За прв пат по 147 години, линискитесудии се ослободени од должноста на Вимблдон.

Вимблдон најави дека од следното лето вештачката интелигенција или програмата наречена „автоматска електронска контрола на линиите“ ќе го преземе управувањето со натпреварите.

Тоа значи дека околу 300 линиски судии останаа без работа. Нивната дневница изнесува околу 180 фунти.

„Окото на соколот“, технологија која им овозможуваше на играчите да ги проверуваат одлуките на линиските суди,, како и на главниот судија, беше воведена на Вимблдон во 2007 година.

Во меѓувреме, можностите се проширија, технологијата напредуваше, па Вимблдон реши целосно да го исклучи човечкиот фактор. Сепак, се покажа дека компјутерот прави помалку грешки.

The post Вимблдон ги „укина“ линиските судии за прв пат во историјата appeared first on Република.

Шпанецот Карлос Алкараз денеска стана самиот деветти тенисер во историјата кому му успеало да ја одбрани титулата на Вимблдон, откако во големото финале го победи Србинот Новак Ѓоковиќ (6-2, 6-2, 7-6).

Тој сега смирено ќе може да го гледа финалето на фудбалското ЕП, во кое неговата Шпанија ќе ги одмери силите против Англија во Берлин.

Јас си ја завршив работата, сега нека го сторат тоа и фудбалерите. Сигурно ќе биде тежок натпревар и се надевам дека подобра екипа ќе ја освои титулата“, изјави Алкараз.

The post Алкараз: Јас си ја завршив работата, сега на ред се фудбалерите на Шпанија! appeared first on Република.

Шпанскиот тенисер Карлос Алкарас е победник на годинашното издание на престижниот гренслем турнир Вимблдон, откако го прегази Новак Ѓоковиќ во денешното финале во Лондон. Србинот немаше никаква шанса, Алкарас ја заврши работата експресно, за два часа и 29 минути, славејќи со 3-0 во сетови (6-2, 6-2, 7-6).

Шпанецот ја одбрани титулата од лани, а не му дозволи речиси воопшто да се размавне на Ѓоковиќ.

Алкарас тргна фуриозно, во првиот сет двапати го одзеде сервисот на Ѓоковиќ кој беше непрепознатлив и многу бавен на теренот. Идентична беше сликата и во вториот сет кој Алкарас исто така го доби со 6-2 во гемови.

Ѓоковиќ малку се подразбуди во третиот сет, но, сепак, шпанскиот тенисер направи брејк во деветтиот гем. Потоа во гемот кога требаше да го комплетира мечот со 6-4 во гемови, на свој сервис имаше предност од 40-0 во поени, но на крајот го загуби, а Србинот го искористи тоа за да се избори за тај-брејк.

Сепак, Алкарас беше повторно подобар во 13. гем, успеа да го добие со 7-4 на поени и ја слави одбраната на титулата на Вимблдон.

The post Алкараз убедливо против Ѓоковиќ, Шпанецот ја одбрани титулата на Вимблдон appeared first on Република.

Чешката тенисерка Барбора Крејчикова попладнево во финалето на Вимблдон ја победи Италијанката Јасмин Паолини со 6:2, 2:6 и 6:4.

Мечот траеше 1 час и 58 минути.

Дваесет и осумгодишната Крејчикова сервираше шест асови, направи четири грешки на вториот сервис и реализира три брејк топки од седум шанси.

Исто така 28-годишната Паолини имаше три директни поени од сервис, направи две двојна грешка и реализира две брејк топки од шест.

За Крејчикова ова е прва титула во 2024 година и втора победа на Грен слем турнир во кариерата. Вкупно има 8 победи на ВТА турнирите во сингл.

The post Сензационална победа на Крејчикова на Вимблдон appeared first on Република.

Италијанската тенисерка Јасмин Паолини се пласираше во финалето на Вимблдон откако по три сета ја совлада Дона Векиќ (6:2, 4:6, 7:6).

Седмата тенисерка во светот по два часа и 54 минути се пласираше во финалето на овој Грен слем, што е најдолго полуфинале во историјата на Вимблдон.

Со тоа стана првата тенисерка која по 2016 година настапила во финалето на Грен слем турнирите во Париз и Лондон.

