Бадник го најавува најголемиот христијански празник Божик. На овој ден семејството се собира на посна трпеза. Оние кои во текот на годината биле скарани, на Бадник си простуваат и се смируваат.

Повеќето бадникарски и божиќни обичаи се втемелени на сознанија дека тие денови почнува Нова година и на верувања дека баш тогаш се одлучува за судбината на куќата и домаќините во претстојниот период.

Речиси сите магиски или култни работи за тие празници биле инспирирани од тежината да се обезбеди среќа и напредок во годината.

Многу обичаи кои се врзани за Бадник се пагански, но црквата подоцна им дала христијанско значење. На овој ден не се оди на гости, и не се позајмуваат пари.

Еве неколку стари народни верувања поврзани со овој голем христијански празник:

• На Бадниковата вечер не смеете да заспиете додека не ви запее коледар, бидејќи домаќините ќе починуваат без предзнак или невидено
• Не смеете да одите боси по слама бидејќи домашните ќе се разболат и ќе ги болат нозе
• Ако на Бадник биде облачно, ќе биде родна година
• Ако на Бадник се собере доста пепел на бадниковото гранче кое гори, се верува дека зимата ќе биде студена со многу снег.

The post Внимавајте што правите утре, на Бадник некои работи одлучуваат за вашата судбина appeared first on Република.

Православната црква денеска го слави светиот великомаченик Димитрија, празник кај народот познат како Митровден. Ова празник кој има фиксен датум, секогаш паѓа на 8 ноември.

Именден празнуваат: Димитрија, Митре, Димо, Димко, Димана, Димка, Мите, Димитрина, Митра…

Митровден е еден од празниците со кој се поврзуваат голем број народни обичаи. Еден од нив е претскажувањето според времето – ако тој ден има дожд и мраз, нè очекува долга и студена зима со многу снег!

The post Што значи тоа што врне истура на Митровден? appeared first on Република.

Митровден е празник посветен на светиот великомаченик Свети Димитриј, кој секоја година се празнува на 8-ми ноември.

Празникот се слави на целиот Балкански полуостров. Традиционално, Митровден го означувал почетокот на студеното време (зимата). Така, на Митровден се најмувале полјаци, протуѓери, кметови итн., кои служеле до Ѓурѓовден.

Именден празнуваат: Димитрија, Митре, Димо, Димко, Димана, Димка, Мите, Димитрина, Митра…

Свети Димитриј се роди во Солун, во третиот век. Беше син единец на солунскиот војвода. По смртта на татко му, цезарот Максимијан го постави Димитриј на истото место и посебно му препорача да ги гони христијаните. Меѓутоа, Димитриј не само што не ги гонеше, туку и јавно ја исповедаше и проповедаше верата во воскреснатиот Христос. Штом слушна за тоа, цезарот, враќајќи се од еден поход, сврати во Солун, за да ја испита работата.

Го повика Димитриј, кој не ја одрекуваше својата вера и дури и го убедуваше цезарот во бесмисленоста на идолопоклонството. Максимијан се разгневи и го фрли Димитриј во затвор, а по неколку дена и го погуби. Некои христијани го земаа неговото тело и чесно го погребаа. На тоа место подоцна беше подигната црквичка, а после и голема црква, која до ден денес се наоѓа во Солун. Таму се сместени и неговите мироточиви мошти.

Митровден е еден од празниците со кој се поврзуваат голем број народни обичаи. Еден од нив е претскажувањето според времето – ако тој ден има дожд и мраз, нè очекува долга и студена зима со многу снег!

Исто така, постои и верување дека на овој празник, исто како и на Божиќ, би требало да бидете дома, освен ако не сте поканети на слава.

Оттука старото верување дека ако ноќта на Митровден ја поминете надвор од дома, цела година ќе спиете надвор од домот и ќе се „влечете“ по туѓи куќи.

The post Ноќва спроти Митровден се седи дома, а утре денот ќе покаже каква зима нè чека appeared first on Република.

Топлото и убавото време од Петковден до Митровден (Од Света Петка до Свети Димитрија) меѓу нашиот народ од дамнина се нарекува Бабино или Бабино лето. Станува збор за феноменот попознат и во метеоролошката наука дека убавото време може да се задржи дури и после „циганското лето“. Стручњаците велат дека овој период на сончеви денови пред зима е карактеристичен за северниот дел на земјината полутопка каде се менуваат четири годишни времиња.

