Претставата „Едвард Втори”, според Кристофер Марлоу, во режија на Андриј Жолдак, селектирана е во официјалната селекција на 64. Интернационален театарски фестивал МЕСС во Сараево, Босна и Херцеговина. Претставата „Едвард Втори” е копродукција меѓу велешкиот театар „Јордан Хаџи Константинов-Џинот“ и Драмскиот театар од Пловдив, Бугарија, а ќе биде изведена на сцената на Народно Позориште Сараево, на 6 октомври.

Во претставата играат: Борис Крстев и Илин Јовановски, Јована Миладинова, Васил Зафирчев, Јордан Витанов, Бранко Михајлоски, Кире Ацевски, Никола Петковиќ, Сандра Танчева, Марија Баркова, Леонида Гулевска, Бобан Алексоски и Тодор Стојковски. Сценографијата е на Андриј Жолдак и Даниел Жолдак, а костимите се на Симон Мачабели и Раде Василев.

Ова е трета соработка на режисерот Андриј Жолдак со македонски актери по постановките на „Електра“ и „Соларис“ во МНТ. Претставата премиерно беше изведена на 6 август 2023 на „Охридско лето“ потоа на 9 септември на сцената на велешкиот театар и на 14 септември лани ви Пловдив Бугарија на фестивалот „Театар на крстопат“. На 28 јуни годинава со оваа претстава во Битола беше отворен фестивалот „Битола Шекспир“.

МЕСС е најстариот театарски фестивал во југоисточна Европа, основан во 1960 година и уште од своите зачетоци е иноваторски, ризикувајќи и вложувајќи во најхрабрите уметнички проекти. На фестивалот до сега учествувале имиња како Питер Брук, Роберт Вилсон, Еуџенио Барба, Одкарас Коршуновас, Франк Касторф, Томас Остермаер, Силвиу Пуркарете, Јиржи Менцл, Ромео Кастелучи, Кејти Мичел и други режисери.

The post Претставата „Едвард Втори“ на Велешки театар на фестивал МЕСС во Сараево appeared first on Република.

Актерите  од Народниот театар Јордан Хаџи Константинов Џинот од Велес вчеравечер маестрално ја одиграа театарската премиера „Рацин“ во режија на Дејан Пројковски.

Претставата беше ново, свежо и несекојдневно доживување и третирање на Кочо Рацин како човек и уметник, но во прв план беше неговата човечка димензија преку која беа претставени и некои други факти кои на извесен начин ги заобиколила историјата.

Според  режисерот Дејан Пројковски, Рацин е веќе дел од нашата митологија, тој е дел од ДНК-та на секој од нас, а неговата емоција  во ова театарско дело е пренесена преку изразните средства на денешницата.

-Претставата за мене беше едно патување како Диоген сред бел ден со фенер во рака кога тргнал да го бара човекот.  Ние во оваа претстава тргнавме со свеќа во рака  да ги бараме рефлексиите од Рацин што се во нас, така што се обидовме да создадеме една претстава којашто всушност  нè инспирира ликот и делото на Рацин, а тоа  е преведено на еден современ сценски јазик односно на јазикот на нашето време. Претставата не си дава за задача и одговорност да го раскажува животниот пат на Рацин или да одговара на некој  историски лавиринти и контексти, туку е наша рефлексија за она што претставува денес Рацин, вели Пројковски според кого целиот процес на создавање на претставата бил интересен и возбудлив.

Директорот на Народниот театар „Јордан Хаџи Константинов - Џинот“, Сашо Димоски, кој е и драматург на претставата, вели дека самиот процес на создавање на претставата бил возбудлив зашто како што додава, се занимавале со Рацин од другата страна на стихот, од другата страна на зборот, од другата страна на она историското кое е општопознато за јавноста, и при тоа, сето тоа да се преведе на автентичен сценски јазик со помош на театарските изразни средства.

