Македонскиот пејач Виктор Апостоловски денеска се ожени со својата долгогодишна девојка Милена Доневска. Свадбата е во Битола, од каде што потекнуваат и двајцата.

Виктор, со букет црвени рози тргна по невестата со многу роднини и пријатели, во црвен олдтајмер.

The post Со букет црвени рози и олдтајмер Виктор Апостоловски отиде по невестата appeared first on Република.

Македонскиот пејач, автор и музичар Виктор Апостоловски вечерва пријатно ги изненади фановите.

Талентираниот битолчанец кој се прослави во шоуто „Идол“ на мошне симпатичен начин ја побара за жена девојката Милена Доневска.

Херојот од несудениот евровизиски хит „Супермен“ ја запроси саканата во Истанбул. Додека таа се подготвуваше да му позира свртена со грб, тој го извади прстенот, клекна и веќе претпоставувате што следуваше.

The post По Антониа, уште еден наш познат пејач ќе се жени appeared first on Република.

Македонскиот пејач Виктор Апсостоловски гостуваше во емисијата „Утрински брифинг“ на „Слободна“ ТВ, каде зборуваше за инцидентот во кој нашата претставничка Андреа Коевска го фрли македонското знаме за време на фотографирањето на свеченото отворање на годинашното издание на Изборот на песна за Евровизија.

Го разбирам гневот на луѓето, ја разбирам јавноста. Мислам дека има многу насобран гнев кај нас како народ. Самиот чин на фрлањето на знаме знаеме како може да се протолкува. Сепак, тоа не е причина да се пишуваат секакви коментари. Има начин на кој ќе реши оваа ситуација, има луѓе кои треба да се погрижат за ова и луѓе кои треба да одговорат на одреден начин. Според мене, се работи за неискуството на Андреа. Јас сум сигурен дека оваа постапка не беше намерна и дека никој не сака да го сврти сопствениот народ против себе, изјави Апостоловски во „Утрински брифинг“.

На прашањето која би била неговата реакција доколку се најде во слична ситуација, Апостоловски е дециден дека не би го фрлил државното знаме.

Малку е неблагодарно да се зборува. Од оваа гледна точка, сите би знаеле како да изреагираат во една таква ситуација, но кога си таму е малку поинаку. Јас не сум бил на „Евровизија“, но постојано бев пред камери кога се случуваше музичкото натпреварување „Идол“ и знам што значи да си под таков притисок. Тогаш те гледаат сите и не смееш да погрешиш нешто на каков било начин. Не можам да тврдам дека и јас не би згрешил нешто ако отидам на „Евровизија“ – никој не е совршен. Сепак, сметам дека фрлањето на знамето е т.н. рефлексија на тоа како младите ја доживуваат оваа работа. Како и да е, мислам дека не би направил такво нешто бидејќи, според мене, фрлање знаме значи пораз, заклучи пејачот.

Како потсетување, Виктор Апостоловски беше еден од финалистите на годинашниот национален Избор на песна за Евровизија. Иако неговата песна „Супермен“ беше главен фаворит на јавноста, сепак победата отиде во рацете на Андреа Коевска која годинава ја претставува нашата држава со песната „Circles“.

https://youtu.be/hQuBSyYNXmQ

The post Виктор Апостоловски: Не верувам дека Андреа намерно го фрли знамето, но никогаш не би постапил така appeared first on Република.

Песната „Супермен“ на Виктор Апостоловски, доби свој видео запис. Дефинитивно моќна, разиграна , певлива и хитовска музичка композиција која сите генерации си ја потпевнуваат. Дел од атрактивниот  видео спот е сниман во Битола, на покривот на Центарот за култура и Театарот, Офицерскиот дом и сл.