Сепак, многу пред научниците, народот знае за Бабино лето. Нашите стари верувале дека ако, во тој период времето е убаво, не очекува јака и долга зима, па ова време им било добредојдено за завршување на работите и подготовките за ладните денови пред нив.

Зошто токму Бабино лето?

И во многу европски јазици овој период има ист назив – во скоро сите словенски, унгарски и балтички јазици. Во германскиот назив „der Altweibersommer” буквално значи „лето на стари жени“.

Симболиката е јасна – ако пролетта се врзува за младост – време на девојки, есента е симбол на старост, доба на стари жени – баби.
Имено, старите веруваат дека ако во овој период се вплеткате во мрежа од пајак тоа е знак на голема среќа и благосостојба.

Оваа пајажина се нарекува и кората на Марија или свилата на Марија, а нејзиното потекло во народните верувања е различно. Некои велат дека тоа е коса од вештица кои овие денови бајат и фрлаат магија.

Други веруваат дека станува збор за предиво на виленици или џуџиња. Има христијани кои веруваат дека тоа се нишките на Богородица.
Сепак, сите верувања се сложни во едно – ако овие денови во косата или облеката ви се вплетка пајажина, никако не ја симнувајте! Не ризикувајте да ги налутите овие битија.

The post Во тек е Бабиното лето, еве што значи ако се заплеткате во пајажина appeared first on Република.

Македонската православна црква и нејзините верници утре го слават празникот посветен на преподобната Мајка Параскева – во народот позната како Света Петка.

Во пресрет на овој голем празник, многу е важно да се запазат посебните обичаи, за среќата да ве следи цела година, а Света Петка да биде секогаш со вас.

По вечерата, обично се легнува, се прекрстува три пати и се кажува молитвата:

„Помогај Боже, Света Петко и Света Недела, прости ни ако нешто згрешивме; помогни ми и заштити ме, Боже, од туѓата невидена беда; спаси ме од лоши мисли; Боже дај здравје, добро да спијам, да не сонувам лошо, туку бршлен и босилек; Господе благослови ме со здравје, среќа и напредок за да се сретнеме утре здрави и живи!“

Главата за време на спиењето секогаш се врти кон исток, бидејќи така се тркала. Едната рака се става под главата, а другата е испружена. Секогаш легнете на десната страна, бидејќи така се тркалате. Каде што има деца, собата се разгорува со темјан, да не се плашат децата во сон.

The post В очи на Света Петка вечерва внимавајте на која страна ќе ја свртите главата во текот на спиењето appeared first on Република.

Македонската православна црква и нејзините верници, денес на 21. септември го слават раѓањето на пресвета Богородица или Мала Богородица.

Јоаким и Ана долго време не можеле да имаат деца. Кога остареле, го молеле Бог да им подари дете, да ги израдува како што некогаш ги израдувал Аврам и Сара, дарувајќи им го синот Исак. Еден ден, молејќи му се на Бог во овоштарникот под дрвото лавор, на Ана ѝ се појавил ангел и ѝ кажал дека нејзиниот глас стигнал до Небесата и дека набрзо ќе биде мајка.

Ана тогаш се заколнала дека детето ќе му го подари на Бог, да му служи цел век. Бог им подарил ќерка, но и Богомајка. Старицата Ана родила ќерка, на која ѝ го дала името Марија, што значи висока или господарка.

Во народот овој празник се слави со живописни обичаи, најчесто посветени на раѓањето. На Мала Богородица многумина планираат и договараат венчавки, бидејќи според преданието, овој ден им дарува посебен благослов на младенците, свршените и венчаните.

Есенските свадби порано почнувале од Мала Богородица. Во земјоделството, Мала Богородица го означувала времето кога се почнувало со орање и сеидба на зимските посеви. Тогаш се приредувале и разни сточарски свечености.

Се верува дека билјето набрано меѓу Голема и Мала Богородица има посебни лековити својства и дека јајцата од тој период можат да останат свежи цела година, па затоа биле чувани за квачење, бидејќи пилињата испилени во текот на овие денови ќе бидат добри носилки. Многу семејства ја слават Мала Богородица како своја крсна слава.

Се верува дека ако на овој празник времето е ведро, без облаци и ако се гледа сонце во поголемиот дел од денот, есента и зимата ќе бидат благи.

