Црвеното јајце е симбол на Велигден поради новиот живот, плодноста, компарацијата со Христовото воскреснување.

Некои сметаат дека црвената е вистинската велигденска боја, но не случајно јајцата за Велигден се подготвуваат во повеќе бои. Освен што се вистински подарок за очи, секоја боја поединечно е извор на среќа.

Жолта боја – светлина, радост

Портокалова – трпение, моќ

Зелена – храброст, големина

Виолетова – надеж, спокојство

Сина – здравје, ведрина

Кога ќе здогледате круг, направен од малку потемна нијанса од бојата со која сте го вапцале јајцето, тоа означува огромна среќа оваа година.

The post Јајцето што ќе го изберете на гости може да ви донесе среќа appeared first on Република.

Велигден е еден од највеселите празници што го симболизира воскреснувањето на Христос, а Велики петок е најтажниот ден за христијаните, бидејќи тогаш Исус е распнат на крстот. Според стар обичај, за Велигден се вапсуваат јајца – најчесто во црвена боја, симболизирајќи ја крвта на Исус, но и радост. Познато е дека првото јајце се нарекува чувар на куќата и дека стои во текот на целата година, до следниот Велигден.

Секоја домаќинка според потребите ги одвојува јајцата за вапсање, но дали знаевте дека по правило треба да се бојадисаат 33 јајца? Бројот 33 го симболизира бројот на години кога Исус бил распнат. Обичаите датираат уште од античко време, се пренесувале од колено на колено, но овој важен дел некаде е изгубен и ретко кој денес бојадисува точно 33 велигденски јајца.

The post Зошто се вапсуваат точно 33 јајца? appeared first on Република.

Со оваа стара руска техниката на боење јајца со лимонтус, ќе добиете песочен ефект и интересно ишарани јајца.

Во тенџере со вода на собна температура ставете лажица лимонтус. Добро измешајте ја смесата и додадете ги јајцата. Не ставајте премногу јајца наеднаш за да го направите ефектот поубав. Варете ги на средна температура, а кога водата ќе зоврие, варете уште 10 минути.

Извадете ги јајцата на хартиена крпа за да се исушат. По 5 минути ќе добијат песоклив изглед поради лимонската киселина, а дезенот ќе ве воодушеви. Доколку ја примените оваа техника, нема да имате потреба дополнително да ги декорирате јајцата бидејќи ќе бидат навистина уникатно украсени. Доколку сакате  дополнителен сјај, можете да ги премачкате со масло, вели Taste Matter.

https://youtu.be/mKePkRQ08jk?si=ZEeeu1zzOHXMorR8

The post Руска техника за фарбање на јајца со лимонтус appeared first on Република.

Традицијата кај балканските народи да вапцаат јајца за Велигден се јавила во 16-тиот век. Меѓутоа, кај голем број домаќинки постои дилемата дали јајцата мора да се вапцаат во четврток.

Според антрополозите, јајцата можат да се фарбаат од Велики четврток до Велика сабота. Посебната недела пред воскреснувањето на Исус е во знакот на домаќинството, вкусна храна и фарбање на велигденските јајца.

Во различни делови од нашата земја, па и Балканот, пак, се смета дека јајцата треба да се вапцаат или на Велики четврток или Велика сабота, а дека Велики петок е ден кога ништо не треба да се прави и денот е важно да се помине во молитва.

Иако црквата го прифаќа боењето на јајцата уште од 12 век, сепак на нашите простори оваа пракса се јавила во 16 век. Јајцата кои се боени со црвена боја се традиција уште од дамнина.

The post Дали и денес може да се вапцуваат јајца? appeared first on Република.

Бојадисувањето јајца е забавно и возбудливо, особено за креативните луѓе. Но, кога забавата ќе заврши, често има проблем – боја, боја, боја. Боја на раце, боја на облека, боја на партали, кои треба да се отстранат што е можно поскоро.

