Вчера околу 18.30 часот во Полициската страница Валандово било пријавено дека на регионален пат 1401, делница помеѓу Валандово и село Костурино, струмичко, се случила сообраќајна несреќа помеѓу патничко возило „бмв“ со струмички регистарски ознаки, управувано од Д.С.(62) од с.Колешино, струмичко, патничко возило „сузуки“ со скопски регистарски ознаки, управувано од В.М.(60) од Скопје и патничко возило „пасат“ со радовишки регистарски ознаки, управувано од М.Д.(59) од с.Злеово, радовишко.

Во несреќата со тешки телесни повреди се здобила Л.Д.(64) од с.Чифлик, пехчевско, а со телесни повреди се здобила Т.Ј.(40) од с.Злеово, радовишко, и двете сопатнички од возилото „пасат“, констатирани во Медицински центар Струмица.

Увид на местото извршила екипа на ОВР Валандово.

The post Три возила се судрија кај Валандово appeared first on Република.

Вчера во 18.30 часот во полициската станица Валандово било пријавено дека во својот дом во градот бил пронајден починат Б.Е.(56), соопшти МВР.

Лекар од итна медицинска помош констатирал смрт, а по наредба на јавен обвинител телото на починатиот било дадено на обдукција.

The post Маж од Валандово најден починат дома, ќе се прави обдукција appeared first on Република.

Сериозно навлеговме во кампањата, следната среда е првиот круг на претседателски избори, мислам дека на сите им е јасно и мислам дека сите гледаат дека ВМРО-ДПМНЕ убедливо ќе победи, Гордана Силјановска Давкова ќе е нов претседател на Македонија“, истакна Александар Николоски, потпретседател на ВМРО-ДПМНЕ од митингот во Валандово.

Мислам дека она што е клучно за периодот кој што доаѓа е да се обратиме до сите што ги познаваме, да поразговараме и да ги поканиме да излезат на гласање. Исто така сите оние кои што се надвор од Македонија во дијаспората доколку се во можност да дојдат и да гласаат, затоа што секој глас ни е потребен секој човек ни е потребен за победата да биде убедлива и никој да не ја оспорува владата предводена од ВМРО-ДПМНЕ“, нагласи Николоски.

Тој додаде и дека тажната вистина е дека кога одиме во дијаспората, бевме и во Франција и во Австрија и Швајцарија помеѓу нашите и за жал се повеќе наши луѓе гледаме таму. Луѓе кои што минатата кампања ги гледав овде во Валандово, сега за жал ги видов во дијаспората, тие за жал се иселиле. Тоа е тажната вистина на ова темно владеење на ДУИ и СДСМ овие 7 години. И на тоа мора да ставиме точка, на тоа мора да ставиме крај.

Затоа што овие избори се пресвртница и од овие избори ќе биде определена иднината на Македонија. Ние сакаме просперитетна и развиена Македонија. Ние сакаме Македонија во која што владее правото, ние сакаме Македонија која што ќе напредува“, истакна Николоски.

Тој посочи и дека СДСМ веројатно не ни размислуваат за такви работи единствено што размислуваат е како да приграбат нешто за себе.

А овие од ДУИ многу добро знаат што сакаат но тоа што го сакаат не е во корист ниту за Македонија ниту на Македонците, тоа е во корист на една мала клика околу врвот на партијата која што мисли само за себе и за оние околу нив. Затоа ни е потребна масовна излезност. Затоа следната среда треба да излезете сите, да ги поканете сите да излезат да гласаат и да ставиме крај тоа да е вовед во големата победа на 8 мај.

 

Го гледам Стево Пендаровски на почеток беше нервозен сега покрај нервозен и навредува не знам што ќе се случи до крајот на кампањата. Од СДСМ едниот скоро и да го снема, никој не се сеќава дека беше премиер на Македонија а уште помалку мислам дека луѓето знаат дека е претседател на СДСМ се вика Димитар Ковачевски. Единствено по што ќе биде запаметен е дека заедно со другар му Бујар Османи го потпишаа таканаречениот француски предлог со кој што решија да ја распродаваат македонската историја и култура“, нагласи Николоски.

Тој истакна дека во 4. изборна единица носител е Венко Филипче којшто освен што злоупотребува пациенти и ја злоупотребува сопствената професија ништо друго и не прави.

