Kомандантот на Единицата за противпожарна заштита на Град Скопје, Звонко Томески денеска информираше дека пожарникарите утринава интервенирале на уште еден пожар во скопската населба Влае.

Според него, горела кровна конструкција на куќа на улицата „Иван Цанкар“.

Томески информира дека пожарот е изгаснат и дека на терен биле испратени четири возила со 12 пожарникари.

The post Се запали и кровна конструкција во скопско Влае appeared first on Република.

Без електрична енергија утре од 08:00 до 09:30 часот ќе бидат корисниците од објектите во околината на „Тинекс“ на улицата „Кленоец“ во населба Влае.

Причината за прекинот, како што информира Регионалниот центар за управување со кризи на Град Скопје, по добиеното известување од ЕВН, е поради технички зафати во електро-дистрибутивната мрежа.

The post Без струја утре дел од Влае appeared first on Република.

Полициски службеници од ЕВР ОКР Карпош на 22 април во 12.40 часот во основно училиште на подрачјето на населба Влае во Скопје, лишиле од слобода ученик по тежок инцидент кој тој го предизвикал во училиштето.

Како што соопшти МВР, станува збор за штитеник од Јавна установа за згрижување на деца, кој околу 10 часот во училиштето, откако претходно скршил дел од инвентар, физички нападнал негови соученици и двајца наставници, а го скршил и мобилниот телефон на еден од наставниците.

По целосно документирање на случајот ќе следува соодветен поднесок, велат од полицијата.

The post Тежок инцидент во училиште во Влае: Уапсен ученик кој нападнал ученици и наставници, искршил сè наоколу appeared first on Република.

Со нови современи објекти, како што има во Дубаи, Чикаго, Торонто, Виена, Софија, Белград, Карпош ќе стане водечка општина во државата, рече на денешната прес-конференција градоначалникот на Општина Карпош, Стевче Јакимовски по најавите на советничката група на ВМРО-ДПМНЕ дека со 4.000 амандмани ќе го блокираат носењето на ДУП-овите за „Алумина“, Влае и „Млечен“. Според него, тие се „запрепастени од квалитетот на проектот“, од онаа убавина која многу граѓани ја поддржуваат да се изгради“.

https://republika.mk/vesti/skopje/putsko-petrol-ke-gi-gradi-visokokatnitsite-kaj-alumina-sosedite-nemaat-pravo-na-zhalba/

Јакимовски тврди дека со планираните згради на местото кај поранешната фабрика „Алумина“, предвидени се уште илјада паркинг места, покрај планираните 2500 за резидентите во тој кварт, а ќе има и градинка која ќе биде подарена од општината

Станува збор за површина на која ќе доминира зеленилото, кое ќе опфаќа 80% проценти од вкупната површина. Значи ќе биде еден од најхуманите и најзелените простори во Скопје. Токму поради самата конфигурација на теренот на кој ќе доминира зеленилото, максималниот број на станбени единици/жители е 1.500. Со тоа се води грижа да не се доведе до вештачка пренаселеност во општината. Карпош има најмногу зеленило од сите општини во градот Скопје. Ги лажат граѓаните дека ова не се вистинските проекти, лага е дека ќе има сенка врз бараките затоа што овие објекти се повлечени 35 метри од улицата „Прашка“. Направени се симулации дека никого не загрозуваат. И со ГУП е водено сметка за инфраструктура, за училишта, градинки. Тоа е современ проект. Истиот проект двапати претходно беше презентиран пред советниците и независните, кажа Јакимовски.

Според него, ќе има подземни улици, за да нема директен добир со издувните гасови, а вети и четири излези за да нема сообраќајно оптоварување.

Карпош повторно ќе биде водечка општина во државата, каде ќе има бизнис кули каде ќе можат луѓето да работат, да живеат, вели Јакимовски.

Од граѓанската група „Борба за Влае“, пак,  велат дека Општина Карпош и градоначалникот Стевчо Јакимовски ја замајуваат и лажат јавноста за тоа што ќе се гради на празниот простор на некогашната фабрика „Алумина“.

[caption id="attachment_722604" align="aligncenter" width="1577"] Фото: Борба за Влае[/caption]

The post „Убавина од современи објекти како што има во Дубаи и Чикаго“: Јакимовски за новите згради кај „Алумина“ appeared first on Република.

Основното јавно обвинителство Скопје донесе наредба за спроведување истражна постапка против едно лице од Скопје за кривично дело „неовластено производство и пуштање во промет наркотични дроги, психотропни супстанции и прекурсори“ од член 215 став 1 од Кривичниот законик.

Како што информираат од ОЈО, осомничениот 62-годишник, во својот дом на ул. „Влае“, засадил три саксии со растение канабис и ги одгледувал. Во еден од тоалетите во домот направил импровизирана сушара во која сушел 27 гранки со лисја и врвни делови од канабис. При претресот извршен на 3 ноември, полицијата кај него пронашла и 303 грама марихуана во неколку тегли, кутии и други пакувања кои ги чувал во домот.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице, оценувајќи дека постои опасност да се даде во бегство или да го повтори делото.

The post Дома имал саксии со канабис, во тоалетот направил импровизирана сушара: 62-годишник од Влае произведувал марихуана во својот дом appeared first on Република.

Полицијата вчера на улица „Манапо“ во Скопје го и лишиле од слобода 68-годишниот скопјанец Ф.А. поради кражба.

Како што соопшти денеска МВР, Ф.А. се сомничи дека вчера околу 18.10 часот на улица „Мраморец“ со закана со остри предмети одзел чанта од 17-годишно девојче од Скопје.

