Хрватската поп-ѕвезда Миа Димшиќ го објави спотот за темата „Општествени правила“ (Društvena pravila) - песна создадена во соработка со македонскиот виртуоз на гитарата, Влатко Стефановски.

Видеото е снимено во Скопје и зрачи со урбана естетика, којашто заедно со стиховите на Миа, поттикнува на размислување за општествените норми. Режијата е на Ива Чаиса од „Кроација рекордс“ (Croatia Records), а зад камерата се најде и нашиот Александар Ристовски. Дамир Бачиќ е извршен продуцент на видеоспотот.

„Друштвена правила“ носи звук од три студија - „Вајт стоун продакшнс“ во Риека, „Кроација рекордс“ во Загреб и студиото на Влатко Стефановски во Скопје.

Снимањето на спотот во Скопје беше прилика добро да го запознаам градот, но пред сѐ - одлично се забавував. Со Ива Чаиса како режисерка и Александар Ристовски пред камерата, го изодев градот долж и попреку, а го посетив и студиото на Влатко Стефановски, кој се појавува на крајот од видеото. Македонците се прекрасни луѓе и се надевам дека во иднина ќе има повеќе можности за посета на Македонија. Горда сум на песната „Друштвена правила“ и се надевам дека овој спот ќе ѝ даде дополнителна димензија, изјави Миа.

Преку текстот и изведбата, пејачката, вели, храбро ги истражува површните непишани правила и предизвикот на конфронтирачките конвенции. Новиот сингл ѝ ја открива бунтовничката страна, истакнувајќи ги притисоците и цензурата со коишто многумина се соочуваат.

https://www.youtube.com/watch?v=-iGxdC2Ut2c&embeds_referring_euri=https%3A%2F%2Fkanal5.com.mk%2F&source_ve_path=Mjg2NjIsMjg2NjY

The post Хрватската поп-ѕвезда Миа Димшиќ го објави спотот за „Општествени правила“ (Društvena pravila) – песна создадена со македонскиот виртуоз на гитарата, Влатко Стефановски appeared first on Република.

Вечер што долго ќе се памети приреди светскиот виртуоз на гитара Влатко Стефановски кој во рамки на 64. „Охридско лето“ одржа концерт по повод пет децении од неговата музичка кариера.

Публиката на Античкиот театар  уживаше со феноменалните композиции  во извонредна изведба на членовите на „Влатко Стефановски трио“ , Јан Стефановски и Иван Куќиќ. Гости на вечерта беа македонскиот саксофонист Горан Папаз и Дамир Имери на клавијатури со кого Влатко Стефановски соработува долги години.

-Сум пораснал во Охрид. Моите се занимаваа со уметност, беа луѓе од театар и секоја  година бевме на „Охридско лето“, така што во некоја моја длабока потсвест е врежан овој фестивал и овој град. Не ми е првпат да настапам на фестивалот ама секогаш кога сум имал чест да настапам, се чувствувам  малку посебно како и сега. Со големо  задоволство јас, мојот бенд и моите соработници го одржавме концертот, вели Стефановски.

На Античкиот театар во Охрид имаше и публика која специјално допатува само за да ужива во концертот штого одржа  овој маестрален уметник на гитара. Голема поддршка му беа и неговите пријатели и фанови надвор од границите на земјава.

-Имам пријатели од Загреб кои дојдоа да го гледаат концертот, фанови  дојдени од Норвешка, верувале или не, со три-четири авиони се забрале  и дошле да го гледаат  овој концерт, така што имаме едно посебно чувство и некако  малку поголема одговорност во однос на другите концерти што ги свириме по други фестивали. Чувствувавме потреба, ова да биде специјално, додава Стефановски.

Половина век на светската музичка сцена, не е малку,  а според гитаристот Стефановски, кариерата се градела постепено и макотрпно.

-Се разбира дека не беа веднаш освоени светските сцени, мораше прво  да се освои семејството, да ти поверуваат во  тоа што го работиш, потоа да ги убедиш училишните другари дека тоа што го правиш нешто вреди, па да го убедиш своето маало, својот град, својата држава, а светот останува да се  освои малку подоцна, така што освоивме некои значајни сцени, не можам да се пожалам. Многу сум благодарен и на публиката и на соработниците и на Севишниот кој се уште како да ме  чува и да ми дава сила и верба да продолжам понатаму, вели тој.

Како и секогаш и овојпат скромен, Стефановски вели за неговата кариера се заслужни сите.

-Сите  граделе по некое камче во тој мозаик наречен пет децении музичка кариера. Не можам да кажам  дека сум само јас заслужен за сè. Имало и некои тивки соработници кои не се толку експонирани во јавност. Зборувам за тон мајстори, за дизајнери, за фотографи, сниматели, режисери,  сите по нешто додале во мозаикот. Треба да е човек свесен и благодарен, раскажува Стефановски.

За својата успешна петдецениска кариера, најголемиот македонски амбасадор Влатко Стефановски, од фестивалот „Охридско лето“ доби плакета. Според  директорката на оваа најголемамузичко-сценска манифестација, Наташа Поповиќ, Стефановски е најдобриот македонски и балкански гитарист на сите времиња кој со својата гитара најдобро ја промовира македонската песна и музика ширум светот допирајќи до сите срца преку ритамот на седум-осминскиот такт, но и многу други ритмови.

