместо развој на енергетскиот сектор, АД ЕСМ е затекнато со доспеани и неплатени долгови од 82 милиони евра, нула инвестиции во нови производни капацитети, прекумерно и неплански трошен хидропотенцијал. Потоа, затекната е катастрофална состојба во рудниците во РЕК Битола, без откривка на јаглен, несоодветно направени ремонти или воопшто неизвршени техничко технолошки зафати во пресрет на грејната сезона, увоз на скап и неквалитетен јаглен што предизвика оштетување на термо постројките, сомнежи за злоупотреби при јавните набавки. Ова се само дел од состојбите кои ги создаде СДС со неговото менаџирање во енергетиката. Само декларираните „шампиони во енергетиката“ го доведоа енергетскиот систем пред колапс, потенцираа од партијата.

Функционерите во СДС, кои го ограбуваа енергетскиот сектор во Македонија, кои сега се кријат зад партиски соопштенија да се подготват за одговорност. Јавноста брзо ќе дознае како оваа партија се однесувала кон државниот имот и зошто домашното производство на електрична енергија никогаш не било во полоша состојба, стои во соопштението на ВМРО-ДПМНЕ.

The post СДС го уништи домашното производство на струја, заради нив е потребно да се увезува струја appeared first on Република.

Од ВМРО-ДПМНЕ велат дека власта предводена од нивната партија постојано работи на развој и економски раст што резултира со подобар животен стандард на граѓаните.

Како што истакнуваат, во предлог буџетот за 2025 година на Владата предводена од ВМРО- ДПМНЕ предвидени се рекордни 50,5 милијарди денари за капитални инвестиции.

Во оваа сума колку за илустрација вклучени се проекти како патната инфраструктура за коридорите 8 и 10д, потоа експресни патишта, железници, изградба на објекти.

 

Во работата на овие капитални инвестиции ќе бидат вклучени сите надлежни министерства.

 

Дека Владата е насочена кон развој се гледа и од основниот податок за зголемување на средствата за Министерството за транспорт за речиси 70 проценти или околу 7 милијарди денари повеќе. Потоа најголем дел од предвидените расходи се за капиталните проекти.

 

Владата на ВМРО-ДПМНЕ со буџетот за 2025 планира инвестиции во инфраструктура, училишта, градинки, болници и други јавни објекти.

 

ВМРО-ДПМНЕ работи на реализација на капитални инвестиции кои водат кон економска трансформација на Македонија и подобар животен стандард на граѓаните“, велат од ВМРО-ДПМНЕ.

The post Предлог буџетот за 2025 предвидува 50,5 милијарди денари за капитални инвестиции што значи работа и подобар животен стандард appeared first on Република.

„Капиталните расходи се уште една важна компонента во буџетот. Тие се планирани да пораснат за 12,2% или 5,5 милијарди денари повеќе во споредба со 2024 година, со што ќе достигнат 50,5 милијарди денари. Ќе се гради во секој дел од Македонија, рамномерно, во секоја општина и ќе допреме во секој сегмент“, истакна пратеничката од ВМРО-ДПМНЕ Драгана Бојковска на денешната собраниска комисиска расправа по предлог буџетот за 2025 година.

Таа посочи дека со распределбата на средствата по функции, буџетот става акцент и на општествено значајните области.

„Заштитата на животната средина бележи зголемување од 44,4% за управување со отпад и намалување на загадувањето, со износ од 6,4 милијарди денари. Понатаму функциите на одбраната се зголемени за 13,7%, додека средствата за јавен ред и мир се зголемени за 11,3% и достигнуваат 23,6 милијарди денари“, кажа Бојковска и додаде:

„Во здравството има планирани 57,4 милијарди денари, кои се за 4 милијарди повеќе во споредба со буџетското планирање во 2024 година. Со овој буџет повисоки плати ќе има и за здравствените работници, кои мора да ги задржиме во Македонија. Најавуваме комплетен рестарт на ресорот здравство, бидејќи 7 години имавме трул здравствен систем“, вели Бојковска.

Таа ги потенцираше и планираните буџетски средства за 2025 година кои се насочени кон младите и подобрување на нивниот животен стандард.

