„Знаејќи го карактерот на Пендаровски, но и ризикот во кој би влегол СДСМ ако се калкулира со тивок бојкот, јас сум за машки да се истрча вториот круг и да се направи максимум. Кај дел од членството на СДСМ ќе се пробуди инаетот, не сакаат да бидат вака понижени“ рече поранешниот премиер Владо Бучковски во „360 степени“ на МТВ.

Тој додаде дека расположените не е за СДСМ да биде доведен само на 180 илјади гласови.

„Знајеќи го карактерот на СДСМ, сметам дека СДСМ ќе има подобар резултат од овој на парламентарните избори и тоа ќе биде мотивација за тој што ќе го наследи Ковачевски, да покаже дека со поинаква организација и мотивација, која ќе му треба на СДСМ по овој шок, може да се изнесат уште барем 30-40 илјади гласови на контото на СДСМ“ рече Бучковски.

Тој додаде дека некои поранешн функционери на СДСМ заговараат бојкот на вториот круг на претседателските избори како одговор на блокадите на ВМРО-ДПМНЕ од изминатите седум години, но според него тоа е погрешен пристап и стои зад одлуката на Пендаровски да се бори до крај.

„Чесно е да се мобилизира СДСМ и да се истрча до крај оваа трка. Фер е да се даде шанса на Пендаровски, во игра се повеќе од 330 илјади гласови на другите кандидати“, рече Бучковски.

The post Ќе се пробуди инаетот кај членството на СДСМ, не сакаат да бидат вака понижени, смета Бучковски appeared first on Република.

И на изборите во 2006 година имаше еден феномен, кој му се случува на СДСМ. Тогаш се појави НСДП, сега Максим Димитриевски со Знам, кој има и подобар резултатот“ рече поранешниот премиер Владо Бучковски во „360 степени“ на МТВ, пренесува „Слободен печат“.

The post Бучковски: ЗНАМ на Максим Димитриевски е истиот феномен како НСДП во 2006 година appeared first on Република.

Според поранешниот министер и економски експерт Џевдет Хајредини, премиерот Димитар Ковачевски има лоша перцепција за вредностите.

За Ковачевски, Бучковски е врвен професор кој, иако за корупција беше осуден, не отиде во затвор, коментира Хајредини.

Ковачевски во неодамнешното интервју за „Трилинг“ рече дека има комуникација со сите бивши претседатели на СДСМ, бидејќи сите се сè уште членови на партијата.

Шекеринска е потпретседател на Партијата на европските социјалисти, ние сме многу горди на тоа и со неа често комуницираме на полето на меѓународната политика. Професорот Бучковски е врвен професор по право, така што и со него на таа тема знаеме да поразговараме, последниот разговор го имавме пред три-четири недели. Со премиерот Заев, тој сега има други обврски, немало никакви разидувања ниту конфликти. Имаше одредени написи коишто тој ги демантираше. Сите одлуки во СДСМ се носат многу транспарентно и низ дебата во телата, изјави Ковачевски.

The post Хајредини: За Ковачевски, Бучковски е врвен професор кој не отиде во затвор, иако беше осуден за корупција appeared first on Република.

Бојко Борисов денеска демонстрира лидерство и пријателство кон Македонија.

Ова специјално за БГНЕС го изјави поранешниот македонски премиер Владо Бучковски по повод одлуката на Борисов да даде зелено светло за почеток на преговорите меѓу Македонија и ЕУ.

Изјавата на Бојко Борисов е лидерски потег што ќе ја врати довербата во бугарско-македонското пријателство. Со вакви декларации ја враќаме довербата меѓу нас, рече Бучковски, кој беше и специјален пратеник кај властите за решавање на спорот меѓу Софија и Скопје.

Борисов денеска ги повика пратениците на ГЕРБ да го поддржат францускиот предлог за почеток на преговори од страна на Македонија. Кирил Петков го нарече кукавица и лажго кој се крие зад Народното собрание и нема храброст да преземе политичка одговорност.

The post Бучковски за БГНЕС: Борисов демонстрира лидерство и пријателство кон Македонија appeared first on Република.

Професорот Владо Бучковски, кој своевремено беше и специјален претставник на македонската Влада во преговорите со Бугарија, во колумна за НоваТВ ја разработува идејата Pro или contra Францускиот предлог. Според него, предлогот на Француското претседателство со ЕУ е добра основа за надминување на спорот но да се надгради и да се допрецизира.

