Бојан Јовановски-Боки 13 во поткастот „Лазаров“ читаше пораки за кои рече дека се разменети помеѓу него и Вилма Русковска, тогаш шефица на Обивнителството за гонење организиран криминал, а најшокантни меѓу нив беа преписките на само два дена пред пресудите за „27 април“, за кои обвинителката веќе го знаела исходот.

https://republika.mk/vesti/makedonija/samo-edna-osloboditelna-drugite-site-visoki-ruskovska-predvreme-gi-znaela-presudite-za-27-april/

Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, вели меѓудругото Јовановски.

Дел од осудените јавно ѝ порачаа дека тежок ќе ѝ е крајот.

На страницата „Слобода за Јане Ченто“ осамна порака дека доаѓа денот.

Горан Ангелов-Ќосето, пак, ѝ порача „време е да си ги смениме местата!!“

Игор Дурловски, кој доби ослободителна пресуда, напиша: Е ова е „Вистината за Македонија”, алудирајќи на бомбите на Заев.

Реагираше и адвокатот Драган Пешевски.

Ете го новиот доказ потребен за повторување на постапката за 27ми април, кај Стефан Лазаров у емисија – лајв. Нема кој само да им ги врати годините излежани на лугево, а за све што ке ви следи пошто Господ сте си играле ич не ве жалам!!!, напиша Пешевски.

Остра реакција и од адвокатот Воислав Димоски.

Никој не е изненаден од околноста дека обвинителката (која е нели, странка на постапката!) ги знаела пресудите за „27-ми април“ пред судијката јавно да ги изрече. Никој не се изненади ни кога таа судијка стана судија и претседател на Уставниот суд, а начинот на кој го спроведе судењето се предава на универзитети ширум светот како пример за кршење на правото на одбрана. Никому не му е чудно што обвинител кој на дневна основа лиферувал информации до Боки 13 за обвинителски предмети напредувал до обвинител во Републичкото Обвинителство, откако претходно под закрила на Началникот стигнал до одделението за организиран криминал. Напредувањето во кариерата било очекувано бидејќи луѓе кажуваат дека го виделе како се гушка со тогаш новиот премиер. Место на гушкање: охридски хотел за чии диво изградени делови пак, друга обвинителка ќе го заташка предметот и ќе биде наградена со напредување во кариерата. Очекувано! Дури не се прекине синџирот на негување на правосудни функционери кои се слуги на сите господари, нема што да зборуваме за реформи во правосудството! Правдата треба да се врати во рацете на праведните!, напиша Димоски.

The post „Вилма, време е да си ги смениме местата!“ ѝ порачаа осудените за 27 април по пораките објавени од Боки appeared first on Република.

Бојан Јовановски-Боки 13 во подкастот кај Стефан Лазаров читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

Бојан Јовановски-Боки 13 читаше пораки за кои рече дека се разменети помеѓу него и обвинителката Вилма Русковска, која беше шефица на Обивнителството за гонење организиран криминал.

„Јас ја прашувам на 23.02.2019 година,

‘Вилмич, кај сакаш да седнеме на вечера’. И ги повикувам медиумите, еве, и таа нѐ гледа, можеби само е во алкохолизирана состојба, да ѝ се јават и да ја прашаат дали е тоа точно или не е, ако е тоа точно. Вилма ми одговара ‘Ќе ви јавам, само да завршам’, јас ја прашувам ‘Што сакаш од Италија, Вилмич’, таа ми одговара: ‘Од Италија само кондури се купуваат’, јас ја прашувам: ‘Кој број кондури носич Вилмич’, таа вика ’37’, па вика дека кога била во Рим, само кондури купувала. На 20.03. 2019 година ми вели: ‘Пуштај ми новинар, ќе го викнам на распит З. Караџовски, многу ми е одвратен, ќе го уништам’, јас ја прашувам: ‘За што го викаш на распит?’, таа ми вели: ‘Нели му отворив предмет за бонусите кои ги потпиша за судиите’. Јас ја прашав кога и треба новинар, а таа одговара. Таа вика: ‘Одвратен ми е, ќе ти кажам што да го праша новинарот’. Таа ги уредуваше работите. Тоа го правела во Рекет, цело време“, рече Јовановски.

Потоа продолжи со читање на пораки.

Само вие фалете ја Катица и тие дебили за да можат да им го донесат законот за да зимаат уште повеќе бонуси’. Јас ѝ одговарам: ‘Не сум во тек, на пат сум’. Таа вика: ‘Па на вести само тоа објавувате и уште најавувате дали јас сум можела да ги постигнам овие резултати во ОЈО-ГОКК. Срамота. Ај те молам кажи за кои стандарди треба да се борам’. Значи, таа уште тоа време, имаше анимозитет кон Катица и СЈО. И вели: ‘Или треба да бидам неписмена како свиња Катица’. Потоа ми вели: ‘Онаа дувнатата од кај тебе од ТВ многу се замислува’. Мисли на Дувњак и кажува дека веќе нема да гостува. Потоа вели: ‘Оној шпиунон Ордановски не мора толку да одработува за СЈО, ја изгледав емисијата за 27-ми, на што личеше тоа?’. Јас ѝ викам, чекај да видам, те барам“, додаде Јовановски.

