По досега невидената прослава на 28 ноември, додека албанската песна и оро одекнуваа низ целата земја, очигледно оваа празнична атмосфера не им одговараше на оние на кои им се наруши комфорот на фотелјите на власта. На крајот на денот се појавија овие кругови кои сакаат да ја дестабилизираат државата. Не затоа што ја сакаат државата, туку затоа што им недостига власта - велат од коалицијата Влен по синоќешното паллење на македонското знаме за време прославата на Денот на независноста на Албанија.

Коалицијата ВЛЕН најостро ги осуду овие, како што велат, неприфатливи дела што се случија синоќа за време на Денот на независноста на Албанија, каде срамно беа запалени државните знамиња.

Повикуваме на разумност и меѓусебно почитување, бидејќи палењето на знаме е подгревање на меѓуетничките односи во оваа земја. А, оваа работа не им служи ниту на оние кои ја поттикнуваат, односно на никој друг, а уште помалку на граѓаните.

Чувствуваме одговорност и апелираме до сите граѓани да покажат разумност и решителност да не станат плен на злонамерни провокации. Не дозволувајте да бидете жртва на никого, а уште помалку од оние кои не ги слушнале или виделе вашите маки. Веруваме во високата свест на нашите граѓани кои ќе бидат будни и нема да бидат инструментализирани од оние кои по губењето на власта го изгубија патот во сопствениот двор.

Се грижиме за безбедноста на нашите граѓани, за стабилноста на државата, затоа предупредуваме на максимална внимателност на сите граѓани без разлика, да не прават дела од кои никој не може да избега. И за ова имаме доволно докази од минатото.

Мултиетничкиот карактер на Македонија е вредност на нашата држава и општество, а секој што ќе се обиде да ги наруши меѓуетничките односи покажувајќи непочитување кон другите, особено кога се палат државните знамиња, ќе мора да се соочи со надлежните органи за спроведување на законот и да бидe повикан на одговорност.

Ваквите празници симболизираат толеранција и меѓусебно разбирање, затоа вчера албанските граѓани славеа на најдобар можен начин, во училиштата, плоштадите и во главниот град, со знамиња завиткани околу вратот и насекаде со насмевки.

Коалицијата ВЛЕН е целосно посветена на стабилност и напредок без никаков компромис! - велат од ВЛЕН.

The post ВЛЕН: Масовната прослава ги поттикна дестабилизаторите, најостро го осудуваме палењето знамиња appeared first on Република.

Денес е голем ден за сите Албанци, и во земјата и надвор од неа! За првпат, овој свет ден официјално се одбележува и на седница на Владата, благодарение на посветеноста на ВЛЕН и блиската врска со граѓаните. Денес го одбележуваме 116-от јубилеј од унифицирањето на Албанската азбука. Овој датум има посебно значење, бидејќи симболизира важен момент
кој ја нагласува важноста на обединувањето на Албанците околу еден идеал, порачуваат од ВЛЕН.

-Јазикот е елемент на идентитетот на еден народ, основа врз која се гради идентитетот и сите други елементи на една заедница. Одлуките на Конгресот во Битола покажуваат и денес дека Албанците се ориентирани кон западните и европските вредности. Претставниците на ВЛЕН во Владата го одбележуваат овој значаен ден со гордост, упатувајќи честитки до Албанците секаде. Активностите ќе продолжат со посета на Музејот на азбуката во Битола – местото каде што нашата историја е напишана со посветеност и љубов кон нашиот прекрасен јазик. Потоа ќе учествуваме на научна конференција за да рефлектираме за вредностите и значењето на овој ден, а на крај, овој голем ден ќе заврши со свечена церемонија во Домот на културата во Битола, посочуваат од ВЛЕН.

ВЛЕН е посветен на тоа албанскиот јазик да биде таму каде што му припаѓа – не процентуално, туку достоинствено!

-Ние сме посветени на целосна официјализација на албанскиот јазик во Македонија и гарантираме дека навредливиот термин „20 проценти“ ќе биде отстранет. Честит нека биде овој ден на секој Албанец и секоја Албанка, каде и да се наоѓаат. Во вакви денови секогаш да бидеме обединети, се наведува во нивното соопштение.

The post ВЛЕН е посветен на тоа албанскиот јазик да биде таму каде што му припаѓа – не процентуално, туку достоинствено! appeared first on Република.

Уште една потврда дека коцкарските бизниси имаат сериозно влијание врз политиките на ДУИ. Затоа, покерските блефови на нивниот лидер Али Ахмети не треба да се сфаќаат сериозно, велат од коалицијата ВЛЕН.

