Новоизбраниот претседател на Соединетите Американски Држави, Доналд Трамп, по победата на претседателските избори на 5 ноември остварил неколку телефонски разговори со премиерот на Унгарија, Виктор Орбан, соопштија извори на унгарскиот сервис на Радио Слободна Европа.

Извори од унгарската влада рекоа дека Трамп побарал мислење од Орбан за завршување на војната во Украина, која трае од февруари 2022 година.

За време на претседателската кампања, Трамп ја критикуваше одлуката на администрацијата на Џо Бајден да и даде милијарди долари на Украина и постојано повторуваше дека може да ја заврши војната во рок од 24 часа по повторното влегување во Белата куќа.

Орбан, исто така, ја критикуваше помошта на Европската унија (ЕУ) за Украина и ги попречуваше европските санкции против Русија, а во декември, наводно, би можел да замине во мировна мисија за ставање крај на војната во Украина.

Извори на унгарскиот сервис на РСЕ сугерираат дека тоа би можело да вклучи пренесување на пораките на Трамп до Володимир Зеленски, Владимир Путин и кинескиот претседател Кси Џинпинг.

И покрај критиките од Брисел, Орбан отпатува во Москва во јули и се сретна со Путин, по разговорите со Зеленски, а потоа отпатува во Кина и на крајот во САД на средба со Трамп.

The post Трамп побарал мислење од Орбан како да заврши војната во Украина appeared first on Република.

Рускиот претседател Владимир Путин изјави дека нападот врз украинската енергетска инфраструктура низ целата земја е одговор на претходните украински напади со американски ракети АТАКМС врз Курската област. Руските напади во текот на ноќта оставија стотици илјади Украинци без струја, соопштија регионалните власти денеска, откако Киев предупреди за „масовен“ руски напад врз украинската енергетска инфраструктура.

Путин потврди дека Русија лансирала речиси 200 дронови и ракети од различни типови кон Украина.

Русија ги одбира целите во Украина, кои можат да вклучуваат центри за донесување одлуки во Киев, како одговор на украинските напади со западно оружје со долг дострел врз руска територија, изјави тој.

Путин додаде дека руското производство на напредни ракетни системи го надминува производството на НАТО десеткратно, со планови за понатамошно зголемување.

Русија досега не целела владини згради во главниот град на Украина, но Путин нагласи дека рускиот хиперсоничен проектил „Орешник“, кој првпат беше лансиран кон градот Дњепар минатата недела, не може да биде пресретнат.

Русија тврди дека Украина за првпат истрелала американски балистички ракети ATACMS на 19 ноември врз западна Русија, по што два дена подоцна одговорила со лансирање на „Орешник“ кон Дњепар.

The post „Oва ви е за нападите со оружјето од Запад“, му порача Путин на Зеленски appeared first on Република.

Рускиот претседател Владимир Путин изјави дека денешниот напад врз украинската енергетска инфраструктура низ целата земја е одговор на претходните украински напади со американски ракети ATACMS врз Курската област.

Руските напади во текот на ноќта оставија стотици илјади Украинци без струја, соопштија регионалните власти денеска, откако Киев предупреди за „масовен“ руски напад врз украинската енергетска инфраструктура.

Путин потврди дека Русија лансирала речиси 200 дронови и ракети од различни типови кон Украина.

- Русија ги одбира целите во Украина, кои можат да вклучуваат центри за донесување одлуки во Киев, како одговор на украинските напади со западно оружје со долг дострел врз руска територија, изјави тој.

Путин додаде дека руското производство на напредни ракетни системи го надминува производството на НАТО десеткратно, со планови за понатамошно зголемување.

Русија досега не целела владини згради во главниот град на Украина, но Путин нагласи дека рускиот хиперсоничен проектил „Орешник“, кој првпат беше лансиран кон градот Дњепар минатата недела, не може да биде пресретнат.

Русија тврди дека Украина за првпат истрелала американски балистички ракети ATACMS на 19 ноември врз западна Русија, по што два дена подоцна одговорила со лансирање на „Орешник“ кон Дњепар.