Посочи дека внукот на Вилма Русковска е обвинител во Куманово, па барала тој да биде вработен кај Катица, да помогнел.

„Месец март, 2019 година.

Откако јас сум ги зел наводно парите од Јордан Камчев. Јас на тоа викам, ‘слушни се подобро со Катица, така е подобро’. Да си се договорат тие две, колешки се. Се оградувам. Претходно кога ми рекла да пробам кај Катица, јас викам, ‘важи, ќе биде’“, додаде Јовановски.

Потоа, посочи дека на 13.03. бил во комуникација со Русковска, на два дена пред пресудата за 27-април.

„Таа ги знаеше пресудите за 27 април пред судот да ги изрече и да донесе пресуда. Јас ѝ пишувам: ‘Утре ќе ја пренесуваме пресудата за 27, цела’, Вилма враќа: ‘Ќе биде интересно, највисоки казни, после ќе давам изјава’. Јас враќам: ‘Значи Кацарска ќе направи лом’, Вилма вели: ‘Лом, лом, ќе видиш’. Јас ѝ викам: ‘Дај некоја ексклузива’, јас ѝ барам ексклузива на телевизијата. Она ми одговара: ‘Само една ослободителна, другите сите високи’. Русковска: ‘После пресудата ќе ја бараме Кацарска да гостува’ и точно, дојде кај Гордана Дувњак да гостува во емисија. Таа ми изнесува пресуда пред пресудата да биде изнесена. Потоа ми зборува за директори кои што ќе бидат ексклузивно апсени за две недели итн“, додаде Јовановски.

По ова посочи: „Јас ѝ го зборував ова на Вилма Русковска, дека ќе ѝ дојде овој ден, дека ќе одговара.

Она беше свесна дека ова постои во мојот телефон. Они ме уапсија, мислеа ќе ги има само доказите за Јордан Камчев, снимка, разговори и дека во мојот телефон нема да има ништо. Две недели пред да ме уапсат, една личност ме подучуваше да избришам сѐ од телефонот, да сум го напраел ко нов.

Ми викаше ‘зло не требало’. Јас на тоа, за да престане да ми зборува тоа, јас викав: да, да, да избришав’. Јас намерно телефонот го држев без пасворд, намерно. Таа кога го зема телефонот, се сретна со пораки, меѓу кои, со пораки со Наум Пановски. Виде пораки каде Наум Пановски ја напаѓа, каде дава информации какво ѝ е обвинението за 27-ми април, мене ми кажува дека е алкохоличарка која е неписмена, тоа се негови зборови и дека други ѝ ги правеле обвиненијата, дека од ракав ѝ се обвинети луѓето“.

Јовановски објасни:

„Заради 27 април доби шефовско место. Го доби предметот за работење, па стана и шеф на организиран криминал. За да се изживљава на луѓе, упропасти толку места. Цитирам порака дека обвинението е пишувано од ракав и дека кому-иде луѓето се ставени таму“.

The post „Само една ослободителна, другите сите високи“: Русковска предвреме ги знаела пресудите за „27 април“ appeared first on Република.

Нијагара не ја пере Рускоска, ќе мора да одговори наскоро со кого ги конструирала случаите за политичка пресметка на власта против патриотите и неистомислениците, велат во партиското соопштение од ВМРО-ДПМНЕ.

Пензионерката Рускоска најдоброто на што може да се надева е само линеарното зголемување на пензиите после промената на власта, но граѓаните на Македонија може да се надеваат на расветлување и расчистување на сите политички процеси во кои учествуваше разрешената и понижена екс-обвинителка.

Таа со нејзината додворувачка навика кон секоја власт е пример за тоа што е најлошо во судско-обвинителскиот систем и една од главните причини поради кои граѓаните немаат доверба во институциите и сметаат дека државата е на дното во своето постоење.

Нејзиното место сепак не е во заборавот и залудно е потрошен јавниот простор посветен на нејзините празни правдања, бидејќи не се заборава она што го правеше и што го претставува, како што не се заборава и она што го правеше нејзината колешка Катица Јанева, стои во соопштението на партијата.

The post Нијагара не ја пере Рускоска: Ќе мора да одговори со кого ги конструирала случаите за политичка пресметка против патриотите и неистомислениците appeared first on Република.

Не мислам дека сето ова може да добие политичка конотација и не би смеело да добие, затоа што се работи за две грозоморни убиства, особено ако се има предвид дека едно од жртвите е 14-годишно дете, изјави денеска поранешната шефица на Обвинителството за гонење на организиран криминал и корупција Вилма Русковска во врска со убиствата на Вања Ѓорчевска и Панче Жежовски за кои е првоосомничен Љупчо Палевски - Палчо.

Во изјава за медиуми по доделувањето на државната награда „Св. Климент Охридски“ во Собранието, Русковска кажа дека и колегите во Турција, од каде се очекува Палевски да биде екстрадиран, ќе го имаат сето ова во предвид.

Сметам дека и колегите во Турција, односно судиите, кои ќе ги разгледуваат доказите и ќе одлучуваат по екстрадицијата, ќе го имаат сето ова предвид, рече таа.

