Регулаторната комисија за енергетика (РКЕ) до крајот на месецов ќе донесе одлука за цената на парното греење во Скопје што ќе важи од следниот месец, потврди за МИА претседателот на РКЕ Марко Бислимоски.

-Одржавме состанок со трите државни компании на ЕСМ за производство, дистрибуција и снабдување со топлинска енергија кои реферираа како се одвива стартот на грејната сезона и кои се предизвиците со кои се соочуваат во овие изминати 10 дена. Иако е факт дека температурите се потопли од очекуваните, сепак во секоја грејна сезона постојат слаби точки кои се од техничка природа, а дел од нив се и поради човечки фактор, односно не се платени сметките за потрошена струја од страна на советите на зградите. Но, тоа се традиционални проблеми кои се случуваат и кои треба од година во година да се намалуваат преку зголемување на  свесноста  и кај операторот и кај потрошувачите, изјави Бислимоски за МИА.

Нагласи дека претходно БЕГ, а сега и ЕСМ дистрибуција на топлина се соочи со специфична ситуација да не им биде дозволено на екипите да користат дел од инфраструктурата со која со топлинска енергија се снабдуваат одредени корисници на Водно.

-За тоа има соодветни правни постапки. Сепак, во моментов проблемот е решен и снабдувањето се одвива непречено, рече Бислимоски.

Како што нагласи, на терен веќе се започнати активности за поставување на топловодот под мостот „Беласица“ во Скопје што беше опожарен, со што, како што кажа, се исполнуваат предусловите кои РКЕ ги бара четири месеци – да се почне на терен со реална санација на цевките од ЕСМ со дозвола од Градот Скопје.

-Со тоа РКЕ сега ќе отпочне со пресметките за нова цена на парното што ќе стартува да важи од ноември. Финалната одлука ќе биде донесена кон крајот на месецов, потенцира Бислимоски.

The post Дали Бислимовски најавува зголемување на цената на парното во Скопје од следниот месец? appeared first on Република.

Од 1 декември се враќа евтината дневна тарифа за електричната енергија во периодот од 13 до 15 часот, објави денеска на прес-конференција претседателот на Регулаторната комисија за енергетика  (РКЕ) Марко Бислимовски.

Тоа, посочи Бислимовски, е максимумот што можевме да го направиме и очекуваме во наредниот период да почне промената на броилата.

-Евтината тарифа не ја воведуваме од какви било политички причини, туку заради сигналот на цената на електрична енергија на сите берзи во Европа, вклучувајќи ја и нашата. Цената на електричната енергија осум месеци наназад е пониска дури и од цената после 24 часот, рече Бислимовски.

The post Kонечно добра вест: Oд први декември се враќа етвината дневна тарифа на струјата appeared first on Република.

„Добрите политики кои СДСМ ги остави во локалната самоуправа треба да продолжат, за да продолжи и контиуитетот на пад на загадувањето бидејќи се работи за здравјето на сите нас“ изјави советникот од СДСМ во Општина Карпош, Владимир Бислимовски во „24 анализа“ на ТВ24.

Тој додаде дека во последните 6-7 години имаше намалување на загадувањето, кое треба да продолжи, но изрази загриженост дека тоа не може да се случува без мерки.

„Скопје беше трет град во светот по загаденост, а ние само ден и пол имавме бесплатни автобуси, денес мерката е укината“ рече Бислимовски.

Советникот реагираше и на буџетот на Град Скопје, изгласан од советниците на ВМРО-ДПМНЕ и Левица во кои парите за екологија се три пати помалку од претходно.

The post Бислимовски: Скопје e трет град во светот по загаденост, а ние само ден и пол имавме бесплатни автобуси appeared first on Република.