The post Путин: Денешниот напад е одмазда за украинските напади со ATACMS appeared first on Република.

Претседателот на Русија, Владимир Путин денеска телефонски разговараше со турскиот колега Реџеп Тајип Ердоган за билатералните односи и меѓународните прашања, соопшти Кремљ.

Путин и Ердоган разговараа и за зголемување на ефикасноста на трговската и економска соработка.

Двајца претседатели претходно разговараа на маргините на Самитот на БРИКС во Казан кон крајот на октомври, за изградба на нови нуклеарни централи и за изградба на центар за гас во Турција.

The post Путин се слушна со Ердоган appeared first on Република.

Претседателот Владимир Путин го потпиша законот за отпишување на кредитни долгови во износ до десет милиони рубљи (околу 9.200 евра) за учесниците во специјалната воена операција, се наведува во документ објавен на веб-страница за официјалното објавување на правните акти.

Законот се однесува на: мобилизирани; лица кои служеле воена служба во вооружените сили на Русија и склучиле договор за период од една година или повеќе за учество во Специјална воена операција до 1 декември 2024 година. Законот се применува и на нивните сопружници, пренесува сајтот „ria.ru/

https://republika.mk/vesti/svet/rusija-gi-objavi-metite-niz-evropa-edna-se-naoga-na-30-kilometri-od-skopje/

The post Путин им ги прости долговите на војниците што учествуваат во војната appeared first on Република.

Рускиот претседател Владимир Путин денеска изјави дека Русија ќе продолжи со тестирање на ракетниот систем „Орешник“.

Тој посочи дека е донесена одлука за сериско производство на „Орешник“ и дека тие системи ќе ги користат ракетните сили.

Во моментов нема контрамерки на системот Орешник. Тестирањето на овој систем ќе продолжи, рече Путин на состанокот со раководството на Министерството за одбрана. „Ќе продолжиме со овие тестови, вклучително и во борбени услови, во зависност од ситуацијата и карактерот на безбедносните закани испратени кон Русија“.

Рускиот лидер истакна дека ракетниот систем Орешник, кога масовно се користи „против непријателски цели“, има важност на стратешко оружје и е создаден во согласност со најновите технички достигнувања.

Орешник не е средство за масовно уништување, туку високо прецизно оружје... Безбедноста на Русија е осигурана“, нагласи тој.

Путин на состанокот во Кремљ каде им честитал на раководството на Министерството за одбрана и на конструкторите за успешното тестирање на ракетата „Орешник“.

The post Путин: „Орешник“ не е средство за масовно уништување, туку високо прецизно оружје appeared first on Република.

Западните земји треба најсериозно да ја сфатат изјавата на рускиот претседател Владимир Путин, во која тој зборуваше за украинскиот конфликт и употребата на новата руска балистичка ракета „Орешкин“, изјави денеска унгарскиот премиер Виктор Орбан.

Тој рече и дека јавната комуникација во различни земји се одвива поинаку, но дека „ако претседателот нешто каже во Русија, тоа не се празни зборови“, објави порталот Portfolio.hu. Тој потсети дека Украина е сосед на Унгарија и дека „не е потребна голема фантазија за да се замисли колку брзи и неочекувани можат да бидат последиците од војна во соседна земја“.

Опасноста е неизбежна. Овие вести говорат за непосредна воена опасност за Унгарија, рече Орбан.

По повод инаугурацијата на новоизбраниот американски претседател Доналд Трамп, Орбан изјави дека „секој што бил војник и чувал стража знае дека ноќта е најтемна пред зори“.

Ќе дојде зората за два месеци, но дотогаш живееме во уште поголем мрак од порано. Следат двата најопасни месеци од војната“, додаде Орбан.

Тој посочи дека очекуваната промена на политиката на Вашингтон неминовно ќе влијае на пристапот на Западна Европа кон украинскиот конфликт. Орбан додаде дека Унгарија ќе дејствува „промислено и смирено“.

