Луѓето не треба да се опуштаат и да да мислат дека омикрон е лесна варијанта, затоа што ова охрабрување е клинички неиздржано, вели доктор Илир Демири од Инфективната Клиника и член на Комисијата за заразни болести.

Тој вели дека неговото досегашно искуство покажува дека нема евидентирано ниеден починат од ковид без коморбидитети, а да е редовно вакциниран.

Единствената мерка која би не заштитила да го поминеме ова полесно е вакцинацијата и тоа е наша обврска. Жално е пациент да живее во Скопје а да не е вакциниран, апелираше доктор Демири.

Заклучно со 29 јануари 2022 година во Македонија се вакцинирани вкупно 866.227 лица со барем една доза на  вакцина против ковид -19 во државата и странство .

Комплетно вакцинирани (со две дози) се вкупно 842.917 лица, а со трета доза се вакцинирани 128.268 лица.

Со една доза на вакцина против ковид-19, во државата и странство, вакцинирани се 52 отсто од населението над 18 годишна возраст, односно 48 отсто од население над 12 годишна возраст, додека од вкупното население вакцинирани се 41,9%.

Опфатот со две дози на вакцина против ковид-19 кај населението над 18 годишна возраст изнесува 50,6%, односно 46,7% кај население над 12 годишна возраст. Опфатот со две дози кај вкупното население изнесува 40,7%.

The post Д-р Демири: Жално е да живееш во Скопје, а да не бидеш вакциниран appeared first on Република.

Болница во американскиот град Бостон одбива да му пресади срце на пациент зашто не е вакциниран против ковид-19. На 31-годишниот Ди Џеј Фергусон му е неопходно ново срце, но болницата го тргнала од својата листа, вели неговиот татко Дејвид.

Ковид вакцината е спротивна на неговите основни принципи и не верува во неа. Тој е преслаб за да го префрлиме во друга болница и времето ни истекува, изјави тој.

Од болницата кажаа дека ја следат својата стриктна политика.

Имајќи предвид дека постои недостиг на органи, чиниме сè за да обезбедиме пациент кој ќе добие пресаден орган да има најдобри шанси за преживување. Во нашата болница бараме кандидатите за трансплантација да бидат вакцинирани против ковид-19 за да се создадат најдобри услови за успешна операција и да се оптимизираат шансите за нивно преживување, имајќи предвид дека нивниот имунитет е значително нарушен, изјави портпаролот на болницата.

Фергусон, кој чека трето дете, е хоспитализиран од 26 ноември 2021 и страда од наследен срцев проблем кој предизвикува белите дробови да се полнат со крв и течност. Тој наводно стравувал дека вакцината може да предизвика срцево воспаление, што е наведено како крајно редок спореден ефект на вакцините.

Според Артур Каплан од медицинското училиште „Гросман“ во Њујорк, по секое пресадување органи, имунолошкиот систем на пациентот е толку ослабнат што и обична настинка може да биде смртоносна.

The post Болница во Бостон одбила да му пресади срце на пациент бидејќи не бил вакциниран против ковид appeared first on Република.

Светскиот тенисер број еден, Србинот Новак Ѓоковиќ, потврди дека не е вакциниран против корона вирусот. Федералниот суд на Австралија објави серија документи, кои беа искористени во случајот помеѓу Ѓоковиќ и Владата на Австралија.

Меѓу нив се и транскриптите на разговорите помеѓу српскиот тенисер и граничната полиција на аеродромот. Ѓоковиќ изјавил дека не добил вакцина против вирусот. Тој, исто така, потврдил дека бил заразен два пати – еднаш во јуни 2020 година и втор пат во декември 2021 година.

Како што покажуваат документите, тој добил позитивен извештај на 16 декември. Иако судот првично го ослободи Новак, оттогаш се појави информација дека Србинот е повторно уапсен и му се заканува нова депортација.

The post Ѓоковиќ изјави дека не е вакциниран против ковид-19, потврди дека двапати бил позитивен appeared first on Република.