Како да ги измиете дамките од боја од рацете

[caption id="attachment_630934" align="alignnone" width="640"] (фото: Челси Мекнамара)[/caption]

Метод 1: Вода и сапун

Потопете ги рацете во мешавина од топла вода и неколку капки сапун. Истријте ги остатоците од боја. Во повеќето случаи, ова ќе биде доволно, затоа секогаш пробајте го ова пред да користите дополнителни методи.

Метод 2: Паста за заби

Нанесете малку паста за заби на извалканите места на вашите раце користејќи четка. Тријте напред-назад за да се ослободите од преостанатата боја.
Откако целосно ќе ја отстраните, избришете ги рацете со хартиена крпа за да ја отстраните преостанатата паста за заби.

Метод 3: Оцет и сода бикарбона

Постои уште една лесна техника која може најдобро да функционира - а за неа се потребни само оцет и сода бикарбона. Започнете со миење на рацете со вода. Тријте ги рацете заедно и исплакнете додека не се откине поголемиот дел од бојата на велигденските јајца. Можете да користите крпа за миење за да го забрзате процесот. Ставете го оцетот во сад и натопете чиста крпа во него, а потоа истријте ги рацете со него.
Можеби ќе треба да исплакнете и да повторите неколку пати.
Ако се уште има дамки, во смесата додајте сода бикарбона. Ставете мала количина на рацете и тријте.
Ако ова не ги исчисти преостанатите дамки, можете да се обидете наизменично да се менувате помеѓу оцет и сода бикарбона или да ги измешате заедно на вашите раце и да се исчистите. Само плакнете ги рацете темелно помеѓу чекорите.

Како да ја измиете дамката од боја за велигденски јајца од облека и крпа?

Започнете со испирање на задниот дел од дамката под ладна вода, а потоа предниот дел. Погрижете се водата (која ќе ја носи бојата) да не ги допира другите делови од ткаенината бидејќи тоа ќе ја рашири бојата и само ќе го влоши проблемот.
Истурете течен детергент за перење или предтретман за дамки врз дамката и оставете 3-5 минути. Сè уште не чистете.
Потоа натопете во млака вода и оставете 15 минути.
Исплакнете. Ако се уште има дамки, одете на следниот чекор.
На дамката нанесете една лажица сода бикарбона и неколку капки лимон.
Измешајте вода и оцет во сооднос 1:1, а потоа истурете по малку на дамката и тријте со четка за заби, нокти или алишта. По некое време, ќе забележите дека дамката исчезнува.
Исплакнете со млака вода, а потоа измијте се во машина за перење како и обично.

The post Како да ги измиете дамките од боите за велигденски јајца од рацете, крпите, облеката appeared first on Република.

Во видео-честитка по повод велигденските празници, премиерот Димитар Ковачевски заедно со неговиот син бои јајца и раскажува за симболизмот на боите:

Велигден е време на обнова и надеж. Време на промени и нови почетоци кои носат прогрес и развој. Време кога заедништво и грижата еден за друг ни дава сила да се справиме со сите предизвици кои стојат пред нас и да работиме заедно за да изградиме посветла и подобра иднина за сите.
Во овие Велигденски празнични денови вам и на вашите семејства ви посакувам многу здравје, спокој и мир. Нека ни е честит Велигден! Да сте живи и здрави!, порачува Ковачевски.

The post „Зелена боја за зелена енергија и евтина струја“: Ковачевски бои поучни јајца со синот во велигденската честитка appeared first on Република.

Велигденските празници можат да биде многу стресни мајките од семејствата со мали деца. Од готвење на празничниот ручек, преку пролетно чистење на домот до вапсање велигденски јајца, има многу што да се прави.

Една мајка открива одличен трик за брзо подготвување на јајцата. Како што пренесува „Метро“, 36-годишната Шенон Доерти е вистински хит на „Тик ток“ откако го откри трикот за „варени јајца“. Сè што треба да направите е наместо да ги готвите во вода, да ги ставите јајцата во калап за мафини, а потоа да ги печите во рерна 30 минути на 170°C.

@athomewithshannon BEST LIFE HACK 💡 For HARD BOILED EGGS!! We are ready for Easter Egg coloring over here! 🐰 #momhack #lifehacks #parentinghack #easter #learnontiktok ♬ Taste It - TELL YOUR STORY music by Ikson™

The post Мајка откри генијален трик за брзо варени јајца, сè што ви треба е калап за мафини appeared first on Република.

