Поранешниот пратеник и долгогодишен член на ВМРО-ДПМНЕ, Влатко Ѓорчев ќе биде нов национален координатор за демографија и млади. Ова било одлучено на една од последните владини седници, кога била донесена одлука да се отворат три нови позиции за национален координатор.

Во 2021 година Ѓорчев објави дека отворил сопствена фирма во областа на маркетингот, советувањето, трговијата и услугите.

Нов национален координатор за локална самоуправа е Лилјана Затуроска. Таа беше пратеничка од ВМРО-ДПМНЕ во неколку парламентарни состави до 2020 година. Верче Мицевска е именувана за национален координатор за безбедност на храна, ветеринарна и фитосанитарна политика. Таа работи во Агенцијата за храна и ветеринарство.

Претходно Владата избра уште неколку национални координатори: Павле Трајанов за спречување на насилен екстремизам и борба против тероризмот, Блерант Рамадани за примена на нови технологии и Солза Грчева за реформи во високото образование.

The post Влатко Ѓорчев нов национален координатор за демографија и млади appeared first on Република.

Водиме, напиша на фејсбук Влатко Ѓорчев, поранешен пратеник и висок функционер на ВМРО-ДПМНЕ.

„На 15% на ниво на Македонија:
Гордана  43.466
Стево  18.213
Бујар  13.088
Арбен  8.145“, напиша Ѓорчев.

The post Ѓорчев: На 15% на ниво на Македонија Силјановска Давкова 43.466, Пендаровски 18.213 appeared first on Република.

Членот на ИК на ВМРО-ДПМНЕ, Влатко Ѓорчев денеска на гостување во ТВ21 на „Daily Click“, кажа дека очекува Стево Пендаровски да има 100.000 гласови помалку од минатите избори, поради фактот што ДУИ сега извадил свој кандидат, а и Максим Димитриевски сега е самиот кандидат, како и од разочарувањето од власта. Исто така напомена дека не очекува сите овие гласови да бидат дадени за Пендаровски во вториот круг, и дека очекува овојпат Силјановска-Давкова да победи.

Мислам дека Силјановска-Давкова ќе победи, генералното расположение е поинакво од она во 2019 година. Имаме голем пад на рејтинтот на власта, голем раст на разочарувањето, инфлација, корупција, споредено со 2019 година, власта е во многу неповолна позиција, а ВМРО-ДПМНЕ и генерално опозицијата е во налет. Има 2-3 фундаметални работи, во 2019 година во првиот круг власта топтан сите заедно го поддржаа Пендаровски, и ДУИ и Димитриевски, и сепак, во првиот круг Пендаровски – Силјановска-Давкова имаа речиси егал резултат, со мала разлика. Загубата за Пендаровски е неколку 100.000 гласови сигурно. ДУИ со свој кандидат, Димитриевски направи своја кандидатура, и со самото тоа ќе имаат многу помалку гласови, и ако го додеме падот на рејтингот од 2019. Имавме голема победа на локалните избори, сега имаме 50 градоначалници од пет, сега СДСМ има 15 градоначалници, рече Ѓорчев.

The post Ѓорчев: Пендаровски сега ќе има 100.000 гласови помалку од 2019 година appeared first on Република.

Европска Унија не ве спречува да градите фабрики, автопати… Србија, Црна Гора и Косово вложуваат во инфраструктура. Ако тргнете од Косово кон Македонија, возите по модерен, нов автопат, и кога ќе влезете во Македонија, нема ниту метар автопат, каде што има пат во катастрофална состојба, со искршени банкини, без светла во тунелите“, рече Влатко Ѓорчев, член на ИК на ВМРО-ДПМНЕ на гостувањето во Daily Click на ТВ21.

Ако ЕУ е подготвена за проширување, зошто нема за Албанија, Србија, БИХ. Во самата ЕУ тек се некои пошироки геополитички конфедерации, интереси кои ги гледаме, и самата ЕУ треба да каже дали навистина сака да има проширување на Западен Балкан. Го гледаме стагнирањето на Македонија во последните седум години, што нема во последните 100 години. Паѓа бројот на населени како никогаш до сега, сме имале 100 години иселување, но никогаш вака како во последните 7-8 години, рече Ѓорчев.

The post Ѓорчев: Од Косово кон Македонија возите по автопат, влегувате тука и нема ниту метар нов автопат appeared first on Република.

Ние неколку пати им имаме кажано, не еднаш, многу пати имаме кажано дека време е за избори, дека немаат легитимитет, дека народот не ги сака, дека се делегитимирани, дека немаат ниту еден добар асален проект кој што ќе биде добар за луѓето и да речат сите браво. Не. Сѐ е ова купи ден помини, тендер со тендер, некоја коалиција, комбинација и слично, истакна членот на ИК на ВМРО-ДПМНЕ, Влатко Ѓорчев за време на неговото гостување во вестите на ТВ Алсат говорејќи околу политичката состојба во државата.