-Драматургијата во претставата е кроена според прозата или поезијата на Рацин од една страна, а од друга страна и според  оние таканаречени метатекстуални записи кои постојат  во самиот опус на Рацин. Во драматургијата се занимавав со откривање на работи за Рацин  кои досега нам ни се непознати и во оваа смисла верувам дека претставата понуди една нова вистина за сето она кое ние го знаеме за Рацин. Ние не можеме да го замислиме развојот на современата македонска поезија, проза и уметност генерално без  да зборуваме за Рацин. Во таа смисла, ова ново откривање на идентитетот на Рацин сметам дека  истовремено е и навраќање кон суштините заради кои ние денеска сме тука каде што сме, појаснува драматургот Димоски.

Пред преполното гледалиште во Центарот за култура „Григор Прличев“ , претставата изобилуваше со неверојатни визуелни и музички сензации, креации на костимографот Раде Василев и Елена Вангеловска, сценографот Валентин Светозарев, а музиката во живо беше изведена од Сашко Костов и Орхидеја Дукова.

The post Театарската претстава „Рацин“ е рефлексија за она што претставува денес Рацин appeared first on Република.

На сцената на велешкиот Народен театар „Јордан Хаџи Константинов-Џинот“ вечерва премиерно ќе биде изведена претставата „Мац, мац“ инспирирана од „Мачка на вжештен лимен покрив“ на Тенеси Вилијамс во режија и кореографија на Филип Петковски.

Во претставата играат актерите Ведран Чешарек-Брик, Ана Јовановска, Илин Јовановски, Васил Зафирчев, Кети Борисовска, Филип Христовски и Сандра Танчева.

Музиката е на Мориц Вернер од Германија, сценографија на Дардан Жегрова од Косово и Филип Петковски, а костимографијата е на Антонија Гугинска Јорданоска и Гордана Божиновска.

Проектот е финансиран од Интернационалниот фонд за копродукција (Internationaler Koproduktionsfonds) на Гете институтот и Министерството за култура.

The post Премиера на претставата „Мац, мац“ вечерва во велешкиот театар appeared first on Република.

Утре, на 26 април, во Велешкиот театар „Ј. Х. К. Џинот“ е закажана премиерата на претставата „Мац, мац“ која е работена по мотиви на „Мачка на вжештен лимен покрив“ од Тенеси Вилијамс, а во режија и кореографија на Филип Петковски и ко-продукција на Пресврт, Театар „Ј.Х.К. Џинот“- Велес, како и германскиот Гете институт.

Во претставата „Мац, мац“ играат: Ведран Чешарек- Брик, Ана Јовановска- Меги мачката, Илин Јовановски- Скипер, Васил Зафирчев – Биг Деди, Кети Борисовска- Биг Мама, Филип Христовски- Гупер и Сандра Танчева – Меј.

Режија и кореографија е на Филип Петковски.

