Досегашниот претседател си замина од вилата „Водно“. Како што е редот го испрати новата претседателка Гордана Силјановска-Давкова.

Воедно ова беше и последниот работен ден на Пендаровски.Во наредните пет години на чело на дражавата ќе биде Силјановска-Давкова.

Погледнете како одеше приморедавањето на функцијата.

The post Пендаровски си замина, го испрати новата претседателка appeared first on Република.

Претседателката Гордана Силјановска Давкова во вилата ја пречека сега веќе поранешниот шеф на државата Стево Пендаровски.

Со тоа таа и официјално ја презеде функцијата која ќе ја извршува во следните пет години.

Погледнете како течеше предавањето на функцијата.

The post Силјановска-Давкова влезе во вилата „Водно“, ја пречека Пендаровски appeared first on Република.

Новинарот Бранко Героски во објава на Фејсбук го коментира лидерот на ВМРО-ДПМНЕ Христијан Мицкоски кој праша какви планови ковал Ковачевски во вилата Водно со Груби, Ковачевски и Ахмети пред неколку месеци.

Да бидеме попрецизни, ова е осигурачот на бомбата.Колку што јас знам бомбата е нешто друго.Шокантна работа.Бидејќи во приказната не е само Груби, Ахмети, Ковачевски и Стево. Има тука и други интересни ликови.Ќе биде забавно-напиша Геровски.

Претседателот на ВМРО-ДПМНЕ пред неколку дена упати прашања до Пендаровски во врска со тоа какви планови ковал во вилата на Водно со Артан Груби, Димитар Ковачевски и со Али Ахмети пред неколку месеци.

– Овој „чесниот“ Стево Пендаровски, добро е да каже што правеше и какви планови коваше во вила Водно во присуство на Артан, Ковачевски и на Ахмети, пред неколку месеци, поврзано со измените на Кривичниот  законик и евентуална можна амнестија на поранешни политичари. Со која цел? Со цел да поминат на шверцерски начин уставните измени и да се прифати бугарскиот диктат, но истовремено да се амнестираат поранешни политичари кои ќе му нанесуваат штета или ќе имаат обид да му нанесат штета ВМРО-ДПМНЕ и на Коалицијата „Твоја Македонија“. Стево Пендаровски треба на ова да одговори па потоа да дискутираме дали ќе одиме на дебата или нема да одиме од која патем кажано денес Стево како најголем кукавица избега – рече Мицкоски.

The post Героски најавува: Ова е осигурачот на бомбата, бомбата е нешто друго appeared first on Република.

Јавна тајна, иако за ова Стево Пендаровски нема да го слушнете да одговори на некој од митинзите, е дека пред неколку месеци се собрале во претседателската вила Стево, Артан, Ахмети, Бујар Османи и Ковачевски во присуство на некои други луѓе каде разработувале сценарио за измени на кривичниот законик и поширока амнестија за одредени случаи, како и диригирани судски одлуки преку точни нивни инсталации, само и со цел да се направи штета на ВМРО-ДПМНЕ, да се стимулираат луѓе да го критикуваат ВМРО-ДПМНЕ, неводејќи грижа дали тоа е според Уставот или не.

На таа средба не биле такви легалисти, какви се прикажуваат во јавноста, туку единствено за што се грижеле да изберат начин да се направи штета на ВМРО-ДПМНЕ, рече претседателот на ВМРО-ДПМНЕ, Христијан Мицкоски на вечерашниот митинг во општина Бутел.

Мицкоски објасни како се одбивала средбата кај Стево Пендаровски.

„Стево предничел во додворувањето на Ахмети, но и прецизно забележувал што треба да му се испорача. Случајно или не, неколку недели по ова се испорачаа измени на Кривичниот законик, но не се реализира целото сценарио составено од неколку правни преседани, единствено поради трезвеноста на ВМРО-ДПМНЕ. Расправата за тоа што било пред 10 или 15 години и за делови од владеењето на ВМРО-ДПМНЕ пред толку време е расправа со духови“, кажа Мицкоски.