Ѓорчев исто така додаде дека оваа власт одамна го изгубила својот легитимитет во очите на народот и вештачки се одржува во живот и купува време.„Генерално и во политиката и во животот и во економијата и секаде има една точка која на англиски се вели “point of no return”, точка од која што нема враќање. Кај народот и кај луѓето оваа власт е во точка од која што нема враќање“, потенцираше Ѓорчев и додаде:

Е сега дали тие ќе купат да ги одложат за две недели, месец дена, два месеца не е битно. Изборите мора да се случат, тоа е уставна категорија, законот вели мора избори. Е сега дали ќе бидат месец дена плус или минус, во ред ќе помине, но ќе бидат поразени“.

За тоа дали е можно зачленување на Македонија во ЕУ до 2030 Ѓорчев истакна дека се надева но и дека со ваква влада и со вакви скандали кои се случуваат во државата тоа е тешко дека ќе се случи.

За жал оваа ваква Македонија каква што е со катастрофална економија, со најголема инфлација во Европа, со најлоша економија во Европа, со најголемо иселување во светот, со најголем број на починати луѓе од КОВИД во светот, со пукања, убиства, корупциски скандали, за жал оваа држава и особено оваа влада ваква каква што е апсолутно не е во состојба да стане членка на ЕУ“, потенцираше Ѓорчев.

The post Ѓорчев: Оваа власт само купува време, но изборите ќе се случат и ќе бидат поразени appeared first on Република.

Бројките за иселување кои ги слушаме ја даваат тажната и ужасната слика на исчезнување на Македонија. Македонија станува земја без народ, територија без население, а нема држава без народ, нема училишта без ученици, нема економија без луѓе и нема ништо ако нема деца. А нас како никогаш во историјата изминативе 6-7 години ни снемува деца, млади и ни сменува детски плач, изјави членот на ИК на ВМРО-ДПМНЕ, Влатко Ѓорчев на дебатата во Пехчево насловена „Иселување и демографија предизвик за Македонија“ во рамки на кампањата „Важно е! Од тебе зависат промените“.

Ѓорчев истакна дека причините се бројни, но Македонија никогаш немала покатастрофална власт. оваа власт на Заев, Ковачевски и Пендаровски буквално ја уништува Македонија.

Буквално ја уништуваат Македонија. Ние сме земја која секогаш имала иселување, имало печалба, гурбет, луѓе кои од помалите места оделе за Белград, Германија, прекуокеанските земји, но ваква катаклизма немало никогаш. Пред да дојде живот како што велеше Заев во 2016 имавме 23.000 бебиња, а минатата година имаше историски најмалку 18.027. ниедна земја во светот немала таков пад, нагласи тој.

Ѓорчев посочи дека економската политика апсолутно игра улога, нема нова отворена фабрика, нема нов проект, Македонија душмански се пљачка, луѓето бегаат, креваат раце, старите остануваат сами, нема кој да ги гледа, младите заминуваат во Италија, Германија, Скандинавија.

Во првиот квартал оваа година родени се само 3600 деца, а во 2016 година родени се 5600 деца. Тоа се 100 паралелки помалку со деца. Ако ги погледнете бројките падот е 40%, нас ни се случува рецесија на животот, на Пендаровски, Ковачевски, Заев око не им трепнува. Една општина Зрновци првото дете се раѓа во октомври, до толку е лошо, не се сите исти во општина Зрновци во 2016 имало 20 деца. Има одговорност за тоа. Не може да бидеме рамнодушни на тоа. Оние кои ова и го приредија на Македонија треба да ги набркаме, Македонија сака и мора да опстане, изјави Ѓорчев.

Ѓорчев нагласи дека не се само помалите места и во поголемите градови е исто, на пример во Центар 4 школи не може да наполниме со деца, паднати сме на 15-16 ученици во паралелка.

– Си заминуваат добростоечки семејства, жестока неправда и се случува на Македонија. Мораме да застанеме на нозе, мораме на овие некадарници да им кажеме пријатно и Македонија да ја креваме на нозе, истакна Ѓорчев.

Кога е силно ВМРО-ДПМНЕ и Македонија е силна, не треба да се губи надеж, знаме како да го направиме, со ВМРО-ДПМНЕ Македонија ќе има економија, добри политики програми. Заеднички да ги негуваме традиционалните семејни вредности. Решението е 61 пратеник, треба жестоко изборно оваа власт да биде казнета. Мора да имаме влада што си ја сака државата за да ја издигнеме државата“ – порача тој.

The post Ѓорчев: Заради оваа катастрофална власт, Македонија исчезнува, стануваме држава без народ! appeared first on Република.