„Љубопитноста ја убила мачката“ гласи англиската изрека, но сепак, не е сѐ така како што изгледа, бидејќи мачките се познати и по тоа што имаат девет животи. Инспирирана од „Мачка на вжештен лимен покрив“ на Тенеси Вилијамс, овој проект се служи само со главното дејство на драмата како појдовна точка, но се стреми дополнително да ги истражи приказните, ликовите и скриените пораки кои авторот само накусо ги споменува во своето дело. Вилијамс, иако бил ограничен поради општествените стигматизации во текот на 50-тите години од минатиот век, но и свесен за цензурата на која требал да се потчини за да ја зачува својата кариера како драматург, сепак, успешно инсинуира неколку теми што ги вметнува како позадински дејствија во своите драми. Имајќи го тоа предвид, тој алудира на ликови и ситуации што во тоа време би биле третирани како проблематични. Речиси седумдесет години по премиерната изведба на драмата, нашето општество успеа да надмине бројни културолошки и општествени ограничувања, па се чини дека веќе имаме видено и чуено сѐ, но сепак, патријархалното и хетеронормативното општество во кое живееме и понатаму ги диктира нормите околу тоа што го сметаме како табу. Во текстот на Вилијамс, мачката Меги, која е главниот протагонист, му се заканува на својот сопруг Брик, дека ќе скокне од покривот, доколку тој продолжи да ја игнорира нејзината љубов за него. Во ова видување, на Меги ѝ се придружува целата фамилија на жешкиот лимен покрив и тие свесно решаваат да се изгорат, бидејќи ако скокнат од покривот, ќе паднат помеѓу “обичните” луѓе од коишто всушност, се плашат. Наместо да скокнат, тие наоѓаат задоволство во неподносливите неудобност и болка, само по цена да останат на врвот. Опседнати со нивниот изглед, социјален статус и богатство, тие секојдневно ги слават нивните навидум совршени животи, барајќи удобност во дрогата и алкохолот за да ја надминат грдотијата на светот во кој живеат. Додека континуирано танцуваат за да ја скријат својата болка, ги согледуваме нивните испреплетени врски. Во „Мац, мац“ нашите сексуално напалени, налудничави и длабоко вознемирувачки ликови, ја залажуваат мачката да дојде за да си играат со неа, симболизирајќи ја опседнатоста на нашето општество за инстантно задоволство. Затоа, ако сте „мачка“, мјаукајте додека не ве забележат и не ве пуштат да влезете, но, како и секогаш, чувајте се од кучињата кои ве чекаат да ви го уништат денот – вели режисерот Петковски.

За музиката е заслужен Мориц Вернер (Германија), додека сценографијата е дело на Дардан Жегрова (Косово) и Филип Петковски, а костимографија на Антонија Гугинска Јорданоска и Гордана Божиновска.

Светлосен дизајн – Милчо Александров, танцов репетитор – Стефани Шаршмидт (Германија), фотографија и камера – Марко Марјановиќ, монтажа – Борјан Стојков, визуелен дизајн – Ивана Мојсовска Головска, продукциски координатор – Петар Антевски, извршни продуценти – Филип Петковски, Мориц Вернер, Дардан Жегрова и Стефани Шаршмидт, техничка ко-продукција – Гете институтот (Фонд за интернационална копродукција), Пресврт и Театар ЈХК Џинот- Велес.

Проектот е финансиран од Интернационалниот фонд за копродукција (Internationaler Koproduktionsfonds) на Гете институтот и Министерството за култура на Македонија.

The post Премиера на „Мац, мац“ во Велешки театар, работена по мотиви на „Мачка на вжештен лимен покрив“ appeared first on Република.

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

The post Премиера на „Паника“ во Велешкиот театар appeared first on Република.

Велешкиот театар „Јордан Хаџи Константинов - Џинот“ денеска ќе го објави добитникот на наградата за животно дело „Петре Прличко" за 2024 година.

На прес - коференција што ќе се одржи во фоајето на тетарот, најавени се обраќања на градоначалникот на Велес Марко Колев, директорот на установата Сашо Димоски, режисерот Ненад Витанов и актерите Жарко Спасовски и Фаик Мефаилоски.

Од театарот најавуваат дека ќе ја објават програмата за третото издание на Фестивалот на популарни претстави „5РЕ" и ќе информираат за првата премиера на Џинот за 2024 година „Вечера за глупаци".

The post Велешкиот театар ќе го објави добитникот на наградата „Петре Прличко” за 2024 година appeared first on Република.

Велешкиот театар „Јордан Хаџи Константинов Џинот“ в среда, на 6 март во 20 часот гостува во Драмски театар Скопје со претставата „Нема струја за електричниот стол“ во режија на Дејан Пројковски. Автор на текстот е бугарскиот писател Александар Секулов, а во претставата играат Васил Зафирчев и Исидор Јовановски. Драматург е Сашо Димоски.

Приказната е сместена среде апокалиптична околност во која се поместени двата лика - оној што е осуден на смрт со електричен стол и оној што треба да ја изврши осудата. Дијалогот пласира луцидна, иронична и саркастична приказна, која низ мултинаративен систем генерира уникатно сценско доживување. Овој мултимедијален проект има цел да ги преиспита границите меѓу сценското дејство, филмскиот израз и видео анимацијата преку постојаното претопување на различните медиуми во единственото на театарската претстава.