Според мене, францускиот предлог е добра основа за излез од блокадата наметната од Бугарија. Да треба да се надгради и да се допрецизира…НО, што е она што мора да го одбележиме како позитивно, несомнено тоа е решението за македонскиот јазик со кое дефинитивно веќе не се доведува во прашање употребата на македонскиот јазик во ЕУ. Во поглед на кревањето на ветото, има компромисна формула, Првата Меѓувладина конференција веднаш на 23 јуни, почетокот на преговорите по промената на Преамбулата на Уставот и вметнувањето на нашите сограѓани со бугарска самосвест во неа, вели Бучковски.

Цела колумна тука

The post За Бучковски францускиот предлог е добра основа и треба да се радуваме што ни го оставиле македонскиот јазик appeared first on Република.

Денеска во 10 часот ќе биде промовиран нов клуб на пријателство меѓу Бугарија и Македонија. Тоа е неформална мрежа на видни интелектуалци од двете земји кои не се откажуваат од желбата за искрен дијалог во моменти за кои сметаме дека се критични, вели проф. д-р Владо Бучковски, кој е дел од оваа мрежа, за Утрински брифинг.

Се обидуваме со граѓански ангажман да се спротивставиме на говорот на омраза на оние кои го искористија моментот на отворањето на клубот „Ванчо Михајлов“. Оваа влада на Петков е на стаклени нозе. Мојата улога, пак, е поврзана со граѓанскиот сектор оти сметам дека напорите на политичарите не се доволни, вели Бучковски за Утрински брифинг.

Тој смета дека поголема е нервозата во Софија отколку во Скопје, а политиката на ВМРО-ДПМНЕ е константна. Сметам дека треба да побараме и ние гаранции за заштита на идентитетот и ова да премине во надградба на договорот за пријателство, вели Бучковски.

Владата на Петков која најави дека ќе работи за иднината, а не за минатото предизвика нервоза во Бугарија. Тој беше изложен на напади и од националистите во Бугарија, но со право ги загуби и симпатиите во Македонија. Ние бараме точки што можат да нѐ поврзат. Двете земји се охрабрени од ЕУ дека сега е моментот да се постигне договор, но како да се нема расположение. Османи рече дека како да се затвора прозорецот, но не треба така, мора да се работи на приближување, вели Бучковски.

За можноста Русија да го искористи овој момент, Бучковски вели дека таа секако ќе го искористи и го користи, оти прашањето не е само меѓу Бугарија и Македонија туку се однесува и на ЕУ.

Односите помеѓу двете влади се на потребното ниво, но не можат да го имаат потребниот ефект кога во Бугарија има министер за надворешни работи која го обвинува Петков дека води издвоена агенда од онаа на владата. Бугарското општество сѐ уште не е подготвено да поддржи кревање на блокадата, вели Бучковски.

Оваа мрежа што ќе се оформи денес треба да покаже дека може да има дебата дури и кога има спротивставени ставови, вели Бучковски и додава дека Стефан Дечев денес ќе предложи формирање на историска комисија во сенка која на научно ниво ќе дебатира.

Прашањата на личности и настани кои нѐ поврзуваат се најспорните точки кои го одржуваат меѓусебниот конфликт замрзнат и тоа требаше да се очекува уште на почетокот. Ветото направи мечкина услуга на Бугарија која со ова го загуби лидерството со зголемувањето на говорот на омраза, вели Бучковски кој додава дека преговорите што се водат меѓу двете влади треба да бидат потранспарентни.

The post Бучковски: Бугарското општество сѐ уште не е подготвено да поддржи кревање на блокадата appeared first on Република.

Онлајн преку платформата „Зум“ денеска ќе биде претставен нов клуб за бугарско-македонско пријателство.

Како што соопшти Институтот за општествени и хуманистички науки – Скопје, кој е виртуелен домаќин, темата на прес-конференцијата е „Претставување на нов клуб за бугарско-македонско пријателство и повелба за негово формирање со видео конференција меѓу видни јавни личности од Софија и Скопје“.

Од Институтот за општествени и хуманистички науки – Скопје информираат дека тие не се креатори и учесници во идејата и сакаат, како што велат, да ја поддржат иницијативата на добра волја која стои зад креирањето на оваа платформа.