The post Старо верување: Каква зима е пред нас ако денес на Мала Богородица е ведро и сончево appeared first on Република.

Во Тиквешко се верува дека на денешниот верски празник Преображение на Господ Исус Христос, за прв пат во годината треба да се набере грозје, потсетуваат од Музеј галеријата во Кавадарци, во врска со дел од обичаите во етничкиот предел Тиквеш, како традиција и култура на населението, кои се вкоренети и опстојуваат на овие простори.

Празникот Преображение Господово спаѓа во големите празници што ги празнува Светата Христова црква. Според народното верување, на 19 август првпат во годината се бере грозје и се носи во црквата каде што свештеникот по молитвата го благословува. Ова е чин на благодарност кон Господа за сите дарови на земјава. На Преображение во црквата се дава нафора и грозје. Тоа не е нафора во вистинската смисла на зборот, туку само благодарност кон Господа за плодовите, пренесуваат од Музеј галеријата.

Оттаму нагласуваат дека во народот постојат повеќе верувања поврзани со овој празник.

Поради заладувањето на времето се верува дека на тој ден се преобразува природата. Лисјето на дрвјата почнуваат да венеат, а и водата станува студена, поради што, на Прображение луѓето за последен пат се бањаат во реките.

Очигледно, празникот Преображение на Господ Исус Христос има длабока смисла во животот на нашиот народ. Еден важен период од годината кога и времето се преобразува, заладува и тргнува кон есента, тоа оставало впечаток и во свеста на нашиот народ, па така нашло место и во неговите верувања и во народните умотворби, додаваат од Музеј галеријата.

The post Се верува дека на денешениот празник Преображение првпат во годината треба да се набере грозје appeared first on Република.

Православната црква и нејзините верници утре го одбележуваат денот кога главата на Свети Јован Крстител беше пронајдена, а потоа повторно погребана во земја.

Овој празник се нарекува Трето наоѓање на чесната глава на Свети Јован Крстител и не е единствениот посветен на еден од најпочитуваните светци, чиј дело и лик се слави неколку пати годишно. Свети Јован Крстител е познат како голем проповедник кој го најавил доаѓањето на Исус Христос и кој умрел со маченичка смрт за својата вера.

Со овој празник се поврзани и многу верувања. Се верува дека на тој ден небото се отвора и дека душите на мртвите лесно одат во рајот. Исто така, постои верување слично на она на Богојавление, дека небото се отвора на полноќ и дека треба да се замислат три желби и тие сигурно ќе се остварат.

Се верува дека не треба да се работи тешка работа, особено ништо што бара работа со остри предмети како ножеви. Народот смета дека е погоден ден за берење лековити растенија, особено кантарион, нане, линкура и слично. Исто така, се верува дека Сонцето се враќа од север кон југ, застанува три пати и заигрува.

The post На полноќ небото се отвора, замислените три желби се остваруваат appeared first on Република.

Православните верници утре го празнуваат најголемиот празник Велигден. Со овој ден се поврзани многу обичаи и адети на македонската традиција.

Старите Македонци верувале дека ноќта спроти Велигден треба да донесете вода од бунар или пуштете директно од чешмата во кујната. Со оваа вода испрскајте ги собите и особено внимателно – градината и цвеќињата. На овој начин се изгонуваат гревовите, лошите мисли и злото од домот.

Дете кое се родило во Страсната седмица и особено ако е родено на Велигден, ќе има среќа во секој потфат и нема да се жали на недостаток на добро здравје.

Младите жени кои сеуште не добиле понуда за брак, треба да ги кажат неколку минути пред доаѓањето на Велигден следниве зборови: Воскресение Христово! Испрати ми маж кој ќе ме направи среќна!

Се смета дека на Велигден се остваруваат сите љубовни верувања. Ако си го ударите лактот некаде, бившиот сеуште Ви е омилен и не може да го заборавите и тој ќе направи сè за да ве врати.

Ако во чинијата со храна Ви падне инсект, ќе ви се јави стар пријател за средба, која ќе промени многу работи во вашиот живот. Ако ви чеша долната усна, очекувајте нова љубов.

Се смета дека во ноќта спроти Велигден не треба да се крева бучава во домот. Во спротивно тоа ќе ги привлече сите зли и негативни енергии кон вашиот дом.

Цели четириесет дена по Велигден православните христијани се поздравуваат меѓусебно со поздравот Христос воскресна! А, одговорот е Навистина воскресна!