Кај него биле пронајдени острите предмети и одземеното. Лицето било задржано во полициска станица и со него бил извршен службен разговор. По целосно документирање на случајот против него ќе биде поднесена соодветна пријава, се додава во соопштението.

The post Инцидент во Влае: Старец со нож се заканил на девојче, па ја ограбил appeared first on Република.

Без струја утре ќе бидат дел од скопските населби Кисела Вода и Влае и село Семениште во Општина Сарај.

Како што информираат од РЦУК Скопје утре без струја во периодот од 8:30 до 12:00 часот ќе бидат корисниците од улиците „Георги Димитров“ број 23/2 и 66/2, „Франк Харкорд Манинг“ и „14 Декември“ број 1 и 3 во Кисела Вода.

Во периодот од 9:30 до 14:00 часот, без струја ќе бидат корисниците од село Семениште во општина Сарај, а од 10:30 до 14:00 часот и корисниците од улица „Франц Розман“ од броевите 7 до 15 во општина Карпош.

The post Без струја утре дел од Кисела Вода и Влае и село Семениште appeared first on Република.

ЈП „Водовод и канализација“ – Скопје известува дека поради уличен дефект на улица „Пресека“ број 39, денеска прекинато водоснабдување имаат корисниците од оваа, како и улиците „Сливовска“ и „Владимир Каваев“ во скопската населба Влае.

Водоснабдувањето е во прекин од 10:20 часот и ќе трае до завршување на санацијата на дефектот.

The post Без вода три улици во Влае appeared first on Република.

При претрес во стан на Љ.Г. (22) во скопската населба Влае вчера се пронајдени две поголеми пакувања со околу 350 грама амфетамин, дигитална вага, половина килограм марихуана, 333 парчиња екстази и предмети за кои постојат основи на сомнение дека потекнуваат од продажба на дрога.

Од Министерството за внатрени работи информираат дека, Љ.Г. е лишен од слобода и спроведен во полициска станица и до надлежното обвинителство ОЈО Скопје против него ќе биде поднесена кривична пријава за извршено кривично дело по член 215 од КЗ, а во текот на денешниот ден ќе биде изведен пред судија на претходна постапка.

Според добиените информации, пронајдената дрога требало да биде продадена и дистрибуирана на други дилери и уживатели за новогодишната ноќ, велат од МВР.

The post Уапсено момче од Влае кое планирало да дила дрога на новогодишни прослави appeared first on Република.

На празниот простор во Влае во близина на населбата Александрија, ќе никне нова станбена населба.

За изградбата на населбата ќе се пробиваат и прошируваат улици, за што ќе „настрадаат“ дел од приватните имоти, објави „Скопјеинфо“.

На јавната презентација која се одржа на почетокот на месецов беше кажано дека мора да се пробијат и прошируваат улиците за да се обезбеди пристап на новите жители на зградите.

Жителите кои дознаа дека дел од нивните дворови ќе биде наменет за улици кои ќе водат до комплексите на згради, слични на тие отспротива, во Александрија, но значително повисоки треба да поднесат анкетни листови.

 

Овој ДУП, ако се изгласа во оваа форма ќе донесе низа проблеми. Наше, на жителите, е да побараме негова промена, а на советниците да не го гласаат ако Општината и Градоначалникот решат да не нѐ послушаат - порачаа од иницијативата „Борба за Влае“.

Од иницијативата и претходно алармираа за спорните ДУП-ови.

Греота е да се редат наполитанки, да се планираат минимални тротоари, да не се планираат велосипедски патеки, да не се планираат дрвореди. Во 2022 година! Греота е на постоечките куќи да им се одзема од дворот за улицата, а на некои со стопанските објекти да им се додава државно земјиште за да градат зградишта со кои ќе го спречат главниот ветер кој доаѓа во Скопје од северозапад - велат од Иницијативата.

The post Во Влае ќе никне нова станбена населба, дел од жителите ќе ги изгубат дворовите за да се направат улици appeared first on Република.

Без вода денеска од 10:00 часот се корисниците од улиците „Франце Прешерн“ и „Влае“ во населба Влае во Општина Карпош.

Како што соопшти Регионалниот центар за управување со кризи-Скопје, прекинот е поради поврзување на нова водоводна мрежа на ул.„Франце Прешерн“ бб.

Корисниците ќе бидат без вода се до санирање на дефектот.

The post Делови од Влае се без вода appeared first on Република.

Во страотен судир на два автомобила, од кој едниот бил „Фиќо“, попладнево во скопската населба Влае се тешко повредени маж и жена, кои биле итно префрлени во болница, објави порталот Скопје1.

Според информациите од очевидци, несреќата се случила во непосредна близина на „Влајко“ и мостот „Обединети нации“.

Засега нема информации за здравствената состојба на повредените.

The post Страшна сообраќајка во Влае, Брза помош пренесе двајца тешко повредени во болница appeared first on Република.

The post Јакимовски: На спортските терени во Влае нема да се гради appeared first on Република.

На пешачкиот премин пред мостот Влајко во Влае вечерва се случи тешка сообрќајна несреќа, во која учествувале три автомобили.

За повредени и штети ќе се чека официјално соопштение по увидот што се прави на лице место. Но, според она што е на лице место, најоштетено е возило марка БМВ, со тетовски регистарски ознаки.

The post Сообраќајка кај мостот „Влајко“, најоштетено е БМВ со тетовски таблички appeared first on Република.