Коалицијата, исто така, му порачува на Ахмети, „наместо да ги храбри уплашените поранешни функционери со лажни барања за предвремени парламентарни избори заедно со локалните, да се посвети на внатрешни кадровски и програмски реформи“.

Сепак, како што велат од ВЛЕН, додколку Ахмети и ДУИ навистина сакаат предвремени парламентарни избори, „прво тој треба да депонира писмена гаранција дека кога ќе загуби ќе си замине од политиката, за да не трошиме народни пари за проблемите на Ахмети и Села да спречат распаѓање на нивниот таканаречен (европски)фронт.

The post ВЛЕН: Ако Ахмети навистина сака предвремени избори, да се обврзе дека по поразот ќе си замине од политиката appeared first on Република.

Коалицијата ВЛЕН ја изразува својата непоколеблива посветеност да спречи секоја форма на корупција и злоупотреба на довербата на граѓаните.Тие бараат да има одговорност за случајот „Лотарија“.

Со поништувањето на договорот помеѓу компанијата „ХЕЈ ДООЕЛ“ и Државната Лотарија, се отвора пат за одговорност на сите оние кои профитирале преку оваа шема на корупција.  Им  упатуваме повик на обвинителството и другите инстанции да преземат соодветни чекори за целосно расветлување на овој срамен скандал кој нанесе големи штети врз нашето општество.

Нивната реакција доаѓа откако вчера владата го раскина договорот со фирмата „Хеј“ на Пуцко Петрол за ресторанот за свадби што го користеше Државна лотарија.

https://republika.mk/vesti/makedonija/vladata-go-raskina-dogovorot-so-restoranot-za-svadbi-na-putsko-petrol-shto-go-koristeshe-drzhavna-lotarija/?fbclid=IwY2xjawFYsOFleHRuA2FlbQIxMQABHaUsLToUQ2aLVgyOHpxyUbGhZs2o-9sBfRh5jzzlMpTYIexYhLm3RlroEA_aem_hwdwEtBvK373RyrXzgx-VQ

Од ВЛЕН потенцираат дека Артан Груби, како глава на овој распаднат систем, и Перпарим Бајрами, неговата десна рака во индустријата за коцкање, се симболи на една империја изградена врз корупција, која ги крши правата на чесните граѓани на оваа земја.

Овие индивидуи, тесно поврзани со раководството на ДУИ, проектирале иуправувале со структурирана мрежа со цел лично богатење и на нивните најблиски.  Уверени сме дека ова е само врвот на ледениот брег. Секој чекор кон уништувањето на оваа империја изградена врз коцкање и корупција, е важен чекор за правдата.

На правосудните органи и обвинителството им е отворена вратата за да ги изнесат пред правдата оние што ја изградиле оваа шема. Нема враќање!  Ќе се бориме до крај против оваа епидемија на коцкање и корумпирани шеми на политичките казиномани. Артан Груби и Перпарим Бајрами, заедно со сите оние кои профитирале преку овој валкан пат, ќе одговараат пред правдата и пред народот.

The post Артан Груби е главата во индустријата за коцкање appeared first on Република.

Kако нова сила и надеж на Албанците во Македонија, решително прогласуваме крај на долга епоха на злоупотреба и политичка манипулација, која во текот на 22 години ДУИ ја користеше за да ја задржи власта, велат од коалицијата Влен.

Коалицијата Влен на место „балансерот“ ќе воведе нов Закон за правично и адекватно застапеност, кој ќе гарантира целосна еднаквост за сите етнички заедници. Коалицијата Влен останува посветена на осигурување дека правата на Албанците и на сите други етнички заедници ќе бидат загарантирани, нудејќи владеење базирано на меритократија и правдина. Крајот на политиките на злоупотреба е неизбежен, и ние сме подготвени да изградиме нов систем, каде граѓаните ќе имаат достоинство и надеж за иднината“, се вели во соопштението од коалицијата.

The post Влен наместо балансерот најавува нов Закон за правична и адекватна застапеност appeared first on Република.

Изминаа 20 дена од скандалозното признание вина и спогодба меѓу членот на Советот на јавни обвинители, Иџет Мехмети и Ислам Абази, двајцата првенци на ДУИ. Изминаа 15 дена откако прашуваме каде е Дрин Ахмети и дали е точно дека одамна е спроведен надвор од државата. Изминаа 3 дена откако објавивме дека претседателот на огранокот на Села во Боговиње е уапсен за профитирање од криминални коцкарници преку интернет, обвинуваат од ВЛЕН.

