По повод 24 Мај - Ден на сесловенските просветители светите Кирил и Методиј, Владата на Република Македонија на 23.05.2024 година (четврток) организира настан за одбележување на државниот празник.

По тој повод, во 11:00 часот, владина делегација предводена од Каја Шукова, министерка за животна средина и просторно планирање во Владата на Република Македонија, Агим Нухиу, заменик министер за образование и наука во Владата на Република Македонија и Митко Бојмацалиев, дополнителен заменик министер за внатрешни работи во Владата на Република Македонија, ќе одаде почит и ќе положи свежо цвеќе на споменикот на светите Кирил и Методиј, на платото пред Универзитетот „Св. Кирил и Методиј“, Скопје.

The post Владина делегација ќе положи цвеќе на споменикот на светите Кирил и Методиј, на платото пред Универзитетот „Св. Кирил и Методиј“, Скопје appeared first on Република.

Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова со положување цвеќе на гробот на Гоце Делчев во црквата „Св. Спас“ во Скопје, ја одбележа 121 годишнина од загинувањето на идеологот и синонимот за народна борба за слобода.

Пред саркофагот на великанот се поклонија и му оддадоа почит и Претседателот на Република Македонија Стево Пендаровски и делегациите на Собранието, на Армијата, на Сојузот на борците, на дипломатскиот кор, на политичките партии како и други почитувачи на делото на Гоце Делчев.

Денес се сеќаваме на големото дело на Гоце Делчев како срцевина на македонската револуционерна и интелектуална борба за македонска држава која е еднаква за сите. Тој се бореше и го положи својот живот за слободна и независна Македонија, неговите идеали и заложби се наша заедничка обврска да продолжиме да градиме демократска и економски напредна земја. Вечен останува споменот на великанот на македонското револуционерно дело и државност Гоце Делчев.

The post Владина делегација положи свежо цвеќе на гробот на Гоце Делчев – одбележана 121 годишнина од неговото загинување appeared first on Република.

Делегација на Владата на Република Македонија, составена од заменичката на претседателот на Владата задолжена за политики за добро владеење, Славица Грковска, министерот за локална самоуправа, Ристо Пенов и заменик-министерката за правда, Викторија Аврамовска Мадиќ, со положување свежо цвеќе на гробот на поранешниот претседател Борис Трајковски, ја одбележа 20-годишнината од неговата трагична смрт.

Покрај владините претставници, на овогодишното одбележување во Бутел присуствуваа и положија цвеќе сопругата на поранешниот Претседател на Република Македонија Борис Трајковски, Вилма Трајковска со членови од семејството, Претседателот на Република Македонија, Стево Пендаровски, делегација на Собранието на Република Македонија предводена од претседателот на Собранието, Јован Митрески, делегација на Армијата на Република Македонија, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ.

The post Владина делегација положи цвеќе на вечното почивалиште на претседателот Борис Трајковски по повод 20 годишнината од неговата смрт appeared first on Република.

По повод одбележувањето на „23 Октомври - Ден на македонската револуционерна борба“, делегација на Владата на Република Македонија составена од националниот координатор за интеркултурализам, едно општество, развој на културата и меѓуресорска соработка, Роберт Алаѓозовски и советникот за одбрана на претседателот на Владата на Република Македонија, Драган Василевски, денеска положија свежо цвеќе и оддадоа почит на великанот Гоце Делчев пред неговиот споменик во Градскиот парк во Скопје.

Република Македонија денеска го чествува „23 Октомври - Денот на македонската револуционерна борба“, како симбол на стремежите за сувереност и државност но и храброста и истрајноста на македонските револуционери во борбата за слобода, сувереност, независност и македонска државност.

The post Владина делегација оддаде почит пред споменикот на Гоце Делчев по повод „23 Октомври – Ден на македонската револуционерна борба“ appeared first on Република.

По повод одбележување на 8 Септември - Денот на независноста, владина делегација предводена од претседателот на Владата Димитар Ковачевски, утрово положи цвеќе на вечните почивалишта на поранешните претседатели на државата Киро Глигоров и Борис Трајковски во Алејата на великаните на Градските гробишта „Бутел“ во Скопје.

Во состав на владината делегација која им оддаде почит на двајцата претседатели коишто ќе останат запаметени по нивната впечатлива трага во градењето на нашата државност, беа првиот вицепремиер и министер за политички систем и односи меѓу заедниците, Артан Груби, министерката за одбрана Славјанка Петровска, министерот за внатрешни работи Оливер Спасовски и министерот за здравство Фатмир Меџити, соопштија од прес-службата.

