Со стапување во сила на зимскиот распоред на унгарската нискобуџетна авио-компанија „Визер“ се укинаа три авиолинии од Скопскиот аеродром – Келн, Копенхаген и Стокхолм.

„Визер“ се повлекува од Келн поради високите цени за услуги и давачки што ги воведе аеродромот Келн-Бон. За да се надомести интересот за тој дел од Германија, компанијата ќе ги зголеми фреквенциите од Скопје за Дортмунд, па така во ноември и декември ќе има летови по шест пати неделно, а во шпицот околу Нова година и Божиќ ќе лета секој ден до овој град во Северна Рајна Вестфалија.

На патниците што летаа за Копенхаген во Данска, сега им останува можноста да летаат до соседниот аеродром Малме во Шведска, но засега „Визер“ не го има зголемено бројот на летови. Стокхолм останува непокриен за патниците што досега летаа до главниот град на Шведска.

The post Визер веќе не лета за Келн, Копенхаген и Стокхолм appeared first on Република.

Заменик претседателот на Владата и министер за транспорт Александар Николоски оствари работна средба со извршниот директор на унгарската авиокомпанија Визер, Јозеф Варади.

На средбата се разговараше за досегашната соработка меѓу Визер како корисник на финансиската поддршка за воведување на авиолини и Владата на Република Македонија која ја реализира оваа мерка со цел поттикнување и унапредување на авиосообраќајот во земјата.

Исто така, на средбата министерот Николоски го отвори и прашањето за новиот јавен повик за финансиска поддршка за нови дестинации до/од Меѓународниот аеродром Скопје и Свети Апостол Павле во Охрид за период 2025-2027 година. Министерот детално информираше за условите и критериумите од јавниот повик, потенцирајќи го придонесот на авиокомпанијата Визер за развој на патничкиот ависообраќај во изминатиот период.

На средбата Николоски истакна дека јавниот повик е отворен за сите авиокомпании кои се заинтересирани да работат на македонскиот пазар под услови пропишани од јавниот повик, се вели во соопштението од кабинетото на министерот Николоски.

Јавниот повик трае до 7 октомври и во рамките на тригодишната програма предвидено е финансиска поддршка во висина од 360 милиони денари. Покрај другите услови, предвидено е износот на финансиската поддршка да изнесува 9 евра по патник во доаѓање превезен од Меѓународен аеродром Скопје и 12 евра по патник во доаѓање превезен од аеродромот Свети Апостол Павле - Охрид.

The post Александар Николоски на работна средба со извршниот директор на Визер appeared first on Република.

Во изминатите неколку дена, европскиот воздушен простор беше сериозно погоден поради проблеми со управувањето со аеродромските места предизвикани од повеќекратни, истовремени временски настани што се случуваат низ цела Европа. Овие настани ги нарушија способностите на властите за контрола на летање и на Еуроконтрол да управуваат со обемот на сообраќај низ целата индустрија, што доведе до големи одложувања и откажувања низ европската авио индустрија.

Овие настани влијаеја на операциите на „Визер“, како и на операциите на другите авиокомпании ширум Европа.

Само на 26 јуни, европскиот воздушен простор имаше околу 450.000 минути задоцнување, од кои 360.000 произлегуваат од временските услови, со значителни доцнења од 3 часа. Мрежата на „Визер“ претрпе преку 30.000 дополнителни минути доцнење на аеродромот во изминатите четири недели во споредба со истиот период минатата година, како резултат на оваа несекојдневна ситуација.

 

Се извинуваме за непријатностите кај дел од нашите патници предизвикани од оваа ситуација, но за жал, овој проблем е надвор од наша контрола. „Визер“ беше подготвен да обезбеди непречено летно работење за своите патници; сепак, системот за контрола на летање се чини дека се соочува со значајни проблеми ова лето. Како индустрија, ние сме принудени овие прашања да ги пренесеме до релевантните органи за управување со воздушниот сообраќај, вклучувајќи го и Еуроконтрол, за да се осигураме дека се спроведуваат соодветни мерки за да се минимизираат нарушувањата.

 

Како и секогаш, „Визер“ ќе ги информира своите патници кои резервирале директно преку авиокомпанијата за какви било промени во распоредот преку смс и е-пошта. „Визер“ секогаш ги советува патниците да резервираат директно на нивната веб страна или апликација за да обезбедат навремени ажурирања на резервацијата и директна помош за своите патници. Во случај патниците да имаат резервации преку онлајн туристички агенции (OTA) и други трети страни, тие треба да го проверат статусот на нивниот лет и да побараат промени преку претставниците на OTA.