„Активни мерки за вработување на млади каде што се предвидени 2,3 милијарди денари за различни програми и мерки за вработување. Инфраструктурен образовен сектор со буџет за изградба на спортски сали во основни училишта кој треба да изнесува 258 милиони денари. Понатаму предвидено е да се реализираат буџетски средства за изградба и рехабилитација на основни и средни училишта во износ од 529,6 милиони денари, како и изградба на училишни спортски сали во износ од 255,9 милиони денари. Дополнително за реконструкција на студентски домови рехабилитација и енергетска ефикасност на студентски домови предвиден е износ од 1,6 милијарди денари или 105 милиони денари повеќе од буџетското планирање за 2024 година“, децидна е Бојковска.

The post Бојковска: Ќе се гради во секој дел од Македонија рамномерно, во секоја општина и ќе допреме во секој сегмент appeared first on Република.

СДС немаат ни план ни визија. Единственото што го имаат во последно време е паника, која ја манифестираат преку постојано мрморење, оценуваат од ВМРО-ДПМНЕ.

„Ако толку добро знаеле што треба да се направи, зошто не го направија тоа кога беа на власт? Или беа зафатени со патувања, луксуз и сликање во авиони, а сега одеднаш „паметни“. ВМРО-ДПМНЕ ги гледа големите прашања. Проектите што се започнати не се само ветувања-тие се конкретни чекори кон подобрување на животот на граѓаните. Најгласниот, а воедно и најнервозен „експерт“ Битиќи треба да научи дека државните институции не се место за ароганција и некомпетентност. Неговата нервоза нема да го спаси од одговорноста. Битиќи добро знае како се одвивал начинот на пресметка на активните и пасивните саати во здравствениот сектор. Низата нерегуларности што излегоа на виделина не се случајни. Сите кои беа дел од оваа шема на незаконски пресметки и нерегуларности, ќе бидат соочени со одговорност“, истакнуваат од ВМРО-ДПМНЕ.

Според партијата на Мицкоски, здравството е свето и ВМРО-ДПМНЕ става точка на расипаните практики и конечно воведува ред во системот.

„Народот бара отчет, ВМРО-ДПМНЕ ќе се погрижи да го добие. Ревизијата нема да заобиколи никого, и секој што го злоупотребил народниот труд ќе одговара. Времето на манипулации и празни зборови на СДС заврши. Сега зборуваат фактите, а фактите се на страната на ВМРО-ДПМНЕ“, истакнуваат од владејачката партија.

The post ВМРО-ДПМНЕ: Битиќи избегнува одговорност, паника наместо отчет appeared first on Република.

СДС нема кредибилитет да го критикува буџетот за 2025 кој го донесе Владата, кога тие буџетот за 2024 го оставија неликвиден. СДС толку добро „работеше“, што од економијата во Македонија направија циркус, а државните каси ги оставија празни. Сега со крокодилски солзи и 200 амандмани, се прават дека се „загрижени“ за економијата, но прашањето е: Зошто не ги применуваа сите „генијални“ решенија додека имаа шанса?, прашуваат од ВМРО-ДПМНЕ.

-ВМРО-ДПМНЕ го менаџира буџетот со јасен фокус на намалување на дефицитот и зголемување на капиталните расходи со што ќе донесе вистински развој на државата.

Дефицитот е на ниво 4% во износ од 41 милијарда денари и номинално е понизок за 3,3%.

За време на СДС изнесуваше околу 4,7% и ова е јасен показател колку лошо ја менаџирале економијата, или пак само краделе, целата екипа на СДС се како хумористичен стрип.

Капиталните расходи се на ниво 50,6 милијарди денари кои бележат раст од 6 милијарди денари во однос на ребаланс на буџетот.

СДС недомаќински и неодговорно ги трошеа народните пари, ги оставија учениците без учебници, а студентите без оброци, стои во партиската реакција и се додава:

„ВМРО-ДПМНЕ кога станува збор за образованието, постигна договор за раст на платите во образованието. Покачени беа платите на просветните работници, и ова покачување не е само 5% оваа година. Во следните 4 години нивните плати ќе се покачуваат за 7.5-10%, а за 2026, 2027 и 2028 година од 10-12.5%, што значи најмалку 46% покачување за 4 години.

Со буџетот се обезбедени средства и за поддршка на животниот стандард. Пензиите од март ќе се зголемат за 2500 денари. За таа намена се обезбедени дополнителни 15 милијарди денари.