Претседателот Мицкоски кажа дека на народот сега му е главен интерес да се решат сегашните проблеми и да се смени сегашната грда реалност да се промени.
„Јас знам дека Стево го интересира што од сето ова ќе добијат само стотина души од ДУИ без оглед што ќе изгуби македонскиот народ и граѓаните на Македонија“, изјави Мицкоски.

Мицкоски порача дека излезот од сето ова е само еден.

„А тоа масовно да се излезе на изборите, и да се казни оваа завера против Македонија и граѓаните. Масовно да се порази ДУИ и СДСМ и нивните тајни договара и раскрчмувања на Македонија“, посочи Мицкоски.

The post Мицкоски: Пендаровски го нема да одговори за средбата во претседателската вила со Артан, Ахмети и Ковачевски и како договарале сценарио за измени на Кривичниот законик appeared first on Република.

Претседателот на СДСМ Димитар Ковачевски тврди дека немало никаков состанок во вила „Водно“ за уставните измени. Тој ги отфрли како „инсинуации кои немаат допир со реалност“а обвинувањата коишто ги изнесе вчера лидерот на ВМРО-ДПМНЕ Христијан Мицкоски:

– Ниту имало некаков состанок во вила „Водно“ на кој се разговарало за какви било измени и на кој било закон, ниту со тие измени се планирало какво било гласање на уставните измени. Со индигнација ги отфрлам тие инсинуации – рече Ковачевски, одговорајќи на новинарско прашање.

Во тек, е потсети Ковачевски, носење комплетно нов кривичен законик на кој работат експерти во Министерството за правда. Тој вели дека се заинтересирал до каде се измените, но, како што рече, досега не добил одговор.

– Ако се сеќавате, законските измени беа презентирани во Парламентот и немаше ниту една дискусија од пратениците на ВМРО-ДПМНЕ против. Тие обезбедија кворум тие законски измени да се изгласаат, дури најголемиот дел од нив беа среќни, нив ќе ги прашате зашто беа среќни, но јас ќе ве потсетам дека законските измени се донесени заради усогласување со европското законодавство во делот на конфискација на имот стекнат на незаконски начин и заради усогласување на одредби од законот со одредбите на законите на други држави, Словенија, Германија и 90 отсто од земјите членки на ЕУ и Советот на Европа во кои не постојат бланкетни одредби за обвинување лица и нивно бескрајно држење во притвор. Со тоа Кривичниот законик стана поевропски, а постојат над 400 одредби во Кривичниот законик со кои можат да бидат помилувани лица кои се огрешиле по кој било закон во државата, рече Ковачевски.

Според него, досега изборната кампања се води коректно, без лични навреди и дисквалификаци.

– Мислам дека имаме демократска кампања со една дамка која ќе мора да се испита од надлежните институции, а се однесува на обвинувањата кои беа објавени од еден ваш колега новинар во однос на злоупотребите кои тој ги изнесе преку одредени докази. Институциите треба да докажат дали тие докази се валидни или не во однос на злоупотребата на националниот медиумски сервис, да видат за што се работи, нагласи Ковачевски.

На прашањето колку пати се сретнал со израелскиот експерт за политички маркетинг Асаф Еисин, претседателот на СДСМ одговори дека не се сретнал само со него, туку и со многу други ПР стратези.

– Се имам сретнато и со него и со дузина други маркетинг експерти кои ги нудат своите услуги. Се имам среќавано со многу ПР стратези, дел од нив се од Македонија, а дел од странство зашто за време на избори многу од нив ги нудат своите услуги на политичките партии за кампањи. Во однос на тоа кои агенции работат за СДСМ многу јасно ќе може да се види од потпишаните договори и извештаите што секоја партија има обврска да ги поднесува до ревизорските институции. Можете да ги прашате и другите политички партии со кого се сретнуваат и дали имаат договори со тие со кои се сретнуваат, напомена Ковачевски.

Мицкоски вчера, на изборниот митинг во Тетово, рече дека наводно Ковачевски заедно со Али Ахмети, Артан Груби и Стево Пендаровски, правел план за носење на измените на Кривичниот законик за да се обезеди мнозинство за уставните измени.