 

Важно е да се напомене дека ова прашање влијае на многу авиокомпании, затоа капацитетите на хотелите низ Европа може да бидат ограничени. „Визер“ прави се за да прими што е можно повеќе патници, но во случај надворешните партнери да не можат да ги поддржат сите барања поради недостапност на соби, од патниците може да биде побарано да организираат сопствено сместување. Патниците може да се уверат дека ќе можат да бараат надомест на релевантни трошоци до разумен износ преку официјалната веб-страница на „Визер“, се вели во соопштението на компанијата.

The post Визер: Одложувањата и откажувањата на летовите ширум Европа се последица на временските услови appeared first on Република.

Нискобуџетната авикомпанија Визер во зимската сезона која почнува на 27 октомври планира да редуцира дел од линиите од Скопје, но на одделни дестинации ќе го зголеми бројот на неделни полети од Скопскиот аеродром. Причина за ваквата постапка на авиокомпанијата е проблемот со флотата и инспекцијата која се врши на сите авиони поради проблеми со моторите.

Компанијата сега има приземјено 40 авиони, пишува Ex-Yu Aviation News.

Од 27 октомври кога почнува зимскиот ред на летање авиокомпанијата ќе намали 9 линии од Скопје, иако претходно планираше да има поголем број линии.

Според новиот план на летање, неделните летови од Скопје до Шарлроа и Ајндховен се намалуваат од 5 на 4, за Берлин од 5 на 3, за Келн, Милано и за Хамбург од 4 на 3, за Хан и за Болоња од 3 на 2 и за Малта од првично планираните 4 неделни ротации на 3 неделни.

Како што беше претходно објавено, авиокомпанијата ја прекина продажбата на билети за зимата 2024/2025 на услугите од главниот град на Македонија до Бремен, Копенхаген и Стокхолм Скавста. Од друга страна, услугите кон Нирнберг ќе се зголемат од 2 на 3 неделно, за Малме од 3 на 5 неделно, а за Лондон Лутон ќе порасне од 3 на 4 неделни летови.

Визер претходно најави дека планира да се врати на растот на своите фреквенции и мрежа надвор од своите бази во Скопје од летото 2025 година, и покрај проблемите со моторот, кои се очекува да ги има уште 2 години.

The post Визер ќе скрати 9 полетувања од Скопје од 27 октомври: Поради проблеми со моторот авиопревозникот има 40 приземјени авиони appeared first on Република.

Од следното лето Визер веќе нема да лета од Љубљана до Лондон Лутон, со што авиокомпанијата останува само на летови за Скопје (три пати неделно).

Визер ги откажува летовите од Ниш до Дортмунд, Виена и Малме, што е вкупно седум летови неделно. Компанијата останува на само две линии од Ниш (Базел и Меминген). Истото значи дека Ниш наместо 13 ќе има само седум неделни летови, шест помалку од лани.

И во Бања Лука компанијата укинува две линии и ќе остане само на две линии, а ќе има пет лета помалку од лани, пренесува регионалниот авио-портал ЗамаАеро.

Визер дополнително ги намалува и летовите од Тузла. Минатото лето имаше 48 лета на 16 линии, зимава девет лета на три линии, но летово има еден лет помалку од оваа зима, односно ќе има осум неделни летови на 3 линии, имајќи предвид дека Базел се намалува од три на два лета неделно.

The post Се укинуваат голем број авиолинии во регионот appeared first on Република.

Прекршувањето на правилата за дозволен багаж на летовите на Рајанер, Визер или Ер Србија може скапо да ве чини.

Доколку сакате да избегнете преголеми трошоци за чекиран багаж, ова се најновите информации за кабинскиот багаж за 2023 година за компаниите Рајнер, Визер или Ер Србија.

Рајанер

Ако одберете да патувате со Рајанер, сите видови патнички билети вклучуваат мала рачна торба, која мора да се смести под седиштето пред вас. Најчесто станува збор за ранец или помала чанта со максимални димензии 40x20x25см, а тежината на оваа торба не смее да надмине 10 кг.

Преголемиот рачен багаж ќе биде одбиен на влезната врата и, доколку е можно, мора да се стави во багажот на авионот за такса од 45,99 евра.