-„Охридско лето“ со богатата традиција од 64 години ги достигнува светските врвови во уметноста но знае да ги вреднува и оние кои со своите дела испишуваат историја, раскажуваат приказна со универзален одглас. Огромна е честта од името на целиот тим на „Охридско лето“ да ја доделам плакетата во знак на благодарност за посебниот придонес, заложба и успешна соработка како и бројните настапи на сцената на „Охридско лето“ кои се дел од неговата 50-годишна успешна кариера, истакнува Поповиќ.

Концертната турнеја на Влатко Стефановски по повод неговиот јубилеј на музичката сцена  продолжува и натаму. Тој најави големи концерти во Белград, Загреб и Скопје, но како што вели, еден од позначајните му е токму овој што го одржа вчеравечер на „Охридско лето“.

The post Маестрален концерт на Влатко Стефановски на Античкиот театар во Охрид appeared first on Република.

Во Античкиот театар во Охрид, вечерва со почеток во 21 часот, концерт ќе одржи Влатко Стефановски со неговите гости Дамир Имери, Иван Кукиќ, Јан Стефановски и Горан Папаз.

Влатко Стефановски е нашиот најпознат македонски рок, поп и џез музичар, основач на „Влатко Стефановски Трио“, и еден од основачите на групата „Леб и сол“ во која Стефановски бил гитарист, пејач, композитор и автор на текстови.

За време на дваесетгодишното постоење, групата „Леб и сол“ снимила 12 албуми, една двојна компилација, и музика за различни намени: филмски и театарски претстави, како и телевизиски серии. Првите соло-настапи на Стефановски започнале во почетокот на 1990-тите, а заедно со Бодан Арсовски во 1990 година го издал првиот македонски компакт- диск, со музика за рок-балетот „Зодијак“. Во 1994 година, Стефановски го снимил својот прв самостоен албум, „Каубои и индијанци“.

Во 1993 година Стефановски работи на проектот „Сараево“, за потребите на претставата на Горан Стефановски, прикажана во театарот во Антверпен, во режија на Слободан Унковски. Потоа следува музиката за филмот „Џипси меџик“, во режија на Столе Попов, а компакт-дискот се појавил во продажба во 1997 година и насловната песна од овој албум „Џипси сонг“ станува хит на Балканот.

Влатко е дел и од проектот „Balkan Horses“ во кој, покрај него учествувале и неколку еминентни музичари од Балканот, како: Теодосиј Спасов (Бугарија), Костас Теодору (Грција), Краси Желазков (Бугарија), Хакан Бешер (Турција), Емил Букур (Романија), Сања Илиќ (Југославија), Стојан Јанкулов (Бугарија) и Тамара Обровац (Хрватска).

Во 2001 година, Стефановски ја објавува компилацијата „Кино Култура“, на која место наоѓаат најинтересните музички теми од пет филмови: „Џипси меџик“, „Небесна јадица“, „Три летни денови“, „Самоуништување“ и „Пат кон сонцето“. На почетокот на 2002 година, на покана на хрватскиот режисер Вицко Руиќ, Влатко ја пишува музиката за неговиот втор филм „Серафин,син на светилничарот“.

Истата година, во текот на летниот период, тој настапувал во повеќе земји, во најразлични формации (со своето трио, со Мирослав Тадиќ, со Џибони итн.), а есента се посветил на снимањето на својот следен соло-албум. Во 2004 година, Стефановски и Мирослав Тадиќ го снимаат албумот „Трета мајка“ на кој гостува и бугарскиот музичар Теодосиј Спасов. Како последица на интересот на Стефановски за разни музички жанрови, тој гостува на албумите на повеќе групи и пејачи, како: хрватската група „Филм“, Жељко Бебек, Васко Серафимовски, Оливер Мандиќ, Бојан Зулфикарпашиќ, Вања Лазарова, Владо Јаневски, Џибони… Во текот на својата долга музичка кариера Влатко Стефановски е добитник на повеќе награди, како: Естрадната награда на Југославија, Награда (за животно дело) Трајни вредности во Македонија, Награда на Стериино позорје, за музиката во претставата „Ослободување на Скопје”, Три награди „Златен грамофон“ на фестивалот „Месам ’87“ и повелба на градот Чикаго.

The post Концерт на Влатко Стефановски вечерва во Антички театар Охрид appeared first on Република.

Синоќа во Белград на музичкиот џез фестивал „Somersby Jazz in the Garden“, Влатко Стефановски и Васил Хаџиманов за првпат во кариерата настапија заедно на сцената како дует, а како специјален гостин им се придружи и американскиот госпел и блуз пејач Дин Бауман, јави дописникот на МИА од Белград.

Со Васил се знаеме подолго време. Сме били заедно учесници на разни проекти и на разни концерти, кај што не сме биле фронтмени на ситуацијата, туку сме били гости или сме били во некоја комбинација која не е баш каква е вечерва. Вечерва ќе ги вкрстиме инструментите - клавир и гитара на најдобар можен начин, изјави Влатко Стефановски.