Како што е најавено, меѓу основачите на Клубот од македонска страна се филозофката Катерина Колозова, политикологот Љупчо Петковски, новинарите Марјан Николовски и Столе Наумов, историчарот Драган Заjковски, поранешните македонски премиери Љубчо Георгиевски и Владо Бучковски.

Меѓу основачите на Клубот од бугарска страна се писателите Алек Попов и Чавдар Ценов, универзитетските професори Александар Ќосев, Ивајло Дичев и Маја Грекова, новинарите Бојко Станкушев, Иво Беров и Димитар Кенаров, експертот за одбрана Велизар Шаламанов, економистите Красен Станчев и Евгени К’нев, тенисерката Мануела Малеева, режисерот Јавор Г’рдев, советникот на претседателот Жељу Желев за етнички прашања и Михаил Иванов.

Исто така меѓу основачите се и три организации на македонските Бугари – Бугарскиот културен клуб Скопје (БККС), Културно-просветното друштво „Вардар“ и Здружението на граѓани за промоција, издавање, иницијативи и меѓународна соработка „ДЕЛО“ Скопје.

The post Денес се формира клубот за бугарско-македонско пријателство во кој членуваат Георгиевски, Бучковски и Колозова appeared first on Република.

Прва дигитална телеконференција на македонски и бугарски интелектуалци, општествени работници, новинари и претприемачи ќе се одржи во вторник во прес-клубот на БТА во Софија и во Институтот за Општествените и хуманистичките науки во Скопје.

-На дигиталната телеконференцијата ќе биде објавен Заеднички документ за зближување и соседство, кој ќе биде патоказ за градење целосен процез за зближување меѓу двата народи и двете земји обединети во нова мрежа на клубови за бугарско-македонско пријателство во двете земји, се вели во соопштението од организаторите испратено до дописникот на МИА од Софија.

Целта е да се создаде активно граѓанско општество со претставници од Бугарија и Македонија, кои ќе работат на зближување на двете општества врз основа на европските вредности. Исто така, целта на Клубот за бугарско-македонско пријателство е да организира академски, културни, спортски и секакви средби на граѓаните на двете земји за да се подобри меѓусебното познавање, разбирање, пријателство и добрососедство.

-Целта е да се извлечат бугарско-македонските односи од „ќорсокакот“ во кој моментално се наоѓаат како резултат на засилениот дијалог во сите области, да се отстранат од тесните политички и дипломатски кругови, како и од оние кои се под контрола на властите или одредени тајни центри „во двете земји, кои отворено работат против добрососедската политика.

Меѓу основачите на Клубот од бугарска страна се писателите Алек Попов и Чавдар Ценов, универзитетските професори Александар Ќосев, Ивајло Дичев и Маја Грекова, новинарите Бојко Станкушев, Иво Беров и Димитар Кенаров, експерт за одбрана и поранешен министер за одбрана на Бугарија Велизар Шаламанов, економистите Красен Станчев и Евгени Канев, светски познатата тенисерка Мануела Малеева, режисерот Јавор Гардев, советникот на првиот демократски избран претседател на Бугарија Жељу Желев за етнички прашања, Михаил Иванов.

Од македонска страна на иницијативата се приклучуваат филозофката Катерина Колозова, политикологот Љубчо Петковски, новинарите Марјан Николовски и Столе Наумов, историчарот Драган Зајковски, како и поранешните македонски премиери Љубчо Георгиевски и Владо Бучковски.

Меѓу основачите се Бугарскиот културен клуб – Скопје, Културно-просветното друштво Вардар и Здружението на граѓани за промоција, издаваштво, иницијативи и меѓународна соработка „Дело“. Како што наведуваат организаторите во нивното соопштение до дописникот на МИА во Софија, учесник во клубот може да биде секој кој за тоа ќе се пријави на веб-страницата www.bgmkclub.eu или на електронската пошта bgmkclub@gmail.com.

The post Во Софија се формира мрежа на бугарско-македонски клубови: Меѓу претставниците од Македонија се Љубчо Георгиевски и Владо Бучковски appeared first on Република.