-Од сите страни пристигнуваат информации и докази за скандали од различни институции поврзани со кадрите на минатата Влада. Се однесувале буквално како државниот буџет да бил приватно чекмеџе кое треба да ја задоволува нивната алчност. Ахмети и Села упорно молчат, и наместо да се извинат, најавуваат посети на нивните ограноци. Изгледа дека го храбрат членството со нова порција лаги – дека час поскоро ќе се вратат на власт. Продолжува нивното политичко слепило со кое упорно се обидуваат да ги направат Албанците штит за политичката корупција на нивните перјаници кои сакаат да уживаат во нелегално стекнатиот имот, се наведува во партиското соопштение.

Од ВЛЕН посочваат ова раководство на ДУИ уште е заглавено во минатото од пред 15 години кога Албанците се уште им веруваа дека навистина се борат за нивните права.

-Времето на тие заблуди одамна заврши. Допрва ќе почне да се одмотува клопчето кое ќе ги разоткрива вистинските лица на политичките богаташи чија единствена цел било безмилосно да се граба од народните ресурси. Бидејќи Ахмети и Села упорно ја игнорираат пораката на Албанските гласачи од 8-ми мај, ќе добијат уште погласна и појасна порака на локалните избори следната година, се наведува во соопштението од ВЛЕН.

The post ВЛЕН: Ахмети и Села молчат за коруптивните случаи на нивните роднини и кадри appeared first on Република.

Кога лажните моралисти се обидуваат да продаваат чесност, им паѓаат маските! Додека пратениците на Зиадин Села се гласни во Собранието за наводна дислокација на казината, во Боговиње, на дело е фатен и уапсен шефот на нивниот тамошен огранок, Сафет Мифтари, воедно и заменик директор на Македонски шуми.Ова е невиден скандал, висок функционер на Европски Фронт, организира нелегално интернет коцкање, обвинува Вреди.

https://republika.mk/vesti/ekonomija/ne-pomina-predlog-zakonot-na-dui-za-igri-na-sreka/

Овој чин не само што претставува сериозно кршење на законот, туку јасно покажува дека семејствата за кои неговата партија тврди дека ги заштитува, всушност се жртви на криминални активности, поддржани од нивните лидери.

Еве зошто опозициските пратеници на Ахмети и Села не сакаа да го поддржат барањето за автентично толкување на законот за игри на среќа поднесен од ВЛЕН, чија цел е отстранување на коцката од домовите. Затоа што си ги штитат своите кадри кои се до гуша заглавени во криминални зделки поврзани со коцкање.

https://republika.mk/vesti/ekonomija/ne-pomina-predlog-zakonot-na-dui-za-igri-na-sreka/

Граѓаните да бидат спокојни. Автентичното толкување е прв чекор од планот за справување со штетните последици од коцкањето на коалицијата ВЛЕН.

Следи справување со криминалот сторен преку одлуки на поранешната влада и поранешното раководство на државната лотарија. Во разумен рок ќе има и нов закон за игри на среќа со кој ќе се намали бројот на коцкарници најмалку за половина.

После ваков скандал, Европскиот фронт го губи правото да зборува било што на тема справување со коцкањето, бидејќи самите предизвикуваат тешки последици за граѓаните, особено за младите, со единствена цел – да си ги збогатат сметките со нелегално коцкање.

The post Вреди: Кадрите на Зиадин Села и Али Ахмети фатени во криминал со коцкарници appeared first on Република.

На важен работен состанок, Коалицијата ВЛЕН вчера попладне ги собра сите лидери, министри, заменик-министри, директори и заменик-директори кои ја сочинуваат извршната власт на Република Македонија. Оваа средба означува значаен момент за иднината на служењето во интерес на граѓаните со чесност, отчетност и посветеност.

На средбата се дискутираше за инвестицијата од 34,5 милиони евра за ,,Универзитетот Мајка Тереза" во Скопје, што претставува важен чекор за подобрување на образовниот систем и зголемување на можностите за нашите студенти.

Ова е доказ за посветеноста на ВЛЕН за развојот на образованието и создавањето на подобри услови за младите. Повторно потврдуваме дека нашите завети кон граѓаните се: ефикасност, транспарентност и жестока борба против корупцијата.

Овие принципи ќе бидат основата на секое наше дејствување во Владата и ќе бидат наши водечки светилници. Посебно се залагаме за европскиот пат на државата и ќе работиме на поскорешно членство во Европската унија.

