Напорите за фискална консолидација на новата Влада се препознаени од меѓународните финансиски институции и за тоа даваат поддршка, истакнала министерката за финансии Гордана Димитриеска-Кочоска во Вашингтон по средбите со високи претставници на Меѓународниот монетарен фонд и Светската банка.

- На состаноците истакнавме дека фискална консолидација не можеме да направиме преку ноќ и дека за тоа е потреба време. Најважно е дека покажуваме желба  којашто може да се види од Фискаланата стратегија којашто е усогласена и предвидува намалување на буџетскиот дефицит на 4 проценти  за 2025 година. Тоа е она што е најважно, нагласила министерката во изјава за ТВ Алфа, соопштија од Министерството за финансии.

Таа потенцирала дека особено радува фактот што на состаноците е забележано оти и таа како министер за финансии и новата Влада максимално вложуваат напори да ги подобрат резултатите на државата, како и тоа дека максималните напори што ги вложуваат се препознаени од страна на претставниците на меѓународните финансиски институции.

Димитриеска-Кочоска изразила уверување дека престои одлична соработка во наредниот период и вложување напори во водење политика со постепена фискална консолидиција, внимателно трошење на буџетските средства и истовремено преземање мерки за борба со сивата економија.

Министерката за финансии во Вашингтон, стои во соопштението, учествува на Годишните средби на ММФ и СБ, каде што имала и состаноци со високи претставници на овие меѓународни финансиски институции.

The post Димитриеска-Кочоска: Препознаени напорите на Владата за фискална консолидација, изразена поддршка добиваме од ММФ и СБ appeared first on Република.

Во целост ја демантираме информацијата доставена од страна на СДСМ до медиумите, поврзана со патувањето на министерот Муцунски во Вашингтон, соопштија од МНР.

Воедно, ја информираме јавноста дека и покрај тоа што постои дипломатска пракса министер за надворешни работи на официјални настани од ваков вид да биде формално придружуван од брачен партнер, вистината е дека на ова патување министерот не беше придружуван од својата сопруга. Министерот единствено беше придружуван од дипломати од Министерството и дипломатско конзуларните претставништва, а кои се наоѓаа на списокот како дел од официјалната делегација.

Уште еднаш напоменуваме дека информациите споделени во денешното соопштение на СДСМ се целосна лага и невистина.

Претходно од СДСМ во соопштение до јавноста прашаа дали и сопругата на министерот за надворешни работи, Тимчо Муцунски исто така патувала за Вашингтон.

И за ова како и за претходниот скандал, молк од Владата и МНР за тоа дали и таа била на државен трошок. МНР никогаш не ги објави имињата на целата делегација и сега станува јасно зошто е тоа така. Очигледно е дека одењето за Вашингтон имало за цел да се истераат фамилијарни одмори, а не да се тера дипломатија. Не е ни чудно тоа што Самитот на НАТО беше дипломатски дебакл на нашата делегација, очигледно приоритетите биле други, се вели во соопштението на СДСМ.

The post МНР: Во целост ја демантираме информацијата доставена од страна на СДСМ до медиумите, поврзана со патувањето на министерот Муцунски во Вашингтон appeared first on Република.

Премиерот Христијан Мицкоски денеска одговорајќи на новинарско прашање во врска со посетата на Вашингтон посочи дека станува збор за исклучително успешна посета со интензивна агенда, во која што соговорниците имале можност да видат поинакви политичари, со јасен план и приоритети.

-Посетата во Вашингтон која што имаше интензивна агенда, јас би ја оценил како исклучително успешна посета, во која што соговорниците имаа можност да видат поинакви политичари кои што доаѓаат од тука, не политичари кои што на се велат „да“, туку политичари кои што имаат јасен план. Го претставивме нашиот план, кажавме кои се нашие приоритети и како граѓани и како држава, и мислам дека од другата страна добија информација за тоа што до сега не го слушале, изјави денеска Мицкоски од Охрид.

Тој додаде дека достоинствено ќе се бранат интересите на државата и потенцираше дека во државата мора да владее правото, а институциите да бидат функционални.

-Ние нема да бидеме политичари кои што надвор за се викаат „да“ и ја држат раката за срцето со подведена кичма. Напротив, достоинствено ќе ги браниме нашите интереси, за нешто ќе се сложиме за нешто нема да се сложиме. Тоа е она кое што е наш приоритет. Ние немаме намера македонските граѓани, ниту Македонија да ги ограбуваме. Напротив, мора да владее правото, мора институциите да се функционални, мора политичарите да бидат слуги на граѓаните во рамките на можностите. Заврши времето кога имавме неколку среќни политичари и стотици илјади несреќни граѓани, сега треба обратно да биде работата поставена, сосема спротивно од тоа што беше до сега, рече Мицкоски.