Музиката и аранжманот се на Владимир Дојчиноски Дојчин кој заедно со Виктор Апостоловски се погрижија и за текстот, а самиот видео и аудио едит на видео записот на песната е на Виктор Апостоловски во соработка со Creatix Production – Битола.

https://www.youtube.com/watch?v=vCjmYN6XEro

The post „Супермен“ на Виктор Апостоловски доби видео запис appeared first on Република.

Брза, модерна, впечатлива и певлива. Тоа се првите впечатоци за песната „Супермен“ во изведба на Виктор Апостоловски. Музиката и аранжанот ги напиша Владимир Дојчиновски – Дојчин, а текстот е заедничко дело на пејачот и авторот.

Иако текстот асоцира на јунакот од стриповите и филмовите, во овој случај „Супермен“ е парадигма на моето секојдневно битисување. Во ова време на пандемија, неисигурност, тага, исчекување, ограничено движење и дружба, на мигови треба да имаш надчовеччка сила да го издржиш сето тоа. И покрај се успеав да останам позитивен. Благодарен сум „што можам да одам, можам да зборувам, можам да ја исполнам твојата желба, можам да скокнам во огнот, можам да се шегувам“ како што пеам во песната. Имам сила да се борам против сите неправди не само во приватниот туку и во професионалниот живот. Пандемијата едноставно ни ги скрати крилата особено на луѓето од музиката, уметноста, вели Апостоловски.

Виктор е среќен што е дел од шестте евровизиски кандидати. Се надева дека публиката ќе ја препознае песната.

Од дете ја следам Евровизија. Да бидам искрен изминативе години имав голема желба да бидам македонски претставник на изборот. Таа можност сега ја имам. Верувам во „ Супермен“ зашто е модерна, вечатлива и со заразен ритам. Ми легна уште од прво слушање. Уживав додека ја снимав. А кога се пее со душа и со љубов, тоа не останува незабележано од публиката – нагласува пејачот.

The post Виктор Апостоловски за евровизиската песна: Kога се пее со душа и со љубов, тоа не останува незабележано од публиката appeared first on Република.

МРТ ги претстави шесте избрани песни во трка за Евровизија 2022. Пејачите во борба за пат до Торино се млади, автентични, талентирани и познати лица за македонската јавност и со огромен ентузијазам му пристапуваат на овој нов евровизиски предизвик. Ris Flower, Кали, Yon Idy, Лара, Виктор и Андреа се избраните пејачи и се подготвени целосно да ве освојат.

Покрај талентот и љубовта кон музиката, сите нив ги обединува и возбудата во пресрет на официјалното соочување на нивните евровизиски теми со публиката.

За да гласате за оној кој најмногу ви се допаѓа влезете на следниот линк. Може да се гласа само еднаш за една композиција.

Платформата за гласање ќе биде отворена седум дена од промоција на песните, односно од 28.01.2022 во 22:00ч до 04.02.2022.

Вашите гласови се половина од финалниот резултат, а другата половина ќе се добие од гласови на меѓународно стручно жири. Гласовите од онлајн гласањето и гласовите на меѓународното стручно жири ќе бидат претворени во поени, според евровизискиот принцип на гласање (50:50).

Победник ќе биде изведувачот кој ќе освои најмногу поени и тој ќе ја претставува земјата на Изборот за песна на Евровизија 2022 во Торино. Доколку дојде до изедначен број на поени, тогаш предност ќе има мислењето на меѓународното стручно жири.
1.Ris Flower

https://www.youtube.com/watch?v=jXUFUIWAa9I

2.

https://www.youtube.com/watch?v=_T9cv8wkDfI&feature=emb_title

3.

https://www.youtube.com/watch?v=OfsoxGm3tJk

4.

https://www.youtube.com/watch?v=xKnRa_hazkk

5.

https://www.youtube.com/watch?v=Yjy2gJf8HFw&feature=emb_title

6.

https://www.youtube.com/watch?v=PwqYqM7h_k0

The post Кој ќе ја претставува Македонија на Евросонг 2022 – Слушнете, гласајте, одлучете appeared first on Република.