НАТО ги започна своите годишни воени вежби со нуклеарно оружје, потврди денеска за ДПА портпаролот на западната одбранбена Алијанса

До 60 авиони ќе бидат вклучени во вежбата „Steadfast Noon“, која ќе трае до четврток следната недела. Тие вклучуваат модерни борбени авиони, но и авиони за надзор и танкер, како и бомбардери Б-52 со долг дострел.

Оваа година маневрите се одвиваат главно во воздушниот простор над Италија, Хрватска и Медитеранот. Учествуваат вкупно 13 членки на Алијансата.

Генералниот секретар на НАТО Јенс Столтенберг минатата недела изјави дека руската војна против Украина е потсетник за важната улога на нуклеарното оружје за одвраќање. Иако се работи за рутинска вежба за обука, маневрите ќе помогнат да се обезбеди кредибилитет, ефективност и безбедност на нуклеарното одвраќање, рече тој.

НАТО не објави никакви детали за вежбата и сценариото што го вклучува.

The post НАТО почна со вежби со нуклеарно оружје во Европа appeared first on Република.

Во наредните денови ќе се зголеми движењето на војниците и возилата на КФОР во рамките на Косово, поради вообичаената процедура на предавање на контингентите, соопштија од оваа мисија.
Во соопштението на Кфор се нагласува дека ќе се изведуваат вежби за тестирање и одржување на оперативните способности со цел да се обезбеди ист степен на обука и подготвеност на сите единици кои ќе излезат на терен.

„Иако овие вежби ќе се изведуваат на начин да се минимизираат какво било вознемирување и влијание врз локалното население, можно е да има метеж и движењето на војниците да биде видливо“, соопшти КФОР.

The post КФОР соопшти дека во наредните денови ќе се зголеми движењето на нивните возила и војници во Косово appeared first on Република.

СВР Тетово ги информира жителите на Полошкиот регион дека деновиве ќе се извршуваат вежби на полицајците на отворено за користење на огнено оружје. Предвидени се вежби на подрачјето и на Тетово и на Гостивар.

Секторот за внатрешни работи Тетово на 7, 8 и 9 јуни во стрелачкиот центар „Еребино“ ќе врши боево гаѓање, што секоја година се врши со припадници на тетовската полиција, информираше денес СВР Тетово.

Според информацијата на СВР Тетово исто така, на 7 јуни во место викано „Мавровска брана“ во Маврово, на 8 јуни во ростушкото село Аџиевци и на 12 и 13 јуни во импровизираното стрелиште на местото викано „Рудина“ во село Волковија ќе се врши боево гаѓање и од страна на припадниците на гостиварската полиција.

The post Полицијата ќе вежба пукање, граѓаните да не се вознемируваат, информира СВР Тетово appeared first on Република.

Владата донесе одлука, на предлог на Министерството за одбрана, за испраќање 134-ца припадници на Армијата на Република Македонија, за учество на вежбата „SABER JUNCTION 22“, којашто ќе се одржи во Сојузна Република Германија, во период од 28 август до 21 септември 2022 година.

На денешната владина седница е разгледана и усвоена и Информацијата од Министерството за одбрана за влегување и престој на странски вооружени сили на територијата на Република Македонија, за изведување обука за евакуација на лица во тешко проодни планински услови.

The post 134 припадници на Армијата заминуваат на вежба во Германија appeared first on Република.

 Кога станува збор за интернет-трендовите, Тик-ток полека станува главен извор и за доста корисни совети. Овојпат се работи за вежбата 12-3-30, или 12-5-30, на лента за трчање.

Рутината е обмислена од познатата фитнес-ентузијастка Лорен Жиралдо, па предизвикот веќе има милиони прегледи и е сѐ попопуларен во светот на вежбањето. А, поради својата едноставност, оваа рутина е лесна и за почетници. Замислата е следна: лентата се постававува на 12 отсто наклон, со брзина од околу 5 километри на час (три милји, според американските стандарди) и, следи пешачење од 30 минути.

Сепак, Лорен ги предупредува сите кои имаат некаква болка, проблеми со колкот или колената, дека е подобро да избегнуваат ваков вид тренинзи.

Наместо трчање, овој тренинг вклучува одење угоре, за кое се покажа дека има бројни придобивки, како што се забрзано слабеење и затегнување на задникот и листовите долу. Во споредба со трчањето, овој тип на тренинг помалку ги оптоварува зглобовите.

Од друга страна, стручњаците сметаат дека тренингот 12-5-30 не треба да биде единствениот начин на вежбање. Лорен објаснува дека во „идеални услови“, поединецот треба да вклучи и тренинзи со тегови, истегнување и кардио-тренинзи во својата рутина за вежбање и секој вид вежби да го изведува трипати неделно.

Одењето на лента може да се замени и со одење во природа, на падина, рид или каква било стрмнина близу вас, според неа. Тоа секако ќе помогне при структурирањето на седмицата и подобро и поточно постигнување на целите

The post Со оваа вежба ќе имате повеќе кондиција и ќе бидете поздрави appeared first on Република.

Припадниците на Министерството за внатрешни работи ќе изведат заедничка вежба за справување во вонредна ситуација со персоналот од Амбасадата на САД во Скопје.