Според неа, истрагата треба допрва да утврди која е вистинската позадина на случајот.

The post Русковска: Истрагата треба допрва да утврди која е вистинската позадина на случајот со Вања и Панче appeared first on Република.

Живееме во едно девастирано општество каде системот е доведен до распаѓање, оцени претседателот на правната комисија на ВМРО-ДПМНЕ Панче Тошковски во вчерашната „24 анализа“.

Зборувајќи конкретно за разрешувањето на некогашната шефица на ЈО за гонење организиран криминал и висока корупција Вилма Русковска.

Русковска требаше да биде разрешена пред многу години, кога поднесе неписмено обвинение кое заврши со одлука на Врховен. Сите овие пресуди кои беа донесени насила, паднаа во Стразбур. Ова денес не е правда. Обвинителскиот совет разреши обвинител заради тоа што врз основа на судска наредба постапила како што постапила. Не е причина измислен обвинителен акт, а ова е причина?, вели Тошковски.

The post Тошковски: Русковска требаше да биде разрешена за измислените и неписмени обвиненија appeared first on Република.

Вилма Русковска ќе остане запаметена од моја страна по изјавата „јас мечка да обвинам, судот мечка ќе осуди“. Тоа ни кажува дека живееме во едно девастирано општество, каде што системот буквално е доведен до распаѓање, вели Панче Тошковски, адвокат и претседател на правната комисија на ВМРО-ДПМНЕ во вечерашното гостување во емисијата Анализа на ТВ 24.

Тошковски потенцираше дека Русковска требало да се разреши уште многу порано кога поднела неписмено обвинение.

Допрва ќе се осветлува вистината зошто ВМРО-ДПМНЕ решило така да го ослови ова неправо и неправда која се провлекува со години. Апсолутно не се согласувам со одлуката на судот. Русковска требаше да биде разрешена пред многу години, кога поднесе неписмено обвинение кое заврши со одлука на Врховен суд, но само заради тоа што ова е Република Македонија, кое што во делот на правосудството е еднакво на јужно африкански држави. Верувајте ми ќе разговараме за 4 до 5 години и ќе ми кажете, да во право си, бидејќи сите овие пресуди кои беа донесени насила, паднаа во Стразбур. Ова денес што се случи со Русковска верувајте ми не е правда. Обвинителскиот совет разреши обвинител заради тоа што врз основа на судска наредба постапила како што постапила. Тоа ли е причина за разрешување на обвинител, а не е причина разрешување за измислен обвинителен акт кој што е катастрофален сам по себе, смета тој.

Тошковски и порача на заменичката министерка за правда Аврамовска Мадиќ, дека луѓето не пријавуваат притисоци бидејќи не веруваат во системот, но претседателка на Врховен суд се охрабрила да проговори за политички притисоци откако амбасадорката на САД била кај неа во посета.

Знаете ли зошто не пријавуваат луѓето без разлика дали се дел од власта или не се притисоци? Затоа што никој не верува во системот и тој е девастиран што едноставно немаме систем. Се е распаднато до таа мера што јавен обвинител за организиран криминал кажува дека има притисоци. Замислите врховен судија, претседател на Врховен суд се охрабрува да пријави откако кај неа на посета била почитувани амбасадорка на САД, изјави тој.

Тошковски додаде дека и претходно голем број на носители на јавни функции на телевизии излегуваат и кажуваат дека се соочуваат со голем број на притисоци.

Експретседател на Судски совет, сегашен претседател, претседател на Врховен суд, поранешен директор на финансова полиција. Поранешен шеф на обвинителство за организиран криминал. И пазете сега, ова не го збори опозицијата, за политички притисоци, ова го зборат првите луѓе на институциите. И они си зборат по телевизии. Зошто? Затоа што немаме систем, порача Тошковски.

The post Русковска ќе остане запаметена по изјавата „Јас мечка да обвинам, судот мечка ќе осуди“ appeared first on Република.

Правдата е некогаш спора, но секогаш пристигнува. Без оглед на околностите кои денес доведоа до тоа крајот на кариерата на Вилма Русковска да биде преку разрешување од функцијата обвинител, колку помалку “вилми” има, толку подобро за правдата, довербата во судството и граѓаните, велат од ВМРО-ДПМНЕ.

Во ситуација кога корупцијата е толку голема и несанкционирана, тешко е да се посочи правичен и меродавен орган кој објективно ќе оценува правосудни чинители. Сосема е можно ова да е резултат на “мафијашка пресметка” во правосудството, но како факт останува дека Русковска доби заслужена максимална деградација од Советот на јавни обвинители.

Како обвинител за кој многупати реагиравме дека е инструмент на власта во прогонот кон неистомислениците и патриотите, Вилма Русковска допрва ќе има прилики да зборува и да ги признае сите злодела кои ги извршила како и тоа по чија наредба.

Ова е само мала правдина за неправедно осудените, вистинската ќе дојде со нивната слобода и кривичната одговорност за Русковска и нејзините соучесници, стои во соопштението.