Но не ми одговори па би сакал да го прашам од тука дали е вистина дека има ангажирано пи ар агенција која што треба да работи на промоција на неговиот имиџ, дали името на таа пи ар агенција е Рејтинг сопственост на Никола Спасов син на поранешниот генерален секретар на СДСМ, Ѓорѓи Спасов и дали таа пи-ар агенција ја плаќа по минимум 100 евра по објавен текст за Венко Филипче. И финалното прашање од каде доаѓаат тие пари, кој ги обезбедува тие пари и како тие пари преку агенцијата Рејтинг стигнуваат до медиумите“, кажа Николоски.

The post Николоски до Филипче: Дали агенцијата „Рејтинг“ на Спасов работи на вашиот имиџ, а за тоа плаќате по минимум 100 евра по објавен текст? appeared first on Република.

По 7 години власт на СДС , нема ниту еден реализиран проект за Валандово, изјави денеска Јулија Тушевска, претседател на ОК на ВМРО-ДПМНЕ Валандово.

„Нема економски бум со 500 вработувања за валандовчани.

Затоа пак фамозниот проект 5/ 50/ 500 се претвори во партизација на општинската администрација.

Во Валандово водено од потпретседателот на СДС како градоначалник на општината Валандово Перо Костадинов, во изминатите години Буџетот на граѓаните го троши за неговите партиските другари да земаат плата. Во последните две години од буџетот на општина Валандово се потрошени 14.689.468 денари за партиски вработувања
А што е резултатот на тоа?

ЈП ,,Комунален Сервис“ од Валандово кое беше пример за добро и домаќинско работење, заради градоначалникот и партиските другари сега е во минус и милионски долгови.
Каква е сликата во Македонија, во Валандово е уште понегативно изразена.

Европската комисија укажа на корупција, партизација, Валандово со Перо Костадинов е вистински доказ за тоа.

Никогаш не било полошо. Важно е да ги поразиме“, истакна Тушевска.

The post Тушевска: Потпретседателот на СДС Костадинов си ги вработи другарите од партија, Валандово е слика за партизација и корупција appeared first on Република.

Полицијата доцна синоќа во Валандово приведе 50-годишна жена од градот затоа што физички го нападнала нејзиниот сопруг.

За настанот бил известен јавен обвинител и по целосно документирање на случајот ќе биде поднесена соодветна пријава, велат од МВР.

The post Приведена жена во Валандово, го нападнала сопругот appeared first on Република.

Рано изутрина вчера во 04.10 часот во СВР Струмица било пријавено дека на регионалниот пат во близина на с.Раброво, валандовско, се случила сообраќајна несреќа помеѓу патничко возило „фолксваген голф“, управувано од И.К.(61) од Струмица, патничко возило „цитроен“, управувано од Г.А.(35) од Струмица, двете со струмички регистарски ознаки и трактор „ИМТ“ со гевгелиски регистарски ознаки, управуван од Т.Ш.(74) од Валандово.

Во несреќата со тешки телесни повреди се здобил возачот на тракторот, додека возачот на возилото „цитроен“ и шест сопатници од истото возило, како и сопатник од тракторот Д.Н.(56) се здобиле со телесни повреди, констатирани во Медицински центар Струмица и Здравствен дом Валандово.

Извршен бил увид од увидна екипа од Полициската станица Валандово.

The post Девет лица повредени во раните утрински часови во несреќа кај Валандово appeared first on Република.

Вечерва во посета на Валандово. Секој ден со оваа власт е сѐ потежок. Сонот на Ковачевски Македонија ја чини загубени животи, неспособноста на власта народот го чини упропастени судбини. Ова е најнеспособната власт досега и треба да си замине што побргу!, напиша на својот фејсбук профил лидерот на ВМРО-ДПМНЕ, Христијан Мицкоски.

The post Мицкоски: Сонот на Ковачевски Македонија ја чини загубени животи, неспособноста на власта народот го чини упропастени судбини appeared first on Република.

Од денеска, детските градинки во општина Валандово се бесплатни. Оваа мерка која беше изгласана од Советот и важи за сите деца од општината.

Со ова се поттикнува на поголема вклученост на децата во воспитно – образовниот процес и ја зајакнува солидарноста, како вредност во која веруваме, велат од Советот на општина Валандово.

Инаку, оваа новина ја соопшти градоначалникот Перо Костадинов, преку својот Фејсбук профил пред три недели.

„Започнуваме со постапка за целосно укинување на партиципацијата на родителите, за згрижување на своите деца во детските градинки, на територијата на општина Валандово“, напиша тој.