ВМРО-ДПМНЕ води сметка за сите граѓани од сите категории, особено за ранливите каде има зголемување 500 милиони денари.

СДС комплетно ги исклучи земјоделците, со ниски откупни цени за производство, работниците на АД Водостопанство и ЈП Македонски шуми ги остави без плати.

ВМРО-ДПМНЕ работи за граѓаните, со цел да им обезбеди подобар животен стандард, и ниедна категорија на граѓани да не биде запоставена.

Народот гледа, ВМРО-ДПМНЕ е тука за граѓаните!, стои во партиската реакција“.

The post СДС како хумористичен стрип со 200 амандмани, ВМРО-ДПМНЕ со буџет кој ќе донесе вистински развој на Македонија appeared first on Република.

Седум години СДС на власт системски ја уништуваше државата. Нема поле и област кои во нивно седумгодишно владеење направиле нешто корисно за општото добро на сите, обвинуваат од ВМРО ДПМНЕ.

Така и по однос на проблемот со загадениот воздух со кој се соочува Македонија, а посебно главниот град Скопје. Загадувањето на воздухот не е проблем од вчера и за кој може да се изнајдат инстант решенија кои магично ќе го прочистат.

Тоа е комплексен проблем кој бара системски и долгорочен пристап, со конкретни мерки и проекти, и поголеми вложувања во животната средина со цел намалување на загадувањето.

Но, состојбата со загадениот воздух, посебно во Скопје, е таква каква што е затоа што СДС седум години на власт ништо не направија во овој поглед. Освен што на предизборните митинзи, после кои и ја преземаа власт, викајќи на цел глас „ајро, ајро, нема воздух“ ветуваа чист воздух за македонските граѓани, седум години на власт со прст не мрднаа.

За седумгодишното владеење, единствена мерка што СДС ја преземаше против загадениот воздух, е тоа што на македонските граѓани, особено на скопјани им делеше совети да не проветруваат и да не ги отвораат прозорците од домовите.

Решавањето на проблемот со загадувањето на амбиенталниот воздух бара системското делување и големите вложувања во заштита на животната средина кои ќе ги исклучат главните фактори на загадување.

ВМРО-ДПМНЕ е одговорна партија и тоа се гледа во практикувањето на власта, затоа ќе преземе големи системски мерки и ќе спроведе детален план кој ќе резултира со намалување на загаденоста на воздухот и здрава животна средина.

Главен столб во тој план е и стратешка инвестиција на гасна когенеративна централа, која ќе обезбеди топлинска енергија со значително и драстично намалување на загаденоста, а во исто време ќе произведува електрична енергија која ќе се користи во стопанството. И за таа намена, Владата ќе даде значителни субвенции кои ја поттикнат и забрзаат изградбата на централата.

Не сме сите исти, тоа се гледа и во пристапот на решавањето на најгорливите проблеми, како што е и загадениот воздух. Промените веќе се случуваат и за период од околу еден и пол мандат власт на ВМРО-ДПМНЕ ќе се почувствуваат резултатите со почиста животна средина и почист воздух.

The post ВМРО-ДПМНЕ: Изградбата на когенеративната централа значително ќе го намали загадувањето на воздухот и ќе обезбеди здрава животна средина appeared first on Република.

Крахот на македонското здравство под раководство на СДС и ДУИ доведе до агонија кај пациентите, пациенти без терапии и без лекови, неефикасен систем на закажување на термини, егзодус на лекарите и не постоење на систем на квалитетни здравствени услуги, велат од ВМРО-ДПМНЕ.

СДС системски го уништувала македонското здравство во изминатите 7 години според извештајот на ДЗР каде утврдиле недоволна искористеност на апаратите за магнетна резонанца при што граѓаните чекале, иако немало потреба.

СДС и ДУИ до толку го урнисаа здравството што ги оставиле граѓаните да чекаат со месеци за магнетна резонанца, иако за тоа немало потреба.

Борјот на апарати за магнетна резонанца во периодот од 2017 година до 2022 година е дуплиран според извештајот на ДЗР, а бројот на прегледи не е зголемен и истите се неискористени. ДЗР нотира и еден апарат кој е донација а воопшто не бил ниту ставен во функција.

СДС и ДУИ цел мандат ветуваа „Европско здравство„ а ги ставија пациентите во агонија.

