Времето утре ќе биде променливо облачно и студено со засилен, повремено силен северен ветер (над 80 км/час). На повисоките места и на планините ќе има слаби локални врнежи од снег, соопшти УХМР.

Потоа времето ќе биде стабилно со ниски утрински температури и пораст на дневната температура. Минималните утрински температури ќе се спуштат до минус 5, а максималните дневни ќе достигнат до 16 степени.

The post Викендов студ и ветар appeared first on Република.

Бурен ветер, кој на некои места достигнуваше брзина од 70 километри на час, во средата вечерта ја погоди јужната турска провинција Анталија. Висината на брановите долж брегот во областа на популарната плажа Коњаалт достигна 6 м. На многу места во одморалиштето имаше паднати дрвја, десетици автомобили беа оштетени, јави ТВ ТРТ-1.

Лошото време го зафати речиси целиот медитерански брег на Турција. Во многу населени места обилните дождови предизвикаа поплави, а некаде улиците се претворија во реки. Според метеоролозите, најсилните ветрови се забележани во провинцијата Испарта, соседна Анталија, каде нивната брзина достигна 102 км/ч.

Генералниот директорат за метеорологија на Турција издаде предупредување за невреме, наведувајќи дека во четврток се очекуваат обилни дождови, силен ветер и пад на температурите од 2 до 5 степени во 11 региони на земјата, главно долж Средоземното и Егејското Море.

The post Урагански ветер и бранови од 6 метри во Турција appeared first on Република.

Силниот ветер денес направи штета во Карпош 4.
Паднато дрво на улица Желево при што беа оштетени кабли и прекинат сообраќајот.
За среќа не е причинета друга несреќа.
Службите веднаш излегоа и го расчистија теренот, информираат од општината.

The post Силниот ветер денес направи штета во Карпош 4 appeared first on Република.