The post Мицкоски: Посетата на Вашингтон беше исклучително успешна, ги претставивме нашиот план и приоритети appeared first on Република.

На маргините на НАТО Самитот во Вашингтон претседателот на Владата на Република Македонија, Христијан Мицкоски оствари повеќе билатерални средби и разговори.

Мицкоски се сретна со потсекретарот за политички прашања во американскиот Стејт департмент Џон Бас. Соговорниците разговараа за стратешките интереси на државата, за македонските напори кои се насочени кон исполнување на истите, како и за интеграцијата и напредокот на регионот.

Премиерот Мицкоски подвлече дека борбата против организираниот криминал и корупција како и владеењето на правото се приоритети на новата Влада.

„Премногу долго корупцијата навлегуваше во секоја пора на институциите и го оневозможуваше напредокот. Тоа се менува преку системска активност која подразбира непристрасност во спроведувањето на законите и поддршка на професионалците кои се задолжени за спроведување на законите. Потребни се промени кои ќе влеат надеж во институциите“, истакна Мицкоски.

Тој додаде дека иднината на регионот е во тесна соработка на државите, и насоченост кон работите кои не обединуваат како и создавање на иднина која ќе донесе просперитет на сите.

Премиерот Мицкоски оствари средба и со претседателот на Чешка Петр Павел. Соговорниците разговараа за искористување на потенцијалите за економска и политичка соработка.

Претседателот на македонската влада Мицкоски истакна дека иднината на регионот е во полноправно членство во Европската Унија и дека на тој план се направени премногу отстапки и откажувања кои не се вреднувани до крај и дека кочењето преку неразумните спорови мора да престанат. Граѓаните со право бараат подобар живот и дека Владата е целосно посветена на подобар стандард и исполнување на високите критериуми за интеграција.

Мицкоски оствари разговор и со премиерката на Естонија, Каја Калас со која разговараше за интензивирање на соработката и поддршка на македонските ЕУ интеграции.

The post Мицкоски на повеќе билатерални средби во Вашингтон: Иднината на регионот е во борбата за посилна економија, соработка и создавање на иднина appeared first on Република.

Македонскиот министер за одбрана Владо Мисајловски во рамки на посетата на Вашингтон, вчера присуствувал на свечена вечера на покана на Секретарот за одбрана на САД, Лојд Остин.

Настанот бил организиран за министрите за одбрана.

-Имав можност да ги запознаам колегите и заедно да поразговараме за зајакнување на билатералната и мултилатералната соработка меѓу министерствата за одбрана, истакнува министерот Мисајловски.

The post Мисајловски на свечена вечера на покана на американскиот секретар за одбрана appeared first on Република.

Заедно со колегите Пелеши, Запријанов и Кросето го потпишавме Писмото за намери за воспоставување на хармонизиран коридор за воена мобилност, напиша на Фејсбук министерот за одбрана, Владо Мисајловски.

Иницијативата на Италија, Македонија, Албанија и Бугарија ќе овозможи побрз проток на воени сили и опрема со што значително ќе се зголеми ефикасноста на воената логистика и операциите во случај на потреба. Писмото за намери е практичен придонес кон напорите на Алијансата за зајакнување на одвраќањето и одбраната на целата територија, зајакнување на воената мобилност и зајакнување на соработката меѓу НАТО и ЕУ, истакна Мисајловски.

Ова е прв меѓународен документ потпишан од новата Влада, додаде Мисајловски.

The post Мисајловски во Вашингтон потпиша Писмо за намера за воспоставување на хармонизиран коридор за воена мобилност appeared first on Република.

За нас како малоброен народ е важно на овој собир да ги донесеме најзначајните одлуки кои што ќе моделираат иднината на човештвото во следните декади, за што и ние ќе го дадеме својот придонес, порача премиерот Христијан Мицкоски во изјавата пред почетокот на работниот дел од вториот ден на Самитот на НАТО во Вашингтон.

Како држава сме подготвени да го додадеме својот придонес на сето она што претставува вредност. Тука сме заедно со нашите сојузници за да ја потврдиме нашата посветеност, како и досега, така и во иднина, дека ќе го промовираме мирот, стабилноста и владеењето на меѓународното право, истакна Мицкоски, кој беше пречекан од претседателот на САД Џо Бајден и генералниот секретар на НАТО Јенс Столтенберг, како и другите учесници на Самитот.

