Пресвртница на денешното рочиште за убиствата на 14-годишната Вања Ѓорчевска и на 74-годишниот Панче Жежовски. Обвинетиот Влатко Кешишев доставил изјава преку затворот до судот, во која тврди дека првообвинетиот Љупчо Палвески Палчо не бил со другите обвинети кога се случиле киднапирањата и убиствата, туку спиел во штабот на партијата Десна.

Кешишев тврди дека едниот од обвинетите, Велибор Манев, им се заканувал и вршел притисок првично да каже дека Палевски е организатор и дека тој пукал. Според неговата нова изјава, само тој, Боре Видевски и Манев биле заедно на местата на настаните во Велес и Скопје.

На крајот од денешното рочиште на кое сведочеа тројца сведоци, судијата ја подели писмената изјава на Кешишев на адвокатите на сите обвинети. За оваа изјава не беше запознаен ниту адвокатот на Кешишев.

Адвокатите не ја коментираа изјавата, само рекоа дека сите обвинети ќе се соочат еден со друг во текот на судењето и дека тогаш ќе се расчисти работата.

https://republika.mk/vesti/makedonija/ne-znam-shto-mi-smislil-oliver-spasovski-mozhebi-ke-treba-da-baram-politichki-azil-vo-belorusija-mu-rekol-palcho-na-prijatelot/

Денеска сведочеше и Стефан Димковски, основач на партијата Десна и човек кој од Србија преку Бугарија, со кола го однел Палевски до Турција.

Палевски му се јавил на први декември лани, откако според обвинението, на 27 ноември ја киднапирал, убил и веќе ја закопал и Вања.

„Ми рече да го земам од Србија, да го вратам назад во Скопје“, сведочеше Димковски кој потоа, откако Палевски сменил план, го одвезол во Беликесир, Турција.

Јас стигнав околу 16 часот во Белград. Го зедов од хотел во центарот. Веднаш тргнавме назад кон Скопје. И некаде по пат застанавме на ручек, бидејќи јас бев гладен. Додека се возевме, ми кажа дека бил во Белград да договори нешто за 12-ти декември, кога требаше да биде годишнина од партијата“, одговараше сведокот.

Но, Палевски го сменил планот. Му кажал, да не чекаат лет за Истанбул за утре, туку ако е одморен, да го префрли со кола до Истанбул“.

Палевски во Турција купил нова сим-картичка и изнајмил куќа за 3 месеци.

Пред да замине од Турција, Димовски забележал дека Палевски е вознемирен. Го прашал што му е, му кажал дека имало апсење, полицијата го истражува пикапот и дека го мешаат и него. Му наброил кои од партијата Десна ги уапсиле, па ги пуштиле. Палевски му кажал дека „го местат“.

https://republika.mk/vesti/crna-hronika/vozachot-na-palcho-ako-mene-nekoj-mi-lepi-takva-rabota-i-jas-bi-bil-bled/

Судењето продолжува в понеделник.

The post Кешишев се предомисли, Палчо не бил со нив кога се случиле убиствата appeared first on Република.

Јас сум еден од основачите на партијата Десна изјави денеска сведокот Стефан Димковски. Со Палевски се познаваме од 2017 година, а комунициравме преку Фејсбук, Телеграм и на телефон, рече сведокот на рочиштето.

-Палевски ми се јави на први декември на Телеграм и побара да го земам од Белград каде ми рече дека е на прегледи. Се согласив. Рече дека треба да го вратам во Скопје. Медицинска документација не видов дали носеше. него имаше два, телефони, од кои еден странски број, српски.

Пред Ниш му рекол дека мора да влезат таму.

Зборуваа со адвокатот Влатко. Тогаш ми кажа дека се променил планот и дека ќе мора да оди во Турција на операција. Ми понуди да го "џитнам" за Турција. Ми рече да го однесам до некој Турчин кој знаел македонски и тој ќе го носел по клиники. Во која болница не ми кажа-објасни сведокот.

На граничните премини немале никакви проблеми, единствено Палевски на бугарската граница го повикале да даде адреса каде ќе престојува. Во Турција се сместиле во некоја куќа.

Ми рече дека куќата ја земал под наем за 150 евра за три месеци. Тоа беше една стара куќа. Со себе имаше три торби. Ми рече дека една торба е со опрема и оти планирал и оттаму да прави поткаст-објасни сведокот кој на трети декември си заминал од Турција.

-Пред заминување ми кажа дека имало некави "дешавки" за девојчето во Скопје што е исчезнато и оти му го лепат него- откри сведокот.

Вечерта сведокот открил што се случило од линкови што му ги праќале пријатели.

-Кога, видов се, онесвестив во хотелот да ви кажам право. Му се јавив на Палчо да го прашам што се случило и тој ми рече дека е "сачекуша" голема, откри сведокот.

Додека биле во Турција му рекол нешто невообичаено.

-Не знам, што ми смислиле овие, можеби ќе треба да размислувам за политички азил во Белорусија. Не знам што ми смислил Оливер Спасовски-му рекол Палчо на Димковски.

The post Не знам што ми смислил Оливер Спасовски, можеби ќе треба да барам политички азил во Белорусија, му рекол Палчо на пријателот appeared first on Република.