The post Орбан: Западните земји треба најсериозно да ја сфатат изјавата на Путин за примената на новата балистичка ракета appeared first on Република.

Русија изврши ракетен напад со нов проектил со среден дострел врз украинска воена локација како одговор на украинските напади во изминатите денови со западно оружје со голем дострел. Тоа го изјави претседателот Владимир Путин во вонредното телевизиско обраќање до нацијата.

Путин додаде дека по нападот врз Русија со западни ракети, конфликтот во Украина доби глобален карактер.

Путин изјави дека неговата земја тестирала нова ракета со среден дострел во денешниот напад против Украина и предупреди дека Москва може да ја искористи против земјите кои му дозволиле на Киев да истрела нивни проектили на руска територија.

Неговото кодно име е Орешник, нагласи тој.

Путин во телевизиско обраќање до нацијата рече дека денешниот руски напад врз Украина е одговор на украинските напади на почетокот на оваа недела на руска територија со британски и американски ракети.

Рускиот лидер најави дека Русија ќе издаде однапред предупредувања пред нападите врз други земји за да се овозможи безбедно евакуација на граѓаните. Тој предупреди дека американските ПВО системи нема да бидат способни да пресретнуваат руски ракети.

The post Почна Третата светска војна, објави вечерва Путин appeared first on Република.

Рускиот претседател Владимир Путин во моментот има вонредно обраќање до нацијата поврзано со војната во Украина.

Се очекуваат повеќе детали.

The post Вонредно обраќање на Путин до нацијата appeared first on Република.

Русија лансираше интерконтинентална балистичка ракета од јужниот регион Астрахан за време на утринскиот напад на Украина, соопшти воздухопловните сили на Киев, што претставува прв пат Русија да употреби толку моќна ракета со долг дострел за време на војна.

Балистичките ракети можат да патуваат илјадници километри од областа од која се лансирани.

Постојат четири типа балистички ракети – со краток дострел, среден дострел, среден и долг дострел.

Интерконтиненталните балистички проектили (ICBM) спаѓаат во категоријата на овие проектили со најголем дострел и можат да поминат повеќе од 5500 km. Ова значи дека ICBM може да погоди цели речиси насекаде во светот. Овие проектили можат да носат и нуклеарна боева глава.

Интерконтиненталните балистички проектили може да се лансираат од силоси или мобилни лансери и може да бидат на цврсто или течно гориво. Интерконтиненталните балистички проектили на цврсто гориво се сметаат за поопасни бидејќи можат да се движат и да лансираат побрзо од интерконтиненталните балистички проектили на течно гориво.

BREAKING:

Russia has launched a non-nuclear Intercontinental Ballistic Missile (ICBM) against Ukraine for the first time in this war.

The missile struck the Ukrainian city of Dnipro pic.twitter.com/RCOX7M4qFo

— Visegrád 24 (@visegrad24) November 21, 2024

Нападот на Русија беше насочен кон бизниси и клучна инфраструктура во градот Днипро, соопштија воздухопловните сили, во услови на ескалација на 33-месечната војна во Украина.

The post Путиновиот моќен одговор: Запознајте ги моќните интерконтинентални балистички ракети кои ги лансираше Русија утринава appeared first on Република.

Рускиот претседател Владимир Путин потпиша декрет со кој нуклеарното оружје останува последната линија на одбраната.

Во новата уредба „Основи на геополитиката во областа на нуклеарното задржување“ се прецизирани параметрите под кои може да се користи ова оружје, пренесоа руските медиуми.

„Државната политика во областа на нуклеарното ограничување е од одбранбена природа, насочена кон одржување на потенцијалот на нуклеарните сили на ниво доволно за да се обезбеди нуклеарно ограничување и да се гарантира заштитата на суверенитетот и територијалниот интегритет на државата“, се наведува во документот.

Исто така, во него се додава дека нуклеарниот одговор може да се активира во случај на напад на Белорусија, по што ќе следи масовен напад од воени авиони, крстосувачки ракети, беспилотни летала и други авиони кои летаат над руските граници.