The post Јасмин Паолини се пласираше во финалето на Вимблдон appeared first on Република.

Најтрофејниот и најдобриот светски тенисер во историјата, Србинот Новак Ѓоковиќ имаше необично славје по триумфот над Алексеј Попирин со 3:1 и пласманот во осминафиналето на Грен слемот во Вимблдон.

Српскиот тенисер се сврте кон делот од трибините каде седеше неговото семејство и започна на тенискиот рекет да „свири“виолина. Се испостави дека тоа била порака за неговата ќерка Тара.

„Тоа беше за Тара! Мојата Тара свири виолина веќе некое време, шест месеци, и тоа беше нашиот договор дека јас така ќе славам, ако победам“, објасни Ѓоковиќ.

Потоа зборуваше за прославите на другите спортисти кои му се допаѓаат.

“Болт! Роналдо и тоа “сиу”, ми се допаѓа и бранот на Агаси со бакнеж и кога се поклонува. Гуга на Ролан Гарос со срце, Цонга го имаше тој интересниот фудбалски, има интересни… Белингем, тој едноставно ги шири рацете, Алкараз го направи тоа, тоа е она што го направив на Ролан Гарос. Интересно и забавно е што можеме да го земеме од други спортови чувство, еве јас имам виолина“, рече Новак и додаде дека не е првпат ваква прослава да се види на неговите натпревари.

„Степанек беше првиот што го направи тоа, се шегував со него, тој ја имаше таа прослава, дури се сетивме кога играв против него во 2007 година на УС Опен во пет сета на некоја голема топлина.

The post Ѓоковиќ откри за кого „свиреше на виолина“ по победата над Попирин appeared first on Република.

Шпанскиот тенисер Карлос Алкараз се пласира во четвртфиналето на Вимблдон, откако славеше со 3-1 во сетови, односно 6-3, 6-4, 1-6 и 7-5 против Иго Умбер.

Алкараз во четвртфинале ќе се соочи против победникот од мечот меѓу Пол и Баутиста.

The post Алкараз се пласира во четвртфиналето на Вимблдон appeared first on Република.

Третата светска тенисерка Арина Сабаленка ќе го пропушти Вимблдон поради повреда на рамото.

Белорусинката предвреме го заврши денешниот тренинг и се повлече од Грен слемот во Лондон.

- Срцето ми е скршено што треба да кажам дека нема да можам да играм на Вимблдон оваа година. Пробав сѐ за да се подготвам, но за жал моето рамо не може да се справи. Дадов сѐ од себе на денешниот тренинг, но тимот објасни дека играњето само ќе ги влоши работите. Овој турнир ми значи многу и ветувам дека следната година ќе се вратам посилна од кога било, објави Сабаленка.

Во главната ждрепка нејзинот место ќе го пополни „среќната губитничка“ Русинката Ерика Андреева. Таа ќе игра со Емина Бекташ.

The post Сабаленка се повлече од Вимблдон appeared first on Република.

Принцезата од Велс, Кејт Мидлтон редовно го посетува Тенискиот турнир Вимблдон и учествува во доделувањето трофеи на победниците. Вимблдон почнува на 1 јули, а иако Кејт се држи подалеку од очите на јавноста по нејзината дијагноза на рак, организаторите на турнирот се надеваат дека принцезата и оваа година ќе ја продолжи традицијата на доделувањето на трофеите.

Претседателката на Клубот „Ол Ингланд“ што го организира турнирот, Деби Џеванс за „Телеграф спорт“ изјави дека ќе ѝ дадат „што е можно поголема флексибилност“ на принцезата од Велс.

Се надеваме дека принцезата од Велс ќе може да ги предаде трофеите како покровителка на клубот, но во мигов, нејзиното здравје и закрепнувањето се најважни. Сè уште не знаеме ништо. Сè што велиме е дека ќе работиме со неа, ќе ѝ дадеме колку што е можно повеќе флексибилност. Не знам ниту кој би ги доделувал трофеите како замена. Остануваме флексибилни“, изјави Џеванс.

Кејт Мидлтон е љубителка на тенис, па како таква е и покровителка на „Ол Ингланд“ клубот за тенис на трева и крикет. Меѓутоа, откако ѝ е дијагностициран рак, таа е надвор од службените обврски.

