Јас сум флексибилна кога станува збор за храната, бидејќи Дејвид и јас сме многу социјални и сакаме да јадеме надвор во ресторани. Кога јадам, ги гледам промените на мојата кожа, која е поубава. Покрај тоа, имам многу повеќе енергија, изјавила поранешната пејачка Викторија Бекам (49) за Net-A-Porter.

Таа детално го опишала својот план за оброци. Утрото започнува со три лажици јаболков оцет. Ги пие бидејќи верува дека тоа и помага да го исчисти телото и го стимулира метаболизмот.

По оцетот пијам шолја топла вода со лимон и неколку кафиња - рече таа. После тоа, пие смути. Нејзин омилен е оној направен со јаболко, киви, лимон, спанаќ, брокула и чиа семе.

Авокадото го комбинира со се
Се шпекулираше дека сопругата на пензионираниот фудбалер Дејвид Бекам (48) веќе 25 години секој ден јаде ист оброк. Иако никогаш не го потврди тоа, нејзиниот сопруг откри дека повеќе сака риба на скара и зеленчук на пареа.

И јас сакам овошје, но не јадам премногу од него, бидејќи понекогаш овошјето ме прави да се чувствувам подуено - објасни таа и додаде дека тоа не значи дека целосно ги избегнува јаглехидратите.

Авокадото е една од омилените намирници на Викторија, па таа го комбинира во речиси секој оброк од денот. Во 2019 година, таа за Телеграф откри дека јаде меѓу три и четири авокада дневно и дека авокадото го смета за заслужно за сјајот и здравјето на нејзината кожа.

Наместо месо, повеќе сака морска храна и риба, а едно од омилените јадења му се ракчиња со текила и лимета.

Иако е дисциплинирана, таа си дозволува да се почести ваму-таму. Потоа пие неколку чаши црвено вино.

Сакам и текила - објасни Бекам.

Не јаде класични шпагети
А за вечера, Викторија сака да избира специјалитети од морска храна. Едно од нејзините омилени јадења се шпагетите. Традиционалните шпагети од тестенини ги заменила со здрава алтернатива - тиквички. Нејзини омилени се оние со ракчиња и друг зеленчук.

Таа е посветена и на вежбање. Таа за магазинот „The Guardian's Weekend“ објасни дека претпочита да започне со вежбање помеѓу 5:30 и 6 часот наутро. И тоа со трчање на лента за трчање седум километри.

После тоа, продолжува да тренира со личен тренер. Прави комбинација од вежби. 30 минути за рацете и исто толку за нозете. Таа неодамна откри дека во својата рутина го вовела и кревањето тегови и исто така го прави секој ден.

Добро е телото да внесува промени, а откако воведов тегови гледам дека имам повеќе мускули - истакна таа. Таа често вежба со сопругот Дејвид.

The post Викторија Бекам го откри својот детален план за исхрана: Една намирница доминира appeared first on Република.

Викторија Бекам проговори за болката која ја доживеала кога почнале јавните излагања за тоа дека сопругот Дејвид Бекам ја изневерил со Ребека Лос.

Пред 20 години во светската јавност одекна веста дека Дејвид Бекам станал близок со својата асистентка, Ребека Лос, додека играше за Реал Мадрид во Шпанија. Викторија открива дека следните месеци ѝ биле најтешките во животот и дека се чувствувала како да е сама на светот.

Од друга страна, Бекам раскажа дека ни денес не е свесен како тие двајца ја надминале таа криза во 2003 година, но дека тогаш знаеле дека мора да се борат за своето семејство.

Дејвид раскажа дека секој ден доживувал „физичка мака“ додека тој и Викторија се бореле да го спасат својот брак.

Семејството Бекам присуствуваше на промоцијата на документарецот на „Нетфликс“ којшто се занимава со нивните животи од детството до денес, и каде што тие двајцата отворено говорат за своите тешки моменти.

На црвениот тепих се појавија Викторија и Дејвид, синовите Бруклин, Ромео и Круз и ќерка им Харпер, но и снаата Никол Пелц, како и девојката на нивниот најмлад син, манекенката Миа Реган.

Парот првпат зборува за сочните детали затоа што сметаат дека повеќе немаат што да ѝ докажуваат на јавност, а и сакаат да бидат отворени и искрени.

Тоа беше најтешкиот период за нас. Изгледаше како цел свет да е против нас“, изјавила Викторија.

Еве во што е работата. Тогаш бевме еден против друг. До неговото заминување во Мадрид се чувствував како да сме едно, но кога беше во Шпанија не ми се чинеше дека се имаме еден со друг. И тоа беше тажно. Не можам да кажам колку ми беше тешко и како сето тоа влијаеше на мене“, додава таа.

Пред 23 години додека престојуваше во Шпанија, Дејвид наводно влегол во афера со Ребека Лос која ја разоткрија медиумите. Во тоа време Викторија остана во Велика Британија поради синовите Бруклин и Ромео кои одеа на училиште.