The post ВМРО-ДПМНЕ: Ова е само мала правдина за неправедно осудените, вистинската ќе дојде со кривичната одговорност за Русковска appeared first on Република.

На страницата за поддршка на Јане Ченто, обвинет и осуден во случајот „27 алрил“ објавен е кометар од Јане Ченто за разрешувањето на обвинителката Вилма Рускоска.

Нарекувајќи ја монструм, Ченто ѝ поралува на обвинителката дека пензијата ќе ја зема в затвор.

https://republika.mk/vesti/makedonija/tolku-od-vilma-ruskovska-veke-ne-e-obvinitel-poradi-pretresot-kaj-direktorot-na-finansikata-politsija/

❌ Денеска е разрешен МОНСТРУМОТ кој уништи многу човечки животи и фамилии.
🗯️ Имам нешто да му порачам на тој МОНСТРУМ што донесе загрозен сведок да лажи во суд и ја исклучи јавноста за да не слуша Македонскиот народ какви болни лаги се зборуваат таму.
👁️‍🗨️ Монструму, 2024 ќе биде година каде ќе се отвори случајот 27ми Април, ќе се дознае што правеше во тој случај и како без докази осуди невини луѓе на 200 години затвор.
⚖️ Ова што те разрешуваат денес
Е ПОЧЕТОК НА ТВОЈОТ ТЕЖОК КРАЈ‼️
🏴 Те слушам пензија ќе си земала, само да ти порачам и да ти ветам ТАА ПЕНЗИЈА ЌЕ ЈА ЗЕМАШ ВО ЗАТВОР, онаму каде што нас нѐ прати невини.
Со твојот болен мозок намести чесни македонски патриоти да лежат во затвор.

https://republika.mk/vesti/makedonija/otkako-ja-razreshija-vilma-ke-odi-vo-penzija/

Т Е Ж О К Ќ Е Т И Б И Д Е К Р А Ј О Т‼️
Имам нешто да им порачам и на сите слуги и извршители што беа вмешани во местенката за 27ми Април и кои сооработуваа со Монструмот повеќе од 7 години......и Вас ве чека истото и Ви порачувам, сега е време да си кажете зошто го прававете тоа и по чии наредби, можеби ќе си ја исперите совеста и ќе Ви простиме, во спротивно ќе му правите друштво на овој МОНСТРУМ во затвор за скоро 😉
Правдата ќе дојде за брзо 👁️⚖️👁️
Ќе се сретнеме ЗА МНОГУ БРЗО 😁
Да живее Република Македонија! 🇲🇰

The post Ченто: Монструму, пензијата ќе ја земаш онаму каде што нас нè прати невини appeared first on Република.

„Одлуката на Советот на јавни обвинители е очекувана“, разрешената обвинителка Вилма Русковска. Таа за „Дојче Веле“ најавува дека по одлуката за нејзино разрешување ќе ја започне постапката за пензионирање. Не планира да се жали на одлуката на Советот на јавни обвинители.

https://republika.mk/vesti/makedonija/tolku-od-vilma-ruskovska-veke-ne-e-obvinitel-poradi-pretresot-kaj-direktorot-na-finansikata-politsija/

Вилма Рускоска е разрешена е од функцијата обвинител.Советот на јавни обвинители на денешната седница едногласно  донесе одлуката откако беше пријавена и суспендирана од Државниот јавен обвинител Љубомир Јовески, за незаконски претрес по нејзина наредба извршен лани летото во просториите на Управата за финансиска полиција.

Тогашниот директор Арафат Муареми веднаш ѝ поднесе и кривична пријава, а во ОЈО Скопје истрагата за овој сличај уште не е завршена.

The post Откако ја разрешија Вилма ќе оди во пензија appeared first on Република.

Вилма Рускоска е разрешена е од функцијата обвинител.Советот на јавни обвинители на денешната седница едногласно  донесе одлуката откако беше пријавена и суспендирана од Државниот јавен обвинител Љубомир Јовески, за незаконски претрес по нејзина наредба извршен лани летото во просториите на Управата за финансиска полиција.

Тогашниот директор Арафат Муареми веднаш ѝ поднесе и кривична пријава, а во ОЈО Скопје истрагата за овој сличај уште не е завршена.

The post Toлку од Вилма: Русковска веќе не е обвинител поради претресот кај директорот на финансиската полиција appeared first on Република.

Членовите на Советот на јавните обвинители едногласно ја разрешија поранешната шефица на Јавното обвинителство за гонење на организиран криминал и корупција Вилма Русковска од функцијата јавен обвинител.

Советот донесе и одлука за намалување на платата за 30 проценти во траење од шест месеци на јавната обвинителката Ивана Трајчева.

Ова доаѓа откако претходно, дисциплинската комисија на Обвинителството одлучи да побара разрешување на Вилма Русковска од нејзината обвинителска функција.

Станува збор за предлог од Државниот обвинител Љубомир Јовески, кој смета дека бил прекршен законот при упадот и претресот во Финансиската полиција и кај тогашниот директор Арафат Муареми.

The post Вилма Русковска разрешена од функцијата јавен обвинител appeared first on Република.