The post Турнирот би сакал, но сè уште не се знае дали Кејт Мидлтон ќе доделува трофеи на Вимблдон appeared first on Република.

Најдобрата македонската тенисерка, Лина Ѓорческа, не успеа да ја мине првата пречка на квалификациите на Вимблдон.

Таа загуби со 2:0 (7:6 и 7:6) од Американката Саша Викери, која ги освои двата тај-брејка во мечот што траеше еден час и 44 минути.

Со овој пораз Ѓорческа го заврши настапот на третиот Грен слем турнир годинава.

Причина за поразот според статистиката се големиот број неизнудени грешки 50 за Ѓорческа, наспроти 16 на Викери, како и двојните сервис грешки 10 за Лина, а две за американската тенисерка.

По настапот на Вимблдон, Ѓорческа е пријавена за настап следната недела на ИТФ фјучрс турнир во Рим.

The post Не издржа во двата тај-брејка: Лина Ѓорческа не го мина првото квалификациско коло на Вимблдон appeared first on Република.

Српскиот тенисер Новак Ѓоковиќ изјави наскоро кога ќе донесе конечна одлука за евентуалното учество на Вимблдон.

Вториот светски рекет пристигна во Лондон на 24 јуни, каде ќе се одржи турнирот.

– Многу сум задоволен од тоа како се одвиваат работите. Сè уште не сум на 100 проценти, но се надевам дека ќе го направам тоа во следните неколку дена. Рехабилитацијата оди во вистинска насока. Ќе донесам одлука врз основа на тоа како ќе се одвиваат работите во следните четири или пет дена. Дали ќе играм само ако сум сигурен дека ќе победам? Секако, не дојдов овде само да одиграм неколку кола. Но, сè уште немам планови да се повлечам од тенисот, така што ова нема да биде мојот последен Вимблдон. Ќе донесам одлука пред ждрепката да бидам фер кон другите играчи. Се разбира, сè е непредвидливо. Не знам што може да се случи кога турнирот ќе започне, изјави Ѓоковиќ за „Дејли експрес“.

На почетокот на јуни 37-годишниот Србин успешно го оперираше коленото. Ѓоковиќ заработи повреда на менискусот во четвртото коло на Ролан Гарос каде играше против Аргентинецот Франциско Черундоло. На оваа средба победи во пет сета, но подоцна се повлече од четвртфиналето на турнирот.

Вимблдон 2024 ќе се одржи од 1 до 14 јули во Лондон (Англија).

The post Ѓоковиќ: Не дојдов на Вимблдон само за да одиграм неколку кола appeared first on Република.

Најдобрата македонска тенисерка Лина Ѓорческа од вчера е во Лондон, каде во текот на следната недела ќе го има вториот настап на Грен слем турнирот Вимблдон.

Проблемот со визата беше надминат во текот на оваа недела, но сепак Ѓорческа немаше можност да настапи на турнир во Англија, па така останува низ тренинзи на тревната подлога со тренерот Димитар Лабудовиќ овие неколку дена да ја приспособи играта на овој вид подлога.

За Ѓорческа ова ќе биде втор настап на Вимблдон во квалификациите (првиот го имаше во 2017 година).

Женскиот квалификациски турнир стартува во вторник, а ден претходно ќе биде познат и „костурот“ во квалификациите.

The post Ѓорческа ја очекува првата противничка во квалификациите на Вимблдон appeared first on Република.

Српскиот тенисер Новак Ѓоковиќ доби казна од 8.000 долари од страна на организаторите на тенискиот турнир Вимблдон.

Ноле е санкциониран за удирањето на рекетот од стативата за време на финалето против Карлос Алкараз. Инцидентот се случи на крајот од мечот, кога Ѓоковиќ направи грешка, по што стануваше сè понервозен и на крајот од бес по еден загубен поен со сета сила го скрши рекетот.

Пресудата на на Вимблдон е кратка и јасна и гласи: „Злоупотреба на рекет“.

The post Стигна казната од Вимблдон за Ѓоковиќ appeared first on Република.