Доколку годинава сакате да испробате нешто поуникатно во украсувањето на велигденските јајца, обидете се со оваа техника на боење со помош на свила.

Можете да користите стари вратоврски, шалови или било која шарена свилена ткаенина.

Потребни се и ластичиња, оцет и тенка еднобојна памучна ткаенина.

Постапката погледнете ја во видеото:

https://youtu.be/hgl1Vwdlom8

The post Испробајте нова техника на фарбање на велигденските јајца, ви требаат само стари шарени марами appeared first on Република.

Секоја домаќинка за Велигден вапца повеќе јајца, па најчесто дел од нив се фрлаат. Треба да бидеме внимателни од каде купуваме јајца, како и колку дена ги чуваме и јадеме.

Тврдо варените јајца побрзо се расипуваат од свежите бидејќи со варењето се измива заштитната мембрана и преку лушпата можат да влезат бактерии.

По варењето се ставаат во ладилник и стојат најмногу една недела.

The post Колку време може да се јадат велигденските јајца? appeared first on Република.

Црвеното јајце е симбол на Велигден поради новиот живот, плодноста, компарацијата со Христовото воскреснување.

Некои сметаат дека црвената е вистинската велигденска боја, но не случајно јајцата за Велигден се подготвуваат во повеќе бои. Освен што се вистински подарок за очи, секоја боја поединечно е извор на среќа.

Жолта боја – светлина, радост

Портокалова – трпение, моќ

Зелена – храброст, големина

Виолетова – надеж, спокојство

Сина – здравје, ведрина

Кога ќе здогледате круг, направен од малку потемна нијанса од бојата со која сте го вапцале јајцето, тоа означува огромна среќа оваа година.

The post Што значи кога ќе пронајдете темен круг на вапцаните јајца? appeared first on Република.

Ви предлагаме неколку фантастични методи оваа година да се забавувате во процесот на вапсување на уникатен начин – со природни бои. Лушпа од кромид, цвекло, црвена зелка, морков, спанаќ, црвен пипер, шафран, чај од шипки, кафе, зелен чај, боровинки… изберете ги природните продукти во зависност од боите кои сакате да ги постигнете. Резултатот ќе бидат прекрасно бојадисани еколошки јајца.

Потребни материјали:
*Црвена зелка, куркума, лушпа од кромид, цвекло, кафе…
*Длабоко тенџере (најмалку 3 литри)
*Бел оцет
*Цедилка
*Длабоки садови
*Јајца
*Голема метална лажица
*Хартиени крпи
*Подлога за сушење

Прв метод: Заедничко варење
Одберете ја состојката со која сакате да ги обоите јајцата и ставете сѐ заедно во сад. Ставете количина според потребното. Додајте еден литар вода и две лажици бел оцет во тенџерето. Ако е потребно додадете уште вода за да се покријат сите состојки. Пропорционално додавајте оцет.

Почекајте водата да зоврие, а потоа намелете ја температурата и оставете ги јајцата да се варат заедно со состојките половина час на тивко. Потоа процедете ја бојата во друг сад.

Потребни количини според состојките:
Боја на црвена зелка (сина): 4 шолји исечкана зелка
Боја на куркума (жолта): 3 лажици куркума (+ морков за поинтензивна боја)
Боја на лушпа од кромид (разни нијанси на кафена): околу 12 лушпи
Боја на цвекло (црвена): 4 шолји исечкано цвекло
Боја на кафе (интензивна кафена): 1 литар јако црно кафе (наместо вода)
Боја на вино (виолетова): наместо вода употребете вино или сок од малини
Боја на спанаќ или коприва (зелена): 4 шолји листови

Втор начин: Ладно потопување
Со оваа постапка, јајцата и состојките се подготвуваат посебно. Со помош на метална лажица, изладените тврдо варени јајца ставете ги во сад со оладена боја и оставете ги потопени 5 секунди или оставете ги да преноќат, зависно колку интензивна боја сакате да добиете. Извадете ги јајцата со лажица, исушете ги на хартиени крпи и потоа оставете ги добро да се исушат на метална жична подлога.