Оваа Влада ги демонтираше сите добри политики за граѓаните, за семејствата, за мајките, за децата. Напротив воведоа една лоша политика, ги гледаме и последиците од лошите политики на Владата, рече Влатко Ѓорчев, член на Извршниот комитет на ВМРО-ДПМНЕ на гостување на утринската програма на Канал 5.

Ѓорчев информираше за конкретни бројки кои се последица од лошата владина политика или политиката која не води грижа за семејствата.

„На пример од 2006 заклучно со 2016 година, Македонија е единствена држава во регионот која имаше раст на родени деца. Или  имаше раст од нешто повеќе од два проценти. Тоа се должеше  најмногу поради политиките за трето дете. Сега како резултат на немањето политики во оваа област сме земја која по бројка на родено трето дете е најлоша, имаме најмал број на родено трето дете“, кажа Ѓорчев.

Ѓорчев се осврна на лошата еконсомска политика во земјава.

„Човек треба лично да биде ангажиран и да ги поправи условите. Условите не се сјајни, ама не треба да се откажуваме, еве посебно кога зборуваме за темата семејството. Дедо ми биле десет деца, тоа бил период на војни, имало по илјада мртви дневно, баба ми е 15-то дете. Сега живееме во време на стрес, но замислете каков бил тогаш стресот, во тој период на војни многу деца умирале, замислете каков бил тој стрес тогаш да си го закопаш детето“, кажа Ѓорчев.

Дополнително, додаде, Ѓорчев, ние денесека живееме во време кога цените на храната секаде се зголеми за 11 проценти, а во Македонија 50 проценти.„Во овие шест години станавме земја на највисоки, цени, највисока инфлација, највисоки даноци. За да смениме нешто мора да има пресврт. Или прво, најважно е младите да останат тука и второ, исклучително важен е корпусот на еконосмки прашања. Замислете луѓето се мислат дали да направат ајвар бидејќи се нема пари“, вели Ѓорчев.

The post Ѓорчев: Владата ги осиромаши граѓаните, секаде цените на храна се зголемени за десеттина проценти, само во Македонија 50 appeared first on Република.

Ни се случува демографска катастрофа каква што Македонија наназад 100 или 200 години немала. Од Македонија секогаш имало иселување, печалбарство, имавме економска миграција, но ова што го имаме од 2017 година наваму откако дојде оваа влада, нам не ни се случува иселување, туку буквално егзодус, изјави Влатко Ѓорчев член на ИК на ВМРО-ДПМНЕ за Тема на денот во дневникот на МТВ.

тој истакна дека сите можни индиктатори како и бројот на ученици ни го кажуваат тоа, никогаш не било полошо.

Причините се јасни, имаме катастрофална и најлоша влада во историјата, нема Македонец што не е потиштен. Нема економска катастрофа која не ни се случила, во здравството секогаш имало проблеми, но како на Онкологија ни се нема случено. Докторите немаат основни материјали, нема терапија за дијабетичари ваква катастрофа никогаш немало, изјави Ѓорчев.

Тој посочи дека ако ги гледаме бројките од 2016 кога СДС викаа дека малку се 23000 новородени, до тоа да минатата година имаме 18.000 родени бебиња, односно 5.000 бебиња е паднат бројот.

Ако ја погледнете статистиката од 2016 со 2023 прв квартал, бројот на новородени деца е паднат 40%. Нема земја во светот што има таков пад, рече тој.

Ѓорчев потенцираше дека катастрофата се гледа по образованието, децата немаат учебници, минатата учебна година некои до крај не добија, од компјутер за секое дете сега се молиме за учебници.

Ние немаме доволно доктори, ученици, работници, немаме доволно луѓе да работат во било кој сектор, стануваме територија без население, ова засега се и треба да биде во главните теми. Истовремено претседателот, премиерот и министрите со прст не мрднуваат. Имплодира државата, власта не мрда за главната тема, нема семејство кое не размислува да се исели. Секогаш во Македонија имало повеќе родени од умрени, а сега е обратно. Тоа значи дека имаме антисемејни политики, дека стануваме неуспешна држава, рече Ѓорчев.

Тој нагласи дека ако сакаме Македонија да преживее мораме да ставиме крај на оваа власт која ни ја пустоши државата.

The post Ѓорчев: Ни се случува демографска катастрофа, нема човек кој не размислува да се исели appeared first on Република.

Изминативе 7 години со политиките на Таче Ковачевски, Стево Пендаровски и Зоран Заев Македонија е земјата со најголем демографски пад на светот. Падот од 2016 година, први квартал до први квартал оваа 2023 година во родени деца е фрапантни 40%, 40% помалку родени бебиња. Нема земја во светот кај што има ваков ужасен пад како Македонија, изјави на денешната прес-конференција Владимир Ѓорчев, член на ИК на ВМРО-ДПМНЕ.