Задоволен што предметниот јавен обвинител по извршените проверки утврди и докажа дека не постои никакво незаконско работење, ниту пак сторено кривично дело од моја страна, во својство на директор на Управата за финансиска полиција, вели поранешниот директор на Управата за финансиска полиција, Арафат Муареми, по вчерашната одлука на Јавното обвинителство.

https://republika.mk/vesti/makedonija/jo-ne-utvrdilo-osnovano-somnevane-za-storeni-krivichni-dela-od-muaremi-i-vraboteni-vo-upravata-za-finansiska-politsija/

Додава дека одлуките на обвинителството потврдуваат дека во институцијата со која раководел нема неправилности и незаконитости во периодот на неговото директорување. Според него, нападот кон него бил исклучиво поради нечии лични цели и интереси, притоа злоупотребувајќи ја јавнообвинителската фунција со цел да му наштети на угледот и угледот на Управата.

Дополнително, ве известувам дека до Основниот граѓански суд имам поднесено тужба против Вилма Русковска, затоа што истата, во неколку наврати во своите јавни излагања во емисиски гостувања, иако свесна за невистинитоста на истите, продолжува да изнесува лажни и невистинити податоци, да лаже и да клевети. Од моја страна, злоупотребите на Вилма Русковска ќе бидат докажани и обелоденети до крај, вели Муареми.

The post Муареми поднесе тужба против Русковска appeared first on Република.

Нема зошто да се извинувам, бидејќи воопшто не го навредив, ниту пак за кој било друг кажав клевета и во ниту еден момент во интeрвјуто не спомнав  дека понудата што ми беше дадена за унапредување беше условена со тоа да запре постапката вели обвинителката Русковска за „Телма“ во однос на барањето на Рашковски да му се извини.

Понудата која ја добив за унапредување не беше условена со запирање на истрагата против Рашковски, особено што таа беше во рацете на моја колешка, и не ја водев јас, вели за Телма обвинителката Русковска.

The post Русковска нема да му се извини на Рашковски appeared first on Република.

Поранешниот генерален секретар, Драги Рашковски денеска излезе со отворено писмо до поранешната шефица на Обвинителството за борба против организиран криминал и корупција, Вила Русковска. Покрај тоа што побара извинување и јавно повлекување на вчерашната изјава на Русковска, Рашковски ja прашува екс-обвинителката дали случајот „Софтвери“ е отворен против него „за да може со него да уценувате да ве изберат во републичкото јавно обвинителство, а внукот во вишото јавно обвинителство, а не обратно како што тврдите во вашето интервју“.

Меѓу другото Рашковски посочува дека случајот против е пропаднат и изнесува неколку апсурди.

-Од овие правила произлегува дека секој оној кој нема одговор на овие три прашања својот исказ може да го сведе само во категоријата на шпекулација и манипулација. Не заради себе, туку заради јавноста која веќе две години ја труете со овој тип на обраќање кон неа вие мора да дадете одговор: Кој со име и презиме Ви понудил да станете заменик јавен обвинител и вашиот внук да биде избран во Вишото јавно обвинителство во замена за тоа да ја сопрете истрагата за случајот “Софтвери”, кога тоа се случило и на кое место и најбитно ако тоа се случило што е причината за тој настан, а уште повеќе зошто после речиси 2 години Вие дури сега кога Ве суспендираа комплет зборувате за истиот?

Ваквото Ваше синоќешно излагање е одраз на она како обвиненијата ги пишувате – без кој, што, и како направил. Се осеќавте, а и бевте во даден период моќни да придобиете јавност и притиснете судски одлуки само на база на тоа дека Вие така сметате.

Како и во обвиненијата, така и во гостувањето на телевизија, фали општата логика. Еве зошто:

АПСУРД 1 – Велите “Ми беше понудено да ме изберат за заменик републички обвинител …” ВАКВА ПОЗИЦИЈА СОГЛАСНО ЗАКОНОТ ЗА ЈАВНО ОБВИНИТЕЛСТВО НЕ ПОСТОИ. Постои јавен обвинител кој го заменува Републичкиот јавен обвинител во случај на отсуство, но тоа е веќе сосема друго, Тоа Вие би требало подобро да го знаете од мене

АПСУРД 2 – Велите “Можеби тоа беше причината”  алудирајќи на тоа дека позициите за Вас и за внукот кои Ви биле понудени биле за да се откажете од истрагата за случајот “Софтвери”. На која Вилма треба да и веруваме, на онаа која вели дека некој и пристапил со конкретен предлог или на онаа која после 2 минути кажува дека МОЖЕБИ тоа била причината.

АПСУРД 3 – Велите “не сакам после да се најдам на суд за клевета и навреда….” Па ако е вистина тоа што го зборувате зошто би Ве дал некој на Суд, а особено “истакнат” правник како Вас не треба да се плаши од одење по судови. Каков борец сте за правда ако се плашите да одете на суд за клевета и навреда?