Костадинов информираше дека општината целосно ќе ја покрие родителската партиципација со средства од буџетот на oпштината, а од Буџетот на општината се очекува да бидат издвоени околу 3 милиони денари, односно да биде покриена партиципацијата за сите 270 деца деца кои месечно ќе се згрижуваат во двете градинки во Валандово и Јосифово.

Според Костадинов, целта со оваа мерка е да се поддржат семејствата со деца на предшколска возраст, во време на енергетска и економска криза и да се зајакне солидарноста во заедницата.

The post Двете градинки во Валандово и Јосифово од денеска се бесплатни appeared first on Република.

В.К. вчера во 1:35 часот пријавила дека околу 1:00 часот на плоштадот во Валандово била физички нападната со стаклен предмет од 21-годишната М.Ѓ. од Валандово.

Од МВР велат дека се преземаат мерки за расчистување на случајот.

The post Женска тепачка ноќва во Валандово appeared first on Република.

Земјотрес со локална магнитуда од 3.1 степени по Рихтеровата скала е регистриран попладнево во 14:19 часот на 132 километри југоисточно од Скопје, во епицентралното подрачје Валандово, соопшти Сеизмолошката опсерваторија при Природно-математичкиот факултет во Скопје.

Според досегашните податоци на Опсерваторијата, земјотресот имал интензитет од III степени според Европската макросеизмичка скала, а бил почувствуван од населението во Богданци, во Струмица, во Валандово и околината.

The post Земјотрес од 3.1 степени по Рихтер попладнево во Валандово appeared first on Република.

Денеска и утре (2 и 3 септември) патувачкиот караван на меѓународниот фестивал за литература и илустрација за деца „Литера“ ќе ги посети Валандово и валандовските села Чалакли и Казандол.

Во 17 часот во Домот за културата 25 Мај во Валандово ќе биде промовирана сликовницата „Волшебното патување на Простор и Време“ од авторот МИрко Трајановски и илустраторот Кристијан Јованоски, а потоа и кнгата „Невидливата куќа“ на Билјана С. Црвенковска и Ване Костуранов.

По промоцијата, најмалите посетители ќе имаат можност да учествуваат во креативната работилница за нива, а во 19 часот ќе биде одржана трибина „Дали литературата за деца може да придонесе за развој во помалите средини?“.

На трибинта ќе учествуваат: градоначалникот Перо Костадиновски, Мехмед Ариф (автор), Лилјана Нанова (библиотекар) и Софија Семенпеева (основач на „Литера“). Модератор на трибината ќе биде Александра Јуруковска.

Утре (сабота) тимот на „Литера“, заедно со авторот за деца Мехмед Ариф ќе одржи уште две креативни работилници, во 10 часот во с. Чалакли, а во 13 часот во Казандол.
Тема на годинашниот фестивал „Дом без граници“. На неа твореа илустраторите кои испратија свои дела на отворениот повик, а тоа е мотивот и на сите средби на најразлични места низ Македонија.

Всушност, активностите во Валандово, како и неодамна завршениот летен камп во Богданци, се дел од четвртото издание на меѓународнот фестивал за литература и илустрација за деца, кој има изразено патувачки карактер. Преку децентрализација на културните настани, посебно оние за најмладите. Фестивалот се залага квалитетната литература за деца да стигне до што повеќе читатели.

Следно на „Литера“е изложба на дела на современи македонски илустратори на Фестивалот за детска литература и илустрација „Овца во кутија“, во Пазин, Хрватска. Четворица актуелни автори ќе се претстават во срцето на Истра на групна изложба од 12 до 18 септември.
Организатор на фестивалот „Литера “ е Центарот за визуелна комуникација „Ефектива“, а главен покровител на годинашното издание е Халкбанк АД Скопје и нивното детското штедење Халки.

The post Караванот „Литера“ патува во Валандово, Чалакли и Казандол appeared first on Република.

Во полицијата синоќа околу 19:30 часот било пријавено дека во подрумски простории во зграда во изградба на улица „Маршал Тито“ во Валандово бил пронајден починат Д.М.(37).

Според информацијата од СВР Струмица, лекар од Итната медицинска помош констатирал смрт, а по наредба на јавен обвинител телото било предадено на обдукција.

Од првичните информации на телото на починатиот немало траги на насилство, а најверојатно причина за смртта е пад од повисок дел на зградата во изградба.