Мицкоски посочи дека „македонската Влада сакаме да биде рамо до рамо со нашите сојузници и да го потврдиме слободарски дух на македонскиот народ и на македонските граѓани“.

Остануваме посветени на исполнување на обврските, односно минимум два проценти од БДП да бидат инвестирани во модернизација на нашата Армија, нешто коешто е многу важно, затоа што само на тој начин ќе ги следиме современите чекори и ќе ја следиме најголемата светска одбранбена алијанса што некогаш постоела, додаде Мицкоски.

Тој изрази и задоволство што заедно со останатите лидери на земјите членки на НАТО присуствува на ова одбележувањето на 75-годишнината од формирањето на, како што рече, најголемата одбранбена алијанса во светската историја.

Мицкоски на Самитот на НАТО во Вашингтон ја предводи македонската делегација во чиј состав се и министрите за надворешни работи и надворешна трговија Тимчо Муцунски, за одбрана Владо Мисајловски и за внатрешни работи Панче Тошковски.

The post Мицкоски: Ја потврдуваме нашата посветеност на промовирање на мирот, стабилноста и владеењето на меѓународното право appeared first on Република.

Македонскиот премиер, Христијан Мицкоски, престојува во Вашингтон на Самитот по повод 75 годишнината од формирањето на НАТО.

https://republika.mk/vesti/makedonija/mitskoski-idninata-na-regionot-e-ekonomskata-sorabotka-i-investitsiite-kako-i-apsolutna-borba-protiv-koruptsijata-i-organiziraniot-kriminal/

За време на престојот во американската престолнина, Мицкоски остварува голем број средби со највисоките претставници на земјите членки на Алијансата.

https://republika.mk/vesti/makedonija/mitskoski-prodolzhuvame-so-nashite-sojuznitsi-da-sme-posveteni-na-mirot-stabilnosta-i-vladeeneto-na-megunarodnoto-pravo/

Меѓу најзначајните такви средби, се разговорите што Мицкоски ги имаше со претседателот на САД, Џо Бајден.

Македонскиот премиер имаше средба и со досегашниот генерален секретар на НАТО, Јенс Столтенберг.

На официјалниот почеток на НАТО самитот во Вашингтон. За државните интереси, за јакнење на демократијата и подобар живот на нашите граѓани“, порача Мицкоски по средбата со Бајден и Столтенберг.

The post Мицкоски на средба со Бајден и Столтенберг: За државните интереси, за јакнење на демократијата и подобар живот на нашите граѓани appeared first on Република.

Во Вашингтон продолжува Самитот на НАТО, со кој се одбележуваат 75 години од формирањето на Алијансата во 1949 година. На Самитот учествува и македонска владина делегација предводена од премиерот Христијан Мицкоски во чиј состав се и министрите за надворешни работи и надворешна трговија Тимчо Муцунски, за одбрана Владо Мисајловски и за внатрешни работи Панче Тошковски.

Во рамките на посетата на Вашингтон, учествувавме на отворањето на НАТО самитот кој продолжува и во текот на денешниот. Продолжуваме со одличните билатералните средби со високи американски претставници во Вашингтон.
Се бориме за македонските позиции на секое поле но и за приоритетите на НАТО алијансата и важноста да се зачува демократијата и мирот.
Завршува времето на лаги, неспособност и неработа. Почнува време на реформи, инвестиции, дигитална трансформација.
Мораме да дадеме добар пример за сите во изнаоѓање на пат до подобар животен стандард и сигурна држава која припаѓа на сите граѓани, пишува Мисајловски на Фејсбук.

The post Мисајловски: Се бориме за македонските позиции на секое поле, но и за приоритетите на НАТО алијансата и важноста да се зачува демократијата и мирот appeared first on Република.

Премиерот Христијан Мицкоски на неговиот фејсбук профил објави дека остварил средба со конгресменката Клаудија Тени, копретседавач на македонската група за пријателство на Конгресот на САД.

Разговаравме за интензивна соработка базирана на принципи за пријателство, меѓусебно почитување и заемна поддршка. Стратешките интереси се остваруваат преку интензивни контакти и политика на принципи. Се бориме за македонските позиции на секое поле, напиша Мицкоски на фејсбук.