Поранешниот македонски премиер и специјален претставник во преговорите со Бугарија, Владо Бучковски, во интервју за бугарската телевизија „Нова“, изјави дека е можен договор меѓу Скопје и Софија за време на француското претседателство со ЕУ, но дека има групи и во двете земји кои работат да не се најде компромис.

Бугарија и Македонија можат да постигнат договор за време на француското претседателство со Европската Унија. Климата за преговори сега е подобра. Има шанса за договор следниот месец. Постојат групи во Софија и Скопје кои работат против компромис и договор меѓу нашите две земји - вели Бучковски.

Според него, петте руски дипломати протерани од Скопје станувале сè поагресивни во нивните обиди да го спречат договорот меѓу Македонија и Бугарија, како и желбата на Скопје да ги почне преговорите за членство во ЕУ.

Во однос на резултатите од пописот во Македонија, Бучковски посочува дека разликата во издадените пасоши и бројот на оние кои се изјасниле како Бугари се должи на тоа што повеќето пасоши се земени од економски причини и тие луѓе повеќе не се во државата.

Верувам дека сите кои сакаа да се изјаснат како Бугари за време на пописот го направија тоа - вели Бучковски.

The post Бучковски: И во Скопје и во Софија има групи кои работат да не се постигне компромис меѓу двете земји appeared first on Република.

Професорот Владо Бучковски, кој беше и министер за одбрана, за Утрински брифинг вели дека не очекува деескалација на ситуацијата во Украина, туку напротив, имајќи ги предвид уличните борби во Харков и големата колона оклопни возила што оди кон Киев.

Путин вчера се изјасни во разговор со Макрон дека бара неутрален статус на Украина, бара демилитаризација и денацификација, забравајќи дека Зеленски е Евреин чие семејство дало жртви во борбата против фашизмот. Добро е што ние покажуваме дека сојузништвото со НАТО ни е битно и се солидаризираме со помошта за Украина, вели Бучковски.

Професорот Бучковски вели дека влијанието на Русија во Македонија е минорно, но не е незначително.

Битно е што ќе се случува во Бугарија каде Русија има најголемо влијание на Балканот после Србија. Доаѓа интересен период на дистанцирање на пријателите на Путин од него. Македонија треба реално да продолжи да гради единство меѓу опозицијата и власта. Нас кога ни беше најтешко во 2001 година, Русија мининално ни помогна, а Украина ни помогна максинално и тоа не смееме да го заборавиме, вели Бучковски.

The post Бучковски: Кога нам ни беше најтешко во 2001 година, Украина ни помогна, а не Русија appeared first on Република.

Поранешниот премиер Владо Бучковски смета дека средбата меѓу Димитар Ковачевски и Христијан Мицкоски веќе требала да се случи.

Не се согласувам со Ковачевски дека нема теми за разговор. Има многу теми. Ставот на Мицкоски за Бугарија треба да биде повод за да имаат средба, иако тој после тоа го смени ставот уште неколку пати. Сепак премиерот имаше турбулентен период со минималната плата, енергетската криза, посетата на Софија, но треба да се седне на маса. Посебно за овие прашања поврзани со Бугарија треба да се разговара меѓу власта и опозицијата, вели Бучковски во емисијата „Само интервју“.

Вчера премиерот Ковачевски соопшти дека ќе договори средба со Мицкоски кога ќе имаат теми на разговор.

The post Бучковски му замери на Ковачевски што не му се јавил на Мицкоски appeared first on Република.

Поранешниот специјален претставник на Владата за преговорите со Бугарија, Владо Бучковски информира дека бевме блиску до решение со нашиот источен сосед кон крајот на 2020 година.

-Тоа беше пред Новата година 2021. Бевме блиску до ставовите со либералниот дел од бугарската влада и тогаш беше планот 5+1. Енигма остана зошто спласна ентузијазмот од наша страна пред изборите кај нас, рече Бучковски во емисијата „Само интервју“.

Тој додава дека повеќе не е вклучен во процесот на дијалог, но ќе се обиде да испрати порака доколку е потребно.

-Јас со неколку невладини организации по потпишувањето на Договорот за добрососедство сакав да ги приближам двете општества, знаејќи дека ќе дојде до проблеми. Беше само прашање на време кога ќе дојдеше до проблеми во имплементирање на Договорот, рече Бучковски.

The post Бучковски: Бевме многу блиску до решение со Бугарија кон крајот на 2020 appeared first on Република.