Потегот на Путин доаѓа само два дена откако медиумите објавија дека администрацијата на американскиот претседател Џо Бајден и дозволила на Украина да користи ракети со долг дострел за напади длабоко на руска територија.

Според извештаите, Бајден ја донел одлуката откако дознал дека војници од Северна Кореја наводно пристигнале во регионот Курск.

Руските власти предупредија дека таквите потези може да доведат до избувнување на Трета светска војна.

The post Путин не се шегува: Потпиша декрет за користење нуклеарно оружје appeared first on Република.

Рускиот претседател Владимир Путин „не сака мир“ со Украина и „не е подготвен да преговара за тоа“, изјави францускиот претседател Емануел Макрон по големиот руски напад врз енергетската мрежа на Украина.

-Верувам дека е јасно дека намерите на претседателот Путин се да ги интензивира борбите. Ако сакаме да знаеме кои се намерите на Путин, тоа што тој штотуку го направи на теренот јасно го покажува. Какви и да се неговите изјави, тој не сака мир и не е подготвен да преговара, рече Макрон во Буенос Аирес.

Францускиот претседател додаде дека обврските кон Украина мора да се спроведат, а на таа земја да и се дозволи да води одбранбена војна и да биде снабдена со оружје и опрема.

Макрон разговараше со новинарите во Аргентина пред неговото патување во Бразил, каде утре ќе учествува на самитот на лидерите на Г20.

The post Макрон: Верувам дека е јасно оти Путин сака да ги интензивира борбите, не сака мир со Украина appeared first on Република.

Употребата на западно оружје со долг дострел против Русија ќе значи директно учество на земјите од НАТО во конфликтот во Украина, најави рускиот претседател Владимир Путин.

Доколку се донесе оваа одлука, тоа ќе значи директно учество на земјите од НАТО, САД и европските земји во војната во Украина. Тоа е нивно директно учество. И тоа, се разбира, значително ја менува самата суштина, самата природа на конфликтот. Тоа ќе значи дека земјите од НАТО, САД и европските земји се во војна со Русија. И ако е така, тогаш ќе донесеме соодветни одлуки врз основа на заканите што ќе ни бидат создадени - рече Путин.

Односно, ако ја преместат војната на територијата на Украина на исток, таа нема да застане тука – ќе дојде и на Запад.

Украина сама, без помош на земјите од НАТО, не е во состојба да изврши напади со модерно прецизно оружје со долг дострел, рече Путин.

Ова е можно само со користење на разузнавачки податоци од сателити, кои Украина ги нема. Тоа се податоци само од сателити на Европската унија или САД – од сателитите на НАТО, потсети тој.

Ваквата нова ситуација, ја отвара можноста Русија да користи нуклеарно  оружје, со што во опасност е доведен целиот свет.

The post Путин го држи прстот на црвеното копче: Моментот од кој сите стравуваат, се случи, целиот свет е во опасност appeared first on Република.

Британскиот премиер Кир Стармер денеска изјави дека нема намера да разговара со Владимир Путин, два дена по телефонски разговор на германскиот канцелар Олаф Шолц со рускиот претседател, што наиде на неодобрување од Киев и поддржувачите на Украина.

-На канцеларот Шолц е да одлучи со кого ќе разговара. Јас немам намера да разговарам со Путин, рече Стармер во изјава за новинарите пред заминувањето за Бразил на самитот на Г-20.

Стармер, како што пренесуваат британските медиуми, се заложи за удвојување на напорите за зајакнување на поддршката за Украина.

Оваа тема ќе биде на дневен ред на Самитот на земјите од Г-20, на кој ќе присуствуваат многу светски лидери, но не и Путин.

Стармер посочи дека вторник се навршуваат 1.000 дена од војната во Украина.

-Тоа претставува 1.000 дена руска агресија, 1.000 дена жртвување за украинскиот народ, а неодамна видовме севернокорејски сили како работат со Русите, рече британскиот премиер.

