Српската полиција ја уапсила Виолета Миросавиќ, жената која била ангажирана да ги храни и чува кучињата кои до смрт го искасаа новинарот Владан Радосављевиќ, а тешко ја повредиле неговата сопруга, објави „Блиц“. Полицијата се сомнева дека таа дошла кај нив да ги нахрани, а потоа ги оставила во необезбеден бокс.

Виолета од селото Друлпа кај Велике Иванче на своите социјални мрежи редовно објавувала повици за пронаоѓање на кучиња кои исчезнале во околината каде што живеела и апелирала до нејзините сограѓани да помогнат. Сега ѝ се закануваат осум години затвор поради несовесно предизвикување јавна опасност. Таа ќе биде во притвор во следните 48 часа.

Како што објавува порталот „Блиц“, против неа веќе се води постапка во Основното јавно обвинителство Младеновац поради сомнение дека сторила кривично дело предизвикување општа опасност, затоа што истите кучиња кои го нападнаа новинарот на 1 ноември нападнале девојче и му нанеле полесни повреди.

Бев таму да ги нахранам кучињата. Тие беа мирни. Никогаш досега никого не нападнале, рекла Виолета М.

На Виолета М. пред неколку месеци ѝ платила Миланка С., сопственичката на кучињата која живее во Франција, да ги храни. Како што вели таа, пред трагедијата дошла во викендицата, ги хранела кучињата, а не мисли дека кучињата го нападнале Владан затоа што биле гладни.

Радосављевиќ , еден од основачите на продукциската група „Мрежа“, по нападот искрварил до смрт и починал на лице место. Кучињата тешко ја повредиле и неговата сопруга. Тие биле нападнати во близина на нивната викенд куќа на Космај… Како што беше соопштено од Ветерина Белград, кучињата имале сопственик и биле јасно облежани со ланчиња на кои биле испишани телефонските броеви на нивните сопственици.

Се работи за еден стафорд, мешавина од стафорд и питбул, а третото е мешавина и релативно крупно. Сите три кучиња во таа смисла очигледно како да биле научени да напаѓаат луѓе, рекоа оттаму.

The post Претходно нападнале и девојче: Уапсена жената што ги ранела кучињата што до смрт го искасаа новинарот Радосављевиќ appeared first on Република.

Српкиот аналитичар Владан Радосављевиќ (62)  на Космај крај Белград бил изгризан до смрт од кучиња .

Како што пишуваат белградските медиуми, вчера три кучиња на сопственикот - Стафорд, мешавина Стафорд и питбул и трето куче излегле од дворот преку отворена капија во Велика Иванча, која е на Г.О. Младеновац и го нападнале него и жена му.

Трите кучиња носеле јаки со ознаки на кои биле испишани телефонските броеви на нивните сопственици.

По нападот, мажот набрзо искрварил до смрт и починал на лице место, а телото било однесено на обдукција, додека сопругата е тешко повредена.

The post Еве како изгледа местото каде кучиња Стафорд и булдог до смрт искасаа белграѓанец appeared first on Република.