Министерката за култура Бисера Костадиновска Стојчевска ќе почека да види дали надлежните органи ќе утврдат вина кај државниот секретар за култура Валмир Азири и потоа ќе одлучи дали ќе му предложи на премиерот Димитар Ковачевски тој да биде разрешен. Ова е одговорот на министерката на прашање на пратеникот од ВМРО-ДПМНЕ Антонијо Милошоски дали ќе предложи разрешување на Азири, кој по инцидентот во Комисијата за европски прашања на Фејсбук го поддржа дивеењето на сопартиецот Арбер Адеми и му се закани на Милошоски дека на сите како него „антиалбанци“ ќе им ги скршат рацете и нозете.

Бидејќи секој член на Влада има право да предложи на претседателот на Владата да именува државен секретар, дали би било упатно да предложите разрешување на Валмир Азири за употреба на недоличен речник во кој се промовира говор на омраза – праша пратеникот Милошоски.

Министерката Костадиновска Стојчевска рече дека пред да му одговори на прашањето сака да каже дека осудува насилство, но и дека не го оправдува насилството упатено на собраниските комисии кон пратеничките од СДСМ и од ДУИ Снежана Калевска Ванчева и Арта Биљали Зендели. Таа додаде дека како поранешна пратеничка била сведок на сѐ што правеле ВМРО-ДПМНЕ во Собранието.

Вие самиот поднесовте пријава и ако се утврди кривично дело ќе донесам соодветно решение, но имам прашање до вас – рече министерката.

На ова реагираше потпретседателот на Собранието Горан Мисовски, кој и укажа на министерката дека на седницата за пратенички прашања министрите одговараат, а не поставуваат прашања.

The post Скафандер-министерката нема да предложи разрешување на Азири, кој „ќе сече раце и нозе на антиалбанци“ appeared first on Република.

Пратеникот Антонијо Милошоски во моментов се наоѓа во полициската станица Центар во Скопје, каде пред надлежен началник го пријавува  функционерот на ДУИ Вaлмир Азири, државен секретар во Министерството за култура за синоќа искажаните закани со физичко насилство кон Милошоски кои воедно се и говор на омраза, дознава МКД. мк.

Азири синоќа предку Фејсбук повика на физичко насилство против Милошоски, со нанесување на телесни повреди.

https://republika.mk/vesti/makedonija/aziri-od-kultura-so-podrshka-za-ademi-mu-se-zakani-na-miloshoski-spomnuva-krshenje-race-i-noze/

Инаку, Азири го избришал својот пост, но е веќе пренесен од многу медиуми, а воедно, МВР може со офоцијално барање упатено до Фејсбук (Мета) преку ајпи адреса да го добие постот како материјален доказ.

The post Mилошоски го пријави во полиција Азири, советникот од Култура кој се закани со кршење раце и нозе appeared first on Република.

По инцидентот во собранието, во кој во главна улога беше пратеникот на ДУИ, Арбр Адеми, државниот секретар во министерството за култура, Валмир Азири, јавно и директно испрати закани преку социјалните мрежи до пратеникот Антонијо Милошоски.

Азири јавно порача дека кон Милошоски треба да се примени насилство, па дури повикува на нанесување тешки телесни повреди.

https://republika.mk/vesti/makedonija/celosno-video-od-diveenjeto-na-arbr-ademi-vo-sobranieto/

The post Азири од Култура со подршка за Адеми: Му се закани на Милошоски, спомнува кршење раце и нозе appeared first on Република.