ко тоа биде условот, Македонија никогаш нема да стане членка на Европската Унија. Вака му одговори професорот Владо Бучковски, поранешен специјален претставник за Бугарија, на новинарот на бугарската ТВ Нова на прашањето – „ако ние кажеме – или признавате дека Гоце Делчев е Бугарин или вие нема да станете Европјани, како би одговориле?“

„Ако тоа биде условот, Македонија никогаш нема да стане членка на Европската Унија. Мислам дека тоа не е патот кој нè води до целта“.барањето на опозициската ВМРО-ДПМНЕ македонското Собрание да донесе декларација за Гоце Делчев, Бучковски беше прашан дали смета дека Гоце Делчев би се срамел кога би видел за какви теми денес спорат Македонија и Бугарија.

За барањето на опозициската ВМРО-ДПМНЕ македонското Собрание да донесе декларација за Гоце Делчев, Бучковски беше прашан дали смета дека Гоце Делчев би се срамел кога би видел за какви теми денес спорат Македонија и Бугарија.

„Би се срамел и мислам дека се превртува во гробот, поради своите идеали, поради неговите идеи. Тој денес би бил еден од најголемите космополити. Во овој момент кога двете влади демонстрираат волја со нова методологија да не се говори само за историјата, туку повеќе да се говори за иднината, мислам дека опозицијата во нашиот парламент прави нешто што не треба да се прави во овој момент“,

одговори Бучковски.

The post Откако го сменија Бучковски се сети дека ако Гоце Делчев го направат Бугарин нема договор appeared first on Република.

Нема да влеземе во Европската Унија ако мораме да признаеме дека Гоце Делчев е Бугарин, истакна поранешниот специјален преговарач на Македонија со Бугарија, Владо Бучковски, во интервју за бугарскиот медиум Нова, одговарајќи на прашањето што ќе се случи доколку Софија инсистира Скопје да признае дека револуционерот е Бугарин како услов за членство на земјата во ЕУ.

Имам голема почит кон Гоце Делчев поради начинот на кој растевме ние Македонците – со митот, легендата за големиот апологет. Но, од друга страна, Гоце се борел за слобода не само во Македонија, туку и во Едрене. Тој е големиот револуционер, кој мислам дека е фигурата што ја прикажува нашата заедничка историја. Па ако ни биде поставен услов да признаеме дека Делчев е Бугарин во замена за членство во Европската Унија, тогаш не мора никогаш да станеме членка на ЕУ. Мислам дека тоа не е патот кој нѐ води кон целта, истакна Бучковски.

Бучковски вели дека Гоце Делчев би се срамел ако види на кои теми се расправаат Македонците и Бугарите.

Би се срамел и мислам дека и сега се превртува во гробот, поради неговите идеали, поради неговите идеи. Денес тој би бил еден од најголемите космополити. Во време кога двете влади демонстрираат волја со нова методологија да зборуваат не само за историјата, туку повеќе да зборуваат за иднината, мислам дека опозицијата во нашиот парламент прави нешто што не треба да се прави во овој момент – истакна Бучковски.

The post Бучковски: Не мора да влеземе во ЕУ ако треба да признаеме дека Гоце Делчев е Бугарин appeared first on Република.

Доскорешниот специјален претставник на Владата во преговорите со Бугарија, Владо Бучковски, вечерва во емисијата „24 анализа“ рече дека бил изненаден од нападот на поранешниот вицепремиер Никола Димитров кон Бујар Османи, а тоа, според Бучковски, било непотребно пред почнувањето на новата фаза од дијалогот со Бугарија.

Неговите изјави ме изненадија и сум прилично зачуден. Непотребно ги загрози нашите позиции во однос на Бугарија. Станува збор за искусен политичар и малце тоа беше неочекувано од негова страна“, рече Бучковски во гостувањето на емисијата „24 анализа“

Според него, новите преговори помеѓу Скопје и Софија водат кон придвижување и кон враќање на довербата.

Идеален рок за првите очекувања ќе бидат во првите трите месеци, а за мене е важно кој сè ќе влезе во тие групи. Проблемите не се само политички, двете општества се реално оддалечени едно од друго многу повеќе отколку пред година и пол. Но, за само една недела се направи многу повеќе отколку што се направи за една година. Во Бугарија има една критичка јавност која не е превладувачка, но која прави реални анализи. Доминира повеќе говорот на омраза кај бугарските политичари – рече Бучковски.

