Четири возила, од кои три патнички и едно товарно, попладнево се судрија на експресниот пат Штип – Радовиш.

Од СВР - Штип ја потврдија сообраќајната несреќа без да соопштуваат подетални информации, со оглед што на лице место сè уште трае увидот и утврдувањето на околностите поради кои дошло до судирот.

Според првичните сознанија во сообраќајката нема загинати лица, а движењето на другите возила не е во прекин, односно сообраќајната полиција ги пренасочува.

Подетални информации се очекуваат по завршувањето на увидот.

The post Четири возила се судрија на експресниот пат Штип – Радовиш appeared first on Република.

Едно лице загина денеска, а 17 се повредени во судир на повеќе возила на автопатот меѓу италијанските градови Падова и Венеција.

Поради несреќата автопатот бил затворен до 16 часот, а коловозните ленти постепено се отвораат, пренесува весникот „Кориере дел Венето“.

Во судирот учествувале осум возила, а точната причина за несреќата допрва ќе се утврдува. Патот за Трст е отворен, додека патот кон Милано е делумно блокиран, а колоните возила достигнаа и до десет километри .

The post Едeн загинат, 17 се повредени во тежок верижен судар во Италија appeared first on Република.

Попладнево кај селото Долно Косоврасти, на патниот правец Дебар-Маврово, се случил верижен судир на три возила во кој потешко е повредено едно лице.

Сообраќајната несреќа се случила во 14:45 часот кога дошло до судир на две патнички и едно комби возило. Во несреќата повредена е жена од Гостивар, на возраст од 50 години, која управувала со патничко моторно возило „форд“. Други повредени лица нема, изјавија за МИА од дебарската полиција.

Според Јетлумт Пашоли, директор на дебарската Општа болница со проширена дејност, повредената била згрижена во оваа установа, по што била препратена за понатамошен третман во Специјална болница за ортопедија и трауматологија „Св. Еразмо“ – Охрид.

Извршен е увид од страна на екипа на Полициската станица за безбедност во сообраќајот при ОВР Дебар.

The post Верижен судир кај Долно Косоврасти, повредено лице пренесено во болницата „Свети Еразмо“ appeared first on Република.

Сообраќајна несреќа попладнево околу 17 часот се случила во близина на Мелнички Мост, на кракот кој од регоналниот пат Дебар-Маврово се одделува за Центар Жупа, кај селото Долно Меличани.

Станува збор за вержен судир на три возила со македонски регистарски ознаки. За среќа, во несреќата со полесни повреди се здобило само едно малолетно лице, информира за МИА портпаролот на Секторот за внатрешни работи-Охрид, Стефан Димоски.

Поради несреќата, сообраќајот на делницата Мелнички Мост- Центар Жупа е во прекин. На местото на несреќата се врши увид, а присутна е и екипа на дебарската секција на „Македонија пат“.

На овој патен правец, како и на сите останати во регионот, видно е зголемена фреквенцијата на возила, поради доаѓањето на иселениците во родниот крај.Посебна внимателност во сообраќајот се препорачува и поради влажните коловози.

The post Maлолетник повреден во верижниот судир кај Мелнички мост appeared first on Република.

Единаесет лица загинаа, а повеќе од 50 се повредени во сообраќајна несреќа во северозападна Турција, јавија локалните медиуми.

Во верижен судир учествувале седум возила, меѓу кои три автобуси и камион на автопатот Северна Мармара во провинцијата Сакарија. Причината за несреќата се уште не е утврдена. Медиумите јавуваат дека областа е покриена со густа магла, а видливоста е слаба.

Kaza, saat 04.30 sıralarında Kuzey Marmara Otoyolu'nun Sakarya Dağdibi mevkisinde meydana geldi. Aralarında 3 otobüs ve 1 TIR'ın da bulunduğu 7 araç zincirleme trafik kazasına karıştı. İhbar üzerine bölgeye çok sayıda itfaiye, 112 acil sağlık, polis ve jandarma ekibi sevk edildi.… pic.twitter.com/oYUJzI5bmo

— Hürriyet.com.tr (@Hurriyet) December 28, 2023

Гувернерот на Сакарија, Јашар Карадениз за локалните медиуми изјави дека 57 лица се повредени и пренесени во болница, од кои седум се во тешка состојба.