Од полицијата не соопштуваат повеќе детали, освен дека по извршената обдукција ќе се знаат причините смртта на валандовчанецот.

The post Валандовчанец пронајден починат во зграда во изградба appeared first on Република.

Годинешново 35. јубилејно издание на фестивалот на новосоздадени македонски песни „Фолк Фест Валандово", ќе се одржи во една натпреварувачка вечер, на 5 јуни, потврдија на денешната прес конференција градоначалникот на Валандово, Перо Костадинов и уметничкиот директор на фестивалот, Живоин Глишиќ.

На единствената натпревувачка вечер ќе бидат претставени 23 новосоздадени фолк композиции, а изборот на победничката песна ќе го одлучува стручното жири и присутната публика во фестивалската сала во Домот на културата „Јанко Узунов", во Валандово.

Во најава на фестивалската програма, на 3 и 4 јуни на градскиот плоштад во Валандово ќе настапуваат Горан и Ленче Куќиќ, Александар и Дац, Љубојна и Владо Јаневски.

Во ревијалниот дел на фестивалот, кој има исклучително културолошко значење за нашата земја, ќе настапи доајенката на македонската фолк песна,Блага Петреска.

The post На 5 јуни јубилејно издание на Фолк фест Валандово appeared first on Република.

Сериозни притисоци за прекин на штрајкот имало во градинки во Валандово и Гевгелија и во градинката „Орце Николов“ во Карпош, но штрајкот на СОНК продолжува и утре, најави денеска на прес-конференција раководството на Синдикатот.

Претседателот на СОНК, Јаким Неделков, вели дека членови на синдикатот вработени во градинките пријавиле оти им бил вршен притисок да го прекинат штрајкот. Тој најави дека ќе поднесат и кривични пријави онаму каде што имало сериозни притисоци.

Никој не се поколебал, штрајкот трае секаде. Имаме и документација од една градинка во Битола, каде се бараат списоци и други активности кои се во спротивност со правилата за штрајкување, па постои основа за кривична пријава. Ние не би сакале кон ниту еден директор или некој од надвор кој врши притисок да поднесуваме кривични пријави, но во 21 век нема да дозволиме на некој да му се крати правото на изразување на протест поради незадоволство“, рече претседателот на СОНК Јаким Неделков.

Тој очекува во текот на утрешниот ден да седнат на маса со надлежните и да најдат заедничко решение, а подготвен е и денеска да оди на разговори, за кои се надева дека ќе вродат со плод.

Најави дека штрајкот продолжува и утре. Појасни дека ни едно дете не е оставено незгрижено. Дека во градинките се носат повеќе деца, а во училиштето, мал е бројот на оние кои дошле, но сите се примени и згрижени.

The post Сериозни притисоци за прекин на штрајкот во градинки во Валандово и Гевгелија и во градинката „Орце Николов“ во Карпош, штрајкот на СОНК продолжува и утре appeared first on Република.

Земјотрес со интензитет од 3 степени според Европската макросеизмичка скала утринава беше почувствуван од населението во Валандово и околината.

Како што информира Сеизмолошката опсерваторија, земјотресот кој потекнува од епицентрално подрачје Валандово, е регистриран во 6:44 часот на 120 километри југоисточно од Скопје со Рихтерова локална магнитуда ML2.2 и интензитет од III степени според Европската макросеизмичка скала.

The post Земјотрес почувствуван во Валандово и околината appeared first on Република.

Во Валандово денеска се одржа „Бизнис форум 2022“ на којшто учествуваа заменик-претседателот на Владата задолжен за економски прашања, координација на економските ресори и инвестиции Фатмир Битиќи, директорката на Управата за јавни приходи Сања Лукаревска и градоначалникот на Општина Валандово Перо Костадинов.

Поддржавме повеќе од 20.000 компании и зачувавме околу 80.000 работни места. Само преку Планот за економски раст ги поддржавме компаниите со близу 49 милиони евра. Преку Законот за контрола на државна помош од Владата и од ДТИРЗ, се исплатени 19,5 милиони евра, додека околу 16 милиони евра исплативме преку инструментите на ФИТР. Дополнителни 13 милиони евра, исплативме преку мерките од Законот за финансиска поддршка, истакна Битиќи во своето обраќање.

Тој посочи и дека преку „Планот за економски раст“ на компаниите им овозможиле да не престанат да размислуваат стратешки, напротив ги мотивирале да ги планираат развојните компоненти на компаниите на среден и на долг рок.

