Од иницијативата „На точак“ ги прозваа надлежните од јавното претрпијатие „Паркови и зеленило“ дека не се кастрат нависнатите гранки над вело-патеките во Скопје.

- Гранките на дрвјата се натежнати од лисјата и висат над велосипедските патеки низ целиот град. Како што градските служби се грижат за зеленилото во тревниците и за гранките над градскиот паркинг, така треба да се грижат и за гранките над велосипедските и пешачките патеки. Нова пролет, за жал ново потсетување, велат од „На точак“.

Како што велат оттаму, низ Скопје скоро на сите патеки има гранки кои пречат на велосипедистите и пешаците, па затоа очекуваат во најкраток период да пројдат градските служби и да ги скастрат гранките кои се над патеките.

- Во сегашната ситуација од избегнување на ниски гранки сите учесници во сообраќајот се под ризик да се повредат себе си и останатите околу нив, велат од иницијатовата за велосипедско Скопје.

The post Средете ги надвиснатите гранки над патеките, бараат од иницијативата „На точак“ од „Паркови и зеленило“ appeared first on Република.

Општина Битола е во подготовка на документација за велосипедски патеки, и доколку во предвидениот рок се завршат сите постапки, отпочнувањето на активностите на терен, се очекува оваа градежна сезона.

Од локалната самоуправа информираат дека изработен е основен сообраќаен проект за воведување на велосипедски патеки во централното градско подрчје и тој е одобрен од СВР Битола.

-Во моментот во тек е изработка на Проектна документација за реализација на основен проект за две улици „Васко Карангелевски“ и улица „Партизанска“, реконструкција на постоечки тротоари и обележување на велосипедски патеки, согласно одобрениот сообраќаен проект. Со предвидените активности оваа градежна сезона ќе се заврши првата фаза од проектот, додека неговата целосна реализација ќе овозможи растоварување на сообраќајот во централното градско јадро, како и непречено движење со велосипед по велосипедски патеки од периферијата до центарот, информираа од Општина Битола.

Велосипедските патеки се континуирано барање на граѓанскиот сектор, манифестацијата „Битола на точак“ и други иницијатори, вљубеници во велосипедот.

The post Во Битола наскоро нови велосипедски патеки appeared first on Република.

Екипи на ЈП „Улици и патишта“ во текот на изминатото деноноќие интензивно работеа на расчистување од снегот на велосипедските и пешачките патеки на градските улици и булевари за да овозможат непречено движење на пешаците и велосипедистите.

Екипите на терен ги чистеа патеките на булеварите Февруарски поход, Трета македонска бригада, Видое Смилевски Бато, Борис Трајковски, Митрополит Теодосиј Гологанов и 8-ми Септември.

Зимската служба на Град Скопје будно ја следи состојбата од сите пунктови и во координација со дежурните лица на терен се интервенира според потребите.

The post Велосипедските и пешачките патеки на градските булевари и улици се чисти и проодни appeared first on Република.

Екипите на ЈП Улици и патишта викендов работеа на изградба на вело и пешачка патека на Бул.Србија, во насока од бул. Февруарски Поход кон бул.АСНОМ, како и продолжување на пешачка патека на бул. Видое Смилевски Бато од страна на бул. Февруарски поход, кон бул.Србија.

На бул. Србија се вршат подготвителни активности за вело и пешачка патека, односно машински ископ на земјен материјал, со планирање на подлога и поставување на тампон слој.

На бул. Видое Смилевски Бато продолжи изградбата на пешачката патека од страна на бул. Февруарски Поход кон бул. Србија, каде што екипите на ЈП Улици и патишта викендов завршија поголем дел од површината на патеката.

Во текот на наредните денови ќе се продолжи со работа на пешачките патеки во неколку фази, при што Градот Скопје во изградбата на пешачките и вело патеките внимава да се запази средишното зеленило во овој предел, на кое во идниот период ќе работи ЈП Паркови и зеленило, при што средишниот и страничниот дел од овие булевари ќе бидат уредени со нови зелени површини и со нови садници.

The post Изградба на вело и пешачка патека на булeвар Србија и продолжување пешачка патека на булевар Видое Смилевски Бато appeared first on Република.