The post Ковачевски тврди дека немало никаков состанок во вила „Водно“ за уставните измени appeared first on Република.

Антонио Милошоски објави коментар за изјавата на претседателот Стево Пендаровски дека доколку нема парно за скопјани, тогаш тој ќе наредел исклучување на греењето и во Вила Водно.

Да не знае човек дали да плаче или да се смее кога претседателот на државата дава една ваква недоветна „гаранција“, наместо да понуди решенија за енергетската и економска неизвесност во која се втурнати сите граѓани - коментира Антонио Милошоски.

https://republika.mk/vesti/makedonija/pendarovski-ako-nema-parno-za-gragjanite-vo-skopje-i-nie-vo-vila-vodno-kje-go-iskluchime-greenjeto/

The post Милошоски: Човек дали да плаче или да се смее кога претседателот дава ваква недоветна „гаранција“ appeared first on Република.

Владата е децидна дека грејната сезона ќе почне на 15 октомври и дека скопјани нема да останат без парно греење. Тоа нека биде тест дали Владата со сите најавени мерки за ублажување на ефектите од кризата, ќе го помине тој тест, изјави вечерва претседателот на државата Стево Пендаровски.

Колку што јас знам околу 60 илјади скопјани се греат на парно греење и ако тука крахираат, јасно ќе биде дека во еден дел не го испорачуваат она што го ветиле пред граѓаните – рече Пендаровски во емисијата „Топ тема“ на телевизија Телма.

Прашан дали вила „Водно“ ќе се грее на парно од 15 октомври, Пендаровски рече дека ако има греење за сите останати граѓани во Скопје, тогаш и вила „Водно“ ќе се грее на ист начин.

Ако нема за останатите во Скопје, ние ќе го исклучиме греењето. Нема да имаме никаква привилегија во таа смисла, ви гарантирам – рече Пендаровски.

The post Пендаровски: Ако нема парно за граѓаните во Скопје, и ние во вила „Водно“ ќе го исклучиме греењето appeared first on Република.

Според резултатите од анкетата на „Конрад Аденауер“, Стево Пендаровски е најлошиот претседател на државата од нејзиното осамостојување до сега! Оценката малку над доволен 2 недвосмислено покажува дека шефот на државата речиси го потрошил кредитот кај граѓаните и тоа на почетокот на втората половина од својот мандат, што го става на прво место меѓу досегашните претседатели Киро Глигоров, Борис Трајковски, Бранко Црвенковски и Ѓрге Иванов.

Можеби и оттука произлегува чувството дека претседателот Пендаровски се одвојува од народот и граѓаните и се почесто неговата резиденција станува место за одржување на разно-разни настани, па полека, но сигурно вилата „Водно“ како да станува „царски дворец“! И тоа без разлика дали настаните се во негова или нечија друга организација.

Последниот настан беше вчерашната дискусија насловена како „Дискриминирачки говор на дигитални медиуми-состојба и предизвици“. Јавната дебата беше под покровителство на претседателот Пендаровски, а во организација на Комисијата за спречување и заштита од дискриминација (КСЗД) и Институтот за добро управување и евроатлантски перспективи (ИДУЕП).

Но, не треба да се заборави дека Пендаровски беше првиот претседател, кој не одржа говор на Мечкин Камен за 2 Август, 8 Септември исто така го празнуваше во вилата „Водно“, иако негов ред беше да се обрати од центарот на Скопје пред споменикот на првиот претседател на Президиумот на АСНОМ, Методи Андонов-Ченто, а згора на тоа ретко се појавува и на поголеми спортски или манифестации од друг тип.

Што е причината за бегството од народот и граѓаните е негова и работа на проценка и оценка на неговиот кабинет.?, прашува „Пресинг ТВ“ во својата анализа.

