На еден од јавните базени во населбата Тарговек во Варшава дошло до тешко труење со хлор, а од 23 лица кои пливале во базенот, 21 лице се пренесени во болница, соопшти денеска полицијата.

Според информациите, 17 лица се задржани на лекување.

На местото на настанот пристигнале полициски службеници, противпожарни екипи и екипи на итната медицинска помош.

Забележано е дека во моментот на хоспитализација сите повредени, вклучително и деца, со симптоми на труење со хлор биле свесни, пренесува ПАП.

Две лица, и покрај симптомите на труење, одбиле хоспитализација.

Како што неофицијално дознава ПАП, стандардното ниво на хлор во водата на базенот на дното било надминато десет пати, а на површината на водата повеќе од три пати.

Претставниците на спасувачките служби уверуваат дека локалните жители не се во животна опасност бидејќи не е пронајден хлор во воздухот.

The post Големо труење со хлор во базен во Варшава, 21 лице пренесени во болница appeared first on Република.

Непознати лица синоќа фрлиле молотов коктел врз единствената зачувана предвоена синагога во Варшава која сѐ уште служи како место за богослужба и се обиделе да ја запалат, соопшти полската полиција.

– Командата на полицијата добила пријава за обид за палење на синагогата Нозика во Варшава. Полицијата води истрага во врска со тоа – изјави Јацек Вишњевски од варшавската полиција за полските медиуми.

– Рабинот Шудрих пишува дека некој се обидел да ја запали синагогата со помош на молотов коктел. Фала му на Бога, никој не беше повреден. Интересно, кој се обидува да ја наруши годишнината од нашето влегување во Европската Унија? – реагира на социјалната мрежа Икс, шефот на полската дипломатија Радослав Сикорски.

Таа синагога се реновира од 2008 година.

The post Непознати лица се обиделе да запалат синагога во Варшава appeared first on Република.

Полската национална авиокомпанија „ЛОТ“ наредната летна сезона ќе воспостави нова сезонска авионска линија до Охрид.

Според најавите од „ЛОТ“, планирано е новата линија од аеродромот „Радом“ до аеродромот „Свети Апостол Павле“ да стартува на 24 јуни и да оперира еднаш седмично секој понеделник до 23 септември.

Билетите за новата авионска линија се достапни за резервации преку веб-страницата на авиокомпанијата.

Аеродромот „Радом“ се наоѓа на 110 километри од центарот на Варшава. Поранешниот воен аеродром во 2015 година беше пренаменет за цивилна воздушна пловидба и опслужување комерцијални летови.

The post Наредното лето сезонски летови на полскиот авиопревозник „ЛОТ“ од Варшава до Охрид appeared first on Република.

Утре во културниот центар „Виланов“ во Варшава, Полска ќе се одржи изложбата на Друштвото на ликовни уметници (ДЛУМ) во соработка со Друштвото на писателите на Македонија (ДПМ), „Експериментален цртеж и експериментална поезија".

Изложбата е во организација на Македонската Амбасада во Варшава и в.д. Амбасадорот Илија Псалтиров.

The post Изложба „Експериментален цртеж и експериментална поезија” во Варшава appeared first on Република.

Берлин денеска јасно стави до знаење дека системите за ПВО „Патриот“ што предложи да и ги обезбеди на Полска се наменети за употреба само на територијата на НАТО, спротивставувајќи се на барањата на Варшава системот да биде испратен во Украина.

„Овие системи Патриот се дел од интегрираната воздушна одбрана на НАТО, што значи дека се наменети да бидат распоредени на територијата на НАТО“, рече германската министерка за одбрана Кристин Ламбрехт во Берлин.

„За распоредување надвор од територијата на НАТО ќе бидат потребни претходни дискусии со НАТО и сојузниците“.

Берлин и го понуди на Варшава системот за ПВО „Патриот“ за да и помогне на Полска да го обезбеди нејзиниот воздушен простор откако проектил падна на полска територија минатата недела, при што загинаа две лица. Полскиот министер за одбрана Мариуш Блашчак вчера изјави дека побарал од Германија наместо тоа да го испрати „Патриот“ во Украина.

The post Берлин до Варшава: Германските системи за воздушна одбрана „Патриот“ се наменети за територијата на НАТО appeared first on Република.

Украинска новинарка и активистка гневна до солзи на денешната прес -конференција во Полска, побара од британскиот премиер, Борис Џонсон западните земји со сила да воведат забрана за летање над Украина.

Моите колеги стравуваат дека ќе бидат застрелани. Харков денеска беше бомбардиран. Украинските жени и деца се плашат од бомбите и ракетите кои паѓаат од небо. Украинците од очај го молат западот да го заштити воздушниот простор, а вие зборувате дека тоа ќе предизивика Трета светска војна. Која е алтернативата премиере? Речиси е невозможно да се помине границата, колоните се долги 30 километри. Замислете да мора да ја преминете границата со деца. Велика Британија ни гарантираше безбедност. Зошто тогаш сте во Полска, а не во Киев. Се плашите, НАТО не сака да се вклучи бидејќи тоа може да предизвика Трета свеска војна. Таа веќе почна, а украинските деца се тие кои ја трпа, му се обрати новинарката на Џонсон.

The post Украинска новинарка до Борис Џонсон: Велика Британија ни гарантираше безбедност. Зошто тогаш сте во Полска, а не во Киев? appeared first on Република.