Sakarya'da zincirleme kaza: 11 ölü, 57 yaralı

Sakarya'da, Kuzey Marmara Otoyolu'nda, yoğun sis nedeniyle 3’ü yolcu otobüsü, 7 aracın karıştığı zincirleme trafik kazasında 11 kişi öldü, 57 kişi yaralandı. pic.twitter.com/qp57CEyDbI

— Haber Report (@HaberReport) December 28, 2023

The post Страшна несреќа утрово во Турција, најмалку 11 загинати и над 50 повредени во верижен судир appeared first on Република.

Едно лице загина, две деца и жена се тешко повредени, а три лица полесно во верижниот судир што се случи кај Битола.

На 19 декември во 18.53 часот во СВР Битола било пријавено дека на регионалниот пат Битола - Маково се случила сообраќајна несреќа помеѓу патничко возило „сеат” со битолски регистарски ознаки, управувано од С.Н.(41) од с.Долно Агларци, општина Новаци, патничко возило „бмв” со ресенски регистарски ознаки, управувано од Ј.В.(29) од Ресен, патничко возило „рено” со битолски регистарски ознаки, управувано од Ј.О.(48) од Битола и товарно возило „даф” со полуприколка со албански национални ознаки, управувано од В.К.(38) од Република Албанија, информираат од МВР.

Од здобиените повреди на местото на несреќата починал возачот С.Н.(41), а лекар од Итната медицинска помош констатирал смрт.

Со тешки телесни повреди се здобиле двајца малолетни сопатници во возилото „сеат“ и Д.В.(64) од Ресен, сопатничка во возилото „бмв“, додека со телесни повреди се здобиле возачите Ј.О., Ј.В. и М.С.Н.(36) од с.Долно Агларци, сопатничка во возилото „сеат“, констатирани во Клиничка болница Битола.

Увид на местото на несреќата извршиле јавен обвинител и увидна екипа на СВР Битола.

The post Татко загина, а децата му се тешко повредени во тешкиот верижен судир кај Битола appeared first on Република.

На патот Суботица-Бачка Топола дошло до верижен судир во кој, како што пренесуваат српските медиуми, учествувале дури 14 возила.

До судирот дошло поради песочна бура и намалена видливост.

View this post on Instagram

A post shared by 192.RS (@192_rs)

Како што пренесуваат медиумите засега нема податоци за жртви во судирот. Сообраќајот на тој дел од патот се одвива забавено.

View this post on Instagram

A post shared by 192.RS (@192_rs)

The post Песочна олуја како сред Сахара во Суботица: Верижен судар, карамбол на патот, кола се качила врз кола appeared first on Република.

Повеќе од 40 камиони и автомобили денеска се судрија на километар 26 од автопатот М1 на излезот од Будимпешта, најверојатно поради песочна бура. Веднаш по судирот избувнал пожар.

Според првичните податоци, во несреќата изгореле 19 возила, а повредени се вкупно 36 лица, од кои едно се здобило со повреди опасни по живот, 13 лица се здобиле со тешки телесни повреди. Автопатот е затворен во двата правци.

[caption id="attachment_618597" align="alignnone" width="620"] (фото: Унгарска полиција)[/caption]

Засега нема официјални информации за причини за несреќата, но според првите информации во моментот на судирот имало песочна бура на автопатот, која може значително да ја намали видливоста.

Автопатот М1 во близина на Будимпешта попладнево изгледаше како сцена од филм.

Кога пристигнале пожарникарите, од вкупно 42 возила кои учествувале во несреќата, целосно изгореле 19 автомобили, 1 комбе и кабината на камион. Пожарникарите имаа многу сложена задача на самото место, бидејќи мораа да спречат понатамошно ширење на пожарот, како и да организираат потрага по патници заробени во возилата, изјави Анет Сабо-Бизтрич, портпарол на Управата за катастрофи на округот Фејер.

На десетици повредени лица им е укажана лекарсдка помош и се пренесени во болница. Неколкумина се пренесени со спасувачки хеликоптер.
На терен за неколку минути пристигнале 70 пожарникари од седум града.

На едно од видеата може да се види мајка како оди со мали деца покрај патот, на неколку метри од нив насекаде има остатоци од пеплосани автомобили. Покрај автомобили во судирот учествувале и камиони.

Од полицијата информираа дека несреќата се случила околу 14.25 часот, а во неа учествувале 5 камиони и 37 автомобили, пишува News.ro.