Според него, ова го покажува очајот на Русија, но има и сериозни импликации за безбедноста на европскиот и индо – пацифичкиот регион.

-Треба да обезбедиме целосна поддршка (на Украина) онолку колку што е потребно, додаде Стармер.

(МИА)

The post Британскиот премиер Стармер нема намера да разговара со Путин appeared first on Република.

Германскиот канцелар Олаф Шолц денеска телефонски разговарал со рускиот претседател Владимир Путин за војната во Украина, првпат во последните две години, соопшти германската Влада.

Владиниот портпарол Штефен Хебстрајт објави дека за време на разговорот Шолц ја осудил „руската агресивна војна“ против Украина и го повикал Путин да ја прекине со повлекување на трупите.

Шолц, исто така, ја повика Русија да биде подготвена да преговара со Украина за да се постигне праведен и траен мир и ја изрази непоколебливата решеност на Германија да ја поддржи Украина во нејзината борба, се вели во писмената изјава на Хебстрајт.

Тој додаде дека Шолц претходно разговарал со украинскиот претседател Володимир Зеленски и дека тоа ќе го направи повторно по разговорот со Путин.

Владата не соопшти колку долго разговарале Шолц и Путин, а германската новинска агенција ДПА објави дека разговорот траел околу еден час.

Од своја страна, рускиот претседател Владимир Путин, за време на разговорот со германскиот канцелар рекол дека Русија никогаш не одбила да преговара за крај на конфликтот во Украина, додавајќи дека можните договори треба да ги земат предвид безбедносните интереси на Русија, да се засноваат на реалноста на терен и да се решат причините за конфликтот, соопшти прес-службата на Кремљ.

Кремљ објави дека Путин и Шолц имале „детална и искрена“ размена на мислења за ситуацијата во Украина.

Во разговорот Путин нагласил дека Русија секогаш ги исполнувала договорните обврски во енергетскиот сектор и дека е подготвена за заемно корисна соработка на тоа поле, доколку е заинтересирана и Германија.

The post Шолц првпат по две години телефонски разговарал со Путин за војната во Украина appeared first on Република.

Велика Британија пред две години била многу загрижена поради можноста дека рускиот претседател Владимир Путин ќе ја гаѓа Украина со нуклеарно оружје во октомви 2022 година.

Тоа се наведува во книгата „Оут оф Блу“, биографија на поранешната премиерка Лиз Трас.

Како што се наведува во книгата, таа била загрижена дека Велика Британија ќе биде на удар на нуклеарно зрачење и ги поминала своите последни денови во премиерскиот кабинет подготвувајќи се за зрачењето кое би можело да го погоди островот.

Трас минувала часови проучувајќи сателитски снимки и правец на ветерот, бидејќи се плашела дека врнежите би можеле директно да влијаат на Британија.

The post Путин го држел прстот на црвеното копче, во Лондон се треселе од паника: Бевме на чекор до крај на светот appeared first on Република.

Кремљ денеска ги демантираше информациите објавени синоќа од „Вашингтон пост“, според кои рускиот претседател Владимир Путин и новоизбраниот американски претседател Доналд Трамп разговарале за Украина минатата недела.

Тоа е јасен пример за квалитетот на информациите што се објавуваат деновиве, дури и во прилично угледни медиуми. Тоа е целосно невистинито. Чиста фикција. Тоа се само лажни информации, рече портпаролот на Путин, Дмитриј Песков.

На повеќекратно прашање од печатот дали тоа значи дека немало телефонски разговор меѓу Путин и Трамп минатата недела, Песков рече: „Токму тоа го кажав. Немаше разговор“.

The post Кремљ со демант: Не, Путин и Трамп не разговарале appeared first on Република.

Новоизбраниот претседател на Соединетите Американски Држави, Доналд Трамп, телефонски разговарал со рускиот претседател Владимир Путин, пишува Вашингтон пост, повикувајќи се на повеќе извори.