Покрај владината делегација, цвеќе положија и делегации на кабинетите на претседателот, на Собранието, потоа на Сојузот на Борците, дипломатскиот кор, како и претставници на политичките партии.

Чествувањето на Денот на независноста – 8 Септември продолжува со богата културно уметничка програма во Градскиот парк во Скопје, како и културната манифестација „Отворен ден за граѓаните“, во чии рамки се обезбедува бесплатен влез за граѓаните во културните установи, музеи и галерии низ целата држава, велат од Влада.

The post Владина делегација на вечните почивалишта на претседателите Глигоров и Трајковски appeared first on Република.

Делегација на Владата на Република Македонија составена од заменичката на претседателот на Владата задолжена за политики на добро владеење, Славица Грковска и заменик министерот за информатичко општество и администрација, Александар Бајдевски, по повод 18 август - Денот на Армијата на Република Македонија, положи венци свежо цвеќе на Партизанските гробишта во Бутел, на гробовите на генерал Михајло Апостолски и на починатите претседатели на државата и врховни команданти на Армијата, Киро Глигоров и Борис Трајковски.

На денешен ден во 1943 година на Славеј планина е формиран првиот партизански одред, баталјонот „Мирче Ацев“, како прва регуларна воена единица во Народно ослободителната војна, која прерасна во ослободителна војска и се вгради во темелите на македонската држава.

Армијата на Република Македонија денес е институција во која граѓаните имаат највисока доверба и која континуирано демонстрира професионалност и подготвеност во своето дејствување согласно стандардите на НАТО. Армијата активно придонесува во справувањето со современите предизвици и во зачувувањето на глобалниот мир и безбедност преку учество во меѓународни мировни мисии.

The post Владина делегација положи свежо цвеќе по повод 18 август – Денот на Армијата на Република Македонија appeared first on Република.

Владината делегација во состав заменичката на претседателот на Владата на Република Македонија задолжена за политики за добро владеење Славица Грковска, министерот за внатрешни работи Оливер Спасовски и министерот за информатичко општество и администрација Адмирим Алити, денеска присуствуваше на свечената литургија по повод најголемиот православен празник Христово Воскресение – Велигден, во соборниот храм Св. „Климент Охридски“ во Скопје.

Со свечената Велигденска литургија, во сослужение со членови на Архијерејскиот Синод и со свештенството на соборниот храм, чиноначалствуваше Архиепископот Охридски и Македонски г.г. Стефан.

Тој пред верниците меѓу другото порача: „Повикани сме да се чуваме од зло, да правиме добро, да градиме и да го чуваме мирот. Љубовта е единствениот лек против злото“.

Членовите на владината делегација на крајот од Велигденската служба му го честитаа празникот на Архиепископот Охридски и Македонски на МПЦ-ОА, г.г. Стефан, како и на присутните свештеници и верници со традиционалниот Велигденски поздрав „Христос воскресна – навистина воскресна“.

The post Владина делегација присуствуваше на свечената Велигденска литургија во соборниот храм Св. „Климент Охридски“ во Скопје appeared first on Република.

По повод 150 годишнината од раѓањето на Гоце Делчев, делегација на Владата на Република Македонија составена од министерката за култура Бисера Костадиновска Стојчевска, заменик-министерот за земјоделство, шумарство и водостопанство, Трајан Димковски и советникот на премиерот Едмонд Адеми, положи цвеќе на споменикот на Гоце Делчев во Градскиот парк во Скопје, и на споменикот на Гоце Делчев на Плоштадот „Македонија“ во Скопје.

Положувањето цвеќе на спомениците на Гоце Делчев од страна на владината делегација е дел од свечените настани со кој се чествува јубилејната годишнина на Гоце Делчев, историскиот великан кој својот живот и дело ги вгради во револуционерната борба за создавање самостојна македонска држава.

The post Владина делегација положи цвеќе пред спомениците на Гоце Делчев во Градскиот парк и на плоштадот „Македонија“ во Скопје appeared first on Република.

Делегација на Владата на Република Македонија предводена од заменик-претседателот на Владата за економски прашања Фатмир Битиќи, министерот за здравство Венко Филипче и државната секретарка во Секретаријатот за европски прашања Калинка Габер, денеска положи цвеќе на гробот на претседателот Киро Глигоров.

Денеска се навршуваат 10 години од смртта на првиот претседател на Република Македонија Киро Глигоров кој на 8 септември 1991 година, после успешниот референдум ја прогласи независноста на државата.

Претседателот Глигоров беше првиот македонски претседател кој се обрати на македонски јазик на говорницата на Обединетите нации на 8 април 1993 кога Република Македонија стана 181 членка на ОН.

The post Владина делегација положи цвеќе на гробот на претседателот Глигоров appeared first on Република.