Визијата за интеграција во Европската унија е клучна за нашата иднина и развој, и ние сме посветени на спроведување на реформи кои ќе ја унапредат нашата позиција во регионот и пошироко.

По разочарувачкиот однос кон институциите од страна на ДУИ и нивните сателити, ја нагласуваме важноста на создавање на силни и независни институции кои ќе служат како гаранција за заштита на интересите на граѓаните и за подобрување на нивниот секојдневен живот. Наша цел е да изградиме систем што ќе биде одговорен и доверлив.

Ние ќе продолжиме да работиме за Влада која е посветена на одржливиот развој на земјата и која ги почитува принципите на демократијата и отчетноста.

ВЛЕН е подготвен да ја донесе многу очекуваната промена и да им даде на граѓаните она што го заслужуваат: Влада која работи за нив и со нив. Ги повикуваме сите граѓани да ни се придружат во нашата мисија за изградба на подобра и посветла иднина за нашата земја

The post Влен ги собра своите министри на координација appeared first on Република.

Синоќа, со големата поддршка која ја доби претседателот на Собранието на Република Македонија, Африм Гаши, уште еднаш се докажа дека владејачкото мнозинство е стабилно и нема никакви знаци на колебање, велат од Вреди.

Покрај тоа, оваа интерпелација го изнесе на површина и новиот коалиционен блок за дестабилизација на државата, Левица-СДСМ-ДУИ.

Всушност, Левица е само врвот на ледениот брег и портпарол на еден поголем проект на оваа тројка, кој има за цел дестабилизација на државата. Како што и самите претходно изјавија, а сега веќе и седокажува на дело, иницијативата за интерпелација, со толку меѓуетничка и меѓурелигиска говорна омраза, зборува за координација и соработка меѓу оваа тројка во плановите за дестабилизација и предизвикување на тензии, зошто да не и меѓуетнички инциденти во Македонија.

Сепак, оваа интерпелација беше уште една причина за хомогенизација на коалицијата ВЛЕН, но и на владејачката коалиција, докажувајќи стабилност и цврстина наспроти мрачните планови кои се кројат во анти-НАТО и анти-ЕУ кујни.

И покрај намерата на интерпелацијата да предизвика забуна и дестабилизација, таа повеќе придонесе за освестување на владејачкото мнозинство и за внатрешна кохезија, докажувајќи дека овие иницијативи се осудени на неуспех.

Во оваа прилика изјавуваме дека коалицијата ВЛЕН, во соработка со меѓународните сојузници, нема да дозволи овие дестабилизирачки проекти да се реализираат и да го оштетат стратешкиот евроатлантски правец на Македонија

The post Вреди по неуспешната интерпелација на Гаши: Пропадна планот за дестабилизација на тројката Левица-СДСМ-ДУИ appeared first on Република.

Коалицијата ВЛЕН цврсто и непоколебливо застанува во одбрана на интересите на Албанците и европската иднина на Македонија. И покрај организираните напади и шпекулациите од страна на Недемократската Унија за Дезинтеграција, ние продолжуваме да градиме мостови на соработка на домашно, регионално и меѓународно ниво. Посетата на првиот заменик-претседател на Владата, Изет Меџити, во Албанија, каде што оствари средби со државниот врв на Албанија, ги потврди нашите силни и братски врски.

Исто така, посетата на министерот за евроинтеграции, Орхан Муртезани, во Австрија, со цел напредокот на интеграцијата на земјата во Европската Унија, ја потврдува нашата решителност за динамизирање на евроинтегративната агенда. Во исто време, ДУИ, која е затрупана со корупциски скандали, продолжува да игра опасна игра со единствена цел да ги користи Албанците како штит за да избегне правдата. Но, правдата ќе ги стигне!

Додека нивните мегафони добиле задача да шират фама дека Али Ахмети наводно е на линија на ЦИА, всушност не само што прават уште еден фаул туку и ја сокриваат суровата вистина. После бојкотот на вториот круг на претседателските избори, непристојните понуди кон ВМРО-ДПМНЕ за влез во Влада без никакво достоинство и услови, корупциските скандали на фамилијата на Ахмети,  ДУИ без програмски и кадровски реформи е замрзнат на неодредено време. Притоа, јасно им е потенцирано дека секое играње по Руски ноти и предизвикување тензии ќе биде најостро санкционирано.