Принцезата Шарлот и принцот Џорџ присуствуваа на вчерашното машко финале на Вимблдон каде што се пресметаа Новак Ѓоковиќ и Карлос Алкараз. Нивното доаѓање е всушност прекршување на едно од правилата на турнирот. Многумина веднаш забележаа дека не е нивниот помлад брат принцот Луис.

Џорџ беше на Вимблдон и претходно, додека Шарлот вчера за прв пат се појави на трибините. Децата на Кејт Мидлтон и принцот Вилијам беа во кралскиот бокс, иако правилото вели дека пристапот до оваа област е забранет за деца. Но, протоколот со години се крши токму поради децата на британскиот двор.

The post Правило си е правило: Дури и кралските деца не можат да дојдат на Вимблдон appeared first on Република.

Новак Ѓоковиќ по десет години загуби финале на Вимблдон. Во 2013 година честа да го победи најуспешниот во историјата ја имаше Енди Мареј, а денес подобар од српскиот ас беше Карлос Алкараз, кој го забележа најголемиот успех во кариерата.

По големото финале во Лондон, Ѓоковиќ спортски го призна поразот и му ја честиташе победата на противникот.

„Ќе бидам горд утре наутро, денес, не. Тешко е да се проголта сè кога си блиску. Повторно, тоа се оние моменти за кои работите секој ден, благословен сум со толку многу големи натпревари во мојата кариера. Ова е уште еден во историјата, но загубив од подобар играч и морам да му честитам. Мислев дека ќе имам проблеми само на земја и тврда подлога, но не и на трева. Карлос, ти честитам за одличната адаптација на оваа подлога. Заслужено победи“, рече Ѓоковиќ, а потоа заплака кога зборуваше за својата фамилија и синот Стефан: „Мило ми е што мојот син е се уште тука, што се уште се смешка. Те сакам, ти благодарам што ме поддржуваш, ќе те гушнам и ќе продолжиме да се сакаме“.

За српскиот спортски великан ова беше прво загубено Грен слем финале во 2023, откако претходно славеше на Австралија Опен и Ролан Гарсо.

Извор: Гол.мк

The post Ѓоковиќ во солзи: Ќе бидам горд утре, денес – не! appeared first on Република.

Победничката на Вилмблдон, чешката тенисерка, Маркета Вондроушова, вели дека не верувала дека ќе успее да го освои трофејот на престижниот турнир, со оглед на повредата што ја имаше мината сезона.

Вондрушова имаше операцијата на левата рака која и беше во гипс пред една година.

Пред точно една година имав гипс на целата рака. Не верував дека можам да играм овде на врвно ниво. За мене беше невозможна мисија да се освои трофејот. Не знаев дали можам повторно да играм како пред операцијата. На крајот на краиштата, претходно не сум имала добри мечеви на трева. Од четирите Грен-слема, освојувањето на овој е најневозможната опција за мене. Не ни помислував на тоа. Дојдов овде мислејќи дека треба да се обидам да победам неколку натпревари. И тогаш ова се случува. Лудило, изјави Вондрушова.

Таа во финалето на Вимблдон ја победи Онс Жабер од Тунис со 6:4 и 6:4 .

Денеска се игра финалето во машка конкуренција. Во него ќе се соочат Карлос Алкараз од Шпанија и Новак Ѓоковиќ од Србија. Натпреварот почнува во 15 часот.

https://republika.mk/sport/ostanati-sportovi/nole-igra-za-nekolku-rekordi-devetto-finale-na-vimbldon-za-gokovik/

The post Вондрушова: Не ни помислував дека можам да го освојам трофејот на Вимблдон appeared first on Република.

Чешката тенисерка Маркета Вондрушова триумфираше на годинешното издание на грен-слем турнирот во Вимблдон, совладувајќи ја во финалето Тунижанката Онс Жабер со 6-4, 6-4.

За 24-годишната Вондрушова ова е прва грен-слем титула во кариерата.

Претходно, Чехинката играше едно грен-слем финале, пред четири години на Ролан Гарос во Париз.

Жабер, пак, го загуби своето второ финале во серија во Вимблдон, а и трет пат остана на чекор до својата премиерна грен-слем титула.

Тунижанката претрпе два порази во финалињата на Вимблдон, а беше поразена и во финалето на Ју Ес Опен 2022.