The post Велешки театар со „Нема струја за електричниот стол“ гостува во среда во Драмски appeared first on Република.

На малата сцена во Велешкиот театар вечерва во 20 часот ќе се одигра претстaвата „Добри луѓе“ во режија на Тамара Стојаноска, а во продукција на независниот театар „Златен Елец“.

„Добри луѓе“ ги испитува емоционалните последици од справувањето со огромната климатска криза и тешките одлуки што секојдневно мораме да ги донесеме како поединци и како општество. Се поставува и прашањето дали сме добри луѓе и дали воопшто можеме да бидеме добри луѓе во ваков анксиозен и пластичен свет исполнет со глобална вознемиреност, лоши навики, тероризам, непостојани временски услови и политички немири, велат од „Златен Елец“.

Претставата е дуодрама, работена според текст на Данкан Мекмилан, авторски материјали и инспирација од „The relation work project“ (1976-80) на Марина Абрамовиќ и Улај.

Играат младите актери од Велес - Тијана Трајчевска и Филип Христовски, музиката е на Ива Дамјановски и Виктор Танасковски, фотографиите се на Данчо Стефков, а извршен продуцент на претставата е Бобан Алексоски.

Следната изведба на оваа претстава е најавена за на 11 март во театар „Комедија“ во Скопје.

The post Претставата „Добри луѓе“ на малата сцена на Велешкиот театар appeared first on Република.

На малата сцена на Народниот театар „Јордан Хаџи Константинов-Џинот“ во Велес вечер премиернo ќе биде изведена претставата „Кучешко срце“, копродукција со независна продукција „Вортекс“, а според Михаил Булгаков во режија на Ѓорѓи Ризески.

Композитор на мзуиката е Алмир Бајрамоски, кореограф Сања Русеска, дизајн фотографија и видео Александар Арсовски.

Во претставата настапуваат актерите Никола Милошевски, Илин Јовановски, Матеј Стојковски, Ива Петровска, Кристина Гиева, Ванеса Тримчевска и Тодор Стојковски.

The post „Кучешко срце“ вечерва премиерно во Народниот театар „Јордан Хаџи Константинов-Џинот“ appeared first on Република.

Претставата „Едвард Втори“ ќе биде изведена вечерва на сцената на велешкиот театар „Јордан Хаџи Константинов-Џинот“, со почеток во 20 часот. Нејзината премиера беше на 6 август на „Охридско лето“, а вечерва првпат ќе се одигра на матичната сцена.

Претставата „Едвард Втори“ е во режија на Андиј Жолдак, а работена според текст на Кристофер Марлоу, копродукциски проект на НУЦК Театар  „Јордан Х.К. Џинот“ од Велес и Драмскиот театар „Н.О. Масалитинов“ од Пловдив, Бугарија.

Во претставата главниот лик Едвард Втори е поделен на две улоги кои истовремено ги реализираа двајца актери, Илин Јованоски и Бугаринот Борис Крстев. Во главната  женска улога пак, настапи Јована Миладинова.

Темите на главната драма се односот татко и син, во отсуство на мајката, мотивите на моќта и луксузот а со тоа и прекумерното уживање, енергијата на младите луѓе и нивната дирекност. Исто така, бракот на Едвард и создавањето семејство. Понатаму, промената на сексуалната ориентација на Едвард и неговата страсна љубов кон мажите.

Смртта на таткото, на кралот, а со тоа и исчезнувањето на сите бариери и пречки за синот. Лудилото на напуштената жена – сопругата и кралицата и планот да се убие сопругот. Крајниот конфликт на 21 век е конфликтот за превласт, меѓу мажот и жената. Овие нишки се раскажуваат низ различни театарски форми, од психолошки вистинити ситуации до ритуален театар и од современиот физички театар до можниот театар на иднината.

Од театарот потенцираат дека претставата не е наменета за лица помлади од 16 години.

