Во Градскиот парк во Скопје денеска ќе се одржи голем велосипедски настан за подигање на свеста за значењето на машкото здравје под слоганот „Пуштам БРК, БРКам здравје“.

Во рамки на настанот, организиран од „ДМ дрогерие маркт“, ќе се одржат три посебни велосипедски активности чија цел е да се поттикне машката популација кон поголема грижа како правење на самопрегледи и редовни лекарски прегледи.

Предвидено е учесниците да возат рута од 100 километри низ Скопје или помала рута од 3,5 километри низ Градскиот парк.

Организаторите најавија дека покрај долгата и помалата рута, ќе се одржи и активност со статични велосипеди пред Школка во Градскиот парк каде секој посетител ќе може да вози и на голем екран ќе се исцртува голем мустаќ. Целта е сите присутни заеднички да дадат придонес за подигање на свеста за машкото здравје.

The post „Пуштам БРК, БРКам здравје“ – Велосипедски настан за подигање на свеста за машкото здравје appeared first on Република.

Град Скопје распиша јавен повик за надоместување на дел од трошоците на граѓаните од подрачјето на Скопје за купување велосипед, во максимален износ до 4.000 денари по лице со вклучен данок на личен доход.

Апликации за учество на јавниот повик може да се доставуваат до 31 октомври 2024 година или до исцрпување на предвидените финансиски средства од Буџетот.

Јавниот повик со условите за аплицирање, како и сите потребни документи кои треба да се достават се достапни на линкот - https://skopje.gov.mk/mk/apliciraj/javni-povici/

The post Објавен јавен повик за субвенционирање на граѓаните на подрачјето на Град Скопје за купување велосипеди во 2024 година appeared first on Република.

Граѓаните на Општина Велес ќе можат да аплицираат на јавниот повик за субвенции за купен велосипед, што ќе трае до 7 август 2024.

Како што информираат од Општина Велес, на барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 4.500,00 денари по лице, со вклучен персонален данок на доход.

Изборот по јавниот повик ќе се реализира по принципот „со извлекување по случаен избор – транспарентно“.

Право на учество на овој Јавен повик имаат физички лица кои ќе купат велосипед од денот на објавата на Јавниот повик па се до 07.08.2024 година, ќе поднесат барање за надоместување на дел од трошоците за купен велосипед, а кои ги исполнуваат условите од овој Јавен повик.

Повеќе информации околу условите и начинот за аплицирање ќе може да најдете на официјалната веб страна на Општина Велес - https://veles.gov.mk/javenpovik-velosiped-2024/

The post Општина Велес објави повик за субвенции за купен велосипед appeared first on Република.

Приведени двајца крадци од Србија поради извршени шест тешки кражби и украдени велосипеди на подрачјето на општина Аеродром.

Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р. Србија. Тие се сомничат дека во изминатиот период извршиле шест кривични дела „тешка кражба“ и едно кривично дело „кражба“ на велосипеди на подрачјето на општина Аеродром, информираат од МВР.

Двете лица се лишени од слобода, а украдените велосипеди се пронајдени кај пријавените и вратени на сопствениците.

The post Фатени Срби што краделе точаци низ Аеродром appeared first on Република.

На 29.10.2023 во Скопје полициски службеници од ЕВР Кисела Вода го лишиле од слобода Л.Д.(19) од Скопје.

Како што информираат од МВР, тој се сомничи дека на подрачје на општина Аеродром на 02.10. и 25.10.2023 одзел велосипеди.

Лицето било задржано во полициска станица и по целосно документирање на случајот, во координација со јавен обвинител, против него ќе биде поднесена соодветна пријава.

The post Крадел велосипеди во Аеродром: Момче уапсено во Кисела Вода appeared first on Република.

Советот на општината Кавадарци попладнево донесе одлука за определување на максимален износ за доделување на поединиечна субвенција на граѓани за купување на велосипеди за оваа година.

Максималниот износ за поединечна субвенција за купување на велосипед, по лице, се утврдува во износ од 50 проценти од вредноста на велосипедот, но не повеќе од три илјади денари по лице, со вклучен персонален данок на доход, пишува во одлуката.

Финансиските средства со вкупен износ од триста илјади денари, за оваа намена, се обезбедени во буџетот на општината за оваа година.

Како што појаснуваат од Општината, целта е да се стимулираат кавадарчани за користење на велосипеди и да се даде поголем придонес во зачувувањето на животната средина и физичкото здравје на населението.

Начинот и критериумите за доделување на средствата за субвенционирање, ќе се определат со посебен правилник.

The post Триста илјади денари субвенции за купување велосипеди во Кавадарци appeared first on Република.

Полицијата приведе 19-годишен крадец на велосипеди од Скопје.

Тој се сомничи дека во периодот помеѓу 15 и 18 февруари, на улицата Рузвелтова украл велосипед, сопственост на Ж.Т.М. од Скопје и оти ноќта помеѓу 10 и 11 јули лани извршил уште една кражба на велосипед на улицата Методија Андонов Ченто, сопственост на В.Т. од Скопје.

„Велосипедите ги продал на А.Н.(44) од Скопје“, велат од МВР.

Во разговор во полициската станица крадецот ги признал делата, а повикан бил и купецот на украдените велосипеди.

Од полицијата информираа дека велосипедите се вратени кај сопствениците.