The post Прва Вимблдон титула за Вондрушова од Чешката Република appeared first on Република.

Новак Ѓоковиќ петта година по ред стигна до финалето во машка конкуренција на Вимблдон со доминантна победа против Јаник Синер. Вториот носител на турнирот, победи со 6-3 6-4 7-6 (7-4) против Италијанецот, кој беше осми носител. Со овој триумф, српскиот тенисер е на само една победа до изедначување на рекордот од осум титули на Вимблдон, во машка конкуренција.

36-годишниот Ѓоковиќ би можел да го изедначи и апсолутниот рекорд со 24 освоени Гренд слем титули, што го држи австралиската тенисерка Маргарет Корт.

За Ѓоковиќ ова ќе биде деветто финале на Вимблдон, турнир каде што нема загубено натпревар, што не бил прекинат поради некоја причина. Најдобриот тенисер на на светот ќе го има и својот
35-ти настап во финалето на некој Грен слем турнир, откако го надмина резултатот што претходно го делеше со Американецот Крис Еверт.

Во борбата за титулата, противник на Ѓоковиќ ќе биде првиот носител, Шпанецот Карлос Алкараз, кој го победи Даниил Медведев со 6:3 6:3 6:3. Ова за шпанскиот тенисер ќе биде прво финале на најпрестижниот тениски турнир во светот.

The post Ноле игра за неколку рекорди: Деветто финале на Вимблдон за Ѓоковиќ appeared first on Република.

Тенисерката од Тунис Онс Жабер втора сезона по ред ќе игра во финалето на Вимблдон откако денеска во три сета ја совлада Арина Сабаленка од Белорусија - 2:1 (6:7, 6:4, 6:3).

За првата Грен слем титула во кариерата, односно вкупно петта, ќе се бори со Маркета Вондрушова од Чешка, која во полуфиналето беше подобра од Украинката Елина Свитолина - 2:0 (6:3, 6: 3). Тие двајца никогаш претходно не се сретнале, а Европеецот стигна до финалето без да биде носител.

За Чехинката ова е најдобар пласман во кариерата на Грен слем на тревна подлога, а на истата позиција беше само на Ролан Гарос во 2019 година. Во Лондон, пред фантастичните игри оваа сезона, таа се пласираше во вториот круг само еднаш.

The post Жабер ќе игра финале против Вондрушова на Вимблдон appeared first on Република.

По поразот од Украинката, Азаренка се нафрли на срамната англиска публика.Искусната Белорусинка Викторија Азаренка по невидена драма беше поразена од Украинката Елина Свитолина во осминафиналето на Вимблдон со резултат 2-6 6-4 7-6 (11-9).

Тоа беше прв натпревар меѓу руски или белоруски играч и украински играч на Вимблдон по укинувањето на минатогодишната забрана за учество на спортисти од Русија и Белорусија.

На крајот од натпреварот, за жал, очекувано немаше поздрав на ривалите на теренот. Свитолина од почетокот на војната одбива да се ракува со своите ривалки од Русија и Белорусија, па овојпат немала намера да се ракува ниту со противникот. Азаренка го знаеше тоа, па по последниот поен отиде само кај судијата, а потоа ја погледна Свитолина и ја крена раката за да и честита на победата.

После тоа доживеала огромна непријатност. Срамната британска публика, која во текот на целиот меч беше на страната на Свитолина, со жестоки свирежи го испрати Азаренка од теренот.

Азаренка на прес-конференцијата која следеше по натпреварот, безобразно ги коментираше случувањата на теренот и во таа прилика се нафрли на грубите Англичани.

Поранешниот Грен слем шампион изјави дека навивачите биле пијани.

„Не можам да ја контролирам толпата. Не сум сигурен дека многу луѓе разбраа што се случува. Веројатно тоа беше многу Пимс (алкохолен пијалок на база на џин). Што да правам? Не сакаше да се ракува со Русинки и Белорусики. Ја почитував нејзината одлука“.

https://www.youtube.com/watch?v=FcrSB6THbBY&embeds_referring_euri=https%3A%2F%2Fwww.kurir.rs%2F&source_ve_path=MjM4NTE&feature=emb_title

The post Азаренка: Публиката на Вимблдон беше пијана appeared first on Република.