Преку композициите на виртуозот Влатко Стефановски, клавијатурата на Васил Хаџиманов, македонскиот етно мелос кој провејуваше во комбинација на џез, посетителите уживаа во настапот во опуштена атмосфера на амбиентот на „Белградска градина“ која ја исполнија до последното место.

-Па, имаше разговори за тоа во која насока треба да се одржи настапот. Дали со неговото трио, дали со мојот бенд или со трет тим, и тогаш сфативме дека можеби е најдобро само ние двајца да бидеме на сцена, бидејќи тоа никогаш досега не се случило, затоа ова е една ексклузивна вечер. Имаме и специјален гостин, тоа е Дин Бауман, тој е фантастичен пејач од Њујорк, кој за наша среќа се пресели во Романија и е блиску до нас, па можевме да го викнеме. На настапот ќе поминеме низ песните на Влатко и низ мои песни, а ќе има и сол, блуз репертоар, и сето тоа во еден сет, изјави Васил Хаџиманов.

Фестивалот беше затврен со концертот на Васил Хаџиманов и Влатко Стефановски кој, како што најави, наскоро пак ќе гостува во Белград.

-Оваа година го одбележувам јубилејот педесет години на сцена, тоа е навистина јубилеј, од кој самиот се плашам, кога ќе помислам колку години прошле и овде во Белград, ќе правам гала концерт во Сава Центар пред Нова година, на 16 декември. Во меѓувреме завршувам нов албум, завршувам и мемоари, во меѓувреме се случуваат некои многу интересни работи. Од една компанија од Виена која изработува жици за гитара, за виолини, за чела и друго, добив сигничар жици, жици со моето име, Томастик Гимфилт Влатко Стефановски едишн, што ми преставува големо задовоство и големо чест. Доѓаат уште некои много возбудливи датуми кои не би сакал да ги откривам за да не ги расипам, изјави Влатко Стефановски.

Интернационалниот музичкиот џез фестивал „Somersby Jazz in the Garden“ се одржува по четврти пат во амбиентот на „ Ботаничка градина“Белград, на кој настапија повеќе музичари меѓу кои беше и Рамбо Амадеус.

The post Влатко Стефановски доби жици за гитара со негово име од компанија од Виена appeared first on Република.

Со изложбата насловена „The Vlatko Stefanovski Experience“, која се состои од концертни фотографии и архивски материјали, вечерва со почеток во 21 часот, во галерискиот простор на Мала станица, ќе биде означен почетокот на јубилејното, десетто издание на фестивалот Скопје Синема Сити.

Изложбата „The Vlatko Stefanovski Experience“ претставува дел од историјата на Влатко видена низ призмата на четворица реномирани фотографи како Стефан Рајхл, Ангел Ситновски, Огнен Ацевски и Немања Ѓорѓевиќ, а ќе бидат вклучени и архивите на музичкиот историчар Тошо Филиповски и Владимир Мандичевски – Манде. Како куриозитет ќе бидат изложени и звучниците Legendary на Теохаров аудио, кои се дизајнирани заедно со Влатко, информираат од Скопје Синема Сити.

Филмскиот дел кој ќе се одвива во Кинотека на Македонија од 1 до 4 јули, ќе биде отворен со „Карлос“, филм за големиот гитарист Карлос Сантана, додека вториот ден ќе се прикажат филмовите „Ајде да се изгубиме“ за џез трубачот Чет Бејкер и „Џо Страмер: „Иднината е ненапишана“.

Земја во фокус на фестивалот е Полска, каде ќе бидат прикажани два филма на Грегор Брзозович, кој и ќе биде гостин на фестивалот. Исто така, Скопје Синема Сити ќе додели награда за животно дело на големиот филмски композитор Збигњев Прајснер, соопштуваат од Скопје Синема Сити.

The post Со изложба посветена на Влатко Стефановски ќе биде отворен фестивалот Скопје Синема Сити appeared first on Република.

Повеќенаградениот хрватски пијанист и композитор Звјездан Ружиќ настапи на отворањето на Скопско лето на 21 јуни во преполниот Куршумли ан! . На неговиот роденден, на Светскиот ден на музиката, Звјездан Ружиќ и неговиот проект „Пијанотрон“ја почестија публиката во Скопје со вечер за паметење! Покрај тоа што публиката уживаше во авторската музика на Ружиќ, пропратена со кратка приказна за секоја композиција, пријатниот амбиент во Куршумли ан, големо изненадување за публиката беше настапот на Влатко Стефановски заедно со Звјездан, изведувајќи една авторска композиција на Звјездан и „Елено ќерко“ во еден нов , суптилен и несекојдневен аранжман кој ги стопли срцата на сите присутни.

Пијанотрон е комбинација од пијано, мелотрон и педали на кои Звјездан свири. Тој го опишува Пијанотрон како еден вид на филмска музика, украсена со влијанија од џезот, класичната, поп, рок и етно музиката.

Отворањето на 45 издание на фестивалот Скопско лето, со својата оригиналност, специфичност и квалитет, како настан ќе остане врежан во колективната меморија на присутните скопјани, но и на сите оние кои се нашле во Скопје и решиле токму оваа топла вечер да ја поминат токму овде, во Куршумли ан, сместени помеѓу содржините на ,,Скопско лето".