Ако не сте сигурни дали вашата торба е со правилна големина, проверете ја на шалтерот за паѓање торби пред да поминете низ безбедносни проверки. Исто така, не заборавајте дека во авионот е дозволен само 1 багаж, така што не можете да земете со себе, на пример, ранец и женска чанта.

Цената на рачниот багаж (мал куфер) со максимални димензии 55x40x20см и 10кг е од 12,00 € до 15 €, односно 23,99 € – 35,99 €, во зависност од дестинацијата и датумот на патување и доколку е купен во моментот на резервација на авионски билети, ако го купите вашиот багаж на аеродром, цените може да бидат значително поголеми.

Визер

Авиокомпанијата Визер ви овозможува и бесплатно да земете ранец или помала торба на летот, но со малку помали димензии, 40x30x20см, а тежината на оваа торба исто така не смее да надмине 10кг.

Како и кај Рајнер, прекумерната нечистотија ќе биде отфрлена на влезната порта (портата) и ако е можно, ќе се стави во држачот на авионот, но со надомест од 30 евра.

Цената на рачниот багаж (мал куфер) со максимални димензии 55x40x23cm и може да тежи најмногу 10кг. е од 12,00 € до 15 €, т.е. 23,99 € – 35,99 € во зависност од дестинацијата и датумот на патување доколку се купени во моментот на резервација на авионскиот билет, доколку го купите вашиот багаж на аеродром, подгответе се да платите многу повеќе .

Ер Србија

Ер Србија на сите патници во економска класа им овозможува бесплатно да земат ранец или торба, како и мал рачен багаж со максимални димензии 55x40x23см, а тежината на оваа торба не смее да надмине 10 кг.

Ако вашиот багаж е преголем и не ги исполнува барањата на оваа компанија на влезната врата (портата), ќе ви се наплати надоместок за вишокот багаж, кој, доколку има различни видови дополнителен багаж, се собираат заедно (број на парчињата, тежината и збирот на димензиите на поединечните парчиња багаж и цената може да се одредат на самата капија.

Извор: Нова.рс 

The post Нови правила за рачен багаж кои сега важат на летовите на Рајанер, Визер и Ер Србија appeared first on Република.

Колку порано го купите авиобилетот, толку подобра цена може да добиете за него. Евтини цени на летовите се важни и она што јас би го препорачал на сите, е, да си ги набават, односно да ги купат авиобилетите, што порано, во интервју за МИА, вели Роланд Тишнер, извршен директор и офицер за операции во „Визер Унгарија“.

Тој деновиве присуствуваше на настанот на скопскиот аеродром, каде беше најавен нов, шести воздухоплов на „Виз ер“ во базата во Скопје со што најавија оперирање до 35 дестинации во 15 држави.

Во интервјуто се зборува и за интересот за работен ангажман на макеоднски државјаниво авиокомпанијата, за најавите на нови летови со субвенции од Владата, како и за цената на авиобилетите.

Во продолжение целото интервју на МИА со Тишнер.

Ставате шести воздухоплов тука во базата во Скопје. Што значи тоа?

- Toa значи нови авиолинии, нови дестинации, нови вработувања како директни во авиокомпанијата, така и индиректни во авиосекторот, и во целост значи пораст, односно добро за целата држава.

Колку кадри се ангажирани од Македонија, има ли интерес за работен ангажман од македонски граѓани и колку луѓе имате ангажирано досега за овој нов проект?

- Моментално имаме околу 250 лица што се директно вработени од страна на „Виз ер“, пилоти и кабински екипаж. Но, исто така имаме и луѓе коишто работат во нашите канцеларии. Кога станува збор за новиот воздухоплов, во просек како се нашите пресметки триесетина луѓе би биле дополнително ангажирани како кабински екипаж и околу 12 пилоти. Тоа се однесува на главните капетани на воздухопловите и првите офицери.

Министерството за транспорт и врски најави дека до крајот на годината ќе има можеби уште еден повик за субвенционирани летови. Најавени се нови летови со субвенции од Владата. Може ли да очекуваме во иднина и други летови, доколку има повторно повик?

- Дефинитивно секогаш сме отворени за соработка за нови можности коишто се одржуваат тука и за пораст нели на работењето. Секако дека би биле отворени за нови можности штом има отворен нов повик.