Во рамки на посетата на Вашингтон САД, претседателот на Владата на Република Македонија, Мицкоски оствари повеќе средби и состаноци. Тој имал продуктивна и пријателска средба со конгресменот Брендaн Бојл, на која разговарале за приоритетите на НАТО алијансата и важноста да се зачува демократијата и мирот, а биле промовирани и економските можности и потенцијали кои ги нуди државата, како и одлучната битка против корупцијата и криминалот што е и клучна определба на новата влада.

Како што соопштија од владината прес-служба, премиерот Мицкоски имал и работна средба со претседателката на NDI, Тамара Кофман Витес, со која разговарале за демократските процеси во државата.

Еден од најакутните проблеми е корупцијата за што како нова Влада работиме интензивно за нејзино искоренување, што подразбира и одговорност за престапниците на законот. Очекувањата на граѓаните не смееме да ги изневериме, да работиме на воспоставување на механизми каде граѓанинот ќе биде заштитен исто како и неговите интереси. Завршува времето на лаги, неспособност и не работа. Почнува време на реформи, инвестиции, дигитална трансформација. Мораме да дадеме добар пример за сите во изнаоѓање на пат до подобар животен стандард и сигурна држава која припаѓа на сите граѓани, подвлекол на средбата Мицкоски.

Мицкоски остварил средба и со поранешниот амбасадор на САД во земјава Филип Рикер, на која разговарале за предизвиците со кои се соочува државата, како и поддршката која е потребна за остварување на стратешките интереси.

Мораме да ја менуваме реалноста и подобруваме животот на граѓаните, посочил Мицкоски.

The post Средба на премиерот Мицкоски со конгресменката Клаудија Тени, копретседавач на македонската група за пријателство на Конгресот на САД appeared first on Република.

Во рамките на посетата на Вашингтон САД, претседателот на Владата на Република Македонија, Христијан Мицкоски оствари повеќе средби и состаноци.

Премиерот Мицкоски оствари продуктивна и пријателска средба со конгресменот Брендaн Бојл. Разговараа за приоритетите на НАТО алијансата и важноста да се зачува демократијата и мирот. На средбата се промовираа економските можности и потенцијали кои ги нуди државата, како и одлучната битка против корупцијата и криминалот што е и клучна определба на новата влада.

Претседателот на Владата имаше и работна средба со претседателката на NDI, Тамара Кофман Витес со која разговараа за демократските процеси во државата.

Еден од најакутните проблеми е корупцијата за што како нова Влада работиме интензивно за нејзино искоренување, што подразбира и одговорност за престапниците на законот. Очекувањата на граѓаните не смееме да ги изневериме, да работиме на воспоставување на механизми каде граѓанинот ќе биде заштитен исто како и неговите интереси. Завршува времето на лаги, неспособност и не работа. Почнува време на реформи, инвестиции, дигитална трансформација. Мораме да дадеме добар пример за сите во изнаоѓање на пат до подобар животен стандард и сигурна држава која припаѓа на сите граѓани, подвлече на средбата Мицкоски.

Тој оствари средба со поранешниот амбасадор на САД во земјава Филип Рикер. Разговараа за предизвиците со кои се соочува државата, како и поддршката која е потребна за остварување на стратешките интереси.

Мицкоски разговарал и за потенцијалот кој го нуди регионот за економска и политичка соработка.

Мораме да ја менуваме реалноста и подобруваме животот на граѓаните, посочи Мицкоски.

The post Мицкоски: Со новата Влада почнаа реформите, инвестициите, дигиталната трансформација, за подобар животен стандард и сигурна држава која припаѓа на сите граѓани appeared first on Република.

Претседателот на Владата на Република Македонија Христијан Мицкоски оствари повеќе билатерални средби со високи американски претставници во Вашингтон.

Вчера заедно со делегацијата од Владата, како и претседателот на Собранието Африм Гаши оствари средба со конгресмените Пит Сешнс, Роберт Адерхолт, Џо Вилсон, Џон Муленар, како и со Џејмс Џонс поранешен советник за национална безбедност на Барак Обама.

На средбата од двете страни беа потенцирани добрите билатерални односи со Соединетите Американски Држави.

Се разговараше за можноста за искористување на економските потенцијали и политичка поддршка во остварување на стратешките интереси на државата. Се влегува во инвестициски циклус за сериозни капитални проекти во инфраструктурата, енергетиката и повеќе други полиња, истакна Мицкоски.

Воедно беше посочено дека една од главните цели претставува борбата против организираниот криминал и корупција. Од страна на конгресмените беше изразена силна поддршка, како силен пријател и сојузник на САД.