The post Во велешкиот театар вечерва првпат ќе биде изведена претставата „Едвард Втори“ appeared first on Република.

На малата сцена на Народниот театар „Јордан Хаџи Константинов-Џинот“ во Велес задутре премиерно ќе биде изведена претставата „Татко“ на текст од Флоријан Зелер, а во режија на Ненад Витанов.

Главната улога на таткото Андре ја игра актерот Јордан Витанов, во улогата на Ана ќе настапи Маја Љутков, Пјер ќе го глуми Жарко Спасовски, Лора – Славица Манаскова, мажот – Благојчо Стојанов и во улогата на жената ќе настапи Симона Димковска.

Асистент на режија е Кристијан Саздовски, сценографијата е на Филип Коруновски, а костимографијата на Раде Василев. Изборот на музиката го направи Ненад Витанов, фотограф на претставата е Данчо Стефков, технички раководител Никола Игнов, тон мајстор е Славчо Коцев, гардеробер Јулијана Ангеловска, а реквизитер Благој Илиев.

Оваа е четвртата премиера годинава во Велешкиот театар

The post „Татко“ премиера во Велешкиот театар appeared first on Република.

На големата сцена во Театарот „Јордан Х.К-Џинот“, Велес денеска премиерно ќе биде изведена претставата „Креонт и Антигона“, авторски проект на режисерот Дејан Ангелов.

Во создавањето на претставата се користени текстови од Жан Ануј, Софокле и други извори, а покрај режисерот Ангелов, зад претставата стојат соработниците: сценографот Филип Коруновски, костимографот Раде Василев, композиторот Ставре Ангелаков, а плакатот е дизајн на Никола Пијанманов. Ролјите се доверени на: Самоил Стојановски – Креонт, Кристина Зафирова – Антигона, Слободанка Чичевска – Хор, Елизабета Стефановска – Исмена, Исидор Јовановски – Хемон, Фаик Мефаилоски – Стражар и Едис Дурмишевски – Дете.

– Според режисерот Ангелов, Креонт е антипод на Антигона, но не целосен. Бидејќи и тој ја носи во себе Антигона. Неговиот конфликт не е со Антигона, туку со самиот себе. Антигона е само надворешна проекција на конфликтот внатре во него со заглушеното премудро дете. Тоа е повеќе трагедија за Креонт отколку за Антигона. Бидејќи тој што ја прави трагичната грешка e Креонт и неговиот хибрис е арогантноста спрема детето во него. Тој што треба нешто да научи или поточно да се присети е Креонт. Aко му се довериме на Јунг кој вели дека чувството е поумно од студениот разум тогаш човекот денес мора да си ја врати загубената сила на детското „незнаење” и одново да мисли со целото суштество , а не само со умот. Антигона во една реченица е драмски текст којшто најпластично ја илустрира Кантовата максима/принцип: „Ѕвезденото небе над мене, а моралниот закон во мене.” Односно, единствено оружje на човекот против бескрајот и апсурдот е моралниот закон внатре во него – или совеста – Антигона е нејзин инструмент, наведуваат од Велешкиот театар.

„Креонт и Антигона“ е трета премиера на Велешкиот театар за оваа година, по „Елегија во пет здива“ и „Инферно“.

The post „Креонт и Антигона“ премиерно во Велешкиот театар appeared first on Република.

Претставата „Инферно“ според Данте Алигиери во режија на Дејан Пројковски и драматургија на Сашо Димоски, која пред бројната публика синоќа беше изведена на сцената на велешкиот Народен театар „Јордан Хаџи Константинов-Џинот“, поради големиот интерес на ќе има три репризи – во четврток на 3 ноември, во петок и сабота најави денеска за МИА Сашо Димоски директорот на велешкиот театар и воедно драматург на претставата.

