Недозволиво е во една демократија избраните претставници на народот кои најголем дел се избрани со повеќе од 10 илјади гласови некој да дојде и да разговара и прави притисоци некои кои не бил избран од народот кое е избрано и именувано лице после избори. Според Мицевски тоа е обид за спинување и бегањето од реалните теми и разговори за тоа дали Бујар Османи и Бојан Маричиќ разговарале и се јавувале на одредени пратеници и дефокусирање на јавноста како се купи Соравија, истакна координаторот на пратеничката група на ВМРО-ДПМНЕ Никола Мицевски во вечерашното гостување во емисијата „За или Против“ на Телевизија Алфа.

Тој додаде дека ставот на пратеничката група на ВМРО-ДПМНЕ е јасен и произлегува од граѓаните.

Тој посочи дека уставните измени не се нешто приоритетно за кое треба да зборуваме. Имаме проблем со високата корупција која се јави во високите владини редови за која редовно дискутираме и за која бараат голем број амбасади и дипломати решение.

Ние пред некој период имавме американска администрација која ни укажа и ни стави на црна листа човек кој е од владејачкото мнозинство и актуелен функционер. Од друга страна имаме и најава дека во наредниот период ќе дојде и оценска мисија да ја оценува работата на судскиот совет и имаме најава дека нешто се случува таму. Комисијата која ја направи јавниот обвинител утврди дека 14 од тие 30 предмети кои се против дотичниот функционер ставен на црна листа биле застарени“, кажа Мицевски.

Тој е дециден дека се руши судскиот систем и правосудниот систем во државата е дерогиран.

Разговараме со коалицоните партнери и други политички субјекти кои се дел од коалицијата за „Обнова на Македонија“ за организирање и здружување околу една платформа за борба против корупцијата , подобрување на економските перфоманси и враќање на достоинството на македонскиот граѓанин и македонската држава. Секој оној еден кој ќе се подобри во таа платформа е добредојден во опозицискиот блок за рушење на оваа ненародна туку деструктивна и самоуништувачка Влада која работи спротивно на интересите на своите граѓани“, посочи Мицевски.

The post Мицевски: Уставните измени не се приоритет, имаме проблем со висока корупција appeared first on Република.

Како што Господиниот Папандреу точно истакнува во извештајот – анкетите покажуваат дека се зголемува бројот на луѓе во Западен Балкан, посебно помеѓу младите, кои се песимисти околу перспективите и пристапувањето во ЕУ. Европската визија го губи својот сјај, На тоа место, етно-национализмот повторно се појавува на површина со многу загрижувачки развој, изјави за медиумите, портпретседателот на ВМРО-ДПМНЕ, Александар Николоски.

Тој истака дека тоа што и се случува на Македонија е најдобар пример за ова.

– Грција беше таа која ставаше вето на отворањето на пристапните преговори со години и потоа од 2020 година тоа е Бугарија, користејќи ја својата позиција како земја членка на ЕУ да ја уценува Македонија, го негира постоењето на Македонска нација, ја негира Македонската култура и историја и тврди дека Македонскиот јазик е дијалект на Бугарскиот јазик. Се ова Македонија е притисната да го прифати за да ги отвори пристапните преговори и да може еден ден да стане земја членка на ЕУ. Правилото на едногласност во процесот на пристапување брутално го злоупотреби Бугарија. Затоа многу млади губат верба и или заминуваат од државата или бараат други алтернативи. Во извештајот е напишано дека Советот на Европа го поздравува отворањето на пристапните преговори со Македонија на 19 јули 2022. Тоа не е точно! Македонија не ги отвори пристапните преговори туку само беше притисната да го промени Уставот според бугарски диктат и услови. Без промена на Уставот нема пристапни преговори. Сите ќе се согласите дека ова е брутална интервенција на суверенитетот и независноста на државата. Не постои ваков втор пример на ниту една друга земја кандидат за ЕУ која се соочила со вакви предуслови, ова не е европска вредност! Понатаму Бугарија го користи истиот провокативен дискурс како и Владимир Путин. Путин вели дека нема украинска нација и јазик, тие се Руси, бугарските политичари велат дека нема македонска нација и јазик, тие се Бугари и ако Македонија сака да напредува кон ЕУ мора да го прифати ова! Поради ова го повикувам Советот на Европа во овој извештај да предложи отворање на пристапните преговори за Македонија без понатамошни одложувања и дополнителни барања. Советот на Европа треба да побара од ЕУ да ги почитува своите Копенхашки критериуми. Промената на Уставот на независна држава не треба да е услов за пристапни преговори. Советот на Европа треба да побара од Бугарија да престане да врши притисок за уставни измени во Македонија и да дозволи пристапни преговори. ЕУ треба да ги искористи своите механизми за да го наложи ова, појасни Николоски.

Тој посочи дека само со ова ќе се врати довербата и оптимизмот за Европската перспектива.

– Друго важно прашање е борбата против организираниот криминал и корупција. Го поздравувам директниот акцент во извештајот на овие проблеми. Почитувањето на владеењето на правото и борбата против корупцијата е геостратешко вложување во мирот, стабилноста и демократска безбедност за цела Европа. За жал според извештајот на Транспаренси интернешнл Македонија ја има најкорумпираната Влада во својата историја и барам ЕУ и Советот на Европа да направат притисок за имплементацијата на областите кои што се приоритет, како што се владеење на правото и добро владеење , вклучувајќи ефикасност, независност и верба во судството, борба со корупција и реформи на јавната администрација. Македонија треба да ги почне преговорите за членство во ЕУ затоа што граѓаните на Македонија тоа го заслужуваат, без никакви понатамошни барања и услови од Бугарија како што се промена на Уставот. Само таков пристап може да доведе до добри соседски односи и пријателски односи помеѓу Македонскиот и бугарскиот народ во заедничкото европско семејство, додаде Николоски.

The post Николоски: Совет на Европа директно и јасно посочува дека во Македонија има високо ниво на корупција и криминал appeared first on Република.

Корупцијата претставува најголем проблем на Западен Балкан, изјави специјалниот пратеник на САД за Западен Балкан, Габриел Ескобар.

„Корупцијата е канцер кој ја нагризува вербата на граѓаните во демократијата, го намалува инстинктот за иновативност и креативност, па на тоа се трошат и онака оскудните буџети, што ги скратува инвестициите. Се троши талентот на цели генерации”, изјави Ескобар за „Дневни аваз”.

Тој рече дека тоа ги плаши инвеститорите, додавајќи дека САД се посветени на промовирање одговорност, како и залагање за казнување на оние кои се вклучени во корупција во Западен Балкан и во целиот свет.

„САД ќе продолжат да ги користат сите достапни алатки, вклучително и санкции, за да ги казнат злонамерните и дестабилизирачки актери, како и организациите и компаниите кои ги поддржуваат”, порача Ескобар.

The post Ескобар: Корупцијата преставува најголем проблем за Западен Балкан appeared first on Република.