Љупчо Палевски бараше од мене да го прашам мојот другар кој е имотен да инвестира да се заврши зградата "Тифани", изјави денеска Ламбе Вучков, сведок на обвинителството, кој е поранешен полицаец.

Вучков се присети дека во тој период Палевски бил слаб со пари. Затоа, Палчо на другарот на Вучков му ги понудил локациите за згради во Центар за кој тврдел дека имал добиено одобрение за градба, но подоцна се покажало дека не постојат како локации.

-15.000 евра кои познаник требало да ги однесе кај Палчо, 3.000 си ги ставил во џеб. Парите до ден денеска не се вратени. Му кажав подоцна дека парите што се дадени треба да бидат вратени бидејќи од локациите нема ништо - објасни сведокот.

Секогаш кога ќе се виделе Палчо го убедувал дека и тој чека некои пари и оти сигурно ќе му ги врати.

Му се јавил потоа и од Белград и му рекол оти Влатко Кешишев го информирал оти во партијата го барала полиција и дека дошле да земат некое возило пикап.

На почетокот на декември Палевски му се јавил и од Турција.

-Ми кажа дека заминал во Турција по работа-се присети Вучков.

Вучков потврди дека Палевски сѐ уште должи пари бидејќи тој морал да земе кредит да му ги даде на другарот бидејќи тој бил еден вид гарант.

Вучков на полициски функционери им кажал дека има контакт со Палевски и да му се обратат за да им каже каде е.

Но, никој не ми се јави мислејќи дека ќе направат којзнае каков случај. Јас му следен шест месеци по базни станици-откри сведокот.

The post Поранешен полицаец тврди: На полициски функционери им кажав оти знам каде е Палчо, никој не ми се јави туку само ме следеа appeared first on Република.

Во Основниот кривичен суд Скопје во врска со убиството на Вања Ѓорчевска и Панче Жежовски денеска на предлог на Обвинителството беа сослушани родителите, сестрата и внукот на таткото на Вања.

На сослушувањето тие зборуваа за моментот кога дознале дека Вања ја нема и нејзината потрага. Тие зборуваа и за нивните семејни односи и материјалната состојба.

Зоран Ѓорчевски, татко на Александар, пред судот денеска изјави дека бил во постојан контакт со фамилијата, а за исчезнувањето на Вања дознал од неговата поранешна сопруга.

-Јас сум во постојан контакт со фамилијата, се јавив и мајка му на Сашо плачеше, ме извести дека ја нема Вања. Го побарав Александар да ми каже што треба, тој ми рече ја нема Вања. Се ставив на располагање што треба, во секое време, кажете каде да се вклучам, рече тој.

Дополни дека Александар го замолил да контактира со некои што би можеле да помогнат, при што се јавил кај негови пријатели во земјата и странство.

- Се јавував во Грција на деловен партнер да не има некои сознанија, рече тој.

Прашан дали го познава Гоце Трајковски, тој одговори дека биле кумови и дека во контакт со фамилијата разбрал дека и Гоце учествувал во истрагата.

Таткото на Александар сподели дека Александар работел, немал долгови и одамна имал зависност од која се излечил, а потоа стапил во брак.

Во однос на прашањето дали му била позната сопственоста на станот на Наум Наумовски Борче, тој одговори не. - Во нивниот брак, што поседувале, што имале, тоа нивна работа, како ги добиле што ги добиле, како ги купиле. Тие се фамилија и не знам, рече тој.

Мајката на Александар, Иванка Ѓорчевска, на сослушувањето кажа дека Александар живеел со неа, потоа со Зорица, а после разводот, пак се вратил кај неа во 2018 година.

- Работеше, меѓутоа една година паузираше. Има 22 години стаж, беше во работен однос. Кога се родија децата, Сашко го прекина работниот однос, ги гледаше децата, рече таа.

Прашана како се издржувал додека не работел, таа одговори дека се голема фамилија која се поддржува меѓу себе. И таа потврди дека Александар бил зависник. - Беше зависен од дрога, успешно заврши, беше краток период, сега е сѐ во ред, рече таа.

Прашана каде бил Александар на 27 ноември 2023 година, таа објасни дека Зорица му се јавила утрото и му кажала дека Вања ја нема.

- Се загрижив да не е грабната за органи или за проституција, рече таа.

За Гоце Трајковски, рече дека е син на некое старо кумство од нејзиниот свекор.

Сестрата на Александар, Оли Нешковиќ, на сослушувањето зборуваше за моментот кога дознала дека Вања ја нема и процесот на потрагата.

https://republika.mk/vesti/crna-hronika/od-kade-im-se-snimkite-od-tsitroenot-na-panche-na-kiratsa-i-sinot/

- Сите бевме во паника, не ни беше јасно што се случува. Сите го тврдевме тоа дека не си отишла самоволно, полицијата цело време го наметнуваше тоа, рече таа.

Посочи дека сите се ангажирале на каков било начин да помогнат во потрагата при што, како што рече, пишале на детективска агенција од Босна, а од таму им посочиле дека немаат ингеренции, потоа нашле интернет формулар од Американска Амбасада која што ја контактирале за сателитски снимки.