Самиот Велигден се слави цели седум дена, односно на целата недела и затоа таа се нарекува Светла Велигденска Недела.

Дури и да не го сакате некој човек, ако точно на Велигден ви побара услуга или ваш стар пријател со кого сте скарани, Ви побара да му простите, тогаш мора да се ослободите од предрасудите и бидете добри христијани.

The post На Велигден се исполнуваат сите љубовни верувања, затоа вечерва направете го ова appeared first on Република.

Променливо облачно и ветровито време со повремени врнежи од дожд, со можно краткотрајно невреме со грмежи и силен ветер над 70 километри на час, нè очекува денеска, а слично време метеоролозите предвидуваат и за наредните денови од празничниот викенд.

Постарите веруваат дека ако на Велики петок врне дожд, сливите и други овошја нема да дадат богат род. Се верува дека дождот значи тешка и сушна година, полна со конфликти и со кавги.

Од друга страна, пак, се верува дека ако денот е топол и сончев за овој голем празник, родот на овошјето ќе биде голем.

The post Што значи дождот на Велики петок? appeared first on Република.

Денеска, 18 јануари, ден пред големиот христијански празник Богојавление, се слави празникот Водокрст. Во Светата Црква се воспева силата и моќта на Крстот. Се врши крштевање на водата и таа со силата на Светиот Дух добива лековита моќ. Празникот е востановен во спомен на некогашните обичаи кои се изведувале на тој ден, кога биле крштевани луѓето кои го примиле христијанството.

Водокрст секогаш е посен ден, и без оглед на тоа во кој ден од неделата се паѓа е строг пост. Во некои краеви постои обичај да се стави крст во вода и да се однесе во црква. Ако крстот замрзне се верува дека годината ќе бие родна и здрава, а во спротивно ќе донесе многу болести.

На Водокрст секоја година се извршува голем Богојавленски водосвет. Според верувањата, точно на полноќ, ноќта, се отварало небото и на сите што будни ќе го дочекаат празникот, Бог ќе им ги исполни желбите. Тој час и водите за миг престанувале да течат и биле лековити. Ода таа вода да се на леело, можело да се лекуваат многу болести. Ако пак, не се налеела во тој миг, водата можела да се „направи“ откако ќе се покрстела-осветела од свештено лице.

The post Oстанете будни до полноќ, небото се отвора а желбите се исполнуваат appeared first on Република.

Иако Лувр и Ајфеловата кула се на врвот на листата на секој турист кој патува за Париз, една од изненадувачките атракции на градот се париските гробишта, особено Пер-Лашез. Последното почивалиште на значајни личности, како што се Оскар Вајлд, Џим Морисон и Шопен, е место кое го посетуваат околу три милиони луѓе секоја година. Меѓутоа, меѓу познатите споменици, се издвојува гроб кој постигнал култен статус и покрај тоа што неговиот сопственик живеел прилично обичен живот. Станува збор за Виктор Ноар, новинар кој до својата смрт во 1870 година работел за францускиот весник „Ла Марсеј“, а кога починал имал само 22 години.

И покрај прилично обичната кариера, Ноар на крајот бил убиен од принцот Пјер Бонапарта, братучед на Наполеон III, кој владеел во тоа време. Имено, принцот бил навреден од ставовите искажани во „Ла Марсеј“ за неговото семејство и го предизвикал уредникот на весникот на дуел.

Ноар бил испратен да го договори времето и местото на пресметката, но наеднаш избила тепачка и Бонапарта го застрелал Ноар. Неговата смрт предизвикла бес во јавноста, особено затоа што на крајот принцот бил ослободен од обвинението за убиство. Ова довело до серија насилни демонстрации, Виктор Ноар стана револуционерен симбол, а на неговиот погреб присуствуваа повеќе од 100 илјади луѓе.

Но, тоа не е главната причина зошто овој обичен човек и денес добива бројни букети и венци од цвеќе на својот гроб.

Честопати нарекуван и „најсекси гробница на гробиштата“, гробницата на Виктор Ноар се состои од скулптура на маж во природна големина од Жил Далу.

Фигурата лежи рамно на грб, со отворено палто и капа легната на страна, до ногата. Од непознати причини, Далу направи многу забележлива испакнатост под појасот на скулптурата, а со тоа започна создавањето на бизарен мит кој на крајот го направи гробот на Виктор Ноар симбол на плодноста и сексуалната среќа.

