Во судир на два воза во Велс, еден човек загина, а други 15 се повредени, соопшти полицијата.

Судирот се случил во понеделникот вечерта, на делот меѓу Шрусбери и Мачинлет, а возовите се движеле со мала брзина, пренесува Гардијан.

Повредените се пренесени во болниците со повреди за кои се верува дека не се опасни по живот, пишува медиумот.

Сите други патници се евакуирани од двата воза.

Причината за несреќата се истражува, соопшти полицијата.

The post Судар на возови во Велс, има загинати appeared first on Република.

Велшкиот премиер Вон Гетинг денеска поднесе оставка по неколкумесечни тензии во Сенедот, националното собрание на Велс.

„Гардијан“ објави дека неговата оставка доаѓа откако четворица велшки министри се повлекоа од своите позиции во пресметан потег за да го принудат Гетинг да го стори истото.

Гетинг одби да поднесе оставка во јуни и покрај гласањето за недоверба во Сенедот.

The post Премиерот на Велс поднесе оставка appeared first on Република.

Велика Британија се подготвува да ги „оживее“ плановите за нова нуклеарна централа во Велс, откако владата во Лондон потврди дека сака да ја преземе контролата врз важната локација на северот на британската покраина.

Државната компанија Great British Nuclear е во рана фаза на преговори со компанијата Hitachi за купување на земјиште во Вилфа, Англеси, што би го отворило патот за изградба на нова нуклеарна централа, пренесува британски Телеграф.

Потенцијалниот договор доаѓа пет години откако јапонскиот гигант се откажа од плановите за нуклеарна централа во Британија, додека локацијата за која се шпекулира сега вреди 200 милиони фунти, приближно 234 милиони евра, како што објави Фајненшл тајмс.

Во Вилфа веќе има нуклеарна централа, која почна со работа во 1971 година, а беше затворена 44 години подоцна, во 2015 година. Вилфа е една од осумте локации кои во 2010 година беа означени за потенцијален нуклеарен развој.

Околу 14 отсто од производството на електрична енергија во Велика Британија во 2022 година било од нуклеарна енергија. Во 2023 година во Британија беа оперативни пет од девет нуклеарни реактори.

The post Велика Британија ќе гради нова нуклеарна централа во северен Велс appeared first on Република.

Полиција го преплави велшкото село Аберфан по напад кој што полицијата го опиша како „сериозен “. Едно лице е пренесено во болница по инцидентот, а училиштата и општинските центри во моментов се затворени. Сите служби за итна помош се на терен, а полицијата им порачува на луѓето да ја избегнуваат областа. Британски Индипендент наведува дека се работи за напад со нож кој се случил во близина на училиштето.

Според извештаите на локалните медиуми, полицијата излегла на терен по дојава за инцидент што се случил на патот Мој во Аберфан денеска околу 9 часот, соопшти полицијата на Јужен Велс. Инцидентот е во тек, соопшти полицијата на Јужен Велс, а портпаролот рече дека „услугите за итни случаи реагираат на сериозен напад што се случи на Мој Роуд во Аберфан, Мертир околу 9 часот наутро“.

Велшката служба за брза помош соопшти дека нејзиниот тим обезбедил „критична помош на местото на настанот“ пред жртвата да биде однесена во болница во Кардиф.

„Вооружени полоццајци се во областа и бараме од луѓето да ја избегнуваат областа за да можеме ефикасно да се справиме со овој инцидент“, додаде тој.

Портпаролот рече дека едно повредено лице е префрлено во болница, додавајќи дека сите училишта и општински центри во областа „во моментов се затворени како мерка на претпазливост“.

The post Напад со нож во училиште во Велс, затворени неколку училишта: „Ова е сериозен инцидент“ appeared first on Република.