The post Фатен крадец на велосипеди appeared first on Република.

етовската полиција информира дека е лишен од слобода 25-годишник од Голема Речица, осомничен за кражби на три електрични тротинети и велосипеди.

Полициски службеници на СВР Тетово вчера во 19 часот и 45 минути, во тетовска Мала Речица, го лишиле од слобода 25-годишниот А.Р. од ова село, поради сомнение дека изминатите неколку месеци извршил три кражби на електрични тротинети и велосипеди, информира портпаролот на СВР Тетово Марјан Јосифоски.

По целосно расчистување и документирање на случаите против него ќе биде поднесена соодветна пријава.

The post Maж од Мала Речица крадел електрични тротинети и велосипеди appeared first on Република.

Град Скопје соопшти дека утре на својата веб страница ќе објави два јавни повици за субвенционирање на граѓаните на подрачјето на Градот Скопје за купување велосипеди и електрични тротинети во 2022 година, на кои граѓаните ќе можат да аплицираат.

Според соопштението, средствата што Градот Скопје ќе ги субвенционира за велосипеди се во износ од 50 отсто од вредноста на еден велосипед, но не повеќе од 4.000 денари по лице, додека за електричните тротинети средствата за субвенционирање се во износ од 30 проценти од вредноста на еден тротинет, но не повеќе од 8.000 денари по лице, со вклучен персонален данок на доход.

Подетални информации за правото на учество на јавните повици, условите коишто треба да ги исполни барателот, начинот на пријавување, на спроведување на повиците и начинот на остварување на правото на надоместок граѓаните ќе можат да добијат на веб страната на Град Скопје.

Освен тоа, граѓаните од интернет страницата на Градот Скопје ќе можат да го симнат и образецот за Барање за субвенција за купување, како и образецот Изјава, која треба да се завери на нотар. Јавните повици ќе бидат објавени издвоено на веб страницата, а соодветната документација ќе можат да ја поднесат до архивата на Град Скопје.

Повикот ќе трае до 1 ноември 2022 година или до исцрпување на предвидените финансиски средства од Буџетот на Град Скопје за оваа намена, во зависност од тоа кој услов ќе настапи прв.

The post Град Скопје утре ќе објави јавни повици за субвенционирање за набавка на велосипеди и тротинети appeared first on Република.

Општина Центар утре го објавува Јавниот повик со кој го започнува проектот „Цел Центар на точак“, за субвенционирање на 30 отсто од цената за купување нов велосипед, електричен велосипед и електричен тротинет.

Од утре, среда, 4.05.2022 година, секој полнолетен жител на Општина Центар што ќе купи велосипед, е-велосипед или е-тротинет ќе добие субвенција, но најмногу до 3.000 денари за која е потребно да достави пополнето барање за субвенционирање, копија од лична карта и трансакциска сметка, како и фискална сметка со сметкопотврда или фактура за купен велосипед, е-велосипед или е-тротинет.

Барањата со комплетна документација потребно е да се доставуваат во архивата на Општина Центар, барака бр.6, почнувајќи од 4 мај. По доставувањето на документите, подносителите ќе бидат известени за редниот број на поднесокот и субвенционирањето.

Општина Центар напоменува дека правото на субвенција е еднократно.

За сите дополнителни информации во врска со субвенционирањето, граѓаните можат да се обратат на телефонскиот број: 3203-600.

The post Цел Центар на точак: Субвенции за велосипеди, е-велосипеди и е-тротинети appeared first on Република.

Битолскиот ресторан кој е сместен во пазувите на Баба Планина по повод нивното јубилејно 20 годишно работење излегува во пресрет со великодушна понуда од 100.000 денари за самохраните родители со деца од 3-7 г. кои ги поканува да го посетат нивниот ресторан каде ќе добијат потврда за донација на велосипед, објави порталот Битола, бабам Битола.

The post Битолски ресторан подарува велосипеди за самохрани родители со деца од 3 – 7 години appeared first on Република.

Општина Гази Баба објави Јавен повик за субвенционирање на граѓаните на подрачјето на општина Гази Баба за купување на велосипеди за 2022 година.

За јавниот повик, градоначалникот Стефковски објави на својата официјална страна на Фејсбук на која напиша:

Реализирано уште едно ветување!
За прв пат на територија на општина Гази Баба се воведени субвенции за купување на велосипеди.

Почитувани граѓани,
Во тек е јавен повик за субвенционирање на граѓаните на подрачјето на Општина Гази Баба за купување велосипеди во 2022 година.

Општина Гази Баба, со цел да ги стимулира жителите од својата општина за користење на велосипеди, на граѓаните кои ќе купат нов велосипед во период од објава на Јавниот повик, 11.04.2022 година се до исцрпувањето на буџетот наменет за Јавниот повик, ќе им надомести дел од трошоците направени при купување на велосипед.

Ги повикувам граѓаните да аплицираат.

Условите за јавниот повик се на следниот линк:
http://gazibaba.gov.mk/mk/javni-povici/javni-povici/aven-povik-za-subventcionira-e-na-gra-anite-na-podrach-eto-na-opshtina-gazi-baba-za-kupuva-e-velosipedi-vo-2022-godina – напиша Стефковски.

The post Гази Баба дава субвенции за велосипеди appeared first on Република.