Се друго се обични бајки наменети за збивање на редовите на ДУИ и таканаречениот Европски фронт. Време е сите да разберат дека ВЛЕН нема да дозволи темната игра на манипулации и шеми за тензии да ги направи Албанците жртви на една политичка корумпирана клика која 22 години се богатеше на нивниот грб. Ние ќе продолжиме да се бориме за интересите на нашиот народ и со посветена работа да го обезбедиме сигурниот напредок на нашата земја.

The post ВЛЕН: ДУИ која е затрупана со корупциски скандали продолжува да игра опасна игра appeared first on Република.

Коалицијата ВЛЕН ја поздравува доцната, но неопходна одлука на скопското обвинителство за поднесување жалба против неприфатливо ниската и скандалозна казна изречена за случајот Ласкарци. Ние силно ја поддржуваме барањето за построги казни за сите други одговорни лица инволвирани во ова трагедија. Овој страшен настан, кој се обиде да се релативизира и минимизира од претходниот режим со корумпираните кадри на ДУИ, бара целосна и непристрасна правда - стои во соопштението испратено до медиумите.

Потоа додаваат:

Но, прашањата што се поставуваат се неизбежни. Дали ова е уште еден случај во кој мувлосаниот кадар на ДУИ го спречува заслуженото казнување на виновниците и откривањето на вистината? Каква улога одигра Валдет Џафери, поранешен директор на Бирото за судска експертиза, во намерното одложување на експертизата на случајот Ласкарци?

Исто така, треба да се дознае дали сопствениците на „Дурмо Турс“ се блиски со ДУИ, како што често се зборува во јавноста, и дали се соработници на Талат Џафери. Зошто сите институции вклучени во овој случај не успеале да донесат праведна и навремена пресуда? Кои се тие што се кријат зад овие постапки и се обидуваат да ги заштитат своите тесни политички интереси, попречувајќи ја правдата за жртвите и нивните семејства?

Коалицијата ВЛЕН бара целосна транспарентност и конкретни дејствија од сите институции за да се обезбеди правда за жртвите и за сите граѓани.

The post ВЛЕН: Корумпираната ДУИ е пречка за вистинската правда во случајот „Ласкарци“ appeared first on Република.

Моноетничката власт напредува, од еден скандал на ден веќе се случуваат по неколку скандали дневно, 60 дена влада, 120 скандали, обвини ДУИ.

Демократската Унија за Интеграција го смета за неприфатлив и неостварлив предлогот на моноетичката влада проблемите со градот Скопје да се решаваат на сметка на Албанците преку стопирање за изградба на булеварот Хасан Приштина на патот кон Косово. како и клучката на семафорите на улицата Словенечка, кој го поврзува и Чаир со патот за Косово.

Како и по обичај, ниту збор од В-аза-ЛЕН за овој потчинување, понижување, омаловажување на Албанците од страна на моноетничката власт.

Владата на ДУИ му додели на градот Скопје 8 милиони евра за булеварот Хасан Приштина што го поврзува Скопје со обиколницата на патот кон Косово и клучката што го поврзува тој булевар со Чаир, Бутел и Шуто Оризаре.

По негирањето на државното знаме, „делумното“ познавање на албанската химна, отстранувањето мжна албанскиот јазик, навредите кон административците, откажувањето пд уставните измени, Охридскиот договор, легитимитетот, јавно дадениот збор и депонираниот потпис, срамот пред Косово и Албанија, негирањето на Косово, носењето на путинистот Стоилковиќ како задолжен за нашите права, откажувањето од коридор 8, дојде ред да се запре и виталниот проект за изградба на булеварот Хасан Приштина на патот кон Косово. 

Имате ли трошка достоинство? Зошто влеговте во владата без легитимитет, кога нема ниту една точка од вашата програма?

Одговорот е јасен, да се збогатите на сметка на народот и да му служите на ВМРО во антиалбанските политики.

The post ДУИ ја обвини Вреди дека го кочи патот кон Косово appeared first on Република.

Секој политички субјект има демократско право да си гради идентитет врз основа на сопствените уверувања. Не мора да се согласуваме за сите прашања, но мора да се почитуваме со оглед на фактот што сме дел од заедничка Влада, бидејќи тоа е во интерес на сите граѓани без разлика на етничка, верска или политичка припадност, порачува Вреди.

https://republika.mk/vesti/makedonija/znam-do-ahmeti-da-ne-se-sekira-za-opstanokot-na-makedonskiot-narod/

Како Влада имаме утврдени и усогласени програмски приоритети и наша должност е посветено да работиме на нивно исполнување. Во тој контекст апелираме ЗНАМ несвесно да не му тера ќеифови на ДУИ. Нивното криминално раководство посакува тензии на сите полиња. За да се спасат од кривична одговорност за сторената политичка корупција и да го зачуваат нелегално стекнатиот имот сонуваат и за потреси во владејачката коалиција.