И оваа година, на ова јубилејно издание, преку кое, полека се доближуваме кон половина век постоење на манифестацијата, ќе имаме можност, скопските летни вечери да ги поминуваме со културните настани предвидени во програмата кои веруваме, со истиот интензитет ќе остават траги во нашите сеќавања, како и оние, сиве изминати години наназад.

The post Отворањето на Скопско лето беше вечер за паметење, Влатко Стефановски гостин на настапот на хрватскиот пијанист Звјездан Ружиќ appeared first on Република.

Познатиот македонски музичар и една од најголемите ѕвезди на поранешна Југославија, Влатко Стефановски, кој годинава слави 50 години на сцена, на 6-ти јули ќе одржи голем концерт во Ниш, јави дописникот на МИА од Белград.

Стефановски во градот на Нишава ќе настапи заедно со своето трио составено од Јан Стефановски (тапани) и Иван Кукиќ (бас), а концертот ќе се одржи во дворот на Универзитетот (Бановина) со почеток од 21 часот.

Магионичарот на гитара ќе ја потсети нишката публика на неколку од неговите најпознати хитови какo што сe „Ноќта будна“, „Јованo Јованке“, „Учи мe маjкo, казни мe“, „Kaко кaкао“, „Чyкни во дрво“, “Скoпje”, „Maкедонско девојче”, „Mамурен народ”.....

За овој концерт има огромен интерес од публиката.

Стефановски неодамна за „Танјуг“ изјави дека во 2024 година ќе ја прослави својата 50-та година на сцената, бидејќи како музичар првата плата ја земал во трета година во гимназија. Познатиот гитарист откри и дека подготвува нов албум, пишува мемоари и дека е во преговори со австриската компанија „Tomastik infeld“ наскоро под неговото име да се појават жици од гитара, што, како што вели, му претставува голема чест. Стефановски рече и дека никогаш не свири на тезги и дека на светот му требаат автентични уметници.

-На свој концерт не можеш да бидеш странец, мора да си убедлив, во елемент, внатре, како генератор на енергија и расположение, посочи Стефановски.

Почнал да свири гитара на 13-годишна возраст, а веќе на 18-годишна возраст ја основа групата „Леб и сол“, која набрзо станува една од најпопуларни рок групи на поранешна Југославија, вешто спојувајќи ја македонската традиционална музика и современ рок.

По распадот на групата „Леб и сол“, Стефановски од средината на деведесеттите развива успешна соло кариера. Со своето „Влатко Стефановски Трио“ настапуваше низ целиот свет, а во 2007 година доделен му е почесен докторат по уметност на Универзитетот „Св. Кирил и Методиј“ од Скопје.

Легендарниот музичар е познат по својата уникатна гитарска техника и тон бидејќи создава богат звук исполнет со имагинација и едноставност. Благодарение на неговата виртуозност и склоност кон интересни импровизации, неговиот шармантен пристап кон балканската музика и неисцрпната енергија со која плени со децении, Стефановски важи и родоначалник на етно-рокот.

The post Влатко Стефановски на 6 јули со концепт во Ниш ќе го прослави 50-годишниот јубилеј на сцената appeared first on Република.

Националниот Џез Оркестар со Рамбо Амадеус, Влатко Стефановски трио и Васил Хаџиманов бенд, следниот викенд на 28, 29 и 30 јуни ќе настапат на островот Вис, Хрватска во сколоп на џез фестивалот Island Vis Music Breeze.

Програмата на фестивалот е следна:

Петок 28 јуни: Rambo Amadeus & Macedonian National Jazz Orchestra – MacedoniaLana Janjanin Quartet – Croatia/Slovenia

Сабота 29 јуни: SubotaHojsak & Novosel – Croatia Zasto Kafka? – Serbia, Vlatko Stefanovski Trio – Macedonia Dilatum Jazz Quartet Croatia

Недела 30 јуни: Matija Dedic Quartet (feat. Lu Dedic) – CroatiaVasil Hadzimanov Band – Serbia/Macedonia.

Фестивалот е организиран од 3 Гонг Продукција од Македонија и Туристичкото биро на Вис.

The post Националниот Џез Оркестар, Влатко Стефановски Трио и Васил Хаџиманов на џез фестивал на Вис appeared first on Република.

„The Vlatko Stefanovski Experience“, на 26 јуни, во Мала станица ќе вклучи фотографии на Стефан Рајхл, Ангел Ситновски - Бојс, Огнен Ацевски и Немања Ѓорѓевиќ, како и артефакти и фотографии од архивите на музичкиот историчар Тошо Филиповски и Владимир Мандичевски - Манде.

„The Vlatko Stefanovski Experience“, е насловена изложбата на фотографии која ќе биде отворена на 26 јуни, во Мала станица, со што ќе биде означен почетокот на 10. Издание на фестивалот Скопје Синема Сити, во организација на Здружението Номад-Арт од Скопје.

Првата деценија на фестивалот кој го негува музичкиот документарен филм Скопје Синема Сити, со групната изложба на фотографии посветени на нашиот гитарски виртуоз, се поистоветува и со 50. годишнината од почетокот на неговата кариера.

„The Vlatko Stefanovski Experience“, на 26 јуни, во Мала станица ќе вклучи фотографии на Стефан Рајхл, Ангел Ситновски - Бојс, Огнен Ацевски и Немања Ѓорѓевиќ, како и артефакти и фотографии од архивите на музичкиот историчар Тошо Филиповски и Владимир Мандичевски - Манде.

