Научникот Виталиј Мелников, кој го водеше Одделот за ракетни и вселенски системи во RSC Energia, водечки производител на вселенски летала во Москва, почина откако, наводно, бил отруен со печурки што не се јадат.

Прокремљскиот таблоид „Московски комсомолец“ пишува дека 77-годишниот Мелников бил отруен, а лекарите се бореле за неговиот живот повеќе од две недели, но не успеале да го спасат од „тешко труење“. Околностите кои довеле до труењето се уште не се откриени, пишува Мирор.

Во Русија, последните две години се случуваат серија мистериозни или сомнителни смртни случаи.

Виталиј Мелников, чија смрт е последна во низата сомнителни смртни случаи во Русија, работеше како главен истражувач во ЦНИИМАШ, оддел на Роскосмос, руската вселенска агенција. Автор е на 291 научни написи и се смета за еден од најпочитуваните вселенски научници.

Тој соработуваше со странски колеги, вклучувајќи ја и НАСА, додека Русија продолжи да соработува со други земји и покрај војната во Украина. Подоцна, тој стана професор на Универзитетот за народно пријателство на Русија.

The post Нова сомнителна смрт во Русија! Почина угледен научник, отруен е со печурки? appeared first on Република.