Наместо брзи термини, на време и без чекање здравството под раководството на СДС и ДУИ направило хаос во системот со термини. Во системот со термини со години се внесувале помалку термини, како последица на дефект на апаратите и поради необучен кадар  а на огромна штета и агонија на пациентите кои не добивале услуга.

Бројот на снимања по апарат во Македонија е далеку под европскиот просек. Имено еден апарат во просек има 2800 снимања годишно, а европскиот просек е од 4 до 9 илјаЗди.

Катастрофалното менаџирање на СДС и ДУИ во здравството ги остави болниците без медицинска опрема, клиниките и болниците во долгови и дефицит на медицински кадар.

Владата предводена од ВМРО-ДПМНЕ ги санира штетите од владеењето на СДС и ДУИ во здравството и е посветена на подобрување на условите за работа во интерес на сите граѓани.

The post Крахот на македонското здравство под раководство на СДСM и ДУИ доведе до агонија кај пациентите appeared first on Република.

Владата предводена од ВМРО-ДПМНЕ работи на зголемување на животниот стандард на граѓаните, раст на платите и пензиите, отварање на нови работни места, привлекување на странски инвестиции и инвестиции во општините, се вели во партиското соопштение на владејачката ВМРО-ДПМНЕ.

Со владата на ВМРО-ДПМНЕ, Македонија почнува да се трансформира, преку соодветни мерки најпрво се запре слободниот пад во економијата, економијата се стабилизира, а инфлацијата и трошоците за живот се намалија. ВМРО-ДПМНЕ ги постави темелите за нова економска трансформација на државата и инвестира во општините. ВМРО-ДПМНЕ се грижи и ги реализира ветувањата пред граѓаните. ВМРО-ДПМНЕ инвестира во развојот на општините насекаде во државата, во моментот се реконструираат три патни правци во општина Велес, а со новиот повик којшто ќе биде објавен преку Министерството за локална самоуправа отприлика нови 6 до 6.5 милиони евра ќе бидат проектите коишто ќе бидат финансирани во Велес. Се инвестира и во хидросистемите во земјата а по речиси тригодишен застој се пушти во функција хидросистемот „Спас за Дојранското Езеро“ со кој од бунарите на Ѓавато се врши дотур на вода во Дојранското Езеро. Само во првите 4 месеци има повеќе нови странски инвестиции во износ од повеќе од 600 милиони евра и нови 1600 вработувања. ВМРО- ДПМНЕ со своите мерки, постигна намалување на трошоците за храна и пијалоци за 5%, односно околу 1000 денари месечно, додека на годишно ниво тоа резултира со заштеда до 18000 денари за едно домаќинство, истовремено обезбедувајќи раст на платите и пензиите. ВМРО-ДПМНЕ ги зголеми платите наставниците и професорите за 5 % уште во октомври годинава и секоја година ќе растат со тенденција за раст од минимум 46 % вкупно до 2028 година. Владата на ВМРО-ДПМНЕ работи и на проекти кои имаат стратешко значење за државата како коридорите 8 и 10 д, истакнуваат од ВМРО-ДПМНЕ.

Владата предводена од ВМРО-ДПМНЕ има за цел Македонија да ја претвори во важна раскрсница во Европа и тоа енергетска, железничка и транспортна раскрсница, додаваат од владејачката партија.

The post Владата предводена од ВМРО-ДПМНЕ има за цел Македонија да ја претвори во важна раскрсница во Европа appeared first on Република.

Изминатите 7 години владеење на СДС и ДУИ се обележани со низа скандали, економиски неуспеси и договарање на тендери во четири очи.Наместо креирање на политики за подобрување на економијата и раст на животниот стандард на граѓаните, секојдневно на виделина излегуваат низа компромитирачки и неуспешни политики на СДС и ДУИ, велат од ВМРО-ДПМНЕ.

Овој пат според извештајот на ДЗР за 2023година, а кој се однесува за управување на јавните финансии и исплатите кои ги вршеле од Министерството за финансии управувано од СДС и ДУИ се утврдени многу нерегуларности.

По контрола на ОЛАФ, поради злоупотреба со ИПА средства, средствата кои Република Македонија ги вратила кон ЕК, власта на СДС и ДУИ не успеала да ги наплати од правното лице кај кое е утврдена злоупотребата.