Посочи дека тоа значи дека од Македонија се случува егзодус, иселување и заминување.

-Тоа значи дека Таче Ковачевски, Стево Пендаровски и Зоран Заев заеднички ги демонтираа сите политики кои што им помагаа на семејствата, на децата и на мајките. Тоа значи дека со овие 40% помалку родени бебиња во Македонија ќе имаме празни училници, празни училишта, наставници кои што ќе немаат доволно часови. Тоа значи дека ќе имаме празни улици и празни градови и села.

Први квартал 2016 година во Македонија имало 5.600 родени бебиња, овој прв квартал 2023 имаме само 3.600 родени бебиња. Тоа е фрапантен пад во само еден квартал, во само три месеци од 2.000 помалку родени бебиња. 2.000 бебиња, тоа се 100 паралелки помалку. 100 паралелки помалку да ги наредите една по една е 1 километар празни училници. 1 километар празни училници во која што нема ниту едно дете, само празни клупи и празни столчиња. Тоа се бројките, тоа е статистиката, тоа се фактите пред кои што секој мора да молчи.

Таче Ковачевски и Стево Пендаровски со око не трепнуваат за овие состојби. Ова е една македонска трагедија која што ги засега сите региони во Македонија, сите општини, сите градови, сите училишта, сите етникуми и сите населени места.

Стануваме земја без народ, пуста земја во која што нема млади, во која што нема детски џагор.

Изминативе седум години, со бројки Македонија е земја со најголем демографски пад од 40%, никој во светот нема паднато толку. Во Македонија имало и војни и кризи и падови, но ваква работа никогаш немало. Овој зулум кој што сега и се прави на Македонија, со тоа што Македонија се празни како никогаш порано е незабележан во македонската историја. Ако Македонија сака да живее, а сака, ако Македонија сака да напредува, а треба и сака да напредува мора да ги порази политиките на Таче Ковачевски, Зоран Заев и Стево Пендаровски, час поскоро, нагласи Ѓорчев.

The post Македонија, земја без деца: Во 2016 година во првиот квартал од годината се родиле 5.600 новороденчиња, во 2023 само 3.600 appeared first on Република.

Во Македонија во моментов сега се случува буквално демографска катаклизма, никогаш помалце родени бебиња и страшни, ужасни демографски падови,oбвини Влатко Ѓорчев од ВМРО-ДПМНЕ.

Почитувани, само во месец март оваа година во Македонија има 18% помалку родени бебиња одошто минатата 2022 година. 2022 година беше најлошата, убедливо најлошата демографска година во историјата на Македонија со најмалку родени бебиња, на таа најлоша година сега во март имаме 18% дополнителни родени бебиња помалку. Тоа значи празни училишта, празни градинки, празни градови и села, тоа значи пуста, пуста земја. Овие бројки се ужасни. Ова се политиките на Таче Ковачевски и Стево Пендаровски. Тие политики буквално ја уништуваат Македонија. За Македонија да живее и преживее мора овие нивни политики да бидат час поскоро поразени.

Ќе ви соопштам неколку бројки почитувани присутни. Значи во март 2022 година родени се 1557 бебиња, во март 2023 година родени се 1279 бебиња во Македонија, тоа е 278 бебиња помалце, само во еден месец. Тоа е фрапантен ужасен пад од 18%, 278 помалце родени бебиња тоа значи во само еден месец, 14 паралелки помалку со деца, 14 паралелки со 20 деца.

Имаме еден куп места и еден куп школи каде имаме паралелки со три деца, пет деца, седум деца или девет деца.

Во првиот квартал 2023, во однос на уште еднаш ќе повторам, најслабата во историјата со најмалку родени бебиња 17.700 бебиња се родени во Македонија 2022 година, сите негативни рекорди се пробиени. Значи во првиот квартал минатата најлоша демографска година родени се 4. 009 бебиња. Во овој квартал 2023 година родени се 3.656 бебиња тоа е 353 помалку бебиња за еден квартал, односно намалување на квартално ниво во однос на најлошата година од 9 проценти.

Тоа значи дека Македонија исчезнува, тоа значи дека Македонија ја нема. Тоа значи дека со овие политики на Таче Ковачевски и Стево Пендаровски ќе имаме празни училишта, празни градинки, празни полиња, празни села, празни градови, испразнети маала, без детски џагор. Тоа значи дека буквално стануваме пуста земја. Нема ниту една земја, нити една земја во светот во март која има ваков пад 18 проценти. Најлоши во светот, уште еднаш на Македонија, за жал со Стево Пендаровски и Таче Ковачевски и се случува демографска катаклизма, колапс и буквално катастрофа.

Мора да најдеме сили, да ги поразиме овие политики затоа што Македонија буквално се тенчи и исчезнува.