Во врска со прашањето кој го известил Гоце, таа рече дека го известила мајка му Кираца. - Зорица ја контактирала, ѝ пишала порака, она помислила дека Гоце може да помогне во ситуацијата со своите познанства, рече таа.

Прашана што конкретно Гоце помагал, таа одговори во сѐ.

- Бараше снимки на камери, сите се движеа, се гледаше каде имаше камера, менувачница, фризерница... Многу брзо првиот ден и полицијата и ние сфативме дека нема камера што ја фаќа Вања, рече таа.

Прашана дали дошле Гоце и другите што му помагале до некоја констатација, таа одговори дека доколку имало нешто сомнително сите се собирале за консултација, додавајќи дека по два дена довербата во полицијата максимално ја изгубиле.

За сопственоста на станот на улицата „Наум Наумовски Борче“ и зависностите на Александар, рече дека Александар бил сопственик на станот и бил зависник пред 25 години.

Во однос на познавањета со обвинетиот Љупчо Палевски, таа одговори дека не го познава, а разбрала за него кога ја градел зградата на „Наум Наумовски Борче“.

https://republika.mk/vesti/crna-hronika/vnukot-na-aleksandar-mu-pishal-na-ilon-mask-da-ja-najde-vana/

Прашана дали ѝ кажал некогаш Александар Ѓорчевски дали имал комуникација со Палевски, таа одговори негативно. - Не ми кажал, сега разговараме, не се знаат, различни кругови, рече таа.

На вкрстени прашања од обвинетиот Љупчо Палевски, беше прашана дали во полиција ја прашале дали нејзината снаа е во врска со него, при што таа одговори потврдно.

- Ме прашаа дали ве познавам и дали снаа ми е во врска со вас, јас реков дека немам никакви сознанија, рече таа.

Сведокот Иво Нешковиќ, внук на Александар, сподели дека се ангажирал во пребарување на интернет за сѐ што е поврзано со Вања. - Мајка ми ме извести дека Вања ја нема, можеш ли да помогнеш некако затоа што мојата експертиза е софтверски инжинеринг, рече тој.

Дополни дека ги нашол формуларите на Ејпл преку кои може да се побара да се пронајде локација и на исклучен ајфон и ги дал да се пратат од владина електронска пошта.

-Ејпл има безбедносен систем да може да се лоцира иако е исклучен. Ги најдов формуларите, им ги пратив да ги испратат од владин емаил. Исто така се понудив да ми дадат пристап до компјутерот на Вања да најдам податоци низ нејзините разговори. Седев цело време на интернет, ги пратев сите објави . Кажав дека ќе бидам филтер за сите што пишуваат на Фејсбук, рече тој, дополнувајќи дека пишал и на една од компаниите на Илон Маск, со цел да го смири Александар, за кого рече дека бил во агонија.

Прашан дали се познава со Палевски и дали Александар му кажал дека комуницирал некогаш со него, одговори негативно.

Сведокот Кираца Трајковска, мајка на Гоце Трајковски, денеска сведочеше во врска со сознанието дека Вања исчезнала и помошта што ја пружиле. Таа сподели дека Палчо ѝ е зет за втора братучетка и дека била заменик генерален директор во Фершпед, каде што своевремено работел Александар.

- Порано комуницирав повеќе, последните години сум во Белград и тие контакти се поретки. Кога разбрав им пуштив на децата, Гоце мораше да ме праша кое е девојчето. Му кажав дека е ќерка на Сашко. Бидејќи се работи за девојче во тие години се сомневаме и ги баравме сите можни ситуации што би можело да се случи со девојчето. Тогаш бевме сите истражители, за кое било дете ќе помогнеме, рече таа.

Дополни дека го побарала Гоце за помош.- Му кажав на Гоце да помогне, затоа што знам дека Саше е многу мирен, повлечен, тој е родител и дека во тие моменти родителите поинаку размислуваат, не ќе може да резонираат како што треба. Гоце е помангуп, рече таа.

Образложи дека Гоце влегувал по кафулиња, по распаднати куќи во Дебар, ја барал пешки.

Во одреден момент, како што рече, сподели дека се посомневале дека девојчето се губи во зградата.

- Дури во еден момент ѝ рече на Зорица дали Вања спиела дома, на што таа одговори потврдно, и ја расчисти таа околност, рече таа.

Сведочеше дека два дена биле фокусирани за движењата пешки околу зградата, а третиот ден се фокусирале на движењето на возилата при што забележале сомнително возило дека тргнува пред зградата по што разбравме дека го нема Панче Жежовски.

- Мислевме дека тој ја земал, ја однел негде надвор, рече таа.

Дополни дека потоа се распрашале за Панче и преку пријатели од Велес обезбедиле снимки од кои се гледа каде се упатиле возилата.

Прашана дали се познава со Палевски, рече дека го познава откако се оженил со братучетка ѝ и дека не само што и е зет туку и деловен партнер.

Прашана дали верува дека Палчо би ја убил Вања, одговори не, особено, како што рече „не за пари“.

Во однос на прашањето за станот на „Наум Наумовски Борче“, рече дека ѝ било познато дека бил купен од Палчо.