Кога првпат се пресели во Шпанија беше многу тешко затоа што бев дел од едно семејство и еден клуб од 15 до 27 години. Ме продаваат „преку ноќ“, наредната минута бев во друг град, држава во која не го зборувам јазикот. Што е полошо, покрај мене не беше моето семејство. Секојпат кога ќе се разбудев се чувствував како нешто да недостасува. И двајцата во тој момент чувствувавме како да се губиме еден со друг“, раскажува Дејвид.

Ми беше неверојатно тешко да ја видам Викторија толку повредена и не знам како се извлече од таа криза, но ние сме борци и одлучивме да се бориме еден за друг, а моравме да се бориме и за нашето семејство.

Во тоа време имаше денови кога одвај станував. Мислев: Како сега ќе станам и ќе одам на тренинг? Физички се чувствував болно секој ден. А, потоа Викторија одлучи да се досели во Мадрид каде купивме куќа, па во Шпанија го добивме и нашиот трет син Круз којшто сега има 18 години“, вели Дејвид.

Викторија вели дека во тоа време многу му била лута на својот сопруг.

Дали му замерував на Дејвид? Искрено, да. Тоа беше најнесреќниот период во мојот живот“, вели Викторија и додава дека животот во Мадрид ѝ бил кошмар.

The post Бев бесна, тоа беше најнесреќниот период во мојот живот: Викторија Бекам првпат јавно проговори за аферата на Дејвид Бекам appeared first on Република.

Модната дизајнерка и една од најпознатите жени во светот Викторија Бекам со својата објава привлече големо внимание и ја информираше јавноста за својот нов проект.

Познатата селебрити двојка Викторија и Дејвид Бекам наскоро ќе го објави својот документарен филм, а поранешната членка на групата „Спајс грлс“ најави уште еден голем проект.

Со сликата што ја објави на Инстаграм привлече големо внимание, бидејќи позира само во црн градник од тантела, па нејзината затегната фигура доаѓа до израз со акцент на мускулестите раце.

Наместо класичната фризура со која вообичаено ја гледаме, нејзината коса е собрана во уредна пунџа, додека лицето и е покриено со црн превез. Впечатливиот темно црвен кармин дава допир на елеганција, а околу очите има темна сенка за подраматичен изглед.

Со оваа објава Викторија Бекам објави дека ја лансира својата колекција парфеми, а познат е и датумот - 29 септември.

 

View this post on Instagram

 

A post shared by Victoria Beckham (@victoriabeckham)

The post Таа е кралица на стилот: Тврди дека е просечна жена, а со новата фотографија го „сруши“ Инстаграм appeared first on Република.

Модната дизајнерка Викторија Бекам (49) откри дека таа и Дејвид Бекам (48) на почетокот морале да ја чуваат својата врска во тајност.

Во вторникот беше објавен трејлерот за документарниот филм за нивното семејство „Бекам“, а Викторија во кратко видео изјави дека добиле наредба никому да не кажуваат дека се заедно.

Мојот менаџер велеше: „Обиди се, чувај го во тајност, рече Викторија.

Таа откри и како успеале да се гледаат без никој да ги забележи.

Се гледавме на паркинзи, таму се криевме, не е толку излитено како што звучи, рече таа.

Откако раскажа за нивните почетоци, во објавата се појави и Дејвид кој накратко и низ смеа рече: „Класика“.

Новиот документарец се врти околу Дејвид и неговата успешна кариера. Исто така, ќе бидат прикажани моменти од неговата врска со Викторија, која започна во 1997 година. Дејвид и Викторија се запознале на еден од натпреварите на Дејвид, додека тој настапувал за Манчестер Јунајтед.

The post Моравме да се криеме на паркинзи: Викторија Бекам за почетоците на врската со Дејвид appeared first on Република.

Ѕвездата на серијата „Очајни домаќинки“ Ева Лонгорија (48) е добра пријателка со познатата модна дизајнерка и „спајс“ девојка  Викторија Бекам (49). Таа зборуваше за нивното долгогодишно пријателство во интервју за магазинот „Тајмс“.

- Би сакала луѓето да знаат колку е смешна, шармантна и паметна Викторија. Мислам дека таа е нормално интровертна, но не е со мене. Неразделни сме – изјави Лонгорија.

Дуото се запозна преку поранешниот сопруг на актерката, францускиот кошаркар Тони Паркер (41), кој беше добар пријател со сопругот на Викторија Дејвид Бекам (48). Двојката се забавуваше додека Бекамови живееја во Лос Анџелес, а пријателството на двете дами траеше дури и откако актерката се раздели од Паркер во 2013 година.

- Таа е многу лојална. Нема момент кога не можам да и се јавам ако ми треба нешто - продолжи Лонгорија и додаде дека тие две често преспиваат една кај друга.

- Најчесто во викендицата на Викторија. Можеме да разговараме цела ноќ – открила таа.