АПСУРД 4 – На која Вилма да и веруваме? На онаа која две години наназад вели дека немала никакви притисоци за овој случај (која може да си ги погледне изјавите дадени за некои телевизии) или на онаа која вели дека не се плаши од поднесената кривична пријава од Драги Рашковски затоа што “„Не можам да местам нешто што не сум го работела. Колешката Ивана Трајчева ја водеше истрагата. Јас учествував само во предистрагата“, посочува Русковска за „А1он“.”. АКО НЕ СТЕ ЈА РАБОТЕЛЕ ИСТРАГАТА ЗОШТО НЕКОЈ ДА ВИ ПРАВИ ПРИТИСОК ДА СЕ ОТКАЖЕТЕ?

Јасно Ви е и Вам и на Трајчева дека случајот “Софтвери” Ви е пропаднат. Но, тоа не Ве плаши толку колку што знаете дека народски кажано “Стапот има два краја”. Затоа што, со ништо, никој и никогаш не Ве попречи во самоволието кое го теравте по овој предмет, ама знаете дека “Ѓаволот доаѓа секогаш по своето” и дека да обвините седум интелектуалци само заради тоа што сте буквално правно неуки е кривично дело.

Бидете искрени и кажете и на јавноста дека: ОД ЦЕЛАТА БУКА КОЈА ЈА КРЕНАВТЕ ЗА НАВОДЕН КРИМИНАЛ ПРИ НАБАВКА НА ПРЕДМЕТНИОТ СОФТВЕР, СЕГА СЕ СВЕДОВТЕ НА ТОА ДЕКА “УПАТСТВОТО ЗА ИНСТАЛАЦИЈА НА СОФТВЕРОТ НЕ БИЛО ДОВОЛНО ЈАСНО И ФАЗИТЕ НЕ БИЛЕ РЕАЛИЗИРАНИ ЗАТОА ШТО ТРЕБАЛО ДА СЕ РЕАЛИЗИРА ЗА 150 ДЕНА, А БИЛЕ РЕАЛИЗИРАНИ ЗА 80”. Одговорете и на ова прашање на јавноста, наместо да пробувате преку вакви интервјуа без присуство на сложени реченици да фрлате прашина во очите на јавноста.

Согласно, Закон за граѓанска одговорност за навреда и клевета член 13 упатувам до Вас барањe за извинување и јавно повлекување на искажаното, кое доколку не следува против вас ќе биде поднесена соодветна тужба за клевета и навреда. Согласно член 9 од истиот закон “Тужениот е должен да ја докажува вистинитоста на фактите содржани во тврдењето”. Извинувањето барам да биде направено на истиот начин како што ја имате дадено и изјавата дека некој Ви правел притисок за овој предмет.

Вам и на Ивана Трајчева Ви е јасно колку неправда нанесовте, но на јавноста и на Судот ќе му стане јасно колку правна неукост е сконцентрирана во овој судски предмет. Срамот од таа неукост ќе е Ваш, стои во писмото на Рашковски.

Поранешната главна јавна обвинителка вчера во „Топ тема“ изнесе тврдење дека била разрешена од функцијата затоа што отворила истрага против Рашковски. Порача дека имала притисок и закани да се откаже од шефовското место, а за возврат и било понудено да стане заменик републички Јавен Обвинител.

https://republika.mk/vesti/makedonija/ruskovska-imav-pritisotsi-da-se-otkazham-od-sluchajot-rashkovski-mi-nudea-da-bidam-drzhaven-zamenik-obvinitel/

Русковска претпоставува дека со понудата на тие повисоки функции, ако таа ги прифатела, можеби ќе требала и да ја повлече односно откаже од истрагата за случајот со Рашковски.

-Освен притисоците за Рашковски и заканите кои ги имав, други пречки не сум имала, рече Русковска.

The post Рашковски ја прашува Русковска да не било обратно: „Софтвери“ го отворивте за да уценувате appeared first on Република.

Јавната обвинителка Фатиме Фетаи го полагала правосудниот испит пред време, а ова ѝ го дозволил тогашниот министер за правда Михајло Маневски, тврди поранешната шефица на обвинителството за организиран криминал и корупција, Вилма Русковска. Според Русковска, Фетаи ја добила оваа привилегија поради тоа што се покажала како исклучително добар студент.

Ѝ беше дозволено со само една година стаж по завршување на факултетот, да полага правосуден испит пред време. Тоа не беше тајна, сите знаевме во тоа време. Она имаше завршено Правен факултет, и наместо две години стаж во правосудство, она после една година од страна на тогашниот министер полагаше  правосуден. Образложението беше како многу добар, исклучиво добар студент. Затоа никој не го сфати тоа како погрешно – рече Русковска.

The post Русковска почна да го вади валканиот веш: На Фетаи ѝ беше дозволено да полага правосуден испит пред време appeared first on Република.

„Ако на обвинителката ова и се случи, што ќе ни се случи нас“, вака велеле сведоци што требало да дадат исказ во предметот против поранешниот директор на Финансова полиција, Арефат Муреми, тврди поранешната шефица на обвинителството за организиран криминал, Вилма Русковска.

Не знам до каде е предметот, како што имам информации од колешката многу од луѓето повикани да дадат искази, се плашат. Јас бев суспендирана во вторник, за во петок имав закажано искази, но луѓето се апсолутно заплашени со ова да дојдат и да дадат исказ. По ова што мене ми се случи е обесхрабрувачко за сите обвинители. Секој еден обвинител со право ќе се запраша ако добие предмет во кој е пријавен трет братучед на функционер, дали да постапува или не – вели Русковска.