Изложбата сведочи за многуте концерти на Стефановски низ годините, за соработки и достигнувања, видени низ призмата на реномирани фотографи и колекционери.

Идејното решение на плакатот е на Дијана Димитриевска.

Фестивалот Скопје Синема Сити, во чијшто фокус се музички документарни филмови, оваа година ќе одбележи 10 години постоење. Филмските проекции ќе се одвиваат во Кинотека на Македонија од 1 до 5 јули.

The post 10. издание на фестивалот Скопје синема сити почнува со изложба на фотографии „The Vlatko Stefanovski Experience“ appeared first on Република.

Влатко Стефановски, познатиот македонски виртуоз на гитара, на 16 декември во Сава центар во Белград со концерт со пријателите ќе одбележи 50 години од својата кариера.

-Пресек на долгата и успешна музичка кариера почнувајќи од „Леб и сол“ и соло кариерата, феноменалните изведби на Влатко ќе ги заокружат гостите, познатите музичари: Џибони, Мирослав Тадиќ, Дамир Имери и V3 Trio составено од басистот Иван Кукиќ и тапанарот Јан Стефановски. Публиката ќе ужива во спојот на инструменталниот рок, етно џезот, блузот и македонската традиционална музика – пишуваат белградските медиуми „Данас“ и „Блиц“.

Влатко Стефановски е роден во 1957 година во Прилеп, Македонија, каде што ја започна својата музичка кариера како млад гитарист.

Првиот значаен успех го постигна како член на култната група „Леб и сол“, која беше пионер во комбинирањето на традиционалната македонска музика со модерен рок звук. Преку работата со „Леб и сол“, Стефановски стана препознатлив по својата исклучителна гитарска техника и креативниот пристап кон музиката.

По распадот на групата „Леб и сол“, Влатко се посвети на самостојна кариера и издаде бројни албуми кои го отсликуваат неговиот широк музички опус. Неговата соло кариера опфаќа различни музички жанрови, истражувајќи области како џез, блуз, етно-музика и акустична гитара. Соработката со врвни музичари ширум светот дополнително го збогати неговиот музички израз.

Награден и признат Стефановски е добитник на Орден за заслуги и на македонската државна награда за животно дело во културата и уметноста „11 Октомври“. Покрај тоа, тој доби и титула – почесен доктор на уметности на Универзитетот „Св. Кирил и Методиј“ од Скопје, потврдувајќи го неговиот значаен придонес на светската музичка сцена. Неговата страст за музиката не само што ја обликуваше неговата кариера, туку остави и траен белег на музичкото наследство на регионот, пишуваат белградските медиуми. 

The post Влатко Стефановски со концерт во Белград ќе одбележи 50 години од својата кариера appeared first on Република.

„Море сокол пие“, „Елено ќерко“, „Прошета се Јовка Кумановка“, „Опа-иха“, „Македонско девојче“, „Јовано, Јованке“, „Не си го продавај Кољо чифликот“... во изведба на големите виртуози на гитара, Влатко Стефановски и Мирослав Тадиќ, на огромна радост на нивните фанови, на 1 и 2 јуни во салата на Македонската филхармонија.

Публиката во Скопје имаше можност повторно да ги слушне познатите нумери од нивниот заеднички албум „Трета мајка“, како и од „Крушево“, кои се инструментални верзии на македонски народни песни. На почетокот од вториот концерт Влатко Стефановски најави дека вечерачниот концерт воопшто нема да биде реприза на вчерашниот, бидејќи како што секој ден е различен од останатите, така и секој концерт се разликува од другите и ни посака да уживаме и доколку некој сака да ги затвори очите слободно да го стои тоа и да и се препушти на музиката.

Вечерва не е реприза од вчера. Вчера беше нешто сосема друго, а денеска ќе биде нешто сосема друго, затоа што ниту еден ден не е реприза од претходниот. Секогаш е нова авантура, секогаш е ново искушение и секогаш е ново искуство, рече Стефановски.

Ако имате потреба, затворете ги очите, ако имате потреба, отворете ги. Како и да е, само уживајте.

И навистина беше уживање, а Влатко и Мирослав звучеа маестрално. Речиси три децении соработуваат.

Вчера многу го фалев мојот пријател, на што денеска ми замери и ми рече: „Немој да ме фалиш толку многу“. Но, јас имам многу голем ќеиф да го претставувам и, на некој начин, да го откривам на публиката. Има десет и пол илјади километри помеѓу тоа каде живеам јас и каде живее тој. Мирослав доаѓа од Лос Анџелес, а потекнува од нашите краишта. Покрај тоа што е професор, тој е и градител на гитари. Сам ја има изградено гитарата на која свири вечерва. Соработувал на многу значајни проекти и со многу значајни имиња. Тој е мој многу добар пријател од 1995 година и уште малку ќе прославиме 30 години познанство, раскажа Стефановски.

Тој претходно рече дека за него секој концерт со Мирослав Тадиќ претставува мал празник на музиката, затоа што ретко се гледаат.