Тој смета дека не треба да се брза со работата на мешовитата историска Комисија.

Нема потреба од форсирање и од брзање Таму повеќе работи се случуваат меѓу двете заседанија на Комисијата. Таму постојано се разменуваат автентични документи и мислења, врз основа на кои треба да се постигнат резултати, додаде Бучковски.

The post Бучковски: Димитров со изјавите ги загрози нашите позиции со Бугарија appeared first on Република.

Во програмата „Зборувај сега“ на БНТ, поранешниот преговарач на македонската Влада Владо Бучковски коментира дека сè уште верува дека клучот за напредок меѓу Бугарија и Македонија е договорот од 2017 година.

Како што јави дописникот на МИА од Софија, според Бучковски, изјаснувањето на претходниот бугарски парламент предизвикало проблеми во односите меѓу двете земји, од друга страна, Бугарија смета дека Македонија не го исполнува договорот. Но, Скопје смета дека декларацијата не може да има поголема вредност од договорот, бидејќи е ратификувана од парламентите на двете земји.

Во однос на инфраструктурата, според Бучковски, Скопје има направено двојно повеќе од Софија, давајќи пример со финансирањето на пругата до Крива Паланка за која се обезбедени 400 милиони евра. Потоа, за 45 минути помалку патување од Скопје до Софија по патот од Ранковце до Крива Паланка, а делот од Крива Паланка до Деве Баир ќе биде готов до крајот на 2022 година. Истовремено, вели тој, треба да се направи поврзување и со автопат до Штип, кој преку Делчево и Благоеврад треба да има врска со Бугарија.

Според него, ниту еден од македонските Бугари не му сигнализирал на Народниот правобранител на Македонија или на Комисијата за дискриминација дека неговите права се ограничени на национална основа. За да се смени Уставот на Македонија и во него да се вклучат Бугарите, појаснува дека мора да има 2/3 или 81 пратеник. Опозицијата во македонскиот парламент, претставувана од ВМРО-ДПМНЕ, се противи на ова да се случи, но истовремено сигнализира дека сака реципроцитет и покрај тоа што бугарскиот Устав нема таков елемент. Прашањето за човековите права и заедничката историја што ги обединува народите преку заеднички личности ќе мора да се продолжи, бидејќи тоа е напишано во Договорот.

Бучковски во интервјуто им се обрати на бугарските граѓани, прашувајќи ги каков е ефектот од блокадата на Македонија и дали Бугарија ја постигнала целта или го зголемила нивото на говор на омраза, а одговорот според него бил вториот.

Решението е во Договорот, двете влади мора да ја вратат довербата. Проблемот беше што во Бугарија немаше влада осум месеци, додаде Бучковски, што според него влијаело и на севкупната динамика на барање решение за проблемот.

За поранешниот македонски преговарач клучно е прашањето, зошто блокадата дојде од бугарска страна, што била голема енигма за него.

The post Бучковски за БНТ тврди дека прашањето за „заедничката историја“ ќе мора да се продолжи appeared first on Република.

Специјалниот пратеник за односите со Бугарија Владо Бучковски веќе нема да ја извршува оваа функција. Тој вчера беше разрешен од страна на владата.

Како што дознаваме, со седницата на која Бучковски беше разрешен претседавал Артан Груби. Досегашниот премиер Зоран Заев не бил присутен. Како што самиот Бучковски потврди, Заев и Ковачевски само го информирале дека ќе биде сменет.

Вавкиот потег е зачудувачки ако се знае дека токму Заев беше главниот иницијатор Бучковски да биде назначен за специјален претставник во односите со Бугаријапред нецели две години.Тој е поранешен премиер и има добри односи со поранешни и сегашни власти во Софија.

Но за време на неговиот мандат тој наместо да ги штити македонските интереси повеќе се грижеше за бугарските.

Ќе остане запаметена онаа негова „славна“ изјава во стилот на Заев дека „Македонците постојат од 44-та, а Бугарите се постар народ“.

Неспорно е дека имаме заедничка историја, неспорно е дека бугарската нација, бугарскиот народ е создаден пред македонскиот. Неспорно е дека тоа е официјален став и на Бугарија, дека нема проблем со создавањето на македонската нација од 1944-та година-тврдеше Бучковски.