Прашана кои слики и снимки ги добивала од Гоце, таа одговори дека добивала од Гоце само слики, и една видео снимка.

На денешното рочиште поради здравствени причини не се појави сведокот Гоце Трајковски.

The post Сведочеше целото семејство на таткото на Вања, дали тој има поврзаност со грабнувањето? appeared first on Република.

Со изведување на докази од страна на Обвинителството во Основниот кривичен суд Скопје денеска во 10 часот треба да продолжи судењето за двојното убиство на малолетната Вања Ѓорчевска и велешанецот Панче Жежовски.

На минатите рочишта сведочеа мајката на Вања, Зорица Ѓорчевска, ќерката на Жежовски, Ана Киркова и нејзиниот сопруг, Тодор Кирков, како и повеќе лица вклучени во истрагата за двете убиства.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска:

The post Обвинителството ќе изведува докази: Продолжува судењето за убиството на Вања и Панче appeared first on Република.

Полицискиот началник  Дејан Димовски рече дека веднаш по исчезнувањето на Вања Ѓорчевска бил детално прегледан целиот реон кај улицата Наум Наумовски-Борче каде што живееше. Инспекторите што го воделе случајот биле убедени дека девојчето не заминала пешки бидејќи во кој правец и да тргнела кон училиштето ќе ја забележеле околните камери.

Но, нешто друго им било сомнително на полицијата.

Ниту една камера не ги фаќаше скалите од влезот на зградата каде што живееше.Ако тргнела пешки ќе ја забележеа.Имавме првична претпоставка дека самоволно влегла во возило. Во блзина на влезот имало двајца комуналци кои чистеле и не забележале ништо сомнително-објасни началникот.

The post Ниту една камера во околината не го покривала влезот во зградата на Вања appeared first on Република.

Нејасно ни беше зошто мајката на Вања веднаш пријави дека е исчезната, а не да проверат да не е некаде отидена, но потоа класната на девојчето објасни дека пракса била ако ученичката не дојде на настава веднаш да бидат известени родителите, објасни сведокот Дејан Димовски, началник за насилен криминал и крвни деликти на денешното рочиште за убиствата на Вања Ѓорчевска и Панче Жежовски.

[caption id="attachment_828347" align="aligncenter" width="1600"] Од денешното рочиште за убиствата на Вања и Панче (фото: Република)[/caption]

Колегата ми напомена оти му било чудно дека кога го барале девојчето, таткото Александар воопшто не излегувал од возилото и цело време повторувал дека таа е киднапирала, се присети Димовски.

Инспекторот објасни дека од родителите дознале Вања имала виртуелен дечко од Шведска, со кого комуницирала на англиски јазик. Кога влегле на неговиот профил таму имало знамиња на ИСИС. За полцијата тоа значело дополнителна проверка.

На неговиот профил имаше знамиња на ИСИС, па проверивме дали лицето влегло или излегло на граница, но немаше такво нешто, откри началникот.

The post Вања имала виртуелен дечко од Шведска на чиј профил имало знамиња од ИСИС appeared first on Република.

Во десет часот во Кривичниот суд продолжува судењето за убиството на Вања Ѓорчевска и Панче Жежовски. И денеска ќе се испитуваат сведоци на Обвинителството.

На минатото рочиште инспекторите во СВР Скопје и Велес посочија дека двајца од осомничените ги довеле до телата на Вања и Панче.

На началникот Калишиќќ цело време му било чудно однесувањето на таткото на Вања кој бил конфузен, додека мајката Зорица била смирена и прибрана.

The post Продолжува судењето за убиството на Вања и Панче, ќе се испитуваат сведоци на Обвинителството appeared first on Република.

Полицискиот началник Каишиќ кој беше сведок на денешното рочиште за случајот „Вања и Панче“ рече дека грабнувачите не користеле мобилен телефон туку дека користеле радио врска, односно „моторола“.

Каишиќ потврди и дека го нема пиштолот со кој е убиено девојчето, но и дека недостига една лопата.

Информацијата дека Вања е убиена и каде е закопана началникот ја дознал од обвинетиот Влатко Кешишов. Тој сам се понудил да го однесе во селото Бразда, но да не дознае Палчо оти може да го убие.

„Самиот почна да зборува дека е лош човек, дека е нечовек, наговестуваше нешто. Во еден момент рече дека ќе ме однесе мене на едно место, да ми покаже нешто, бараше да одиме сами не сакаше да одиме со другите началници, сакаше јас и тој сами, ми рече „ако дознае Палчо ќе ме убие. Со главата ми посочи кон расфрлени перници и душеци. Дури и со рака не сакаше да покаже, покажуваше со главата кон перниците-објасни началникот.

The post Киднаперите на Вања комуницирале преку „моторола“, не користеле мобилен appeared first on Република.

Музафер Каришиќ, помошник началник во СВР Скопје за криминалистички работи, сведочеше на рочиштето за убиствата на Вања и на Панче. Тој објасни како е најдено телото на Вања, од каде се снимките, но потенцираше и дека оружјето со кој е извршено убиството на Вања и натаму не е пронајдено.