Имено, се верува дека ако жената ги бакне усните на статуата на Виктор Ноар, ја трие испакнатоста на неговите панталони и му фрли цвет во капата, тоа ќе ѝ донесе зголемена плодност и блажен сексуален живот.

 

View this post on Instagram

 

A post shared by 🌼Guille Lhouerrou 🌼 (@silvestresomos)

Но, некои жени, додуша, одат подалеку од само бакнување и триење, пренесува британски Мирор.

 

View this post on Instagram

 

A post shared by 🌼Guille Lhouerrou 🌼 (@silvestresomos)

Според урбаните легенди, ако сакате да најдете љубовник треба да го бакнете Ноар во уста. Ако сакате да забремените, треба да му го истриете десниот чевел, а ако сакате да имате близнаци, левата нога. Наводно, после овој ритуал, бебињата пристигнуваат многу брзо, а невенчаните девојки успеваат да најдат сопрузи во рок од една година!

 

View this post on Instagram

 

A post shared by SKEMER (@skemer_official)

Со оглед на тоа колку се излитени лицето и испакнатоста на панталоните, скулптурата изгледа е жив доказ дека некои луѓе многу сериозно го сфатиле овој мит.

 

View this post on Instagram

 

A post shared by Jessica (@jessicamacchiavelli)

И покрај тоа што во 2004 година околу скулптурата беше поставена ограда и предупредувачки знак, на кој пишуваше: „Секоја штета предизвикана од графити или непристојно триење ќе се гони кривично“, жените брзо ја симнаа.

 

View this post on Instagram

 

A post shared by Jessica (@jessicamacchiavelli)

The post Го викаат најсекси гроб на светот, а секоја година илјадници жени го тријат и го бакнуваат за да им донесе добар секс, љубов и бебиња appeared first on Република.

Нашите предци на Бадник и Божиќ користеле кромид за да дознаат какво време ќе има во текот на целата година.

На Бадник вечерта, главица кромид се сече на 12 дела. Во секој дел ставете сол и ставете го на прозорец да преноќи.

Нјастариот член од семејството оди на Божиќ да го види кромидот. Во оној дел кај што има вода во тој месец ќе има дожд. Ако некоја лушпа е сува, тој месец ќе биде сушен.

The post Вечерва на Бадник пресечете кромид, ќе ви служи цела година appeared first on Република.

Многу обичаи за Бадник се пагански, а црквата подоцна им дала христијанско обележје. Обичаите околу Бадник ги наследивме од своите предци и уште ги одржуваме. Ова се некои од верувањата кои останале до денес:

- На Бадник треба да се јаде афион, бидјеќи се верува дека ќе им донесе многу пари на оние кои го јадат.
- Оние кои во текот на годината се скарале со некој, на Бадник простуваат и се смируваат и тоа е вистински дух на традицијата
- На Божиќ човек не треба да се опие бидејќи се смета дека ќе биде пијан цела година.
- За Бадник се кршат ореви за да се види каква ни е среќата, здравјето, а кога се скршат се фрлаат по ќошињата на собите, за да кокошката изведе многу пилиња, а ако се фрлаат цели ореви, тогаш јајцето ќе биде расипано.

The post За да имате пари на Бадник изедете го плодот на оваа билка appeared first on Република.

Според календарот на МПЦ (Јулијанскиот календар) денеска е 21 декември. Денеска е Св. маченица Јулијана и шестотини и триесетте маченици со неа.

Оваа славна девица и маченичка беше родена во Никомидија од родители незнабожци. Слушна од некого проповед на Евангелието и со сето срце се обрати кон Христа, па почна да живее совршено според заповедите Господови. Свршеник ѝ беше некој сенатор Елевсиј.

За да го одврати од себе Јулијанија му рече дека нема да може да појде за него ако тој не стане епарх на градот. Му го предложи тоа мислејќи дека тој млад човек никогаш нема да може да го достигне таквиот висок чин. Но Елевсиј се потруди, па со ласкање и мито го придоби чинот никомидиски епарх.
Тогаш Јулијанија му откри дека е христијанка и дека не може со него да стапи во брак додека и тој не ја прими христијанската вера, велејќи му: „Што ни вреди да бидеме телесно соединети, кога духовно би биле разединети?“ На ова Елевсиј се огорчи и ја обвини кај татко ѝ . Јаросен татко ѝ ја исмеа и ја изнатепа, а потоа му ја предаде на мачење на епархот. Епархот нареди и многу ја тепаа, па потоа ранета и искрвавена ја фрлија во затвор. Но Господ во затворот ја исцели и таа се јави пред епархот сосема здрава. Овој потоа ја врза и ја фрли во вжарена печка, но огнот не ја докосна. Кога го видоа тоа чудо мнозина поверуваа во Господ Исус Христос.