Во врска со мобилните телефони на Муареми, кои биле побарани на претресот кој бил извршен по барање на Русковска, а за кои поранешниот директор на Финансова рекол дека ги изгубил, Русковска откри уште еден детаљ.

Додека траеше претресот бев во комуникација со истражителите. Кога дошле тогашниот директор не бил на работа, кога дошол и му ги покажале наредбите за претрес и кажал на секретарката да му ѕвони на републичкиот обвинител, секретарката го немала, му се јавиле на Гаврил Бубевски. Значи прв со кого исконтактирал е републикиот јавен обвинител. Ова е според истражителите. Доколку не е точно, однапред се извинувам да не се најдам пред судови, но така ми кажаа истражителите – рече Русковска во Топ Тема на Телма.

Таа рече дека нема комуникација со Јовески откако почнала постапката против неа.

Во врска со кривичната пријава која Муареми ја поднел против неа, Русковска очекува дека нема да се одлучи по предметот додека трае дисциплинската постапка против неа.

Јас отворено му реков на Гаврил Бубевски, доколку сметате дека сум направила кривично дело поднесете обвинение. Или донесете решение за затворање на предметот. Не се мешам тоа е нивна одлука, но недозволиво е по толку време да нема одлука. Се води кривича постапка против мене и ако сакам да излезам од државата, може да ме уапсат и да кажат дека сакам да бега. Не можам на викенд некаде да отидам – рече таа.

The post Јовески е првиот човек на кого Муареми му се јавил за време на претресот, вели Русковска appeared first on Република.

Во гостување во емисијата „Топ Тема“ на ТВ Телма, обвинителкатаВилма Русковска тврди дека предлогот за нејзино разрешување е резултат на истрагата што таа како шефица на Обвинителството за борба против организиран криминал и корупција ја отворила за Драги Рашковски.

Таа изјави дека имала притисок и закани да се откаже од шефовското место, а за возврат и било понудено да стане заменик републички јавен обвинител. Со овие понуди, како што рече таа, „сакаа да ме фатат на пенал, а тоа е почнувањето предистрага за тогашниот директор на Финансиската полиција, Арафат Муареми“.

Русковска претпоставува дека со понудата на тие повисоки функции, ако таа ги прифатела, можеби ќе требала и да ја повлече односно да се откаже од истрагата за случајот со Рашковски.

Можеби и тоа беше причината, тогашниот премиер и јавно кажа дека не ми верува мене кога станува збор за овој предмет. Кога бевме сега на дисциплинската комисија, јас го предложив професорот Калајџиев, за сведок-експерт, бидејќи таму се наведува дека сум сторила повреди на Законот за кривична постапка, а Калајџиев кој бил дел од Законот за кривична постапка, да каже дали јас навистина сум го сторила тоа дело. Но, не беше прифатен како сведок. А како докази за дисциплинската постапка беа наведени само претставките од Арафат Муареми, изјави Русковска во гостувањето на ТВ Телма.

The post Русковска: Имав притисоци да се откажам од случајот „Рашковски“, ми нудеа да бидам државен заменик-обвинител appeared first on Република.

Освен притисоците и заканите за предметот за Рашковски, други проблеми немала поранешната шефица на Обвинителството за гонење на организиран криминал, Вилма Русковска. Таа во интервју во Топ тема вели дека сепак останале отворени предистраги, за кои веќе имало набавено многу докази.

Една од нив е за станицата за технички преглед „Виа Комерц“ за автобусот на Беса транс, во кој во сообраќајна несреќа во Бугарија загинаа 45 македонски граѓани. Според Русковска, комисијата во МВР уште во јули донела решение станицата за технички преглед „Виа Комерц“ да биде затворена, но министерот не го потпишал тоа решение.

Решението требало да го потпише министерот, но тој го потпишал 3 дена по сообраќајната несреќа. Законска обврска е да се потпише во рок од 15 дена, а потпишано е по повеќе од 3 месеци од донесеното решение, вели Русоковска.

Додава дека предметот бил во поодмината фаза со насобрани докази, но не можела да го доврши.

Ако работи таа станица, работи незаконски затоа што Град Скопје им го има одземено сообраќајното решение. Предметот е пренесен на друг обвинител, но до каде е сега, не знам, вели Русковска.

The post Русковска: Спасовски го потпишал решението за затворање на техничката станица 3 дена по несреќата appeared first on Република.

 За обвинителката Ивана Трајчева предлага до Советот на ЈО казна 30 0тсто од плата 6 месеци, а Јосифовска ја ослободува.

The post Дали Советот за Јавни обвинители ќе го послуша Јовески за Русковска да биде разрешена? appeared first on Република.

Поранешниот генерален секретар на Владата, Драги Рашковски кој е обвинет во предметот „Софтвери“ во обраќање до јавноста ги нарече обвинителките Вилма Русковска и Ивана Трајчева „Латас сениор“ и „Латас јуниор“ бидејќи со јавни настани ја поттикнувале омразата кон него, не со факти туку со свои замисли и претпоставки.