На прес-конференцијата која беше одржана по пронаоѓањето на телото на Вања, тогашниот министер за внатрешни работи, Оливер Спасовски изјави дека се пронајдени два пиштоли, но мора да се вештачат за да се утврди дали со некое од тие оружја е извршено убиството.

На почиштето за убиството на Вања и Панче, во септември годинава, односно осум месеци од изјавата на Спасовски, од обвинението беше откриено дека сè уште не е пронајдено оружјето со кое е стрелано во главата на жртвите. Денеска Каришиќ потврди дека пиштолот се уште не е најден.

The post Оружјето со кое е извршено убиството на Вања не е пронајдено, потврди инспекторот од МВР appeared first on Република.

Полицаецот Музафер Карашиќ, на предлог на Обвинителството денеска сведочеше на рочиштето за убиствата на Вања Ѓорчевска и на Панче Жежовски.

Тој учествувал во потрагата на Вања, и кажа дека таткото на девојчето Александар и негов пријател по име Гоце имале снимки и од автомобилот на Панче, и притоа не кажале од каде им се снимките.

Таткото повеќе се интересираше, што ние имаме, отколку да помогне во истрагата. Од страна на Гоце ми беа испратени многу пораки и снимки. Една би издвоил. Гоце ми испрати слика и снимка од возило на бензиска пупма во Велес, ние тогаш не знаевме за какво возило се работи. Тогаш не нѝ беше јасно бидејќи не беа поврзани случаите. Подоцна сфативме дека на сликата беше Панче со уште едно лице во возилото. Подоцна ние аналзииравме од каде им е таа снимка на Гоце, но не кажаа од каде им е, изјави Карашиќ пред Судот.

Тој и додаде:

Тогаш имавме само информација дека е исчезнат пензионерот, немавме никаква поврзаност, вели Каришиќ.

https://republika.mk/vesti/crna-hronika/obvinetiot-keshishov-go-odnesol-nachalnikot-do-mestoto-kade-shto-e-ubiena-vana-vo-dupkata-imalo-pernitsi-dushetsi-i-alat/

Тој рече дека Гоце не дал појаснување од каде им е снимката, и дека имал роднина кој работел на бензинска пумпа.

Не даде Гоце појасување од каде им е снимката и од каде ги знае тие моменти. Рече дека има братучед кој работи на бензинска пумпа, но ништо повеќе не кажа“.

https://republika.mk/vesti/crna-hronika/kabelot-od-kamerata-od-objekt-sproti-zgradata-na-vana-bil-isechen/

The post Полицаец сведок: Пријател на таткото на Вања ја имаше снимката од возилото на Панче appeared first on Република.

Со изведување на докази од страна на Обвинителството во Основниот кривичен суд Скопје денеска во 10 часот треба да продолжи судењето за двојното убиство на малолетната Вања Ѓорчевска и велешанецот Панче Жежовски.

На минатото рочиште сведочеше мајката на Вања, Зорица Ѓорчевска, како и ќерката на Жежовски, Ана Киркова и нејзиниот сопруг, Тодор Кирков.

Мајката на убиената Вања Ѓорчевска изјави дека не ги познава обвинетите за убиството на нејзината ќерка. На расправата таа сведочеше за денот кога нејзината ќерка исчезнала и потрагата по неа.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска.

The post Продолжува судењето за убиството на Вања и Панче appeared first on Република.

Адвокатот на Александар Ѓорчевски, Владимир Туфегџиќ изјави пред медиумите дека денеска е битен исказот на мајката на починатата, Вања Ѓорчевска – Зорица затоа што, како што вели, се расчистија сите шпекулации и мистерии од откривањето на настанот. Смета дека исказот дава логичен тек на работите и се потврдува тезата на одбраната на Александар дека лицето нема никаква инволвираност.

-Самиот сведок не посочи дека Александар направил нешто невообичаено во тој момент. По однос на тоа што Александар дал своја претпоставка дека девојчето е киднапирано, ако внимателно го слушавте сведокот, појасни дека и таа имала своја теорија дека Вања избегала, дека некој ја прелажал и појасни во која насока она го разговара неговото толкување и мислење дека Вања е киднапирана. Таа појасни дека тој не можел да се помири со фактот и дека им верувал на децата. Затоа неговата теорија била дека тој претпоставува дека нема што друго да биде освен киднапирање. Сите биле вознемирени, со цел да се пронајде детето, рече адвокатот.

Според него, овој исказ на мајката на Вања е различен од оној што го дала во Јавното обвинителство, односно отстапува од тоа што денеска е слушнато.

Денеска продолжи судењето за двојното убиство на 14-годишната Вања и 74-годишниот Панче. Еден од тројцата обвинети за соучесништво, по лекувањето на Нефрологија, беше вратен во затворот во Шуто Оризари.

The post Туфегџиќ: Исказот на мајката на Вања потврди дека Александар не е инволвиран appeared first on Република.

Судскиот процес за убиствата на малолетната Вања Ѓорчевска и Панче Жежовски продолжува денеска со  сведочењето на мајката на Вања, Зорица Ѓорчевска,

На првото рочиште, четворицата обвинети—Љупчо Палевски-Палчо, Велибор Манев, Боре Видевски и Влатко Кешишов—се изјаснија за невини, а мајката на Вања побара исклучување на јавноста за да се заштити приватноста на семејството, но судот не го прифати нејзиниот предлог

The post Денеска ќе сведочи мајката на Вања Ѓорчевска appeared first on Република.