Во изминатите две години и покрај кризата со пандемијата на коронавирусот, Битиќи нагласи дека Владата воведе мерки преку кои го стимулираше стопанството. Преку сетовите на економски мерки како што истакна тој, Владата успеа да ја одржи ликвидноста на компаниите како и да ги зачува работните места.

Лукаревска посочи дека УЈП во целиот овој период овозможи мерките да се реализираат на брз лесен и ефикасен начин, сè со цел градење на праведно и правично општество кое нуди еднакви шанси за сите големи, мали или микропретпријатија.

Целта е да овозможиме поволни услови за раст и развој на домашните претпријатија. Во таа насока, заедно со Владата и стопанствениците, донесовме пакет од 26 мерки преку кои овозможуваме поволни услови за заштита на стандардот на граѓаните и одржување на ликвидноста на претпријатијата, вели таа.

Директорката на УЈП додаде дека успешно биле спроведени и мерките за финансиска поддршка за исплата на плати на работодавци погодени од пандемијата, мерките за субвенционирање на придонесите од задолжително социјално осигурување, за одложено плаќање на даночен долг и низа други поволности сè со цел градење на партнерски однос со стопанството

Градоначалникот Костадинов, во своето обраќање нагласи дека добрата локација на Општина Валандово резултира со многу природни ресурси што ако се искористат од страна на бизнис заедницата, може позитивно да се одразат врз домашната економија. Тој ги повика стопанствениците да инвестираат во општината со која раководи, им ги презентира поволностите кои ги нуди општината за развој на бизниси.

Имаме особено голем потенцијал за реализација на инвестиции за производство на енергија. Особено, огромна можност нуди искористување на соларната енергија. Особено денеска, кога сите сме соочени со енергетска криза и нестабилност на пазарот на енергенси. Валандово е одличен потенцијал за развој на вакви инвестиции. Имаме сонце над 300 денови во годината, најниска стапка на оданочување, транспарентна и брза администрација, истакна градоначалникот на Валандово.

Бизнисмените кои учествуваа на форумот ја поздравија заложбата на Владата за креирање на позитивна бизнис клима и постојаното поддржување на проекти низ целата држава со што директно се влијае врз рамномерниот регионален развој на Република Македонија.

The post Битиќи и Лукаревска на Бизнис форум во Валандово appeared first on Република.

Општина Валандово оваа година ќе биде организатор на манифестацијата „Град на културата“, одлучи комисијата по распишаниот Конкурс на Министерството за култура. На Конкурсот беа пријавени општините Валандово и Велес.

По разгледувањето на двете пристигнати пријави, во согласност со приоритетите, критериумите и мерилата содржани во Конкурсот, стручната комисија составена од вработени во Министерството за култура оцени дека Општина Валандово понуди богата програма и издржан програмски концепт, со содржини од различни жанрови и естетика, од традиционалното и од современото творештво, со учество на релевантни домашни и странски уметници.

Во програмата се содржани 69 проекти од сите дејности, кои подразбираат достапност на културата за сите во Општината и учество на многу млади домашни уметници и автори.

Општина Валандово ќе ги стави во функција инфраструктурните и човечките капацитети и ќе овозможи богата културна содржина во текот на целата година, како и меѓународна поврзаност и соработка во културата.

Од особено значење е што од вкупниот предвиден буџет за реализација на програмата (12.674.000,00 денари), од Министерството за култура се побарани 2.440.000,00 денари, што претставува 19,25 проценти од вкупниот буџет. Со тоа, Општина Валандово ќе ги покрие преостанатите 80,75 проценти финансиски средства, што во споредба со другата поднесена пријава, локалната самоуправа на Валандово ќе го издвои најголемиот дел од средствата за финансирање на реализацијата на програмата.

Имајќи го предвид ова, како и фактот што Општина Велес веќе двапати била финансирана во рамките на манифестацијата, и тоа во 2005 и во 2015 година, комисијата предложи да биде прифатена Пријавата доставена од Општина Валандово.

Манифестацијата „Град на културата“, иницирана од Министерството за култура, а прифатена и поддржана од општините во државава, започна да се реализира во 2004 година и оттогаш, континуирано, општините учествуваат во културниот натпревар на идеи преточен со презентација на многубројни јавни настани, соопштија од Министерството за култура.

The post Валандово е „Град на културата“ за оваа година appeared first on Република.