Такви обратени имаше петстотини од машкиот и сто и триесет од женскиот пол. Сите нив епархот ги осуди на смрт и нив ги убија со меч. Нивните души се преселија во Рајот. Тогаш злобниот судија ја осуди на убиство со меч и Света Јулијана. Таа излезе на губилиштето радосна со духот. Му се помоли на Бога и ја положи главата за отсекување. На денот на тоа убиство душата на светителката отиде во Царството на вечната Христова светлина, во 304 година.
Набрзо Елевсиј го постигна Божја казна. Кога пловеше по морето му се разби коработ, а тој падна во водата. Но не најде смрт во водата туку доплива до некој остров, каде што го растргнаа и го изедоа кучиња.

Светата маченичка Јулијана се смета за заштитничка на жените и девојките, но и насите кои неправедно страдаат и се мачат. Народното верување вели дека на жените денеска ќе им се исполни желбата која ќе ја посакаат ако го спомнат името на Света Јулијана и ја изговорат оваа молитва:

Тебе Жено те љубам и барајќи Те страдам, и се распнувам и се погребувам во крштението Твое, И страдам поради Тебе, за да царствувам со Тебе, и умирам за Тебе за да живеам со Тебе. Прими ме како чиста жртва, со љубов за жртвувањето за Тебе. Со нејзините молитви, како Милостив, спаси ги душите наши.

The post Денеска е Св. маченица Јулијана: Кажете ја оваа молитва и таа ќе ви ја исполни желбата appeared first on Република.

Има многу обичаи и правила oколу свадбите, но едно е можеби универзално и најважно: ако сте гостинка на свадба, никогаш не смеете да носите бел фустан или било каква бела облека.

Организаторите на венчавки напоменуваат дека гостите треба да ги почитуваат желбите на невестата и младоженецот, за нивниот најсвечен ден да помине во најдобар ред.

Иако многу традиции поврзани со свадбите полека исчезнуваат, гостинот да не носи бела боја секогаш ќе остане. За време на овој свечен ден навистина е најбитно невестата да се чувствува посебно. Непримерно и грдо е да се појавиш во иста боја како невестата и на тој начин да ѝ го „украдиш“ вниманието, смета Кејти, организаторка на настани.

Белата боја ѝ овозможува на невестата да се истакне меѓу гостите. Дозволено е да се облечета во оваа боја, само доколку идната брачна двојка тоа ви го посочи во поканата, во спротивно ќе бидете апсолутно безобразни.

Нема исклучоци, дури ни кога станува збор за мајката или сестрата на невастата, ниту пак за свекрвата, велат експертите. Некои невести избираат бели фустани за деверушите и тоа е единствениот момент кога е сосема прифатливо да се види некој друг во бела облека на свадбата. Значи, единствениот момент кога е прифатливо да се носи бело на туѓа свадба е само кога невестата конкретно го побарала тоа, сметаат експертите.

Нивен совет е дека треба да избегнувате и секаква посветла боја слична на белата, како што е беж, „валкана“ бела или нијанси на шампањ. Доколку сакате комбинација во посветла боја, одлучете се за пастелни нијанси на розова, сина или жолта.

The post Само во еден случај смеете да носите бело на туѓа свадба appeared first on Република.

Денеска го славиме големиот празник Ѓурѓовден, а има посебно значење ако денеска загрми. Овој празник се смета за граница меѓу зимата и летото и врзан е за здравјето на домашните, женидба на младите, плодност на стоката, добри посеви…

Се верувало дека ако на Ѓурѓовден е ведро, ќе биде плодна годината, а ако на овој празник врне дожд, летото ќе биде сушно. Порано се верувало дека колку недели пред Ѓурѓовден ќе загрми, толку товари жито ќе има таа година.

The post Попладне ќе врне, еве што значи дождот на Ѓурѓовден appeared first on Република.