Судскиот процес за убиствата на малолетната Вања Ѓорчевска и Панче Жежовски продолжува со сведочењето на мајката на Вања, Зорица Ѓорчевска, в понеделник, пренесува Канал 5.

На првото рочиште, четворицата обвинети—Љупчо Палевски-Палчо, Велибор Манев, Боре Видевски и Влатко Кешишов—се изјаснија за невини, а мајката на Вања побара исклучување на јавноста за да се заштити приватноста на семејството, но судот не го прифати нејзиниот предлог.

The post В понеделник продолжува судскиот процес за убиството на Вања Ѓорчевска, ќе сведочи мајката appeared first on Република.

The post Одложено судењето за убиството на Вања и Панче, еден од обвинетите е со влошена состојба appeared first on Република.

Во тешка состојба, со речиси откажан бубрег е префрлен на клиниката за нефрологија обвинетиот велешанец Боре Видески во случајот за двојното убиство на 14 годишаната Вања Ѓорчевска од Скопје и пензионерот од Велес, 74 годишниот Панче Жежовски. Ова за Радио Слободна Европа го потврди и неговиот адвокат Бојан Манев, кој вели дека во неконтактибилна состојба неговиот клиент вчера утрото бил транспортиран од притвор на клиниката. Тој во минатото има трансплантиран бубрег, и веќе подолго време се жалел на болки.

„Првично бил однесен во Градската болница „8 Септември“, по што го транспортирале на скопскиот клинички центар „Мајка Тереза“. Веднаш му е извршена дијализа, но според моите информации се уште е во лоша здравствена состојба. Претпоставките се дека ќе треба подолго време да заздрави, што би можело да трае и повеќе од еден месец. Не знам што да ви кажам, бубрегот како да му е пред распаѓање, сепак дијагнозата треба да ја постават лекарите“, вели адвокатот Манев за РСЕ.

Видевски е еден од петтемина обвинети за грабнување и убиство во судскиот процес кој започна пред десет денови. Сите се изјаснија дека не се виновни. Видевски се наоѓа во притвор од почетокот на декември лани кога беше уапсен како осомничен за делата. И претходно во неколку наврати е носен на интервенција на клиника.

The post Едниот бубрег му е речиси целосно откажан – Обвинет за двојното убиство на Вања и Панче е во тешка состојба и пренесен во болница appeared first on Република.

Убиствата на Вања Ѓорчевска и Панче Жежовски се класична егзекуција, тврди адвокатот на таткото на девојчето, Владимир Туфегџиќ.

Нон сенс е да се тврди дека е убиство од интерес. Никој не може во ова да поверува. Меѓу двете убиства има поврзаност, двете ликвидации се на ист начин направени од исти луѓе. Има јасна формација и командна структура, имаат еден планер. Тука очекував јавниот обвинител да го бара одговорот. Изненаден сум што јавниот обвинител не дал наредба за реконструкција на настанот”, рече Туфегџиќ во „Претрес“.

Убијците ова го направиле без око да им трепне, рече адвокатот.

Таткото ниту го знае, ниту го видел Љупчо Палевски некогаш, ниту имале контакт. За ова нема никаков доказ, тврди Туфегџиќ.

The post Туфегџиќ во „Претрес“: Убиствата на Вања и Панче се класична егзекуција appeared first on Република.

Обвинетите за убиството на малолетната Вања Ѓорчевска и велешанецот Панче Жежовски, денеска, во Основниот кривичен суд седнаа на обвинителна клупа, каде пред Судот рекоа дека не чувствуваат вина за двата кривични настани.

Ова беше прво рочиште по одлуката на Судечкиот совет за спојување на постапките на обвинетите, откако Основното јавно обвинителство најпрво поднесе обвинение против Боре Видевски, Велибор Манев, Влатко Кешишов, како и таткото на девојчето, Александар Ѓорчевски, а потоа и за првоосомничениот Љупчо Палевски за кого се чекаше екстрадиција од Турција.

Според обвинителката Жаклина Крстевска, грабнувањето на Вања било извршено со намера да присилат некој член на нејзиното потесно семејство даде пари на обвинетите за нејзин откуп, посочувајќи дека обвинетите добро се познавале меѓу себе и затоа се договориле да сковаат и реализираат детален и разработен план.

Крстевска истакна дека обвинетите биле известени дека Вања секој петок оди сама на училиште и затоа во петокот планирале да го реализираат грабнувањето, но како што рече, тие тргнале на локацијата, но не успеале да стигнат навреме поради метежот во сообраќајот.

Според Крстевска, обвинетите знаеле дека во понеделник на 27 ноември 2023 година, Вања нема да оди на училиште заедно со својата сестра Миња, која во неделата навечер добила порака дека утредента треба да оди од вториот час на училиште, а за тоа бил известен само обвинетиот Александар Ѓорчевски.