Со оваа изјава Бучковски го навлече гневот кај Македонците кои се прашуваа дали е наш преговарач или на Бугарија.

Револтот Бучковски го навлече и во интервју за бугарски „Дневник“ каде рече дека со Бугарија сме имале заедничка а не споделена историја. Исто така најави дека ќе се менуваат учебниците по историја, географија па дури и литературата. Тој исто така немаше ништо против Бугарите да бидат додадени во македонскиот Устав без да побара реципроцитет од страна на соседот.

Најчестите средби Бучковски ги имаше со поранешната министерка за надворешни работи Екатерина Захареива.

Тој во една прилика и премолчи на Захарева дека македонската нација и идентитет ја градиме на антибугарска основа.

https://republika.mk/vesti/balkan/zaharieva-go-izrezili-buchkovski-ja-gradite-nacijata-i-identitetot-na-antibugarska-osnova-za-zal/

По разрешувањето на Бучковски се очекува преговорите да ги водат новите премери Ковачевски и Петков со новиот пристап кој го најави Бугарија.

The post Додворувањето кон Бугарија дека Македонците постојат од 1944-та и оти имаме заедничка историја не го спасија Бучковски да биде разрешен appeared first on Република.

Која е причината што Владо Бучковски беше разрешен по брза постапка?

The post 2-3 милиони причини за отказот на Бучковски appeared first on Република.

Дадов се од себе да не замре дијалогот меѓу Скопје и Софија, вели за МИА досегашниот специјален претставник на Владата на Република Македонија за Република Бугарија, Владо Бучковски.

Тој е разрешен на седница на Владата. Се надева дека со неговиот ангажман дал и свој придонес кој ќе биде од значење при скорешното продолжување на дијалогот помеѓу двете влади и двајцата нови премиери.

„Еден мој пријател од Софија, често ми велеше „ти си тука чуварот на огнот, не дозволуваш да се угаси… огнот кој ја подгрева надежта дека Бугарија и Македонија можат и ќе бидат, час поскоро, вистински пријатели и сојузници“, истакна Бучковски.

Од Владата му благодарат на Бучковски за сите напори со кои придонесе кон одржувањето на добрососедските и пријателските односи меѓу Македонија и Бугарија.

Инаку, источниот сосед засега е со иста позиција кон Македонија, и ветото останува.

The post Бучковски: Дадов се од себе да не замре дијалогот меѓу Скопје и Софија appeared first on Република.

Министерството за надворешни работи (МНР) ги демантира информациите за нов договор, анекс или каков било дополнителен текст на веќе постоечкиот Договор за пријателство со Република Бугарија.

– Министерството за надворешни работи ги отфрла ваквите шпекулации како неточни и контрапродуктивни на напорите на двете земји за надминување на меѓусебните разлики. Односите меѓу Република Македонија и Република Бугарија продолжуваат да се развиваат согласно Договорот за пријателство, добрососедство и соработка. Во тие рамки, се преземаат сите потребни активности и ангажмани кои се во согласност со овој Договор, а кои пред сѐ имаат за цел продлабочување и интензивирање на билатералната соработка. Во тој контекст е и најновата иницијатива за организирање на претстојна средба на ниво на шефови на Влада, како прв чекор за унапредување на соработката меѓу двете нови влади, внесување на нова динамика во проектите и активностите, а што е од интерес како за двете држави така и за перспективата и безбедноста на Регионот и на Европа, наведува МНР.

Ваквата реакција доаѓа откако беше објавено дека е Владата на денешната седница го разрешила Владо Бучковски од должноста специјален претставник на Македонија во преговорите со Бугарија за надминување на спорот. Според неофицијални информации со новиот пристап, Министерствата за надворешни работи на двете земји преговорите ќе ги водат преку пет работни групи, поради што нема потреба од специјален претставник.

И додека МНР идемантира, Бучковски потврдува.

Со новиот пристап на преговори, МНР на двете држави и петте работни групи ќе ги водат преговорите. Премиерот Заев и мандатарот Ковачевски ме информираа вчера за новиот пристап, соопшти за „Локално“ професорот Владо Бучковски.

The post Бучковски по разрешувањето изјави дека има нов пристап во преговорите, МНР демантира appeared first on Република.