Црвеното јајце е симбол на Велигден поради новиот живот, плодноста, компарацијата со Христовото воскреснување.

Некои сметаат дека црвената е вистинската велигденска боја, но не случајно јајцата за Велигден се подготвуваат во повеќе бои. Освен што се вистински подарок за очи, секоја боја поединечно е извор на среќа.

Жолта боја – светлина, радост

Портокалова – трпение, моќ

Зелена – храброст, големина

Виолетова – надеж, спокојство

Сина – здравје, ведрина

Кога ќе здогледате круг, направен од малку потемна нијанса од бојата со која сте го вапцале јајцето, тоа означува огромна среќа оваа година.

The post Што значи кога ќе пронајдете темен круг на вапцаните јајца? appeared first on Република.

Последниот ден од месец јануари во православниот календар му е посветен на Св. Атанасиј Велики, кој голем борец за вистинското православие.

Именден празнуваат: Атанас, (доаѓа од грчкото Атанасиос и значи бесмртен), Атанаска, Танас, Тане, Танаска, Насе, Насте…

Нашиот народ двапати го празнува споменот на свети Атанасиј Велики. На 31/18 јануари се празнува празникот Танасовден ‒ зимен, а на 15/2 мај Танасовден ‒ летен.

Празникот Св. Атанасиј зимен народот го смета за средзимо, па се верува дека главните студови веќе се поминати. Затоа во народното верување тој е победник над силните студови и мразеви кои му се паднале при поделбата на должностите меѓу светците.

Сепак, како предупредување дека зимата не е замината, односно дека студовите можат да изненадат останала пословицата „Атанас фрли кожувот ја врз нас ја врз рас“. Во Гевгелиско мислеле дека Св. Атанас кој е „средзима“ и дека е лесен празник, не е аталија (кобен). Се држел како празник до пладне, а после и да се работи не се сметало за грев. Мислејќи на зимските студови овде се велело дека е тешко до Св. Атанасиј, а после и тој што е за умирање не се предава.

На Свети Атанасиј и денот е веќе подолг. Од 21 декември, кога денот почнува да се зголемува, денот од 31 јануари е подолг за еден час.

The post До Св.Атанасиј е тешко, после и тој што е за умирање не се предава appeared first on Република.

Според календарот на МПЦ (Јулијанскиот календар) денеска е 14 јануари.

Денеска е Св. рамноапостолна Нина Грузиска и св. Сава.

Света Нина потекнува од благородничко кападокиско семејство. Од мала била воспитана во Христовиот дух. Подоцна отишла во Грузија, го покрстила грузиското царско семејство и до крајот на животот (335 г.) ја обиколила цела Грузија, проповедајќи го Христос. Света Нина е просветителка на Грузија. Има слично значење како свети Кирил и Методиј словенските народи.

Денес се слави и свети Сава, првиот српски архиепископ. Бил син на великиот жупан Стефан Немања. Ги презрел богатството, почестите и царското достоинство и се замонашил на Света Гора. Неговиот пример подоцна го следи и татко му, кој во монаштвото ќе го добие името Симеон. Свети Сава се упокоил во 1236 година.

Се верува дека Свети може да го смири морето и бурите како и да создаде вода од камен…

Постои и народно верување дека на овој ден не треба да се носи црвено, ниту да се острат ножеви, бричеви или алати… Ова верување потекнува од старо време, додека селаните стравувале волците да не им ја изедат стоката. Свети Сава се сметал за добар пастир и заштитник на стоката, па таа на овој ден се пуштала сама на пасење. меѓутоа, црвено не се носело зошто се верувало дека таа бојана крвта ги привлекува волците. Исто така на денешен ден не се отвара брич и не се острат ножеви или било кој алат за да им останат затворени устите на волците.

Постои и верување дека е лош знак ако загрми на Свети Сава и дека тогаш сигурно нешто лошо ќе се случи, бидејќи громовите се исклучително ретка појава во зима. Ако денеска е сончев ден ќе има благосостојба и среќна и родна година.

Денеска жените смеат да работат домашни работи, дури е пожелно и да направат големо чистење во куќата. Се смета дека и децата на Свети Сава треба да научат нешто ново, макар некоја нова песна, зошто во спротивно ќе бидат мрзливи и нема доволно да напредуваат цела година.

The post Не носете црвено и молете се да не загрми: Верниците ги честуваат Нина Грузиска и Свети Сава appeared first on Република.