 

View this post on Instagram

 

A post shared by Eva Longoria Baston (@evalongoria)

Инаку, Ева е кума на ќерката на Бекам, Харпер (11), а Викторија често и дава модни совети. Викторија е заслужна за венчаницата на актерката, која таа ја носеше кога се омажи за нејзиниот сопруг Хозе Бастон (54) во 2016 година.

The post Ева Лонгорија откри каква е Викторија Бекам во приватно време: „Неразделни сме“ appeared first on Република.

 Познатата двојка Дејвид и Викторија Бекам неодамна ја прославија 23-годишнината од бракот и решија да си се почестат со романтично патување на остров близу Дубровник, па нивното „идилично сместување“ не мина незабележано.

Поранешниот фудбалер и модната дизајнерка се одмораат со семејството на островот Лопуд, сместени во луксузен комплекс, наречен „Лопуд 1483“ … Станува збор за поранешен францискански манастир подигнат 1483 година, којшто потоа бил реновиран од грофицата Франеска фон Хабсбург. Денес, ова мирно засолниште е спој од музеј, врвен хотел и духовно одморалиште.

Самото место е совршено за оние кои сакаат да се чувствуваат „отсечени од остатокот од светот“. На располагање им се пет приватни апартмани за вкупно 10 гости. Секој од нив има своја бања и извонреден поглед на морето или кон пространи градини со средоземноморско зеленило и автохтона фауна.

Внатрешноста вклучува рачно изработени парчиња мебел, потпишани од италијанската дизајнерка Паола Ленти и ренесансна колекција на Тисен-Борнемиза. Ѕидовите се украсени и со современи уметнички дела.

Местото нуди и организација на бројни други содржини и настани – ликовни изложби, симпозиуми, вежби и други културно-рекреативни настани.

„Лопуд 1483“ се смета за едно од најлуксузните места на Јадранот. Изнајмувањето на целиот луксузен комплекс за 10-мина, е 10.000 евра дневно, додека ноќевање за едно лице, чини околу 1.400 евра

The post Бекамови летуваат на најлуксузното место во Хрватска, ноќевање чини 10.000 евра appeared first on Република.

Бруклин Бекам и Никол Пелц се венчаа вчера на Флорида, а првите фотографии од младенците ќе бидат објавени во магазинот „Вог“.

Церемонијата која чинела неверојатни 3 милиони фунти, се одржа на имотот на таткото на Никол, Нелсон во Палм Бич.
Пелц двапати одлета во Рим за да проба венчаница, изработена од брендот Валентино.

На венчавката присуствуваа многу познати имиња, а некои од нив беа Серена Вилијамс, Гордон Ремзи, Ева Лонгорија, Марк Ентони, Мел Би, Том Брејди… Бруклин и Никол се одлучија за еврејска венчавка бидејќи невестата е со еврејско потекло.

Дедото на Бруклин од страна на таткото исто така бил Евреин. Младенците танцуваа на песната „Only Fools Rush In“ од легендарниот Елвис Присли.

Бруклин Бекам ќе го земе презимето на својата свршеница Никол Пелц како средно име за да ја покаже својата посветеност кон неа, пренесе „Дејли мејл“.

Најстариот син на Дејвид и Викторија Бекам има 23 години, а неговата избраничка е четири години постара.

Бруклин и Никол потпишале предбрачен договор, но не само за да го заштитат богатството на славниот фудбалер. Богатството на Бекам се проценува на 380 милиони фунти, а погатството на Пелц е проценето на четири пати поголема цифра.

The post Се ожени синот на Бекам, го зеде презимето на сопругата appeared first on Република.

Дејвид Бекам открива дека неговата сопруга и поранешна „спајсица“ Викторија Бекам 25 години секој ден јаде едно исто јадење, a тоа е риба на скара со зеленчук на пареа.

Дејвид (46), некогашна фудбалска легенда и татко на четири деца вели дека во ретки прилики кога Пош Спајс ќе проба нешто друго, тоа е „една од неговите омилени вечери“. Сето ова тој го откри во интернет-емисијата „Ривер кафе тејбл 4“ (River Cafe Table 4) неделава, признавајќи и дека самиот е голем гурман.

Јас сум доста емотивен за храната и виното, па кога јадам нешто одлично, сакам сите да го пробаат. За жал, оженет сум со некој кој 25 години го јаде истото јадење… Од кога ја запознав, јаде само риба на скара и зеленчук на пареа. И многу тешко отстапува од тоа! - изјави поранешниот фудбалер.

Брачната двојка има четири деца: Бруклин (22), Ромео (19), Круз (16) и Харпер-Севен (10).

Викторија и претходно за себе велеше дека не јаде храна подготвена во масло, путер или сосови, како ни црвено месо и млечни производи.

Дејвид открива и дека ужива да минува време сам во нивната вила во Лондон, бидејќи таму може да готви што сака.

The post Дејвид Бекам: Јас сум голем гурман, но за жал, Викторија 25 години секој ден јаде само риба на скара и зеленчук appeared first on Република.