Бугарскиот вршител на должност министер за надворешни работи, Николај Милков синоќа нагласи дека отворањето конзулат во Република Македонија „е сложена и политичка работа“.

Неговата изјава беше дадена како одговор на прашање на пратеник на седница на собраниска Комисија за надворешна политика во бугарскиот Парламент.

-Тоа е сложена и политичка работа. Треба да се разговара со тамошните власти. Немаме намера да излеземе со таква одлука. Таков потег нека преземе редовната влада, потенцира Милков.

Во однос на генералниот конзул во Битола, министерот Милков објасни дека неговиот мандат истекува на 15 јануари.

-На негово место ќе има привремен вршител на должност, бидејќи македонската страна во оваа фаза нема издадено егзекватура за нашиот нов генерален конзул, кој одамна е решен да си замине. Таа работа се прави со месеци, објасни Милков.

The post Бугарија се жали дека „е сложена и политичка работа“ да отвори конзулат во Македонија appeared first on Република.

Лидерите на партиите од владејачката коалиција во Бугарија – „Продолжуваме со промената”, БСП и „Демократска Бугарија” Кирил Петков, Асен Василев, Корнелија Нинова, Христо Иванов и Атанас Атанасов вечерва ќе имаат итна коалициска средба.

Средбата ќе се одржи во 19 часот (по бугарско време) во Советот на министри на Бугарија.

На средбата ќе се разговара за програмата на Бугарската социјалистичка партија, која е носител на третиот (последен) мандат за формирање на евентуална нова бугарска влада. Лидерите на трите партии ќе разговараат и за шансите за формирање влада откако Слави Трифонов ја повлече партијата „Има таков народ” од преговорите.

The post Итна средба на лидерите на владејачката коалиција во Бугарија appeared first on Република.

„Претседателот Румен Радев ќе ги започне консултациите со пратеничките групи за врачување на мандатот за состав на нова влада откако премиерот во согласност со Уставот ја поднесе оставката на актуелната влада до Народното собрание“.

Ова го соопшти Претседателството како одговор на прашањата по изгласувањето недоверба на Владата вчера изгласано од бугарското Народно собрание.

Кирил Петков рече дека ќе се обиде да формира нов кабинет откако ќе му се врачи мандатот од претседателот.

The post Се чека оставката на владата на Петков за да започнат консултациите за врачување на мандатот appeared first on Република.

Уште еднаш ќе се обидеме со независните пратеници дали сакаат да бидат со нас, ако не одиме на избори, изјави Кирил Петков, пред насобраните пред бугарското Собрание, веднаш откако беше изгласана недоверба на неговата влада.

Додека се движеше кон местото од каде беше предвидено да им се обрати на поддржувачите, тие извикуваа „Промена“ и „Победа“ и го поздравуваа.На митингот за поддршка на владата пред Собранието на Бугарија се приклучија и премиерот министри и пратеници од „Продолжуваме со промените“, „Демократска Бугарија“ и „БСП за Бугарија“. Тие беа пречекани со аплауз од граѓаните кои го исполнија плоштадот откако парламентот го поддржа изгласувањето недоверба на владата со 123 гласа „за“, 116 „против“ и без воздржани.

-Денес видовме човек – господинот Слави Трифонов, кој испраќа СМС пораки до луѓето во Народното собрание, човек кој толку долго стои во позадина и ја одредува политиката во оваа зграда и г-ѓа Митрофанова, на која уште не и се верува дека му кажавме ‘не’ на ‘Газпром’. Овие четири луѓе се собраа, но не разбраа дека ова не е начин да се победи Бугарија. Заедно ќе ги победиме!. Верувам дека денес нема гласач на ИТН кој се гордее со своите пратеници што ги притиснаа копчиња заедно со пратениците од ГЕРБ, гласач на ‘Преродба’ кој е среќен што нивните пратеници ги притиснале копчињата заедно со оние на ДПС им порача премиерот Кирил Петков на демонстрантите за поддршка, извикувајќи со нив „Победа“.

Задкулисните игри ги покажаа сите нијанси и нивната застапеност во Народното собрание, изјави бугарскиот премиер Кирил Петков во интервју за бугарската ТВ Нова веднаш откако беше изгласана недоверба на неговата влада.

За лидерот на Има таков народ, Слави Трифонов рече дека е историја и дека никогаш нема да има шанса за политички проект.

„Следуваат избори и народот пак ќе гласа. И за Слави ќе кажам довидување. За Борисов рече дека гревовите што ги имаат, кражбите што ги направил, ќе го стигнат. Не можете да продолжите да ја играте оваа игра долго време. Ако денес се чувствувате поудобно, тоа е привремено го сожалувам.“, рече Петков.

За предлогот на ГЕРБ за изгласување на недоверба на второто гласање се изјаснија 123 пратеници, а против беа 166. Според деловникот на бугарското собрание може да има две гласања – прво и повторено. Во првото гласање, за соборување на владата гласаа 124 пратеници.

The post Петков пред поддржувачите: За Слави довидување, а Борисов ќе го стигнат гревовите appeared first on Република.