Кажав доста бројки, овие бројки можете да ги видите на сајтот на Заводот за статистика, ова се поразителни бројки што ги допираат сите во Македонија, сите градови, сите региони, сите етникуми, сите градови и села. Навистина поразно, болно и ужасно!

The post Демографска катаклизма, никогаш помалце родени бебиња appeared first on Република.

Членот на Извршниот комитет, Владимир Ѓорчев со неговиот тим во рамки на акција „Ова е Македонија за сите“ на населените места Петрово, Миравци, Давидово, Милетково, Смоквица и Прдејци каде што од човек на човек, од куќа до куќа остварија средби со жителите.

Ѓорчев посочи дека народот е револтиран од актуелната власт и бара промени, нова власт која ќе ја предводи ВМРО-ДПМНЕ, за да се врати надежта помеѓу македонските граѓани.

Атмосферата е добра и убеден сум дека на наредните избори атмосферата ќе биде и победничка, затоа што луѓето и народот низ цела Македонија е револтиран од политиките на СДСМ, на Ковачевски, на Стево Пендаровски, на Али Ахмети, на Артан Груби и целата нивна заедничка влада. ВМРО-ДПМНЕ доаѓа, ВМРО-ДПМНЕ ќе победи и во наредните шест недели ќе одиме во повеќе од 200 населени места да ја вратиме надежта во Македонија, да се бориме за Македонија, истакна Ѓорчев.

The post Ѓорчев: Народот е револтиран од политиките на СДС и ДУИ, новата власт предводена од ВМРО-ДПМНЕ ќе ја врати надежта и ќе се избори за Македонија за сите appeared first on Република.

На денешната панел дискусија под работен наслов „Извештај на Стејт Департментот: Сериозна владина и судска корупција“ во просториите на централниот штаб на ВМРО-ДПМНЕ, свое обраќање имаше и членот на Извршниот комитет, Влатко Ѓорчев каде што ја посочи важноста на оваа институција на глобално ниво како врвна и водечка дипломатска институција во светот и која е важна за Македонија, а со тоа важни се и сите извештаи и констатации за состојбите во државата.

Посочи дека последниот извештај за состојбите во Македонија користен е заострен вординг, преставува огледало на фактичката состојба во државата, односно држава со широко распространета корупција, како во извршната власта така и во судската, што се гледа и од начинот на избор на јавните обвинители и судии.
Ѓорчев истакна дека со ова ниво на корупција и секојдневни скандали, Македонија преставува наслабата карика во ланецот НАТО сојузници, каде што и граѓаните оправдано се разочарани.

„Во содржината на извештајот за Македонија на Стет департментот има, апсолутно, заострен вординг во кој се констатирани низа на недостатоци што претставува огледа на сотојби кои што Македонија треба да ги прифати и поради самата себе, но исто така и поради пошироката слика. Секој ланец е онолку силен, колку што е јака најслабата карика. А, во силниот и голем ланец на НАТО сојузништво, кај што ние припаѓаме, за жал, со оваа корупција која што ја имаме, со овие скандали кои што ги имаме секојдневно во Македонија, Македонија не е силна карика, напротив Македонија е прилично фрагилна, Македонија е земја каде што луѓето се прилично разочарани од еден куп работи, оправдано, како никогаш до сега. Секогаш имало проблеми тука, но ваков очај, ваква резигнација јас не паметам во Македонија, а не паметат ни постарите“, истакна Ѓорчев.

Ѓорчев посочи дека ние како општество мора да се консолидираме, мора да работиме и да бидеме ангажирани со нашите евроатлански сојузници за на тој начин, консолидирајќи ја Македонија внатре, да се движиме во ситуација во која што ќе иамме подобри извештаи за Македонија од Стејт Департментот.

Истакна дека владата предводена од Социјалдемократскиот сојуз која што со Македонија раководи во последните шест, седум години македонските граѓани и економија ги чини на годишно ниво околку 5,5 милијарди евра или околу 35 милијарди евра во овие 6-7 години, а од друга страна ниту еден капитален проект или објект не се изградени, се нема направено ниту тротоар.

“Имаме еден систем на сврзани садови кој што го цеди стопанството, кој што оваа економоја, овој народ, овие луѓе и овие граѓани ги чини пет и пол милијарди евра, а ништо не се гради. Во текот на овие 6-7 години потрошени се 30-35 милијарди евра, а ние во Македонија немаме направен тротоар. Епа каде отишле парите? Гледаме каде отишле парите. Така што се е тоа дел од сликата и она што Македонија треба да направи, тоа е еден поширок ресет“, рече Ѓорчев.

Порача дека Македонија мора да направи ресет, затоа што ако Македонија не се консолидира тогаш ќе стане Галичник, ќе стане празна земја, земја на старци од која што си заминале младите, а која што слика за жал, веќе ја гледаме според бројки, по број на ученици во осносно, ученици во средно, родени бебиња.