Насилно ја отвориле влезната врата од зградата за да ја грабнат Вања. Откако претходно го обезбедиле „Цитроенот“ обвинетите по дадените инструкции од Љупчо Палевски, дошле пред влезот на зградата, каде живее Вања. Влатко Кешишев чекал во возилото и внимавал да не наиде некој. Велибор Манев со шрафцигер ја отворил влезната врата од зградата, па заедно со Боре Видевски кој носел вреќа за спиење, влегле во зградата и ја чекале Вања. 

 

Кога Вања излегла од лифтот, појасни обвинителката, била ставена во вреќа за спиење со подотворен патент и ѝ биле ставени пластични стеги на рацете и нозете, по што била изнесена надвор од зградата, каде Кешишов ги чекал со „Цитроенот“, по што била ставена во гепекот. 

 

На „Партизански одреди“ Боре го скршил мобилниот телефон „Ајфон 8“ на Вања за да нема сигнал. По претходно дадените инструкции од Љупчо Палевски, продолжиле да се движат по Качанички пат и кај надвозникот кај село Визбегово, се сретнале со Палевски, кој ги чекал со возило Рено Кангу, во близина на местото викано „дупки“ во атарот на село Бразда, рече Крстевска.

Обвинителката додаде дека обвинетите на свиреп начин и со умисла, околу 9 часот и 30 минути, Љупчо, Велибор, Боре и Влатко ја лишиле од живот малолетната Вања, изложувајќи ја на тешко психичко страдање со силен интензитет.

Обвинителката Крстевска, во своето воведно обраќање претходно, по барање на оштетените Жаклина Ѓорчевска и нејзината ќерка, побара од Судот да биде исклучена јавноста од целата расправа, поради како што рече, интензивното известување на медиумите за настанот кое придонесло за продлабочување на болката, по што Судот не го прифати ваквиот предлог на Обвинителството.

Од страна на полномошникот и оштетената Зорица Мирчевска и од сестрата на Вања Ѓорчевска поднесен е предлог до обвинителството за исклучување на јавноста од целата расправа, заради интензивното известување на медиумите за настанот кое медиумско известување придонесло за продлабочување на болката, тешко сериозно пост-трауматско растројство, за кое во прилог доставувам извештај од специјалист психијатари препорака на психотерапевт, рече Крстевска.

Првообвинетиот Палевски пред Судот истакна дека ЈО извршува политичка наредба и дека во постапката како докази се ставени повеќе од 100 ДНК траги, а дури деведесет проценти од неговите приложени докази се користат против него, посочувајќи дека тоа се докази кои МВР Форензика ги има изготвено по наредба на Обвинителството.

На 1 декември имам јавна објава на мојот Фејсбук профил, каде сум што правам и така натаму. Во хотелот се пријавив и одјавив регуларно со моја патна исправа и тргнав на пат за да направам магнетна резонанца на мојата кичма, бидејќи 70 проценти од мојата кичма не е во функција. После 10 месеци, од моите приложени докази, Обвинителството ги злоупотребува и МВР Форензика по наредба на Обвинителството изготвува материјални докази. Не може да ме убеди Обвинителството дека нема наредба за политичко монтирано судење, затоа што многу добро знае Обвинителството. Како тоа не можеле да ја видат целосната слика за овој кривичен настан, па дури на 20 мај мојата ДНК е ставена во систем, рече Палевски.

Тој изјави дека содржината на обвинението е заснована на лажен исказ на еден од обвинетите кој сака да избегне доживотен затвор за злосторството кое е направено.

Целата оваа содржина на обвинение е заснована на лажен исказ на еден од обвинетите, кој сака да избегне доживотен затвор за вакво злосторство кое е направено. Сите материјални докази ги побиваат овие приказни кои се содржина на ова обвинение. Одбраната не барала вештачење на биолошки траги. Ова е лицемерие. По се што објавија, нечувствувајќи ништо за мајката на Вања, сите видеа и слики што беа објавени по порталите беа во просториите на Обвинителството и од таму излегоа сите слики од „Смарт сити“, и токму Обвинителството погрешно ги брифираше медиумите. Тогаш Обвинителството не се секираше за душевната состојба на мајката на Вања, па после 10 месеци кога треба да ги соочиме сите докази тогаш сака да биде исклучена јавноста, рече Палевски.

Според Палевски, таткото на малолетното девојче, Александар Ѓорчевски е наместен од полицијата за да се изготви некаков лажен мотив и врска помеѓу нив двајца. Палевски пред Судот рече дека не го познава Александар, а ниту пак, Обвинителството докажало некаква врска помеѓу нив двајца.

Овој родител, наместо да плаче по своето дете, од полицијата е наместен за да се изготви лажен мотив и врска меѓу мене и него. Јас не го познавам Александар. Јас бев киднапиран првите 7 дена. Ме донесоа на 15 мај во затворот во Скопје, но 7 дена не добив никаков акт. После ме донесоа со медиуми, со „калашникови“, 6 дена ме држеа, судијата на претходна постапка Душан Јосифов изврши кривично дело. Ова е политичко монтирано судење, рече Палевски.

Бранителот на Александар Ѓорчевски вели Обвинителството нема докази, ниту поткрепа на обвинението против таткото на Вања, туку како што рече, само паушално наведува дека помагал.