Оваа метода резултира со суптилни проѕирни нијанси, но може да даде и нееднаква боја доколку јајцата не се превртуваат одвреме-навреме додека се сушат на жицата.

Трет начин: Заедничко вапсување
Оваа метода подразбира варење на јајцата заедно со изворот на боја, а топлината овозможува убаво нафаќање на бојата што резултира со интензивни и рамномерни нијанси.

Сировите јајца ставете ги во длабоко тенџере со изворот на бојата со кој сакате да ги бојадисате, а времетраењето ќе зависи од тоа што користите. По варењето, јајцата ставете ги да се исушат на истиот начин како при ладното потопување.

Времетраење на вапсувањето според изворот на бојата:
Боја на старо злато: Варете ги јајцата во раствор од куркума 30 минути.
Кафена боја на земја: Варете ги јајцата во раствор од лушпа од кромид 30 минути.
Интензивна темнокафена: Варете ги јајцата во црно кафе 30 минути.
Бледожолта: Потопете ги јајцата во раствор од куркума на собна температура и оставете ги 30 минути.
Портокалова: Оставете ги јајцата потопени во раствор од лушпа од кромид на собна температура 30 минути.
Светлокафена: Потопете ги јајцата во црно кафе на собна температура и оставете ги 30 минути.
Светлорозова: Потопете ги јајцата во раствор од цвекло на собна температура и оставете ги 30 минути.
Светлосина: Потопете ги јајцата во раствор од црвена зелена на собна температура и оставете ги 30 минути.
Кралски сина: Потопете ги јајцата во раствор од црвена зелка на собна температура и оставете ги преку ноќ.
Боја на лаванда: Потопете ги јајцата во раствор од цвекло на собна температура и оставете ги 30 минути, потоа потопете ги во раствор од зелка на собна температура и оставете ги да стојат уште 30 минути.
Дополнителен трик за поефикасно вапсување: Пред да почнете, измијте ги јајцата со сапун и вода за подеднакво да се фатат. Бојадисаните јајца протријте ги со крпа натопена во масло, исполирајте ги и ставете ги во фрижидер преку ноќ за да ја интензивираат бојата.

The post Вапсајте ги јајцата со природни бои appeared first on Република.

Утре е Велики четврток, денот кога рано изутрина, пред да изгрее сонцето се вапцаат првите три јајца, во црвена боја која е симбол на големиот христијански празник Велигден.

Се верува дека првите три јајца треба да се вапцуваат пред изгрејсонце за да не ги види сонцето па затоа, според верувањата, не се расипуваат со години.
Според старите обичаи во зори на Велики четврток треба да се вапца барем едно црвено јајце, кое ја симболизира крвта господова.

– Првото вапцано јајце му се наменува на Господ и се нарекува Господово јајце.
– Второто вапцано јајце е за домаќинот на семејството.
– Третото вапцано јајце за бериќет и за стоката.

Ккао што останало од порано, првото јајце се трга настрана бидејќи се верува дека тоа има магична моќ, па затоа неговото место е под иконата.

Според народните преданија со првото вацано јајце се лекуваат одредени болести.

Според старите обичаи домаќинката не треба да биде гладна кога започнува со вапцувањето на јајцата. Треба да касне макар еден залак леб, зашто, наводно, доколку вапцува на празен стомак, таквите јајца не носат радост, туку би можело оној што ги вапцува да биде несреќен и болен.

Домаќинката штом излезат првите сончеви зраци на Велики Четврток, треба да ги буди најблиските и со првото јајце да им помине по лицата со зборовите: црвено, бело, дебело! Вапцувањето на јајцата за Велигден е еден од најасоцијативните обичаи за самиот празник, што всушност, претставува симбол на животот и на раѓањето, а црвената боја, со која најчесто се бојат јајцата, ја претставува Христовата крв.

The post На изгрејсонце се вапсаат првите три јајца: Знаете ли каква моќ има првото јајце? appeared first on Република.