 ВЛЕН доби 107 илјади албански гласови и не може етнички да се обезличува само за движењето ЗНАМ удобно да се чувствува во Владата. Особено што Димитриевски е избран за Градоначалник на Куманово и со Албански гласови и многу добро ја знае важноста од меѓусебното разбирање и почитување. Не сакаме да веруваме дека ЗНАМ сакаат да влезат во кампања за локалните избори со повторувањето на погубното кредо на Тито Петковски од претседателските избори во 1999 - не ни требаат гласовите на Албанците. 

Парламентарното мнозинство се состои од две коалиции и едно движење како што е ЗНАМ. Тезата дека тие се партнери само на ВМРО-ДПМНЕ е наивен популизам со краток sдив. Во секоја медиумски настап логично е ЗНАМ јасно да се декларира како владин партнер, без да дозволи комплексот од ДУИ во времето на владеењето со СДСМ да му ја замаглува политичката диоптрија и да ги усложнува односите во Владата за ситни политички поени. ВЛЕН е создаден како рефлексија на потребата на мнозинството Албанци кои бараа опција сосема спротивна од ДУИ. ВЛЕН ќе продолжи да гради автентична политичка доктрина, која ја спроведува преку нова и модерна коалициска структура, чија обврска е да ги решава проблемите на граѓаните и да обезбеди сигурна иднина за Албанците. Коалицијата ВЛЕН е искрено и чесно посветена на децентрализацијата, динамизирањето на ЕУ перспективите и продолжување на својата работа за справување со криминалот и корупцијата

The post Владините Вреди и ЗНАМ преку соопштенија си праќаат пораки appeared first on Република.

Јавноста треба да ја знае вистината за случајот Блерим Рамадани. ДУИ се обиде преку свои инсталации во судството да предизвика влошување на односите со Косово кои требаше да резултираат со тензии во Македонија.

За среќа, Блерим Рамадани навреме го прочитал ова нивно сценарио. Главниот оперативец за жртвувањето на Блерим Рамадани беше Ислам Абази од Зајаз, кој дејствувал по налог на Али Ахмети и Блерим Беџети. Постојат три судски акти кои потврдуваат дека ДУИ работел прво да нема одредување мерка куќен притвор, па потоа истиот да се укине и Блерим Рамадани прво да се врати во истражниот затвор, а после да се екстрадира во Србија.

Планот на ДУИ беше ова да го искористи за потпалувачка реторика за да создаде револт кај Албанците и да го обвини ВРЕДИ.

Јасно е дека за ова криминализирано раководство на ДУИ веќе нема ништо свето. Ниту каузата на УЧК, ниту ликот и делото на загинатите и живи борци, ниту Охридскиот договор. За да се обидат да се спасат од правосудна одговорност и да го зачуваат нелегално стекнатиот имот подготвени се на се’! Дури и да го жртвуваат Блерим Рамадани за да предизвикаат тензии.

The post „Влен“: ДУИ преку Ислам Абази со Блерим Рамадани се обиде да предизвикува тензии appeared first on Република.

По секоја средба во Мала Речица, може да се потврди еден заклучок- ДУИ е исплашена до срж. Изгледа тажно колку ова раководство на тазе опозицијата ДУИ е одлепено од реалноста. Му продаваат магла на чесното членство дека се некакви визионери, а всушност ги има фатено уплав од тоа што следи - велат од владејачката албанска коалиција ВЛЕН.

Тие додаваат:

Како и во секоја криза што ја доживеа, ДУИ ја има вообичаената тенденција да го користи Охридскиот договор како параван за криминал и неуспеси. Оваа навика на ДУИ сега е јасно читлива. Секогаш кога ќе кажат „Охридски договор“ и „легитимитет“ значат дефокусирање за да се избегнат темите за корупциски скандали и одговорност за време на 22-годишниот режим.

Судбината во несреќа е што Албанците веќе се свесни за оваа манипулација и ја отежнуваат старата реторика на ДУИ, затоа и oткако увидоа дека нивните лажни тези за одбрана на Охридскиот рамковен договор немаат поддршка кај Албанците почнаа да негираат дестабилизација.