Вежбата ќе се изведува во Амбасадата на САД. Од МВР соопштија дека како дел од сценариото за вежбата ќе бидат користени сирени за тревога, кои ќе можат да ги чујат и граѓаните на Скопје.

Поради реализацијата на вежбата, ќе има и времено затварање на крстосницата во близина на Амбасадата, при што е возможен кус застој на сообраќајот.

Целта на заедничката вежба е поефикасна координација меѓу МВР и Амбасадата на САД при преземање активности за справување со кризни ситуации, се наведува во соопштението на МВР.

The post МВР и персоналот на Амбасадата на САД со заедничка вежба за справување во вонредна ситуација appeared first on Република.

Припадниците на Министерството за внатрешни работи утре ќе изведат заедничка вежба за справување во вонредна ситуација со персоналот од Амбасадата на САД во Скопје.

Вежбата ќе се изведува во Амбасадата на САД. Од МВР соопштија дека како дел од сценариото за вежбата ќе бидат користени сирени за тревога, кои ќе можат да ги чујат и граѓаните на Скопје.

Поради реализацијата на вежбата, ќе има и времено затварање на крстосницата во близина на Амбасадата, при што е возможен кус застој на сообраќајот.

Целта на заедничката вежба е поефикасна координација меѓу МВР и Амбасадата на САД при преземање активности за справување со кризни ситуации, се наведува во соопштението на МВР.

The post МВР и персоналот на Амбасадата на САД утре со заедничка вежба за справување во вонредна ситуација appeared first on Република.

Во кампот за обука „Пепелиште“ денеска се одржа воена церемонија со којашто се означи почетокот на националната теренска вежба „Блесок 22“. Вежбата ќе се одржи во период од 3 до 11 април, со изведување на активности на армискиот полигон „Криволак“, кампот за обука „Пепелиште“, касарната „Јане Сандански“ – Штип и касарната „Страшо Пинџур“ – Петровец, информира Министерството за одбрана.

На вежбата ќе учествуваат околу 1.100 припадници од Армијата на Република Македонија, како и одреден број на оценувачи и набљудувачи од НАТО. Од Министерството велат дека основната цел на вежбата „Блесок 22“ е оценување на борбената подготвеност на Лесниот пешадиски баталјон (лпб), согласно Стандардите за оценување на копнени команди и единици на Здружената команда за операции на НАТО – CREVAL (Combat Readiness Evaluation).

На денешната церемонија за отворање на вежбата присуствуваа командантот на Командата за операции, бригаден генерал Бесник Емини и командантот на прва пешадиска бригада, полковник Сашко Лафчиски, а пред учесниците на вежбата се обрати директорот на вежбата, потполковник Зоран Сумрачки.

Сумрачки истакна дека со успешна реализација на оваа вежба има можност да покажеме дека сме подготвени да дејствуваме заедно со нашите сојузници согласно единствени стандарди, кои се потребни во заедничкото делување во справување со современите безбедносни закани.

Согласно планот на активности на вежбата, од Министерството информираат дека во текот на утрешниот ден во касарната „Јане Сандански“ во Штип ќе отпочнат првичните активности за оценување на единицата по елементите на оценување во мирновремени локации.

За реализација на вежбата „Блесок 22“ ќе се користи фиктивно сценарио, при што се креирани настани и инциденти кои ќе овозможат единицата да се извежба и оцени согласно НАТО стандардите, односно Лесниот пешадиски баталјон ќе може да ја демонстрира својата борбена готовност да се соочи со сложеноста на бојното поле, се вели во соопштението.

Оценувањето ќе го спроведува национален тим за оценување, кој е сертифициран од страна на НАТО школото за вршење на оценување на борбена готовност на копнените сили, според стандардите и процедурите на Алијансата при што ќе се оценуваат постапките во седум различни области на способност. Ова е прво оценување на поголем состав во Армијата по нашето полноправно членство во НАТО, за чија успешност голем мотив се високите оценки кои ги добиваме во досегашните години од страна на НАТО за успешно изведените вежби на претходните оценувања на декларираните состави, но и при извршувањето на мировните мисии.

За секоја област се одредени лидери на тимови и соодветен број на оценувачи, зависно од обемот на оценување. Оценувањето се изведува во 2 фази и тоа оценување на мирновремена локација и на терен. На крајот од оценувањето ќе биде потпишан формалниот извештај од страна на НАТО набљудувачите и директорите на оценувањето, по што резултатот ќе биде соопштен на оценуваната единица.

The post Започна вежбата „Блесок 22“ на македонската Армија appeared first on Република.

Американскиот носач на авиони Хари С. Труман предводи борбена група на воена вежба во Јадранот.

Командантот на бродот одбил да шпекулира што ќе се случи по завршувањето на вежбите во наредните денови, пренесе агенцијата Хина.

Одлуката за тоа каде ќе биде распоредена американската борбена група е донесена на ниво на министер за одбрана“, изјави американскиот контраадмирал Курт Реншо.

Тој ја изрази подготвеноста на морнарицата да дејствува насекаде, како и да планира да дејствува онаму каде што е најпотребно, пренесе Б92.

The post Американскиoт носач на авиони Хари С. Труман предводи воена вежба во Јадранското море appeared first on Република.