Но, во основа, и зад едвај преодната двојка и за ова, лежат политичките причини и неконзистентноста во ставовите по клучните прашања поврзани, пред се, со историските видувања за одредени личности и настани, Договорот за добрососедство, пријателство и соработка со Бугарија, францускиот предлог и покренатата иницијатива за референдумско изјаснување за него… Лавирањето од гол популизам, преку изјави што сака да ги слушне обичниот граѓанин, до чиста спротивност од тоа и манифењстирање партиска припадност и гола послушност даваат резултати какви што даваат и за нив треба длабоко да се замисли. Иако, беше избран како прв претседател признат од сите политички субјекти, за разлика од сите негови претходници.

-Длабоко сум убеден дека соработката и заедничките акции на сите чинители во општеството се клучни во борбата против дискриминирачките содржини во интернет просторот, но и воопшто во јавниот живот. Спречувањето на оваа појава која сериозно ги разнишува основните темели на секое општество кое цели кон инклузивност, мора да стане национален приоритет, нагласи вчера  претседателот Пендаровски.

Клучно е, според него, „сите кои се кријат зад удобноста на тастатурата да бидат свесни дека се одговорни за кажаното или напишаното“.

– Комуникацијата не смее да биде сведена како сега во голем дел на негативна енергија, фрустрации, напади врз личноста, дискриминирачки говор или говор на омраза. За таа цел превенцијата е клучна. Не треба да дозволиме дискриминирачкиот говор да прерасне во говор на омраза и со тоа да ги поткопа темелите на едно општество кое треба да почива на коректна комуникација и аргументирана дебата, потенцира Пендаровски.

Шефот на државата додаде дека мора да ја вратиме пристојноста во комуницирањето во нашите домови, на работното место, во јавноста и на социјалните медиуми, односно, како што рече, да ја мериме тежината на нашите зборови.

Во основа, пораките на шефот на државата се сведуваат на тоа што човек ќе го стекне до седум години, на елементарна домашна култура и воспитување. За „тежината на нашите зборови“ веќе не се знае кој не води сметка и кој се не ја мери, но кој да ја мери тежината на искажаните зборови на претседателот Пендаровски? Особено ако над 57% Македонци се чувствуваат предадени од него!!!

„Народот е обична стока“, „Гоце Делчев е Бугарин“, „Гоце Делчев е нашата црвена линија“, „психопат, ушмркан, гнида од човек“, „ако има референдум, прашањето треба да биде дали сте за ЕУ или не“, „бугаризацијата ја измисли опозицијата за да го плаши народот“, „ на оние кои не го разбираат одговорот на членовите на историската комисија им нема спас“… се откажа од охридскиот маратон, па непоканет се натопори на доделувањето на наградите…

Ова се само некои „бисери“, што во различни пригоди излегоа од устата на претседателот на државата, Стево Пендаровски.

Во нив има мал милион неточности и невистини, што повеќе од сигурно биле повод и причина за реакции на социјалните мрежи и во медиумите. Сосема друго прашање е колку е етички и морално, и човечки и политички, кога свои политички неистомисленици ќе наречеш „стока“, или ќе им се заканиш дека „им нема спас“, или ќе ги етикетираш како проруски, антиевропски или анти-НАТО расположени, да не добиеш и соодветен одговор!-наведува “Пресинг ТВ“ во анализата.

The post Вилата „Водно“ како „царски дворец“, Пендаровски стои подалеку од народот и граѓаните appeared first on Република.

Денеска на пладне во вилата Водно започна Советот за национална безбедност свикан од Претседателот Стево Пендаровски.

Покрај редовните членови на Советот (премиерот, претседателот на Собранието, министрите за надворешни, за внатрешни работи и за одбрана, началникот на ГШ на Армијата и тројца советници на Пендаровски) за оваа средба е повикан и вицепремиерот за евроинтеграции Бојан Маричиќ.

Главна тема на Советот е францускиот предлог за преговарачката рамка за членство во ЕУ.

По средбата ќе следува изјава на Пендаровски.

За денеска е закажана и средба меѓу премиерот Димитар Ковачевски и лидерот на ВМРО-ДПМНЕ Христијан Мицкоски.

Исто така по вчерашниот протест пред владата на кој главната порака беше НЕ за францускиот предлог, најавен е нов протест.

https://youtu.be/148GuRcDllk

The post Почна Советот за безбедност кај Претседателот Пендаровски appeared first on Република.