The post Мицкоски на средба со високи американски претставници во Вашингтон: Една од главните цели преставува борбата против организираниот криминал и корупција appeared first on Република.

Со задоволство да кажам дека за кратко време уште една нова инвестиција имаме кај нас. Компанијата Вабтек одлучи да го зголеми своето производно портфолио со уште една дополнителна инвестиција која што ќе биде во Технолошко индустриско развојната зона Скопје, изјави претседателот на Владата Христијан Мицкоски од Вашингтон по средбата со Грег Сброко, извршен потпретседател на американската компанија Вабтек.

Премиерот Мицкоски истакна дека инвестицијата ќе биде 35 милиони евра и станува збор за нови повеќе од стотина работни места.

Тоа значи дека ќе имаме зголемен извоз, тоа значи дека ќе имаме позитивно влијание врз Бруто домашниот производ. Она што претставува главна обврска, фокус и посветеност на оваа влада е економијата и борбата против криминалот и корупцијата, рече Мицкоски.

Премиерот Мицкоски нагласи дека Владата на овој начин сака да покаже дека практично ја менува климата во земјава, нешто коешто досега беше навистина збунувачки како за граѓаните, така и за домашните и странските инвеститори.

Компанијата Вабтек ќе го има мојот личен фокус, очекувам дека оваа инвестиција ќе биде многу скоро завршена и дека не само оваа инвестиција ќе можеме да додадеме уште некоја нова инвестиција којашто ќе дојде од компанијата Вабтек, изјави Мицкоски.

Премиерот Мицкоски на крај потенцираше дека Владата покажува дека државата се сака со дела и оваа инвестиција е добра вест за македонските граѓани и добра вест за македонската економија.

Извршниот потпретседател на Вабтек истакна дека со премиерот Мицкоски се разговарало не само за проширување на производството на Вабтек во земјава, туку и повеќе можности како на компанијата така и за Република Македонија.

Инвестицијата ќе биде колку 35 милиони евра и околу 100 работни места која ќе биде во околината на Скопје, изјави Грег Сброко, извршен потпретседател на Сброко.

The post Мицкоски од Вашингтон: Се менува климата во Македонија, за кратко време нова инвестиција Вабтек инвестира 35 милиони евра и отвора над 100 работни места appeared first on Република.

Плодна и пријателска вечера со Ричард Гренел, американски дипломат, поранешен директор на американската разузнавачка служба и добар познавач на состојбите на Балканот. Економија, енергетика и владеење на право, теми за продлабочување на соработката.

https://republika.mk/vesti/makedonija/mitskoski-i-makedonskata-dijaspora-vo-vashington-razgovaraa-za-poddrshka-i-lobirane-za-makedonskite-interesi/

The post Mицкоски се сретна со Ричард Гренел appeared first on Република.

Пред почетокот на самитот на НАТО, посветив внимание за позициите и прашањата на нашата дијаспора, соопшти денеска премиерот Христијан Мицкоски, којзаедно со министерот за одбрана Владо Мисајловски, министерот за надворешни работи и трговија Тимчо Муцунски како и министерот за внатрешни работи Панче Тошковски ја започнаа официјалната посета на САД, каде ќе бидат дел од одбележувањето на 75 години НАТО.

Имав одлична средба со Мето Коловски и Обединетата македонска дијаспора со кои разговаравме за поддршка и лобирање за македонските интереси, порача Мицкоски.

Мицкоски најави дека во Вашингтон ќе оствари голем број на билатерални средби со државници од земјите членки на Алијансата, но и средби со бизнисмени и со македонската дијаспора, на кои ќе им ги презентира придобивките од инвестирање во Макеоднија. Тој ја најави и новата странска инвестиција на компанија од листата на 500 најголеми компании во светот.

The post Mицкоски и македонската дијаспора во Вашингтон разговараа за поддршка и лобирање за македонските интереси appeared first on Република.

Тензиите меѓу Вашингтон и Пекинг и поделбата на геополитички блокови претставуваат закана за глобалната економија, изјави заменичката на генералниот директор на Меѓународниот монетарен фонд (ММФ) Гита Гопинат во говор на Универзитетот Стенфорд во Калифорнија.

Се повеќе земји ширум светот се загрижени за својата економска и национална безбедност и врз основа на тоа одлучуваат со кого да тргуваат и во кого да инвестираат, рече Гопинат.

Таа додаде дека поради тоа земјите се повеќе „бираат страна“ меѓу САД и Кина.