Според првите информации моментално се лекуваат 25-30 повредени, но тоа не се конечни бројки, неколку возила се запалиле. Во моментов истрагата за повредените  е во тек, досега првата повратна информација беше дека околу половина од повредените се посериозни, а другата половина помалку повредени, по интервенцијата на лице место ќе можам да објавам точно колку има и со какви повреди се здобиле. Поради големиот број повредени ќе ги транспортираме во неколку болници за со помош на спасувачки хеликоптери многу брзо да ги сместиме потешко повредените во подалечни болници. Планирањето за ова се одвива заедно со третман на лице место, изјави портпаролот на Националната служба за брза помош Пал Џерфи за Хирадо.

The post Песочна бура предизвика верижен судир на 42 возила: Пеплосани 19 автомобили, 36 повредени, повеќето тешко appeared first on Република.

Сообраќајна незгода се случила денеска во подножјето на Кожуф планина, кај месноста Мушов гроб. Информацијата ја потврдија за МИА од Итна медицинска помош Кавадарци и Сектор за внатрешни работи Велес.

Портпаролот на СВР Велес, Ристе Самарџиев појасни дека во 10:20 часот, била пријавена сообраќајна незгода, помеѓу товарно и патничко моторно возило. Во близина на месноста Мушов гроб. Полициска екипа била упатена кон местото на сообраќајката и дополнително ќе бил извршен увид на лице место.

Ратко Грков, лекар при Брза помош Кавадарци, рече дека нивно возило било упатено кон Мушов гроб кај селото Конопиште. Таму, според нивните првични информации, имало верижна сообраќајка на неколку возила. Поради замрзнат терен, засега медицинските екипи не можеле да се спуштат директно до местото на сообраќајката и чекале патот да биде прилагоден за движење со моторни возила. Во меѓувреме, три лица коишто биле полесно повредени, пеш стигнале до медицинското возило и примиле првична помош. Двајца други повредени, не можеле да се движат пеш и тие ќе биле дополнително медицински згрижени, кога здравствените работници ќе стигнат до нив.

The post Teжок верижен судир под Кожуф, Брзата помош сè уште не може да стигне до потешко повредените appeared first on Република.

Вчера во 23.10 часот на Магистрален пат А4 Струмица – Ново Село, во близина на село Дабиље се случила сообраќајна несреќа во која учествувале патничко возило „фолксваген поло” со италијанска национална ознака, управувано од В.А.(52) од село Еднокуќево, струмичко, патничко возило „ауди а3″, управувано од М.М.(31) од Струмица и патничко возило „фиат типо”, управувано од М.К.(52) од Струмица, двете со струмички регистарски ознаки.

Во несреќата возачите В.А. и М.М. се здобиле со тешки телесни повреди, а возачот М.К. се здобил со телесни повреди, констатирани во Медицински центар Струмица. Увид извршила екипа на Полициската станица Струмица.

The post Верижен судар во струмичко, повредени тројца возачи appeared first on Република.

Попладнево се случи страшна сообраќјка пред влезот на Скопје. Поточно, на делот на клучката каде се делат патиштата за кон Скопје и кон Обиколницата.  Првичните информации говорат дека се работи за верижен судир и има голем застој.

[caption id="attachment_542646" align="alignnone" width="640"] фото Твитер[/caption]

Оние што доаѓаат кон Хиподром им се советува да се исклучат на автопатот кој води кон Белград па оттаму кон Белви назад за Скопје или да ја користат Обиколницата.

The post Страшна сообраќајка пред влезот на Скопје, верижен судир appeared first on Република.

На автопатот А-1, во правец од с.Прдејци, гевгелиско, кон бензинска пумпа кај надвозник Негорци, вчера  во 13:10 часот нсе случила сообраќајна несреќа во која учествувале патничко возило кое го напуштило местото на несреќата, патничко возило „фолксваген голф“, со гевгелиски регистерски ознаки, управувано од М.Ќ.(30) од с.Прдејци, патничко возило „форд фиеста“, со српски национални ознаки, управувано од М.Б. (68) од Република Србија и товарно возило „цитроен“, со гевгелиски регистерски ознаки, управувано од Р.Ј. (27) од Гевгелија, соопшти МВР.

Во несреќата со тешки телесни повреди се здобила М.Ќ., возач на возилото „фолксваген голф“, констатирани во Медицински центар Гевгелија.

Увид на местото на несреќата извршила екипа на Одделението за внатрешни работи Гевгелија.

The post Судир на неколку возила кај навозникот Негорци, еден возач избегал appeared first on Република.

Најмалку пет лица загинаа, а десетици се повредени во сообраќајна несреќа во Мисури во која учествуваа околу 50 возила, јавија локалните медиуми 23WIFR.
Се верува дека големата несреќа е предизвикана од задоцнето сопирање, при што маглата ја отежнувала видливоста.