Што со постојните линии на коишто опериравте со субвенции од Владата, а сега ги опслужувате комерцијално? Дали ги опслужувате сите линии за кои изминатите години добивавте субвенции и кои се плановите за тие релации по истекот на рокот за кој сте обврзани за оперирање?

- Не знам, не сум сигурен точно кои линии ги имале, тоа е комерцијален дел, односно во друг сектор. Но, она што можам да го кажам е дека во моментов оперираме на преку 30 авиолинии, и секогаш гледаме напред, односно се радуваме на нови можности, без разлика дали со поддршка или без, за пораст на нашата авиокомпанија и операциите.

Дали е веќе дојден крајот на евтини авиобилети, бидејќи е евидентна разликата на цените?

- Не, дефинитивно не. Одредувањето на цените е секогаш динамично. Одредувањето на цените секогаш е нели под влијание на бројни други фактори и секогаш ние го правиме, динамиката ни е на одредување на цените, како и на останатите авио компании. Еден од факторите којшто влијае врз одредувањето на цените, е, секако побарувачката. И од особено значење е, кога патниците ги купуваат нивните авиобилети, односно датумот нели кога се купува, до датумот кога треба да се реализира летот.

Она што сакам да го кажам со ова, е, дека колку порано го купите авиобилетот, толку подобра цена може да добиете за истиот. Исто така, други трошоци, односно фактори, коишто влијаат врз одредувањето на цената, се трошоците за самото работење односно за операциите. Цените на горивото и секако трошоците за работна сила, односно за вработувањата и нашите вработени. Но, сите овие фактори може да бидат, нели се променливи, сите може во исто време и да влијаат и да не влијаат на одредувањето на цените.

Но, она што секогаш го правиме, е, да понудиме најдобри, да дадеме најдобра понуда и најпристапна за нашите патници. Така што, евтини цени на летовите се важни и она што јас би го препорачал на сите, е, да си ги набават, односно да ги купат авиобилетите што порано, нели, да добијат подобра цена и да ги купуваат директно од нашата веб-страница, каде што, нели, може лесно да си добијат подобра цена.

Дали ќе го вратите повторно летот за Барселона, бидејќи има интерес?

- Да, дефинитивно слушнав за Барселона неколкупати денес, за враќањето на овој лет. Очигледно со овој капацитет и со моменталната побарувачка, секако, имаме повеќе побарувачка во моментов. Секогаш побарувачката ја оценуваме и правиме анализи на нашата мрежа и секако Барселона, ја разгледуваме нашата мрежа на авиолинии во целост, а секако и Барселона не е изоставена со тоа што не можам да ветам ништо, но, сепак се разгледува.

The post Извршниот директор во „Визер Унгарија“: Не е дојден крајот на евтините авиобилети, но на цените влијаат бројни фактори appeared first on Република.

Со субвенции од Владата, германската авиокомпанија „Луфтханза“ ќе воведе една нова авиолинија - од Скопје до Франкфурт, а унгарски „Визер“ четири - од Скопје до Луксембург, Штутгарт, Салцбург и Љубљана.

Премиерот Димитар Ковачевски и министерот за транспорт и врски Благоја Бочварски на прес-конференција објавија дека е успешен повикот за субвенции за нови авиолинии, што заврши на 31 март и оти е склучен договор со „Луфтханза“ и „Виз Ер“.

„Луфтханза“ ќе лета од Скопје до Франкфурт од 23 април, десет пати неделно, а „Виз Ер“ ќе ги опслужува четирите нови дестинации три пати неделно од 1 ноември годинава.

Финансиската поддршка ќе изнесува седум евра во денарска противвредност по патник во заминување превезен од Меѓународниот аеродром Скопје.

Авиопревозниците „Луфтханза“ и „Визер“ ќе летаат и по неколку пати дневно од нашите аеродроми. Со авиопревозникот „Луфтхаза“ преку Франкфурт, нашите граѓани ќе имаат можност да се поврзат со повеќе од 200 дестинации во повеќе земји во Европа и светот со оглед на тоа дека аеродромот во Франкфурт е еден од неколкуте најголеми аеродроми во светот. Јас сум сигурен дека преку субвенционирање на авиолинии овозможуваме раст на економијата и на воздушниот сообраќај, рече премиерот Ковачевски на прес-конференција во Владата.

Наша стратешка цел, потенцираше тој, е да ги искористиме сите капацитети што ги нудат Меѓународниот аеродром „Скопје“ и охридскиот аеродром „Св. Апостол Павле“.