Тој живее во Лос Анџелес, каде што е професор, шеф на катедра за гитара на престижна музичка академија. Ние функционираме на некој чуден начин без многу вербална комуникација и договарање и проби. Така го снимивме и „Крушево“ и „Трета мајка“. Ние само се прашуваме меѓусебно – дали ја знаеш оваа тема, од кој тоналитет да ја свириме? И сè друго се подразбира. За среќа, тој е еден од најголемите фанови на македонската музика што ги познавам, рече на прес конференција Влатко Стефановски.

 

Имаат сличен сензибилитет, карактерно се слични, па како што рече и физички личат еден на друг.

Неговата мајка се викаше Нада, мојата исто Нада, мојата мајка беше глумица, и неговата исто така. Неверојатни коинциденции. Мирослав е неверојатен познавач на македонската народна музика, има колекција на плочи од Васка Илиева, Никола Бадев, Сариевски, Виолета Томовска. Ако му кажам да засвириме заедно некоја народна песна, веднаш ме прашува чија верзија ја сакам, рече Стефановски.

По концертот посетителите можеа и да го купат винил-изданието на „Трета мајка” потпишано од Стефановски и Тадиќ.

Редици се чекаа за купување, но и за автограм, а двајцата уметници трпеливо разговараа и им ги потпишуваа примероците на бројните присутни. На најмладиот купувач, Влатко му нацрта и лик од него и од Тадиќ на купената плоча.

Големо задоволство е да се доживее второ издание на нешто што си го работел порано и тоа сега, во подобра верзија. Тогаш беше на ЦД, а сега е на винил. Повторно винилите се во мода и на мое задоволство и на сите оние на кои им значи квалитетен звук. Кога го добив овој примерок и кога го пуштив на грамофон, ме обзеде таква носталгија, тага и возбуда што имав потреба да се расплачам, посочи со многу емоции Влатко Стефановски, на вчерашната промоција на винил-изданието на албумот „Трета мајка“.

Кога снимаме во студио, не е важна само музичката фреквенција и звукот, туку емоцијата, таа е најважна. Фреквенција произведуваат и оние кои косат трева сега во Тафталиџе. Цедето ниту музиката која ја слушаме на телефон, никогаш не може да го долови квалитетот на звукот кој се слуша на плоча, кажа Стефановски на промоцијата на албумот.

Сите кои имаа можност да присуствуваат на овој несекојдневен празник и уникатно музичко патување ќе потврдат дека секој нивен настап е настан кој долго се памети.

The post Секој концерт е нова авантура, ново искушение и ново искуство: Уникатно музичко патување со Влатко Стефановски и Мирослав Тадиќ appeared first on Република.

Големите мајстори на гитарата, светските уметници Влатко Стефановски и Мирослав Тадиќ после долго време повторно во Скопје, а за прв пат во амбиентот на Македонската Филхармонија.

Стефановски и Мирослав Тадиќ ќе го свират ,,Трета Мајка” и ,,Крушево” во живо во Скопје, на 2 јуни во Македонска филхармонија, со почеток од 20.30 часот.

Ова е нивен прв настап во Македонска филхармонија, додека во Скопје одамна немаат свирено заедно.

Влезниците по цена од 1500 и 1990 денари можат да се набават онлајн на ticketx и во продажната мрежа на ticketx низ Македонија.

The post Влатко Стефановски и Мирослав Тадиќ вечерва со концерт во Македонската филхармонија по повод 20 години „Трета Мајка“ appeared first on Република.

Викендов во Филхармонија, љубителите на добрата музика ќе имаат можност да уживаат во виртуозноста на изведбата на големите мајстори на гитарата – Влатко Стефановски и Мирослав Тадиќ, кои ќе одржат два концерти пред македонската публика, на 1 и 2 јуни.

На денешната прес-конференција, која се одржа во „Аудиокултура“ во Скопје, Стефановски откри дека му е големо задоволство што албумот „Трета мајка“ доживува второ издание и тоа на винил.

Винилите се повторно во мода, на мое големо задоволство, и на задоволство на повеќето дискофили, рече Влатко Стефановски на промоцијата на реизданието.

Иако живееме во дигитално време, аналогните плочи и машини на кои се создаваше музика се сѐ уште ненадминати. Кога го пуштив овој винил на грамофон, ми дојде една таква тага и носталгија што имав потреба да се расплачам. Ми звучеше толку мирно, питомо и нерасипано, иако овој албум е снимен во 2004, а тоа не беа некои мирни години.

Инаку, станува збор за музички албум на Стефановски и Тадиќ, со учество на бугарскиот музичар Теодосиј Спасов, првично објавен во 2004 година.

На концертите кои ќе се одржат викендов ќе допатува Мирослав Тадиќ, кој живее во Америка и ќе се свири токму заедничкиот албум „Трета мајка“, додека Теодосиј Спасов поради обврски во Турција нема да дојде на скопските концерти, објасни Стефановски.

Стефановски рече дека тој и Мирослав Тадиќ имаат сличен сензбибилитет, каратерно се слични, па дури и физички наликуваат.

Неговата мајка се викаше Нада, мојата исто Нада, мојата мајка беше глумица, и неговата исто така. Неверојатни коинциденции. Мирослав е неверојатен познавач на македонската народна музика, има колекција на плочи од Васка Илиева, Никола Бадев, Сариевски, Виолета Томовска. Ако му кажам да засвириме заедно некоја народна песна, веднаш ме прашува чија верзија ја сакам“, раскажа Стефановски.