Гопинат истакна дека странските директни инвестиции исто така се пренасочуваат по геополитички линии, додека некои земји ја преиспитуваат употребата на доларот во нивните меѓународни трансакции и резерви.

The post ММФ: Тензиите меѓу Вашингтон и Пекинг се закана за глобалната економија appeared first on Република.

Две лица се убиени, а пет се ранети во оружен инцидент што се случи денеска во Вашингтон, соопшти полицијата. Си-Ен-Ен јави дека пукањето било пријавено околу 3 часот по полноќ по локално време, во близина на рекреативниот центар Кенеди.

Засега нама информации кој отворил оган и што довело до пукањето, кое се случило на десетина блокови североисточно од Белата куќа.

Жртвите и повредените, сите возрасни, се пренесени во локалните болници, изјави помошник началникот на Метрополитен полицијата Џефри Керол.

- Ги замолуваме сите кои можеби имаат каква било информација поврзана со овој инцидент или биле сведоци, да се обратат до Метрополитен полицискиот оддел, рече Керол.

Претходно, полиција објави на социјалната мрежа X, објави дека инспекторите бараат „црнец, со просечна градба, облечен во светли панталони и сина маица“

The post Пукање во Вашингтон – две лица се убиени, петмина се ранети appeared first on Република.

Потпретседателот на ВМРО-ДПМНЕ, Владо Мисајловски е во работна посета на Вашингтон, каде што на покана на Амбасадата на САД во Македонија, има можност да учествува на Програмата за меѓународни лидери, организирана од американската влада.

Денеска остваривме повеќе средби со високи претставници на Стејт Департментот, како и различни организации од политичкиот и општествениот живот во Вашингтон. Разговаравме за предизвците во надворешната политика во Европа, но и за можностите за продлабочување на соработката помеѓу двете држави.
Благодарност до Амбасадата на САД за оваа можност, да бидам дел од оваа програма каде што учествуваат новинари од медиумите од цела Европа, претставници од ЕУ, невладиниот сектор и различни експерти од различни институции во Европа, објави Мисајловски на својот профил на Фејсбук.

The post Владо Мисајловски во посета на САД, учествува на Програмата за меѓународни лидери appeared first on Република.

Претседателот на Претставничкиот дом на американскиот Конгрес, Кевин Мекарти, денеска соопшти дека не му дозволил на украинскиот претседател Володимир Зеленски да зборува пред конгресмените.

Тој кажа дека немало доволно време за говор на украинскиот претседател поради нивна презафатеност, пренесе американската телевизија Ен-Би-Си.

Мекарти потсети дека Зеленски веќе зборувал пред Конгресот за време на неговата претходна посета на Вашингтон во декември 2022 година.

Зеленски денеска пристигна во Вашингтон на разговари со конгресмени, особено со републиканците, кои се повеќе се противат на испраќање дополнителна помош за Украина.

По средбите со нив, украинскиот претседател во Белата куќа ќе се сретне со американскиот претседател Џо Бајден.

The post Мекарти не му дозволи на Зеленски да зборува пред американскиот Конгрес appeared first on Република.

Градоначалничката на Град Скопје, Данела Арсовска е во официјална посета на Вашингтон, каде оствари средба со повеќемина високи претставници на Стејт департментот во врска со проектот поддржан од САД, за ефикасно управување со финансии и ресурси на локалната самоуправа, информираат од Одделението за односи со јавност при Градот.

Арсовска имаше средба со претставникот на Стејт департментот одговорен за Европски и Евроазиски работи, Бенсон Сивек, како и со Брендон Банди, главен координатор на Глобалната агенција за борба со корупција при Стејт департментот. На средбата се разговараше за пристапите и методите на локалната самоуправа за планирање на буџетот и ефикасно менаџирање со финансиите и ресурсите, со цел спроведување на практики на САД од етикчкиот кодекс во јавните институции и како истиот влијае врз транспарентноста, отчетностa и адекватното управување со ресурсите во справување со корупцијата, се наведува во соопштението.

На состаноците станало збор и за „најдобрите практики кои ги применуваат локалните власти во САД за јавно-приватни партнерства за да се подобрат капацитетите на локалната власт, при што беше нагласено дека постои простор за натамошно интензивирање на соработката помеѓу двете пријателски држави, размена и примена на искуствата на САД во Македонија во борбата против корупцијата, која е рак на македонското општество“.

The post Скопската градоначалничка е во Вашингтон appeared first on Република.