За оваа претстава, заедно со техничкиот дел во реализацијата, се вклучени 63 лица, а подготовките започнаа на крајот на мај, а завршија со синоќешната премиера. Таа е прва од годинашната програма на Министерството за култура, а втора премиера годинава на велешкиот театар. Димоски информира дека оваа претстава е едно поинакво читање на „Пеколот“ на Данте Алигери, според претстава насловена на оригиналот до првиот дел има комедија односно „Инферно“.

Станува збор за претстава за фрлање на ново светло на пеколните аспектите на темното во секој од нас низ цивилизацијата и нејзиниот развој, појаснува Димоски.

Тој информира дека во режија на Дејан Пројковски во оваа претстава се искористени максимално севкупните најсовремени технички и технолошки капацитети и потенцијали на големата сцена на велешкиот театар. Со тоа се демонстрира неговата особеност во регионот како национална установа од областа на изведувачките уметности.

Сценограф е Валентин Светозарев, костимограф – Раде Василев, композитори – Горан Трајкоски и Сашко Костов, кореограф Олга Панго, сценски движења – Васил Зафирчев, видео Борче Конзулов и шминка Зорица Цветковска. Улогите во претставата ги толкуваат : Данте: Исидор Јовановски, Вергилиј: Васил Зафирчев, Демонот на мајкоубијците: Кети Борисовска, Демонот на завидливите: Фаик Мефаилоски, Ангелот на кривоверците: Симона Димковска, Демонот на властољупците: Благојчо Стојанов, Демонот на злобните: Томе Станковски, Демонот на прељубниците: Христина Цветаноска, Демонот на самоубијците: Марија Баркова, Луцифер: Жарко Спасовски, Беатриче: Орхидеја Дукова, Непознатата: Зорица П. Панчиќ и Мудреци: Томе Станковски, Бранко Михајлоски, Никола Петковиќ. Жители на пеколот: Кети Борисовска, Симона Димковска, Благојчо Стојанов, Томе Станковски, Христина Цветановска-Станковска, Марија Баркова, Кристина Зафирова, Бранко Михајлоски, Илин Јовановски, Никола Петковиќ, Тодор Стојковски, Срна Дуковска, Леонида Гулевска.

Освен актери од велешкиот театар во претставата учествуваат студенти од завршните години или веќе дипломирани од Универитетот „ЕСРА“.

На еден од двата плакати за претставата „Инферно“ е претставена поранешната велешка Топилница.

Злото има многу метафори и се манифестира во многу облици. Она кое што е карактеристично за Велес како културолошка средина, а во нејзиното минато е и Топилницата, затоа ја има и на еден од двата официјални плакати за претставата, појасни Димоски.

Инаку екипата на велешкиот театар работи на две нови премиери, едната за ноември, а другата за декември. Во ноември претставата „Татко“ во режија на Ненад Витанов, а во декември „Теута и Антигона“ авторски проект на режисерот Дејан Ангелов.

The post „Инферно“ на велешкиот театар, по премиерата репризно во четрток, петок и сабота appeared first on Република.

Театарот „Јордан Хаџи Константинов-Џино“ од Велес, в понеделник на 13 јуни во матичната голема сцена премиерно ќе ја изведе „Елегија во пет здива“, која е танц-театар базиран по мотиви од избрана поезија од Радован Павловски, Петре М. Андреевски, Михаил Ренџов, Ацо Шопов и Никола Маџиров.

Трансформацијата на поезијата е уметничка форма која го користи јазикот за постигнување естетски квалитети и продлабочување на нејзината семантичка содржина, преточени во танцов перформанс, е главна задача на режисерот и кореографот.

Како што информираат од велешкиот театар, во претставата се прикажани пет слики (пет здива), односно пет перформанси кои имаат за цел да создадат универзално разбирлив сценски јазик, доловен преку мултидисциплинарен пристап на подготовка и изведба преку комбинација на повеќе медиуми на сценско изразување како танц, нарација и физички театар.

Актерите/танчерите во претставата ги користат сопствените тела како субјект и како медиум за отелотворување на дадена емоционална состојба.