Бобан Милошески од „Авалон“ рече дека е среќна судбина што албумот се реиздава на плоча по 20 години. „Трета мајка“ содржи десет композиции кои се инструментални верзии на македонски народни песни и една турска. Стефановски и Тадиќ заедно го имаат издадено и албумот „Крушево“.

Кога снимаме во студио, не е важна само музичката фреквенција и звукот, туку емоцијата, таа е најважна. Фреквенција произведуваат и оние кои косат трева сега во Тафталиџе. Це-де, ниту музиката која ја слушаме на телефон, никогаш не може да го долови квалитетот на звукот кој се слуша на плоча, рече Стефановски.

Кога го добив мојот примерок од „Трета мајка“ и кога ја пуштив плочата на грамофон, ми дојде таква носталгија што ми дојде да се расплачам. Толку питомо ми звучеше тоа што го слушнав, толку невино. Иако времињата кога првично го снимивме албумов (2004 година) не беа мирни, дружбата која ја имавме со Тадиќ и Спасов имаше некоја возвишена димензија. Секој концерт со Мирослав претставува мал празник на музиката. Тоа е така затоа што ретко се гледаме – Мирослав живее во Лос Анџелес, каде што е професор и шеф на катедра за гитара на престижната школа „Калифорнија институт оф артс“. Ние функционитараме на некој чуден начин – без многу вербална комуникација и без многу вежбање – изјави тој.

Стефановски потенцираше дека многу се радува за концертите кои следат, поготово затоа што ќе бидат во Македонската филхармонија – една од најдобрите концертни сали кај нас.

– Особено сум возбуден за овие настапи и верувам дека ќе бидат вистинско уживање за сите на кои оваа музика нешто им значи – изјави нашиот гитарист.

Првиот концерт, кој ќе се одржи на 1 јуни, веќе е распродаден, а оние кои сè уште не набавиле билети за концертот на 2 јуни, можат да го направат тоа на онлајн на ticketx.mk и во продажната мрежа на ticketx низ Македонија.

The post Влатко Стефановски: Винилите се повторно во мода, иако живееме во дигитално време, аналогните плочи и машини на кои се создаваше музика се сѐ уште ненадминати appeared first on Република.

Од Авалон велат: „20 години подоцна, кругот повторно се затвора. Едно од нашите највредни албумски изданија е секако, албумот ,,Трета мајка”.

Оваа година, ,,Трета мајка” го објавивме на винил, а следниот чекор беше очекуван: многумина веќе ни пишаа и интересот за оваа најава постои уште пред нејзиното официјализирање денес.

Со голема доза на задоволство ви најавуваме дека Влатко Стефановски и Мирослав Тадиќ ќе го свират ,,Трета Мајка” и, се разбира, ,,Крушево” во живо во Скопје, на 1ви јуни во Македонска филхармонија, со почеток од 20:30 часот“.

Тоа ќе биде впрочем и нивен прв настап во Македонска филхармонија, додека во Скопје одамна немаат свирено заедно.

The post Влатко Стефановски и Мирослав Тадиќ на заеднички концерт во Филхармонија appeared first on Република.

По повод 20-годишниот јубилеј од неговото издавање, на 1 јуни, големите мајстори на гитарата Влатко Стефановски и Мирослав Тадиќ ќе го свират албумот „Трета мајка“, како и музика од останатите нивни заеднички изданија.

Настапот на Стефановски и Тадиќ за првпат ќе биде во салата на Филхармонија.

The post Влатко Стефановски и Мирослав Тадиќ ќе го свират албумот „Трета мајка“ во Филхармонија appeared first on Република.

Ако ги корнат даските од сцената при реконструкција на салата, би сакал да ми дадат една да ја ставам во моето студио, вели Влатко Стефановски во пригодниот документарец за Универзална сала снимен за 45-годишниот јубилеј, насловен „Некогаш – сега – засекогаш“, што беше прикажан на почетокот од промоцијата на Монографијата по повод 60-годишнината од постоењето на Универзална сала – „Скопскиот симбол на хуманоста“, чија авторка е Весна Дамчевска.

Мониграфијата ја промовираа писателот и универзитетски професор Александар Прокопиев и директорот на Универзална сала Горјан Христовски.

Монографијата „Скопскиот симбол на хуманоста“ е четврта авторска книга на Весна Дамчевска и е издание на ЈУ Универзална сала – Скопје, објавена со поддршка на Град Скопје.

Книгата, покрај историјатот на институцијата, ги опфаќа и многубројните настани што традиционално се одржувале во овој простор: повеќе од 5.000 манифестации, кои ги проследиле над 5.800.000 посетители.

Од искажувањата уште еднаш се потврди дека се работи за повеќе од објект за манифестации и дека емоционална димензија што ја има Универзална сала во меморијата на скопјани и другите посетители, кои барем еднаш во животот присуствувале на некој настан било примарна идеја на авторката во креирањето на монографијата била водена од поттикот да се сочуваат сите тие настани од заборавот, негувајќи ја емоционална култура на сеќавање.