Ви го пренесуваме неговото писмо во целост:

10тина јавни настапи имаше Вилма Русковска (Латас сениор) и околу 5 настапи Ивана Трајчева (Латас јуниор) во обидот да ја поттикнат омразата кон Драги Рашковски. Не изнесуваа факти туку свои замисли и претпоставки за настани и причини, вели поранешниот генерален секретар на Владата, Драги Рашковски.

„Што сакаа:
1. Сакаа најпрвин да створат терен за да може полесно да поминуваат нивните намери во судовите, па така во јавноста се пласираше наводна моја порака со текст „Слушај, изразувај се стручно, овие се глупи, ништо нема да те разберат“. Со ова сакаа да ја поттикнат омразата и кај обвинителите и кај судиите кон мене и останатите во случајот.

Читаше Ивана Трајчева 7 (седум) рочишта некакви текстуални записи (небаре сме неписмени и не знаеме да читаме), на кои немаше ниту телефонски број, ниту име и презиме… но немаше ни ваква порака. Денес, после речиси две години “Латасовци” треба на јавноста, а пред се на своите колеги и во судовите и во обвинителството да им одговорат: ДАЛИ ИМА ВАКВА ПОРАКА ИСПРАТЕНА ОД ДРАГИ РАШКОВСКИ КОН БИЛО КОГО? Ако нема, дали тоа значи дека тие ја измислиле??? Дали некојј ја пласирал во јавноста како лажен извор? Дали е нешто друго во прашање? Нека покажат дека тие не се изворот на оваа лажна вест па нека покренат постапка да го најдат изворот на оваа дезинформација. Ако не покренат, легитимно е да се мисли дека тие тоа го измислиле или не дај боже го мислат?

2. Ширеа пораки дека моите деца се збогатиле енормно. Се спомнуваа суми од неколку стотици илјади евра, за да се дојде до милионски суми. Сетоа тоа им требаше за да не само мене, туку и цело мое семејство некој го мрази? Што им покажаа вештачењата? Зошто не излезете и не кажете колкава е таа сума која ја спомнувавте дека е “натрупана”? “Латас сениор” е под правна суспензија, но “Латас јуниор” може да излезе пред јавноста и да каже колку е таа сума без посебни лични подготовки, како што според мои сознанија ако се точни ја чекавме да се врати од фризер за да ја соопштат одлуката за нашиот притвор, како би можела да даде изјава пред камери за својот “успех”. Зошто не излезете и не и кажете на јавноста дека таа фантастична сума за која Вие зборувавте е 1500 евра!!! Затоа што 1500 евра не предизвикуваат омраза?

3. Дирекно Ви се обраќам. Малку Ви беше ова, не пропуштавте да кажете дека лицето кое било мое обезбедување уплаќало за школарина за мојот син. И повторно за да некој посилно од душата мрази и колне? Зошто не излезете и кажете дека таа сума е 2390 денари? Затоа што за толку малку никој нема да мрази?

4. Зошто не излезете пред јавноста и не кажете дека и двајцата вештаци не најдоа (затоа што и нема) никакво, макар ни мало, прекршување на закони, подзаконски акти, па дури ни интерни акти во постапките за јавни набавки? Затоа што омразата која сакавте да ја ширите ќе згаснеше? Затоа што се што е набавено е тука, со попис попишано. Класично ширеше на омраза. Класична злоупотреба на функција. Местото на обвинителот е во суд. Таму требаше да ги докажувате вашите резултати од истрагата, но дури кога истата ќе заврши. Вие издававте непроверени информации од истрагата, што преку новинари, што дирекно, иако да
сте малку правници ќе знаевте дека тоа е противзаконски, а за се што е противзаконски знаете дека ќе добиете кривична. Видеата на кој зборувате за “резултатите” од истрагата стојат на интернет. Од нас како учесници во постапката ги криете наредбите за истрага, а за пуста слава и наводен сензационализам на јавни емисии изнесувавте се и сешто.

Сте се запрашале зошто речиси никој од обвинителите, освен Вас не излегува по емисии да зборува за случаите? Затоа што знаат, што е пред се правно дозволено, а понатаму и што е етика, морал и култура. Затоа што знаат дека случај се елаборира во судница по завршена истрага, а не на телевизија.

“Латас сениор” вели дека поради овој случај била сменета. Што повеќе сакавте да добиете? Истрагата никој не Ви ја попречи. Обвинение напишавте кое е оксиморон од граматичка гледна точка, но ви беше прифатено. Ниедно рочиште не е одложено по моја вина ниту сум барал да се одложи. Што повеќе од ова може да посака еден обвинител?

Велите дека политиката се мешала… а дали вие баравте во последните неколку месеци заштита од политички фунционери за поднесените кривични пријави и дисциплински постапки?

Јас знам што ве мачи. Ве мачи рочиштето на 2ри март. Тогаш ќе се види, кој, што и како правел

The post Рашковски за „Латас сениор“ и „Латас јуниор“: Русковска и Трајчева, ве мачи рочиштето на 2 март appeared first on Република.