Ракометниот клуб Пелистер се пласираше во финалето на Купот на Македонија откако славеше со 29:33 (13:16) против Тиквеш.

Битолчани ја оправдаа фаворитската улога, но се помачија за да дојдат до победата.

Радивојевиќ со десет голови беше најдобар во составот на Пелистер, Кузмановски даде пет, по четири реализираа Тајник и Пешевски.

За Тиквеш, Симиќ и Мијатовиќ дадоа по пет гола.

Во битката за трофејот, Пелистер ќе ги измери силите со подобриот од дуелот меѓу Вардар и Алкалоид.

Нивниот натпревар се игра денеска со почеток од 19:30 часот во СЦ „Борис Трајковски

The post Денеска ќе се знае дали Вардар ќе игра со Пелистер во финалето на Купот appeared first on Република.

Македонскиот ракометен првак Еурофарм Пелистер утре гостува во Норвешка во последниот свој натпревар сезонава во Лигата на шампионите.

Надеж дека битолчани ќе дојдат до првите бодови на дуелот со Колштад изрази тренерот Бранислав Ангеловски.

- Нема небитен натпревар во Лигата на шампионите. Од оваа сезона треба да извлечеме поука за во иднина да бидеме поконкурентни. Во последното коло се среќаваме со Колштад, одиме да се надигрување со нив и да извлечеме добар резултат. Мора да играме максимално во сите 60 минути. Битола се покажа дека може да организира натпревари од Лигата на шампионите. Не ми е сеедно што ја завршуваме сезоната вака, тоа не е лесно, но ние сме екипа со најмал буџет во ЛШ. Треба да гледаме напред. И јас сакам да бидеме како Вардар, но мора да се потенцира дека тоа беше национален проект. За нешто поголемо треба многу повеќе финансии, истакна Ангеловски.

Натпреварот се игра утре со почеток во 18:45 часот.

Еурофарм Пелистер ги загуби сите 13 средби од почетокот на сезоната во елитното натпреварување.

The post Ќе направи ли Еурофарм рекорд во ЛШ со сите порази? appeared first on Република.

Ракометната федерација на Македонија (РФМ) попладнево го објави распоредот за натпреварите од претстојното 8. коло во машката Суперлига во кое нема измени во програмата во која за в недела во Битола е закажано големото дерби меѓу Еурофарм Пелистер и Вардар 1961.

Раководството на Вардар 1961 вчера побара од РФМ одложувањето на дуелот во Битола поради неповолна здравствена состојба во тимот, нведувајќи дека повеќе играчи и членови на стручниот штаб се болни од тешка вироза.

„Заклучно со  последниот тренинг на екипата, имаме 15-тина играчи и членови на Стручен штаб кои се зафатени од тешка вироза и не се во можност ниту да тренираат, ниту да играат натпревар“, соопшти во четвртокот Вардар 1961.

Актуелниот шампион Еурофарм Пелистер во денешната реакција посочи дека не прифаќа одложување на натпреварот кој е закажан за в недела од 18 часот во салата „Боро Чурлевски“.

„Согласно пропозициите за натпревари во Суперлигата, постојат услови за одигрување на натпреварот Еурофарм Пелистер – Вардар 1961 и ние, како и секогаш, максимално ќе се придржуваме кон пропозициите“, се наведува во клупското соопштение на битолскиот шампион.

По воведните седум кола, Вардар 1961 е првопласиран на табелата во групата Б со максимален ефект, пред Еурофарм Пелистер, кој има ефект од шест победи и еден пораз

The post Дербито во Битола сепак ќе се игра во недела appeared first on Република.

Не беше напнато само на трибините во „Јане Сандански“ туку и на теренот.

Во второто полувеме имаше остар дуел меѓу Куни Моралес и Каспер Кисум по што  се вмеша и тренерот на Вардар Недановски, кој го турна Ојлески.

The post Kaко за малку ќе се степаа и играчите на Вардар и Пелистер appeared first on Република.

Македонскиот ракометен шампион Вардар вечерва во Битола го совлада Еурофарм Пелистер со 26:23, полувреме 11:11, и го отвори патот кон нова титула.

Битолските ракометари полната спортска сала „Младост“ ја напуштија со наведнати глави и исвиркани од публиката која очекуваше победа и враќање на шампионскиот пехар кој последен пат во Битола беше подигнат во 2005 година.

Во натпревар полн со тактизирање и тензија која повеќе ја создаваа навивачките групи на двата тима, вардарци во сите 60 минути беа во водство, односно уште од самиот почеток на средбата која во првото полувреме заврши нерешено со 11:11. Но, во вторите 30 минути гостите од Скопје не дозволија никакво изненадување, успешно го завршуваа секој напад, а на крајот и славеа со 26:23.

Најдобар и најефикасен играч на натпреварот беше Моралес кој постигна 9 годлови, додека во домашниот тим Обрадовиќ постигна 5 голови.

На крајот од средбата имаше мали инциденти со навивачи кои полицијата навремено ги реши.

The post За титула ќе почекаат догодина: Вардар го победи Пелистер appeared first on Република.

По победата на Еурофарм Пелистер во Скопје, капитенот на вардарци Столе Стоилов ја почести противничката екипа со гајби пиво.

На денешниот празник пред натпреварот, тој од „Чкембарите“ во првиот ред доби првомајски колбаси за подарок, пренесува „Гол.мк“.

The post Му вратија за пивото – „Чкембари“ со колбаси за Стоилов appeared first on Република.

Жестока е атмосферата во преполната сала „Боро Чурлевски“ во Битола каде силите ги одмеруваат вечните ривали Вардар и (Еурофарм) Пелистер.На полувреме е нерешено, со резултат од  11:11.

Македонскиот ракометен шампионат се ближи кон својот крај, а исходот за тоа дали Вардар ќе ја одбрани титулата или Еурофарм Пелистер ќе го преземи тронот во голема мера ќе биде познат вечер по одигрување на големото дерби.

The post Реми на полувремето од вечното дерби appeared first on Република.

Најголемото македонско дерби меѓу Вардар и Еурофарм Пелистер ќе се одигра ќе биде вистински спектакл.Влезот ќе биде слободен.

Натпреварот меѓу Вардар и Еурофарм Пелистер ќе се игра в сабота со почеток во 17:00 часот.

The post Слободен влез на најголемото македонско дерби Вардар-Пелистер appeared first on Република.