Ѓорчев додаде дека постои можност да се корегираме како држава и тоа е добриот дел, затоа што оваа или наредната година во државава ќе има избори и на ВМРО-ДПМНЕ му е потребна поддршка од секој еден човек кој е незадоволен од сето ова кое и се случува и на политички и на економски и на државотворен план на Македонија со што ќе се сврти нов лист и ќе се направи нов почеток.

The post Ѓорчев: Власта нема направено еден тротоар appeared first on Република.

Во Македонија секогаш имало печалбарство, имало заминување во 60-тите, 80-тите години. Но, ваков егзодус каков што има сега, вакво иселување кое што има сега, никогаш немало. Не зборуваме сега само за помалите места еве Скопје се празни, си заминуваат граѓани и од поголемите градови па и од главниот град“, истакна Владимир Ѓорчев.

Ѓорчев додаде дека се повеќе си заминуваат граѓани од Македонија, и тоа граѓани кои што имаат добри работни места, кои се добро економски ситуирани.

„А, тоа значи дека имаме целосен крах на економската приказна во Македонија. Граѓаните во Македонија се повеќе не се чувствуваат сигурни за да останат тука. А, зошто е тоа така? Затоа што како што реков имаме анонимуси кои што се министри, имаме секој ден скандали, имаме држава која што е жестоко опљачкана, и на крајот на краиштата нема никакви нови инвестиции“, заклучи Ѓорчев.

„Нека ми каже некој во последниве пет – шест па и седум години која е некоја сериозна инвестиција која што е дојдена во државата освен фарми за марихуана на една фамилија од Струмица“, нагласи тој.

Ѓорчев нагласи дека во државата откако СДСМ е на власт инвестиции нема.

„За иселувањето на граѓаните од државата што се случува, никој од Владата со прст не мрда. Значи минатата недела излегов со податок дека само од 5 градови имаме во едно полугодие 700-тини иселени деца. Ги набројав Прилеп, Тетово, Штип, Кочани и Куманово. Значи пет градови од кои што имаме 700-тини иселени деца во едно полугодие. А, од власта нема никаква реакција за тоа“, рече Ѓорчев.

Тој додаде дека ако во пет градови има 700-тини иселени деца тоа на ниво на Македонија се 4.000 деца. Ако се тоа 4.000 деца тоа значи дека се 4.000 мајки и татковци. Само по таа основа во едно полугодие од Македонија се иселени 12.000 луѓе. А, плус ако се додадат луѓето кои што се млади, кои што имаат околу 20-тина до 30 години тогаш има уште повеќе иселени. И се доаѓа до заклучок дека за една година од Македонија се иселиле околу 35-36.000 граѓани.

„Имаме претседател на државата, Стево Пендаровски кој што е тотално бескорисен. Значи на кој што државата му пука по сите шевови, која што се распаѓа, која што исчезнува и ја снемува, а тој ништо не прави, тој вегетира“, укажа тој.

The post Ѓорчев: Имаме претседател на државата кој што е тотално бескорисен appeared first on Република.

Владимир Ѓорчев, член на ИК на ВМРО-ДПМНЕ смета дека Владата е една крпеница,, но  скршена ваза не може да функционира.

Еве хипотетички да кажеме дека ќе траат уште една година, иако мислам дека е тоа под прашалник, но еве и да биде тој мандат уште година дена, тие немаат нарација, немаат прикаска, немаат наратив, немаат некоја конкретна агенда со која овие луѓе, овој народ и ова општество ќе живеат, рече Ѓорчев.

Пратеникот во текот на своето гостување се осврна и на работата во Собранието каде истакна дека оваа владејачко мнозинство цел јануари не одржа ниту една седница во Собранието што значи дека немаат мнозинство.

-Цел јануари немаше ниту една седница одржана во Собранието, тоа значи дека немаа мнозинство. Сум бил дел од мнозинство и кога сме биле 65-66-67 пратеници што било тесно мнозинство, а сега тие велат 64 се супер. Сум бил дел од мнозинство кое имало и 81-82 пратеника, значи ВМРО-ДПМНЕ со 62 пратеника со други коалициони партнери, и тоа тешко функционирало и тогаш сме држеле седници секој ден, кажа тој.

Пратеникот порача дека некој ништо не работи во Владата, ниту пак се труди за нешто.

-Сега нити некој нешто работи во Владата, ниту некој нешто посебно се труди, ниту има некоја приказна, ниту има некоја агенда, вели Ѓорчев.

The post Собранието цел јануари не одржа седница, дали тоа значи дека немаат мнозинство? appeared first on Република.

Пред три дена објавивме еден ужасен, тежок податок дека само во пет града во првото полугодие си заминале 700 деца, рече на денешната прес-конференција Владимир Ѓорчев, член на ИК на ВМРО-ДПМНЕ, потсетувајќи дека 700 деца се отпишале од нивните училишта за да заминат во странство од Прилеп, Куманово, Тетово, Штип и Кочани.