За подготовките на претставата, актерите/танчерите беа изложени на нов процес на работа, односно, работеа по техниката Viewpoints, адаптирана од режисерите Ен Богарт и Тина Ландау, која служи како медиум за освестување на сетилата за гестикулација, движење и креативно изразување во просторот.

Начинот на работа и апсолутната посветеност од страна на актерите за време на пробите овозможија за кореографскиот процес да се сведува на импровизација што придонесува кон автентичноста и оригиналноста на перформансите кои одново се креираат и видоизменуваат со секоја наредна изведба. Осврнувајќи се на ваква перформативна кинестетика, актерите/танчерите оформуваат сопствен и индивидуален пристап во движењето и ја будат свесноста на телото за можностите кои ги поседува при создавање на танцов вокабулар. Ставајќи акцент на формата која во себе ги сублимира контрастите и различните дискурси кои изведувачите ги поседуваат, тие меѓусебно се приспособуваат со цел да создадат оригинален сценски израз.

Претставата е во режија и кореографија на Филип Петковски а играат Васил Зафирчев, Симона Димковска, Наталија Теодосиева и Адријана Данчевска.

Билети за претставата се веќе во продажба на билетарата на Театар „Џинот“. Проектот е финансиран од Министерството за култура.

Во понеделник на 13 јуни се навршуваат 79 години од смртта на поетот и револуционер Коста Солев Рацин кој ја има меѓу другите ја има напишано и песната „Елегии за тебе“ која е дел од неговата стихозбирка „Бели Мугри“.

The post Велешкиот театар со премиера на „Елегија во пет здива“ appeared first on Република.

Актерите од Народниот театар Јордан Хаџи Констатнинов-Џинот од Велес почна со пробите за претставата „Инферно“, според „Пеколот“ од Данте Алигиери, а во режија на Дејан Пројковски. Покрај режисерот Пројковски, авторскиот тим на претставата го сочинуваат: Олга Панго како кореограф, Валентин Светозарев како сценограф, Раде Василев како костимограф, Горан Трајкоски како автор на музиката за претставата, асистентка на режисерот е Марија Петреска.

Во претставата учествува речиси целиот ансамбл на Велешкиот театар: Васил Зафирчев, Исидор Јовановски, Кети Борисовска, Зорица П. Панчиќ, Маја Љутков, Славица Манаскова, Благојчо Стојанов, Жарко Спасовски, Фаик Мефаилоски, Симона Димковска, Марија Баркова, Кристијан Саздовски…

The post По успешните театарски спектакли на сцените во регионот, Дејан Пројковски ја режира „Инферно“ во Велешки театар appeared first on Република.

Велешкиот театар „Јордан Хаџи Константинов Џинот“, конечно доби технички прием, откако седум години на сцената се играа претстави без употребна дозвола за објектот.

Извршен е упис во јавната книга на недвижности, откако последните осум месеци се работеше на остранување на сите констатирани недостатоци. Објектот седум години беше без технички прием.

По пожарот на монтажната болница во Тетово во септември, лани, надлежните решија да се отстранат сите недостатоци во зградата на Велешки театар, констатирани од страна на Државниот завод за ревизија и објектот во Велес  да има технички прием. Недостатоците во овој период од осум месеци  се отстранети, соопштија од Министерството за култура

После осум месеци пауза, на сцената на Велешки театар „Јордан Хаџи Константинов Џинот“ ќе се одигра претстава.

Новата театарска сезона, од вечерва, започува со претставата „Четири соби“ во режија на Синиша Ефтимов, работена според мотиви од истоимениот култен филм од 1995 година.

Објавен е и репертоарот за месец април, каде освен оваа претстава, публиката ќе може да ги види  „Слуга на двајца господари“ „Синиот портокал“ и „Херои“. Најавени се и две гостувања. Годинава Велешки театар доби средства од Министерството за култура по годишната програма за две претстави, „Мадам  Батерфлај “ во  режија Андреј Цветановски и  „Креон и Антигона“ – во режија Дејан Ангелов.

The post Велешкиот театар „Јордан Хаџи Константинов Џинот“ доби технички прием appeared first on Република.