The post Влатко Стефановски: Ако ги корнат даските од сцената при реконструкцијата на Универзална сала, би сакал да ми дадат една да ја ставам во моето студио appeared first on Република.

Хрватскиот кантавтор Златан Стипшиќ-Џибони синоќа во салата „Јане Сандански“ одржа концерт на кој гостин беше Влатко Стефановски. Ваква комбинација на сцената само можете да посакате, а присутните без сведоци на маестрална изведба на нивните хитови „Libar“ и „ Čuvam noć od budnih“.

Џибони во чест на неговиот долгогодишен пријател и соработник, Оливер Драгојевиќ го почна концертот со неговиот хит „Цесарица“.

Еден од последните концерти кои ги одржав заедно со Оливер беше во Скопје и затоа сакав да го почнам концертот токму со „Цесарица“, рече Џибони синоќа, а публиката во еден глас ја пееше песната која ја одбележа младоста на многу генерации.

Влатко Стефановски, како секогаш уникатен во изведбата. Го придружуваше  Џибони во изведбата на неколку негови хитови, а потоа ја сам ја отсвири „Чукни во дрво“, на голема радост на присутните кои на нозе и со силен аплауз го поздравија.

Во двочасовниот настап на хрватската музичка ѕвезда се редеа „Опрости“, „Тајна вјештина“, „Темпера“, „Ниси више моја бол“, Миракул“, „Не одустајем“, „Посољени зрак и разливена тинта“...

Салата е доволно интимна за да се гледаме во очи, но и доволно голема за сите мои пријатели на сцената за одличен концерт, рече Џибони.

А неговите пријатели и соработници на сцената додека ги претставуваше на сцената ни создадоа впечаток на уникатен збир од прекрасни музичари од Македонија, Словенија, Хрватска, но и такви со германско и чешко потекло кои видно расположени со добра енергија и прекрасна музика ни приредија одличен концерт.

При крај на концертот, Џибони уште еднаш му се оддолжи на Оливер Драгојевиќ со изведбата на „Старим ја, а у љубав вјере немам“, а како вистински Далматинец постојано одржуваше топол контакт со публиката, слегуваше од бината меѓу присутните, се фотографираше, разговараше и на самиот крај посакувајќи ни убава година пред нас ни даде и совет секој безбедно да се врати дома.

Концертот слободно може да го наречеме ексклузивен, па дури и интимен бидејќи Џибони дојде по двe распродадени арени во Загреб и две распродадени „Штарк” арени во Белград, каде го видоа речиси 80.000 посетители.

The post Џибони и Влатко Стефановски синоќа на сцената во Скопје: Заедно ги изведоа „Libar“ и „ Čuvam noć od budnih“ appeared first on Република.

Џибони ќе одржи свој двочасовен "best of" концерт во СЦ Јане Сандански! ,,Либар", ,,Миракул", ,,Чиним праву ствар", ,,Посољени зрак и разливена тинта", ,,Тајна вјештина", Не одустајем" и уште многу други... оваа сабота, 17ти февруари, во живо од СЦ Јане Сандански!

Преостанатите влезници во сите категории се во продажба онлајн на ticketx.mk и во продажната мрежа на ticketx низ Македонија.

The post Влатко Стефановски ќе биде гостин на концертот на Џибони appeared first on Република.

Влатко Стефановски гостуваше во емисијата ,,Културно” која се емитува на Танјуг ТВ, каде говорејќи за музиката и нејзиното создавање денес, рече дека денешната музика е фабрикувана и сосема му било неинтересно да ги слуша новите продукции.

Денес музиката се прави како што се прават колбаси! Се е тоа на лента. Во тие студија е толку неинтересно, таму каде се создава таа нова музика. Сето тоа го прават некои продуценти кои ќе испијат десет кафиња на ден, и кои не излегуваат од студиото. Но, пејачите ќе дојдат малку, ќе се помоткаат таму, нешто ќе отпеат, нешто нема да отпеат и ќе излезат.

Денешната музика е фабрикувана! Како што се фабрикува храна, така се фабрикува и музиката. Мене тоа ми е тотално неинтересно. Сосема ми е неинтересно да ги слушам новите продукции. Технологијата на снимање денес е многу евтина, можете во Ајфон да снимите цел албум- рече Стефановски.

The post Влатко Стефановски: Како што се фабрикува храна, така се фабрикува и денешната музиката и мене тоа ми е тотално неинтересно appeared first on Република.

Четврто доделување на наградите TOP.HR MUSIC AWARDSA во Загреб ги собра најголемите ѕвезди од регионот на едно место. На оваа забавна манифестација во организација на Хрватското дискографско здружение и телевизијата РТЛ на македонскиот музичар Влатко Стефановски му беше врачено специјално признание Multi-platinum Award!

Претходно Мултиплатинумските награди на Хрватското здружение за дискографии за нивните музички достигнувања им беа доделени на Жељко Бебек и групата YU.

Со четвртата церемонија на доделување на Top.HR, беше одбележана и 75-годишнината на Croatia Records (поранешен Југотон), благодарение на која беа создадени безброј музички албуми кои го збогатија локалното и регионалното културно музичко наследство

The post Multi-platinum Award за Влатко Стефановски од Хрватското здружение за дискографии appeared first on Република.