Ако ги погледнеме бројките за цела Македонија со таа тенденција бидејќи цела Македонија се празни, секое село, секој град, Скопје се празни доаѓаме до една ужасна бројка дека само во изминатото полугодие од Македонија си заминале 4000 деца, 4000 ученици се отпишале. Тоа е пораз на владата, тоа се катастрофални бројки. Сите тие 4000 деца имаат 4000 мајки, 4000 татковци, дека има деца кои што се отпишале од градинка, дека има отселени луѓе кои што имаат по 20 години а не засновале семејство доаѓаме до една фрапантна бројка дека во времето на Таче Ковачевски и Стево Пендаровски изминатото полугодие од Македонија си заминале околу 15.000 и 20.000 луѓе, давајќи бројка за иселени во текот на 2022 година од 30.000 до 40.000 луѓе, кои што се млади, кои што се силата на оваа држава кои што се виталност. Еден цел градски стадион полн со луѓе ни се има иселено од Македонија за една година со оваа влада на неразбрани трговци, со овој претседател Пендаровски кој со прст не мрда додека државата се распаѓа, додека Македонија пропаѓа и економски, и демографски и државно. Таче Ковачевски кој што не мрда со прст да направи било што за оваа Македонија, а само тера коалиции, Пазар 3, купи ден-помини, со кој што ќе направи некоја комбинација за да остане месец, два, три или пет да остане повеќе на власт, а се помалку и помалку буквално да ја има Македонија со овие иселувања кои ни се случуваат, рече Ѓорчев.

Не смееме да се помириме дека е редовна состојба, додава Ѓорчев, дека е нормално во само пет града да ни се иселат 700 деца за едно полугодие. Повторувам тоа се 4000 иселени деца на ниво на Македонија, тоа се 4000 мајки и татковци кои што исто така си заминале со тие деца, плус додајте деца од градинка, плус додајте луѓе кои се во 20, 25, 30 години кои немаат засновано семејство кои исто така си заминале од Македонија.

Значи од Македонија секогаш имало заминување, печалбарство, луѓе кои си оделе но ваков егзодус, вакво празнење на Македонија никогаш, никогаш немало. Ниту еден окупатор, ниту еден душман не ја набркал, не ја раселил Македонија, не ја проретчил Македонија како оваа влада на неразбрани трговци Димитар Ковачевски Таче и Стево Пендаровски.

Тоа е катастрофата во која живееме. Мораме да најдеме сила да ги поразиме овие политики. Македонија, мора, мора да најде сили да направи сериозна промена да направи дисконтинуитет да има нова гарнитура која ќе може да спасува што може да се спасува од оваа држава. Затоа што со ваквите политики, со оваа катастрофа и со оваа нивна индиферентност ќе остане буквално пустелија.

Нема закажано седница на Совет за безбедност, нема специјална седница на влада нема специјална седница на Собрание мислат дека е нормално и во ред во едно полугодие да ни се иселат 15-20 илјади луѓе, а на ниво на година 40 илјади луѓе и нив тоа не ги допира, око не им трепнува.

Тоа е катастрофата во која живееме и тоа е она кое мора да го смениме!, вели тој.

https://youtube.com/watch?v=7U55-LrZRBY&feature=shares

The post Еден цел градски стадион полн со луѓе ни се има иселено од Македонија за една година со оваа влада и со Пендаровски appeared first on Република.

Смртта на Благојче од Битола чекајќи ја државата да му обезбеди лек ја возменири јавноста. Особено револтира фотографијата на Благојче од претседателскиот кабинет, која е сведоштво дека Благојче лично го информирал претседателот дека за неговата болест има нов лек. За жал, Благојче не дочека да се увери дека лекот Трикафта е навистина магичен како што кажуваат неговите соборци од соседството.

https://republika.mk/zivot/zdravje/za-magichnoto-dejstvo-na-tabletkite-trikafta-so-poln-zdiv-raskazhuva-ana-od-srbija/

Влатко Ѓорчев од ВМРО-ДПМНЕ револтот го истури врз претседателот. Тој смета дека имаме „прилично бескорисен претседател“.

Обичен позер кој само се слика и тера ПР, додека државата му пука по сите шевови. Државата му се распаѓа по СИТЕ основи (економија, иселување, државност), народот умира, а тој со прст НЕ мрда. Нотар кој само става параф на СИТЕ политики на Заев и Таче. Умреа 10.000 луѓе од ковид, а тој не најде ниту 1 (една) вакцина. Задолжувањето галопира, доаѓа банкрот, а тој се’ потпишува и молчи. Пендаровски нема донесено 1 (една) инвестиција. Зихерашки тера “софт” теми, а Македонија тоне и исчезнува. Тотално бескорисен, изгубен во времето и просторот, пишува Ѓорчев.

https://republika.mk/vesti/makedonija/patsientite-od-asotsijatsijata-za-tsistichna-fibroza-denesa-vo-14-chasot-na-protest-pred-vladata/

The post Ѓорчев: Имаме прилично бескорисен претседател appeared first on Република.