Оние кои избегнаа од етничката конкуренцијата и преминаа на граѓанскиот концепт, сега залудно леат крокодилски солзи и се обидуваат да ги уништат гласовите од различни етнички припадности и да ја контесираат волјата на 107 илјади Албанци, за заштита на нивните ситни лични и партиски интереси.

Политичките неуспеси, оркестрираната корупција и незаконското богатење не можете да ги покривате ниту со пропагандни изјави, ниту со купување експертиза, ниту со создавање политички ситуации. Или со други зборови, ниту со Охридскиот договор ниту со промоција на нови договори!

Потсетуваме дека ги изгубивте изборите токму поради ширење демагогија, бидејќи додека зборувавте за интеграција во ЕУ, вашите антидемократски постапки беа клучната причина што ја држеше земјата во заложништво од интеграциите. Народот разбра дека со изјави за ЕУ ​​ги штитите вашите фотелји и џебови, а сега со изјави за легитимитет штитите функционери потопени во корупција да се соочат со правдата.

Време е да се реформираат и да се искористи опозицијата за да се направат кадровски, програмски и прагматични реформи. Картата од Охридскиот договор не ви одминува.

ВЛЕН е гаранција на секој Албанец во оваа власт, па не дозволува да ги држите Албанците во заложништво за да ја спасите криминалната структура на ДУИ. Одговорноста е неизбежна.

The post ВЛЕН: Опозициската ДУИ одржа состанок за бркање уплав од кривична одгворност appeared first on Република.

Ова е апсурдна идеја. Во ниту една современа земја, нема две национални академии. Постои само една која што е репрезент на научната мисла на конкретната земја. Тоа е небулозна идеја, вели за „Локално“ академик Таки Фити по најавите и барањето на коалицијата ВЛЕН за формирање на албанска Академија на науките и уметностите, паралелна со МАНУ.

Фити е дециден дека академија не може да се формира врз основа на етички принципи.

-Битна е науката и придонесот на потенцијалните членови на академијата во соодветната област. Во МАНУ се избираат академици врз база на вонредно-строги критериуми. Претпоследниот циклус на избори во Академијата беа дополнително засилени и така ќе остане. Академијата е национална, но тоа не значи само на Македонците, туку на сите други етникуми во Македонија. И порано и сега, имало академци кои биле високо почитувани со различна етничка припадност. Имало и Власи, Турци, Албанци, дури има и една Полјачка. Денес во Академијата имаме четири членови од албанска националност, од кои двајца се активни и работат. Академиците Беџети и Абази како редовни членови, додека како дописен член е академик Зеќири, истакнува Фити, потсетувајќи се и на Луан Старова кој почина во 2022 година.

-Вие знаете кој беше Луан Старова – еминентен писател, книжевник и писател. Не е проблем и нема да биде проблем да влезат и Албанци и Власи и Турци. Отсекогаш така било и ќе остане, категоричен е академикот, вели Фити за Локално.

Вели дека ги слушнал забелешките од политичките партии зошто нема ниту еден вработен Албанец.

-Луѓето ги мешаат работите. Во МАНУ, академиците нема статус на вработени, туку вработени во Академијата се административниот и техничкиот персонал во рамки на Секретаријатот и научни соработници со научни звања. Не бегаме од тоа да примиме Албанци, Власи или Турци – проблем е дали луѓето ќе се јават на конкурс. Имавме низа конкурси и ниту еден Албанец не ни се јавил, зборувам за техничкиот персонал. Ако ги исполнува условите и критериумите, сигурно ќе биде примен, нас не не интересира националност, потврдува Фити.

Академикот го повтори својот став дека е ова е небулозна идеја и ваквите најави, како што вели, немаат врска.

-Во наука не смеат да се инкорпираат етнички или политички принципи. МАНУ е независна, самостојна, највисока научна и уметничка институција – така е формирана по закон и така ќе опстои во иднина. Тука не правиме никакви компромиси, заклучува Фити.

The post Фити: Идејата на ВЛЕН е небулозна, во МАНУ има четворица вработени од албанска националност appeared first on Република.

Коалицијата „Вреди“  на вчерашните прозивки на политичките опоненти ДУИ за непочитувањето на Охридскиот договор и начелата во него велат дека во времиња на тектонски политички промени, во кои ДУИ и нејзините сателити клеветат, измислуваат и подготвуваат амбиент за оспорување на придобивките на Охридскиот договор заради заштита на криминалот, е од суштинско значење да се обединат уште посилно.

Во партиското соопштение од „Вреди“ се истакнува дека целта  на коалицијата е да се биде политичкиот партнер во Владата кој не само што ќе ги идентификува и решава секојдневните проблеми на Албанците, туку и ќе нуди конкретни и остварливи решенија за поставување фундаменти за сигурна иднина.