Заложбата на Владата е да овозможиме квалитетни услуги со поширок спектар на дестинации за граѓаните. Податоците покажуваат дека во 2022 година имаме превезено над 2,3 милиони патници преку нашите два меѓународни аеродроми. Тоа за Cеверна Македонија значи зајакнување на економските врски со европски и светски дестинации, носење на нови инвеститори, но и можност за брзо и непречено движење на нашите граѓани кои сакаат да патуваат во странство или странски граѓани кои доаѓаат во нашата држава или за работа или со туристички цели. Исто така, тоа значи и привлекување на што поголем број странски државјани кои сакаат да ја посетат нашата земја, рече Ковачевски.

Според Бочварски, воведени се нови дестинации за кои имало голем интерес од граѓаните. Има, како што рече тој, дополнителни средства да се објави нов повик кон крајот на годината со цел да се привлечат нови дестинации.

Одговорено е позитивно на барањата за новите пет дестинации од овие две авиокомпании, а секоја друга компанија што ќе сака да оперира од нашите аеродроми кон која било европска дестинација тоа може да го направи и без субвенции. Но, останува правото на Министерството за транспорт и врски, доколку сметаме дека е потребно, а јас сметам дека е потребно и имаме дополнителни средства да објавиме и нов повик кон крајот на оваа година со цел да привлечеме можеби дополнителни авиокомпании но и дополнителни дестинации за нашите граѓани, рече Бочварски.

„Луфтханза“ и „Виз Ер“ за дестинацијата за која ќе добиваат финансиска поддршка ќе имаат обврска и по завршувањето на субвенциите да продолжат да ја оперираат линијата за период за кој добивале субвенциите. Во спротивно, ќе бидат должни да го вратат целиот износ на средства што ги добиле како финансиска поддршка. Ако компанијата добивала субвенции во рок од три години, ќе мора и по истекот на тие три години да ја оперира таа линија без државата да и плаќа на компанијата.

Нашите политики се во насока да го развиеме воздушниот сообраќај во земјата, да обезбедиме квалитетен развој на цивилното воздухопловство, како и да формираме конкурентни цени и нови дестинации за нашите граѓани, како и за привлекување туристи од цела Европа и пошироко, рече министерот Бочварски.

Министерството за транспорт и врски во својот буџет годинава има предвидено 1,1 милион евра за оваа намена, а вкупно пет милиони евра за тригодишната програма.

Повикот со кој се склучени договори со „Луфтханза и „Виз Ер“ е втор годинава, а првиот беше поништен откако Комисијата за евалуација на понудите што ги доставија авиокомпаниите „Виз ер“, „Луфтханза“ и „Ејџиан Ерлајнс“ констатираше дека не ја доставиле пропишаната комплетна документација.

Државава ќе доделува финансиска поддршка за нови летови по пауза од една година. Заклучно со 1 март лани, субвенции по овој основ добиваше „Виз Ер“ преку три последователни договори

The post Ова се новите линии кои со субвенции од Влата ќе ги воведат „Луфтанза“ и „Визер“ appeared first on Република.

Вчера во просториите на Министерството за транспорт и врски се отворија барањата за финансиска поддршка за воведување на нови авиолинии од двата аеродроми, Меѓународниот аеродром Скопје и аеродромот Св. Апостол Павле во Охрид.

На јавниот повик кој што траеше од 1 март 2023 година до 31 март 2023 година документација доставија две авиокомпании и тоа Визер и Луфтханза.

Комисијата составена од членови од неколку државни институции во следниот период ќе изврши евалуација на доставените понуди, согласно утврдените крутериуми во јавниот повик.

Јавниот повик за субвенционирање на нови авиолинии беше распишан во согласност со политиките на фер и конкурентски услови согласно регулативата на Европска унија.

Финансиската поддршка има за цел поттикнување и развој на воздушниот сообраќај во Република Македонија, заради квалитетен развој на цивилното воздухопловство, формирање на поконкурентни и подостапни цени на билетите што директно подразбира нови дестинации за граѓаните на Македонија.

The post Визер и Луфтханза побарале субвенции за воведување нови авиолинии appeared first on Република.

Авион од компанијата WizzAir кој лета на релација Дортмунд-Охрид предмалку поради итен случај беше пренасочен кон Венеција, пишува 4NEWS.mk

Авионот побарал итно слетување во Венеција, но во моментов не е позната причината поради која тоа го побарал.