Во воведното обраќање на Обвинителството ние не слушнавме која е поткрепата на обвинението против Александар и врз основа на кои докази го темели обвинението за стореното кривично дело, само паушално наведува дека помагал. Немаме дејствија на извршување, ниту доказ во таа смисла, рече адвокатот Владимир Туфекџиќ.

Според него, таткото на Вања е жртва во целата судска постапка и вели „секој родител на кој би му се случило ваква работа би го преземал истото што го преземал тој, односно би одел во насока да води и своја самостојна истрага“.

Туфекџиќ нагласи дека обвинението се темели токму на доказите прибавени од страна на Ѓорчевски со согласност на полициските службеници, за кои побара да бидат испитани.

Александар е жртва и е оштетен во оваа постапка и тврдам дека секој родител кој би му се случило ваква работа би го преземал истото што го преземал тој, односно би одел во насока да води и своја самостојна истрага и на крајот на краиштата сведоци сте дека обвинението се темели токму на доказите кои ги прибавил Александар и тоа со знаење и со согласност на полициските службеници за кои и јас како бранител барам да бидат испитани и да видиме како и на кој начин ја воделе постапката и тврдам дека ова не е водено онака како што треба и затоа го имаме денеска тој резултат кој го имаме во однос на Александар, рече Туфекџиќ.

Според адвокатот Туфекџиќ, Ѓорчевски е класично зоупотребен и неговите дејствија кои ги презел во насока на самостојна истрага се злоупотребени и погрешно протолкувани.

Тој е класично зоупотребен и неговите дејствија кои ги презел во насока на самостојна истрага се злоупотребени и погрешно протолкувани. Не е никаква тајна дека Александар бил на дневна основа во постојана комуникација со децата и не е никаква тајна дека бил во неверојатна близина со своите деца, рече Туфекџиќ.

Тј додаде дека неколку месеци пред овој настан, таткото на малолетната Вања им подарил две станбени единици на двете малолетни деца.

Својот дел со договор за дар, како што говорат и доказите, неколку месеци пред овој настан е подарен и тоа две станбени единици се препишани на двете малолетни деца и доставивме доказ до Судот дека двете малолетни деца се даночни обврзници согласно евиденцијата во даночната управа, посочи бранителот на Ѓорчевски.

The post Според Палевски обвинителството извршува политичка наредба, според ЈО мотивот е изнудување пари appeared first on Република.

Започна судењето за случајот кој ја потресе Македонија. Кон крајот на минатата година бевме во шок од грабнувањето, а потоа и од убиството на малата Вања Ѓорчевска како и од убиството на велешкиот фризер Панче Жежовски.

Но, на првото рочиште, јавноста остана со многу недоумици за односот на таткото на Вања и првообвинетиот Љупчо Палевски. Палчо како да се обидуваше да го заштити со изјава дека воопшто не се познаваат со Александар, а камоли дека комуницирале на 27 ноември кога девојчето беше киднапирано во влезот на зградата каде што живеело со мајка си и сестра си.

Палевски дури тврди дека Александар е наместен од страна на полицијата за да направи слика дека тие редовно биле во контакт.

Спротивно на тоа, обвинителката Крстевска во своето излагање тврди дека токму Ѓорчевски му јавил и на 24 ноември кога првично требало да биде грабнато девојчето и три дена подоцна кога грабнале пред влезот во зградата.

„Велибор Манев, Боре Видевски и Влатко Кешишев со колата на претходно убиениот Панче Жежовски дошле пред зградата на Вања. Влатко Кешишев чекал во колата, а другите двајца со штрафцигер ја отвориле вратата и со вреќа за спиење во сутеренот ја чекале Вања. Кога таа излегла од лифтот, ја грабнале, ѝ ставиле трака на устата, ѝ ги врзале рацете и нозете со пластични стеги и ја ставиле во вреќата. Ѝ се заканувале за да не вика. Потоа ја ставиле Вања во багажникот на колата, на Партизанска ѝ го скршиле телефонот за да нема сигнал и се упатиле кон Качанички Пат. Во Визбегово се сретнале со Палчо и сите заедно продолжиле кон селото Бразда, каде што ја убиле Вања. Обвинетите во претходно ископана дупка ја ставиле Вања со врзани раци и нозе. Палчо, според обвинителството, со пиштол преку перница пукал во главата на Вања и ја убил. Потоа го закопале телото, а колата ја запалиле - објасни обвинителката.

Текот на судењето ќе покаже кој ја говори вистината. Дали обвинителстото, за кое веруваме дека има доказ за разговорот меѓу Палевски и Ѓорчевски или првобвинетиот.

Таткото на Вања пак денеска не беше јасен дали се знае со Палевски туку само изусти дека сака да се дознае вистината, дека ќе соработува и ќе говори со имиња и презимиња.

https://republika.mk/vesti/crna-hronika/so-shtraftsiger-ja-otvorile-vratata-i-so-vreka-za-spiene-vo-suterenot-ja-chekale-vana-da-izleze-od-stanot/

The post Контрадикторни се изјавите на Палевски дека не се познава со такото на Вања и на Обвинителството дека токму Александар му кажал дека помалата ќерка подоцна ќе оди на училиште appeared first on Република.