„Како што се приближувавме до автопатот, маглата беше многу густа, а видливоста беше помала од 15 метри. Имаше повеќе судари од двете страни на автопатот. Северната и јужната лента беа затворени“, изјави директорот за јавна безбедност на Чарлстон, Роберт Херн.

Локалните власти соопштија дека помош за расчистување и помош на повредените пристигнала од неколку страни. „Ова е голем инцидент со повеќекратни смртни случаи и судири во кои учествувале неколку камиони со приколки“, соопшти Одделот за јавна безбедност на Мисури.

Камионите биле во пламен, додека чадот се гледал на километри. Најмалку едно лице од местото на несреќата било пренесено со хеликоптер за да му се пружи помош, а многумина добиле медицинска помош на лице место.

The post Пет лица загинати во верижен судир на најмалку 50 возила appeared first on Република.

Едно лице загина, а неколку се повредени во верижен судир што се случи утринава на автопатот Белград-Нови Сад, на наплатната рампа кај Стара Пазова, пренесуваат српските медиуми. Според „Новости“, во верижниот судир кој се случил околу осум часот учествувале околу 30 автомобили, а сообраќајот од правец на Белград сè уште се одвива бавно.

Засега не се знае под кои точни околности дошло до судирот.

Увидот е во тек.

 

View this post on Instagram

 

A post shared by NS Uživo (@nsuzivo.rs)

The post Еден загинат, неколку повредени во верижен судар сo 30-тина возила на автопатот Белград-Нови Сад appeared first on Република.

Возачот на службеното возило на министрите Фатмир Бесими и Бектеши доби кривична пријава за сообраќајната незгода што се случи пред Владата.

Ј.Б. (38) со службеното возило „шкода“ не застанал на црвено светло на семафорот и кога навлегол во крстосницата на булеварот Св. Климент Охридски со булеварот Илинден, удрил во возилото „киа“, кое од ударот го променило правецот и удрило во возило „фиат“.

Во несреќата повреди добиле Ј. Б. и сопатникот од патничкото возило „шкода“, Б. Љ. (35) од Скопје, кои со возило на итната медицинска помош се пренесни во комплексот клиники „Мајка Тереза“.

The post Кривична за возачот на Бесими и Бектеши – поминал на црвено и удрил во двете возила appeared first on Република.

Синоќешната сообраќајна незгода пред Владата според неофицијални информации од очевидци, ја предизвикал возачот Ј.Б., кој во владината „шкода“ во тој момент ги возел вицепремиерот Фатмир Бесими и министерот Крешник Бектеши. Според сведочењето на соговорниците, до незгодата дошло во моментот кога возила „киа“ и „фиат“, паралелно од двете ленти на „Илинденска“, тргнале на вклучено зелено светло на семафорот, во правец кон Центар. Само што тргнале, службена „шкода“ поминала на црвен семафор и од десната страна удрила во двете прописно тргнати возила, пренесува СДК.мк.

„Шкодата“ во која се возеле Бесими и Бектеши, доаѓала од булеварот „Свети Климент Охридски“, се движела кон Владата, т.е. кон владините гаражи. Во тоа време беа закажани состаноците на Економско социјалниот совет и преговорите со Синдикатот за покачување на минималната плата.

Возачот кој им го пресекол патот и ги удрил двете прописно тргнати коли, полесно е повреден и однесен во комплексот клиники „Мајка Тереза“. И возачите на двете други возила поминале со полесни повреди.

МВР освен потврда за настанот и известување за општо познатите работи: час, време, марка на трите автомобила и иницијали на возачите, нема сè уште детали како се случила сообраќајката, додава порталот.

The post Возачот на Бектеши и Бесими поминал на црвен семафор, удрил две возила кои тргнале на зелено appeared first on Република.

Министерот за финансии Фатмир Бесими потврди дека вчера попладнето службеното возило во кое се превезувал заедно со министерот за економија Крешник Бектеши, било учесник во верижниот судир пред Владата.

Доцна попладнево, службеното возило со кое се превезував заедно со министерот за економија Крешник Бектеши на работен состанок во Владата беше учесник во сообраќајна незгода која се случи на крстосницата пред Владата. Освен материјална штета на возилата, за среќа нема потешко повредени лица. Учесниците се здобија само со полесни повреди. На повредените им посакувам брзо оздравување, напиша Бесими на „Фејсбук”.

The post Бесими: Оштетени се само возилата, нема потешко повредени во сообраќајката кај Владата appeared first on Република.