Во Извештајот се наведува дека се вратени над 600 илјади евра, тоа се пари кои се исплатени од буџетот на државата кон ЕК, затоа што државата има обврска да ги врати парите за кое ќе се утврди злоупотреба, а истата потоа тие средства ќе ги побарува од правното лице кое ја направило злоупотребата.

Парите кои се исплатени за злоупотребата кон ЕК, а СДС и ДУИ не успеале да ги наплатат од правното лице се доказ за неуспешноста и несериозноста на СДС и ДУИ  кон државните ресурси и европските средства.

Со самото тоа СДС и ДУИ и нанесоа сериозна финансиска штета на Македонија и буџетот.

Штетите од владеењето на СДС и ДУИ се огромни, а јавноста допрва ќе има можност тоа да го види.

The post СДСМ и ДУИ ги злоупотребиле и ИПА средствата appeared first on Република.

Пратеничката група на ВМРО – ДПМНЕ и Коалицијата нема да го прифати законското решение поднесено од СДСМ бидејќи е несериозно и не решава ниту еден проблем, рече пратеничката од ВМРО-ДПМНЕ, Драгана Бојковска.

Напишано брзоплето, без никаков аргумент и економска логика што впрочем можеше да се види и од излагањето на колешката Тренчевска. Истите оние што ја разурнаа македонската економија и што животниот стандард на граѓаните го донесоа на дното сега со лажна грижа нудат решенија што не можат да го подобрат животот на луѓето. Нов ден – ново економско промашување од партијата на богаташит од Дубаи. Најверојатно на пауза во хотелот Хилтон во Дубаи ја добиле идејата за да поднесат законско решение кое што и самите 4 пати го отфрлија во минатиот мандат. Само за потсетување, тогаш го покачија ДДВ-то на над 2.000 прехрамбени производи. Доколку СДСМ сака навистина да им помогнат на граѓаните единствено што во моментот треба да направат е да гласаат за Буџетот за 2025-та година. За повисоки плати на сите работници, за 5.000 денари повисоки пензии за сите пензионери, за реализација на 4 нови автопати, за повисок студентски оброк, за реконструкција на студентски домови, за Ваучер од 250 евра за секој студент, за рекордно висока сума на капиталните инвестиции - истакна Бојковска.

Имаме конкретен план кој дава резултати, додава Бојковска.

The post ВМРО-ДПМНЕ: Законското решение на СДСМ е напишано брзоплето appeared first on Република.

Во емисијата „24 анализа“ на телевизија 24, пратеникот од ВМРО-ДПМНЕ, Бојан Стојаноски се осврна на актуелните мерки за есенската потрошувачка кошничка, како и на предлогот на СДСМ за укинување на 5% ДДВ на околу 250 прехранбени производи. Стојановски истакна дека овој предлог не е доволно сериозен.

На такви несериозни изјави од СДС треба веднаш и неодложно да се стави крај и затоа брзо треба да се пресретнат тие изјави, од причина што на прес-конференцијата до Венко Филипче стоеја двајцата креатори на економската политика во претходниот мандат, господинот Битиќи и Ковачевски, кој им донесе 18 пратеници и ништо од тоа што го смислија не дава резултати. Сега имаме нова реалност да се поднесуваат такви закони“, рече Стојаноски.

Стојаноски приложи и документи како ексклузивна информација до Телевизија 24.

На Комисијата за избори и менувања е избран новиот состав на Комисијата за заштита на конкуренцијата и таа, како надлежен орган, веднаш ќе почне со следење на Законот за нефер трговски практики за да може тој да биде спроведен и да имаме одредено олеснување, односно поефтинување на цените“, истакна Стојаноски.

Стојаноски потенцираше дека актуелните мерки, иако се различни од претходните, носат позитивни резултати, при што посочи дека храната во последниот месец е поевтина за 965 денари.

Ние ќе продолжиме со ваквиот тип на мерки кои се суштински различни од претходните. Ние сме многу сериозни во намерата да го зголемиме стандардот, и не само преку намалување на инфлацијата, покачување на пензиите и платите, и помошта на приватното стопанство, туку и директна борба со овие појави кои што се особено негативни“, заклучи Стојаноски.

The post Стојаноски: Сериозни сме во намерата да го зголемиме стандардот, предлозите на СДСМ се несериозни appeared first on Република.