Почнувајќи од денеска официјално во тек е уписот на првачиња во основните училишта во Карпош за учебната 2023/2024 година, кој ќе биде отворен до крајот на месецот. Советот на Општина Карпош донесе одлука за нова реонизација, соопшти на денешната прес-конференција градоначалникот на Општина Карпош Стевчо Јакимовски.

Според списокот на МВР евидентирани се околу 720 дечиња кои треба да се запишат во прво одделение, а според евиденцијата на детските градинки во Карпош, догодина треба да се запишат околу 615 деца. Овде треба да се земат предвид и децата кои посетуваат приватни градинки, како и дечиња кои не се запишани во предучилишните установи, изјави Јакимовски.

Тој посочи дека одредени училишта се соочуваат со сериозен проблем бидејќи има поголем број на ученици кои треба да посетуваат настава дури и во три смени.

Од друга страна имаме училишта кои немаат доволен број на основци, а сето тоа е благодарение на предрасуди кај родителите за да не се користат одредени школски установи, додека пак имаме притисок кон другите училишта. Токму во ООУ „Владо Тасевски“ во населбата Козле постои голем притисок за упис на првачиња, така што во оваа установа имаме 1.010 ученици. Од тие причини, Советот на Општина Карпош донесе одлука за нова реонизација, според која основците кои се запишуваат во прво одделение, а живеат на локацијата од ул.„Рузвелтова“ до ул. „Брадфордска“ ќе учат во ООУ „Војдан Чернодрински“, рече Јакимовски.

Тој појасни дека основците од населбата Долно и Средно Нерези, како и од населеното место Тафталиџе, ќе посетуваат настава во ООУ „Братство“, односно реонизацијата почнува од пред влезот на фабриката „Реплек“. Додаде дека оваа одлука никој не смее да ја прекрши.

Според него, процесот на реонизација е од интерес на сите ученици бидејќи целта е подобри услови за едукација

The post Поради огромен притисток за запишување првачиња во „Владо Тасевски“, Општина Карпош донесе одлука за нова реонизација appeared first on Република.

The post ООУ „Владо Тасевски“ есенски прваци во кошарка appeared first on Република.

Денес сме тука за да соопштиме една убава и долгоочекувана вест од страна на учениците Албанци од Скопје и околината. Конечно, со иницијатива на Алијанса за Албанците и нашата советничка, Потпретседателката на Град Скопје, госпоѓата Бујаре Абази, денес Советот на Град Скопје ќе гласа за предлогот за давање согласност за паралелката на албански јазик, во средното училиште “Владо Тасевски“. Станува збор за една паралелка од електротехнички профил и телекомуникација со настава на албански јазик што не беше дозволено, додека учениците беа доведени во опасна положба да останат без свидетелства и да ја изгубат учебната година, ова денеска на прес конференција го истакна Наим Бајрами, представник на АА во Град Скопје.

-Се потсетуваме дека оваа паралелка се држеше како заложник од пинг-понг однесувањето помеѓу директорот на училиштето во градот и министерството. По доаѓањето на Власт на новото раководство на Град Скопје, започнаа процедурите од страна на Градот. Град Скопје испрати инспектори од Инспекторатот за образование и сопствен стручен тим за утврдување на фактичката состојба и беше констатирано дека учениците се присатни во училиштето и ја следат наставата, вели тој.

-Благодарение на заложбата на новото раководство на Градот за создавање на еднакви услови за сите граѓани и нашата определба, а и на нашата заложба како претставници на Алијанса за Албанците во Град Скопје, овој проблем на учениците и родителите коишто со право беа загрижени за можноста на губење на годината на учениците, за среќа се спречува и тие ќе имаат можност на крајот на годината да полагаат и да ги добијат свидетелствата како што заслужуваат. На учениците им посакуваме здравје и успех во учењето и се обврзуваме дека ќе продолжиме да работиме за граѓаните кои ни дадоа доверба и да ги санираме проблемите и пропустите на претходната власт, истакнува Бајрами.

The post Во средното училиште „Владо Тасевски“ се отвора паралелка на албански јазик appeared first on Република.