Членот на ИК на ВМРО-ДПМНЕ Влатко Ѓорчев учествува на форумот за безбедност во Сенатот на САД во Вашингтон, соопштија од ВМРО-ДПМНЕ.

За време на форумот Ѓорчев оствари средби со конгресмените Дејвид Рузер, Дарел Ајса и Бурџес Овенс. Ѓорчев ја повтори важноста на стратешкото партнерство и пријателството меѓу Македонија и САД. Двете земји како членки на НАТО треба да ја продолжат и продлабочат билатералната соработка. Главни теми на форумот се војната во Украина, состојбата во Европа и светот, сајбер безбедноста, енергетската криза и други поврзани теми, истакнаа од ВМРО-ДПМНЕ.

На форумот учествуваат околу 200 учесници, како и пратеници од САД, Европскиот парламент, Канада, Велика Британија, Германија, Украина, Италија, Шпанија, Франција итн, додаваат од опозициската партија.

The post Ѓорчев во Вашингтон: Средби со конгресмените Рузер, Ајса и Овенс appeared first on Република.

Членот на ИК на ВМРО-ДПМНЕ Влатко Ѓорчев учествува на парламентарниот форум за безбедност во Вашингтон кој се одржува во Сенатот на САД.

Главни теми на форумот се војната во Украина, состојбата во Европа и светот, сајбер безбедноста, енергетската криза и други поврзани теми.

На форумот ќе се обратат сенаторите Том Тилис, Бил Кесиди, Синтија Луминс и Џејмс Ланкфорд, како и 10-тина конгресмени и претставници од институции и организации од САД.

На форумот учествуваат околу 200 учесници, како и пратеници од САД, Европскиот парламент, Канада, Велика Британија, Германија, Украина, Италија, Шпанија, Франција итн.

The post Ѓорчев во Вашингтон на форум за безбедност во Сенатот на САД appeared first on Република.

Членот на ИК на ВМРО-ДПМНЕ Влатко Ѓорчев претстојуваше во Молдавија како предавач на конференциите на ПАС - ЕПП партијата.

Во својата рекапитулација на посетата на Молдавија Ѓорчев истакна:

„Молдавија силно се развива. Не им е лесно, ги чувствуваат последиците на војната во Украина, но земјата оди напред”.

Ѓорчев додаде:

„Македонија стагнира и секој ден е се’ полошо. Изминативе 5 години со владите на Заев и Ковачевски, Македонија ја поминаа Албанија, Србија, Косово, Црна Гора, Босна и Херцеговина… Земјите кои беа позади нас, сега се многу подобри од нас”.

Ѓорчев резимираше:

„Македонија мора да застане на нозе и да оди напред. Затоа ни се потребни промените”.

Конференциите на ПАС - ЕПП се одржуваат во соработка со фондацијата Јарл Хјармалсон, блиска до владејачката Модератерна партија од Шведска.

https://www.youtube.com/watch?v=ZNuz1YtvrqM

The post Ѓорчев од Молдавија: Сите се развиваат, само Македонија оди назад appeared first on Република.

Членот на Извршен комитет на ВМРО-ДПМНЕ Влатко Ѓорчев учествуваше на Конкордија самитот во Њујорк, информираат од партијата.

Во рамките на самитот Ѓорчев во Њујорк оствари повеќе билатерални средби, како со Жозе Мануел Баросо, поранешен премиер на Португалија и претседател на Европската комисија во два мандати (2004 – 2014).

На средбата со поранешниот премиер на Шпанија Хосе Марија Азнар стана збор за соработката меѓу ВМРО-ДПМНЕ и Партидо популар. Азнар како премиер на Шпанија од 1996 до 2004 година беше голем пријател на Македонија и ВМРО-ДПМНЕ.

Ѓорчев се сретна со Хеле Торнинг – Шмит, поранешна премиерка на Данска.

Таа сега е копретседател на надзорниот одбор на Фејсбук, како и член на бордот на Атлантскиот совет од Вашингтон и Советот за надворешни работи од Њујорк, а активно работи со Обединетите нации (ОН).

Но Самитот Ѓорчев имаше одличен разговор со Колинда Грабар Китаровиќ, екс претседателката на Хрватска. Ѓорчев ја информираше за состојбите во Македонија и се заблагодари на нејзиното пријателство кон Македонија.

The post Влатко Ѓорчев во Њујорк се сретна со Баросо, Азнар, Шмит и Китаровиќ appeared first on Република.