Весникот наведува дека Трамп разговарал со Путин во четвртокот, што бил нивен прв телефонски разговор по победата на Трамп на изборите, а една од темите на разговорот била војната во Украина.

Според изворите, Трамп му се јавил на Путин од неговото одморалиште на Флорида и за време на разговорот го повикал да не ескалира конфликтот со Украина.

Според извори на „Вашингтон пост“ кои сакале да останат анонимни, Трамп го потсетил Путин на силното американско воено присуство во Европа.

„Разговорот беше насочен кон постигнување мир во Европа, а Трамп изрази интерес за дополнителни разговори за брзо решение на војната во Украина“, велат изворите на весникот. Тие додадоа дека Трамп и Путин разговарале за постигнување мир на европскиот континент и дека Трамп „изразил интерес да го продолжи разговорот со темата за рано решавање на украинската војна“.

Трамп за време на кампањата за претседателските избори изјави дека веднаш ќе стави крај на војната во Украина.

Извор: ТВ21

The post Вашингтон пост: Трамп разговараше со Путин за брзо решение на војната во Украина appeared first on Република.

Новоизбраниот американски претседател Доналд Трамп би можел да се обиде да преговара со рускиот претседател Владимир Путин за ставање крај на војната против Украина, но таквиот договор веројатно нема да биде во најдобар интерес на Европа или Украина, изјави чешкиот претседател Петр Павел.

- Таков договор најверојатно нема да биде во наш (европски) интерес, ниту во интерес на Украина. Затоа што на Русија едноставно и дава дел од окупираните територии, со порака до Украина дека нема да стане членка на НАТО најмалку 20 години, рече Павел на отворањето на самитот во Прага за одбран, пренесува порталот РБК Украина.

Тој додаде дека западната поддршка за Украина не била доволно брза, што им овозможило на руските сили да напредуваат.

Според него, западните испораки на воена опрема и финансиска помош биле недоволни за да се обезбеди победа на Украина. Тој додаде дека ситуацијата на фронтот е дојдена до „некаков вид ќорсокак“, но дека сега „се повеќе се врти во корист на Русија“.

- И во оваа ситуација тешко е да се мотивира која било страна да преговара, рече Павел.

Тој додаде дека секој мировен договор, дури и ако води до привремени отстапки на некои територии под руска контрола пред да се постигне дипломатско решение во иднина, треба да се преговара со повеќе страни, вклучувајќи ги Кина, Индија и Европа.

На почетокот на септември Доналд Трамп тврдеше дека доколку победи на изборите ќе ги повика украинскиот претседател Володимир Зеленски и рускиот претседател Владимир Путин, а договор ќе биде постигнат во рок од 24 часа.

Покрај тоа, истиот месец Трамп се сретна со Зеленски, а украинскиот претседател му го претстави својот план за победа.

По тие разговори, Трамп рече дека сака „фер договор за сите“, потсетува украинскиот портал.

The post Петр Павел: Трамп би можел да се договори со Путин, тоа не е во интерес на Европа appeared first on Република.

Рускиот претседател Владимир Путин е подготвен да разговара за Украина со новоизбраниот американски претседател Доналд Трамп, но тоа не значи дека Путин е подготвен да се откаже од неговите барања, така што целите на Русија во Украина остануваат непроменети, соопшти денеска Кремљ.

Путин вчера му ја честиташе победата на Доналд Трамп на изборите во САД, го пофали за покажаната храброст кога вооружен маж се обиде да го убие и рече дека Москва е подготвена за дијалог со новоизбраниот претседател на Републиканската партија.

Запрашан за можен телефонски разговор меѓу Трамп и Путин, портпаролот на Кремљ, Дмитриј Песков, рече дека сè уште нема ништо конкретно да известува и рече дека би било прерано да се зборува за подобрени руско-американски врски.

Но, Путин јасно стави до знаење дека останува отворен за дијалог, рече Песков

The post Путин е подготвен да разговара за Украина со Трамп, но не ги менува своите барања appeared first on Република.