-Вреди“ го истакнува недвосмисленото единство и посветеност на заедничките принципи, вредности, идеологија и програмски заложби, потенцираат од коалицијата. Во соопштение до јавноста посочуваат дека тие остануваат на целта да прераснат и да се развиваат во политичко движење кое ќе одговори на потребите на Албанците со добро дефинирани стратешки чекори – се наведува во соопштението од коалицијата Вреди.

The post Влен: Eдинството е клучот на успехот а не во клеветењето appeared first on Република.

Коалицијата ВЛЕН го истакнува недвосмисленото единство и посветеност на заедничките принципи, вредности, идеологија и програмски заложби. Како што споделивме со јавноста, ние сме посветени ВЛЕН да прерасне и да се развива во политичко движење кое ќе одговори на потребите на Албанците со добро дефинирани стратешки чекори, стои во денешното соопштение од ВЛЕН.

-Во овие времиња на тектонски политички промени, во кои ДУИ и нејзините сателити во опозицијата секојдневно клеветат, измислуваат и подготвуваат амбиент за оспорување на придобивките на Охридскиот договор заради заштита на криминалот, од суштинско значење е да се обединуваме уште посилно и да работиме заедно за да одговориме на потребите на граѓаните, особено Албанците. ВЛЕН е изграден врз принципите на правда, транспарентност и посветеност за обезбедување повисок животен стандард на граѓаните. Нашата политичка издржливост е нашата најголема сила и претставува вистинска гаранција дека граѓаните можат да се потпрат на нас за ефективно и правично служење исклучиво во нивен интерес, потенцираа од партијата.

И додадоа дека, нашата цел е ВЛЕН да биде политичкиот партнер кој не само што ќе ги идентификува и решава секојдневните проблеми на Албанците, туку и ќе нуди конкретни и остварливи решенија за поставување фундаменти за сигурна иднина. Сметаме дека со добро дефинирани чекори и одлучни делувања можеме да ги донесеме потребните промени и да изградиме подобро утре за сите.

-Почитувани граѓани, после формирањето на Политичкото координативно тело на ВЛЕН следи и формирањето на Комисијата за прашањата на изборите, именувањата и надзор на спроведување на политиките. ВЛЕН останува посветен на својата мисија да ги заштити и промовира интересите на граѓаните и да обезбеди правично и одговорно владеење. Заедно ќе продолжиме да одиме напред со храброст и одлучност. ВЛЕН е единството на Албанците!, нотираа во соопштението.

The post Единството е клучот за нашиот успех, заедно ја остваруваме целта, порачаа од ВЛЕН appeared first on Република.

ВЛЕН е духот на долгоочекуваната промена на албанците. ВЛЕН е политичка организација која регрутира и инвестира во квалификувани професионалци, што носи ново ниво на транспарентност и одговорност за добро владеење. За кратко време новата антикорупциска Влада на надежта, меѓу другото, успеа да обезбеди средства за албанските населби, кои граѓаните ќе ги почувствуваат во своите секојдневни животи.

The post Влен порачува: ДУИ ќе се соочи со нивното мрачно минато appeared first on Република.

„Ова извршно тело е резултат на силната политичка волја меѓу лидерите на партиите кои се дел од коалицијата Вреди за постепена внатрешна интеграција заради зголемување на ефикасноста во испорака на предизборните ветувања и заедничко сихронизирано политичко делување.

Ние ги слушаме барањата и очекувањата на гласачите. Нивната волја е Вреди да стане симбол за сенародното обединување на Албанците. Затоа, најавуваме дека следен чекор е промоција на коалиционата Комисија за прашања на изборите, именувањата и надзор на спроведување на политиките, потоа заедничка веб страница, коалициони канали за комуникација на новите медиуми, заеднички Центар за комуникации со јавноста и назначување на портпарол на коалицијата - посочуваат од Вреди.

Вреди прераснува во политички бренд кој работи исклучиво во интерес на обезбедување на сигурна иднина за Албанците. Овој процес е тргнат и нема застанување. Наша цел е Вреди да прерасне во регионално политичко движење кое фокусирано ќе ги адресира потребите на Албанците преку спроведување на реал политички чекори“, се вели во соопштението на коалицијата Вреди во кое се пренесуваат дел од изјавите на лидерите на оваа коалиција.

The post Вреди формира тело за координација со цел да прерасне во регионално политичко движење appeared first on Република.