Авионот во моментов додека се наоѓал во воздушниот простор на БИХ, свртел од курсот и се пренасочил кон Венеција.

The post Авион на Визер кој летал од Дортмунд до Охрид, итно слетал во Венеција appeared first on Република.

Патник се соблекол гол до појас, викал „УЧК“, се однесувал агресивно и ги вознемирувал патниците на лет на „Визер“ од Брисел за Скопје.

Полицијата го привела веднаш по слетувањето на скопскиот аеродром околу 12.30 часот.

Засега е познато дека станува збор за косовски државјанин кој е задржан на граничниот премин Меѓународен аеродром Скопје поради агресивно однесување. Се работи на расчистување на случајот, велат од Министерството за внатрешни работи (МВР), за „сдк.мк“.

Според патници на летот, мажот со крупна конституција, кој изгледал дека најверојатно е пијан или под дејсто на дрога, почнал многу гласно да вика околу половина час пред да почне постапката за слетување. Тој прво го вознемирувал патникот на седиштето пред него, па човекот морал да се премести понапред во авионот.

И покрај опомените од кабинскиот персонал, мажот продолжил да вика. Кога стјуардесата го најавила слетувањето и побарала патниците да останат врзани на своите места, тој станал и почнал да оди низ авионот при што се соблекол гол до појас. Тогаш патниците видно се вознемириле, а децата почнале да плачат. Стјуардесата преку разглас ги повикала да бидат смирени, а мажот продолжил да оди низ авионот и кога дошол во задниот дел, почнал да удира по седиштата и конечно седнал.

Полицијата го привела во авионот веднаш по слетувањето.

Инциденти сo агресивно однесување од ваков тип не се вообичани на летовите за Скопје. Пред два месеца, патник беше приведен оти мастурбирал на летот од Лондон, а лани во два наврати патници од Брисел кои запалиле цигари на лет добија доживотна забрана за летање со „Визер“.

The post Патник се соблекол гол до појас и викал „УЧК“ на летот од Брисел за Скопје, приведен веднаш по слетувањето appeared first on Република.

Од Конторла на летање информираат дека немало никакво принудно слетување на авион на Охридскиот аеродром. Авион што полетал од Охрид за Германија, сепак се вратил и принудно слетал на Охридскиот аеродром.

Станува збор за авион „ербас А-32о“ на унгарската нискобуџетна компанија „Визер“, на редовна линија од Охрид за Фридрихсхафен, кој на пат кон Германија требало да слета во Скопје за го замени екипажот поради надминати часови на работа, па да продолжи кон крајната дестинација.

М-НАВ наведува дека поради невремето што во попладневните часови го зафати главниот град, авионот не можел да слета во Скопје и капетанот пет-шест пати вртел над скопскиот аеродром чекајќи подобри метео услови, по што безбедно се вратил во Охрид.

Авионот се задржал во македонскиот воздушен простор повеќе од два часа пред да се врати во Охрид.

The post Полетал од Охрид за Германија, вртел над Скопје и пак се вратил во Охрид: Ова е причината што авионот не стигнал кај што тргнал appeared first on Република.

Поради војната во Украина, се зголемија цените на нафтените деривати, особено на керозинот, кој поскапе и до шест пати. Нискотарифната компанија „Рајанер“ објави дека заврши ерата на евтини билети од 10 евра.

Одлуката повеќе да нема евтини билети нема да биде краткотрајна. Нискобуџетните компании ќе продолжат со работа, но нема да има подрастични разлики од 80 отсто во цената на билетите за истата дестинација.

„Досега билетите беа на пример 80 фунти, новите цени за повратните билети ќе бидат 120 фунти, но повторно 50 отсто поевтини од билетите кај официјалните превозници. Веќе нема да има систем евтините билети први да го полнат авионот, цените ќе бидат исти за сите седишта“, изјави Мајк О’Лири од Рајанер.

Во меѓувреме, унгарски „Визер“ е првиот што воведува летови од Европа до Москва преку Турција. Велат дека мора да обезбедат евтин превоз и да вработат возен парк.

„Тоа е моментално најбараната дестинација, не водиме друга политика освен бизнис. Иако сме од Европската унија, ќе летаме за Русија“, нагласи Јожеф Варади од „Визер“.

The post Рајанер: Заврши ерата на евтини билети од 10 евра appeared first on Република.