Заменик министерот за здравство Јовица Андовски денеска на прес-конференција изјави дека годинава има одличен одѕив за бесплатната вакцинација против сезонски грип. Согласно податоци од Управата за електронско здравство, преку апликацијата vakcinacija.mk, досега биле пријавени 75.712 лица и биле вакцинирани 66.674 граѓани.

Ова е рекорден број пријавени и вакцинирани лица, кои сакаат да се заштитат од посериозни компликации од сезонскиот грип. Статистиката покажува дека, од вкупниот број вакцинирани, речиси 42 илјади се лица над 65 години, 21.784 лица со хронични заболувања, 2.334 здравствени работници, како и 29 деца на возраст од 6 месеци до 5 години и 24 бремени жени, појасни тој.

Како што информираше, рекордер е Скопје со 19.722 вакцинирани лица. За споредба, лани во Скопје биле вакцинирани 17.346 лица, што покажува нагорен тренд на интересот за вакцинација.

Во Битола, досега, вакцина против сезонски грип примиле пет илјади граѓани, а лани таа бројка изнесувала 4.600 лица. Во Велес исто така се бележи зголемување на бројот на вакцинирани, и тоа од 2.480 лица лани, годинава се 2.749 лица. Во Гостивар, исто така, има зголемување на бројот на вакцинирани досега вакцина примиле 2.175 лица, а лани биле вакцинирани 1.849 лица. Исто така, во Кавадарци се забележува зголемен интерес годинава вакцинирани се речиси две илјади лица, а лани се регистрирани 1.583 вакцинирани против сезонски грип, додаде заменик министерот за здравство.

Тој нагласи дека бидејќи во тек е сезоната на грип, клучна е навремената заштита, посебно кај ризичните групи население.

Според податоци од Институтот за јавно здравје на неделно ниво се регистрирани 67 седум случаи на групни пријави за заболени од грип и заболувања слични на грипот. Тоа претставува за 42,6 отсто повеќе во споредба со претходната недела, додека во однос на моделот за последните 14 сезони, се регистрира зголемување од 4,2 отсто, појасни тој.

Во зимскиот период се очекува зголемување на бројот на заболени од грип, додаде тој, а за потсетување, лани од грип биле евидентирани 14 смртни случаи.

За среќа, годинава, се уште нема регистрирано починати лица во државата. За тоа во голема мера придонесува навремената заштита, посебно, како што споменав, навреме вакцина треба да примат ризичните групи население, како што се: повозрасни лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица, подвлече тој.

Тој кажа дека имало граѓани кои успешно се пријавиле за вакцинација, но, заради некоја причина, не добиле смс порака и не дошле на закажаниот термин, иако самите изразиле интерес за тоа.

Станува збор за околу 7.000 лица, кои треба веднаш да се обратат кај својот матичен лекар, каде ќе добијат инфо за пунктот за вакцинација и времето кога да дојдат да се вакцинираат. Од Министерството за здравство веќе е испратен допис до матичните лекари со список на пациенти кои се регистрирале, но не дошле на терминот за вакцинација. Тие имаат можност да се вакцинираат во следниот период, појасни Андовски.

Заинтересираните се уште можат да се пријават за вакцинација против сезонски грип преку апликацијата vakcinacija.mk, co цел навреме да се заштитат од можни посериозни компликации од ова заболување.

Годинава се обезбедени 80 илјади дози вакцини - Министерството набави 70 илјади и плус 10 илјади се обезбедени со донација. Постои можност и за дополнителна набавка на вакцини, согласно интересот на населението. За потсетување, вакцинацијата против сезонски грип претставува најефикасна мерка за превенција од грип, која спречува појава на потешки форми, компликации и смртен исход, особено кај ризичните групи население, истакна Андовски.

The post Одличен одѕив на бесплатната вакцинација против сезонски грип appeared first on Република.

Министерството за здравство информира дека за вакцинација против сезонски грип досега се пријавени над 61.000 граѓани, што покажува голем интерес на граѓаните да се заштитат од компликации од сезонскиот грип.

Во пунктовите за вакцинација веќе се вакцинирани над 19.000 граѓани.

Почнувајќи од денес, мобилните тимови од здравствените установи ќе спроведуваат вакцинација во домовите за стари лица.

Вакцинацијата против сезонски грип претставува најефикасна мерка за превенција од грип, која спречува појава на потешки форми, компликации и смртен исход, особено кај ризичните групи.

За потсетување, пријавувањето се врши со пополнување на апликацијата vakcinacija.mk и со тоа директно се регистрирате за вакцинација во системот Мој Термин.

Согласно распоредот предвиден во планот за вакцинација, преку смс граѓаните добиваат повратна информација за точниот датум, час и место кога треба да се вакцинираат.

Со бесплатна вакцинација се опфатени ризичните групи население, како што се: повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица.

The post Од денеска мобилни тимови ќе вршат вакцинација за сезонски грип во Домовите за стари лица appeared first on Република.

Министерството за здравство информира дека на сајтот vakcinacija.mk досега се пријавени над 52 000 лица, што покажува голем интерес на граѓаните да се заштитат од компликации од сезонски грип.

Во пунктовите за вакцинација првите два дена се вакцинирани 8 800 лица.

Пријавувањето се врши со пополнување на апликацијата на vakcinacija.mk и со тоа директно се регистрирате за вакцинација во системот Мој Термин.
Согласно распоредот предвиден во планот за вакцинација, преку смс граѓаните добиваат повратна информација за точниот датум, час и место кога треба да се вакцинираат.

Со бесплатна вакцинација се опфатени ризичните групи население, како што се: повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица.

The post Голем интерес за вакцинација против сезонски грип, досега пријавени над 52 000 лица appeared first on Република.

Вакцинацијата за сезонски грип почнува денеска и ќе се спроведува на 36 локации во државата. Досега за вакцијација од сезонски грип се пријавиле над 32.000 граѓани.

Во Скопје вакцинацијата ќе се одвива во Центарот за јавно здравје, во поликлиниките Букурешт, Идадија и Бит Пазар, а во ИЈЗ само за здравствените работници.

Од Министерството за здравство информираат дека сите пријавени на сајтот добиваат смс порака порака за датумот, точното време и каде да дојдат за вакцинација.

Министерството годинава набави 70.000 дози четиритипна вакцина против сезонски грип, што е зголемување во однос на претходните години. Со бесплатна вакцинација се опфатени ризичните групи население: повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица, соопштија од МЗ.

Во Центрите за јавно здравје и годинава се набавени и комерцијални вакцини против грип за заинтересираните граѓани кои не влегуваат во ризичните групи.

The post Од денеска на 36 локации низ државата ќе се спроведува вакцинација за сезонски грип appeared first on Република.

Министерството за здравство објави дека на веб страницата – vakcinacija.mk, каде пред три дена почна пријавувањето за бесплатна вакцинација против сезонски грип за ризични групи население, веќе се пријавени над 14.000 граѓани.

„Предвидено е вакцинацијата да почне во текот на следната недела. Набавени се 70.000 дози четиритипна вакцина против сезонски грип. Министерството континуирано го зголемува бројот на обезбедени вакцини. Потсетуваме дека пријавувањето се врши со пополнување на апликацијата vakcinacija.mk на следниот линк: https://vakcinacija.mk/mk/registration-flu?fbclid=IwAR06BSDGCR0NaKR8bJrWJ-mw1sDpmHFpJ5mOPTmZPSqzyiG8CNDddsSMmeM. На тој начин, директно се регистрирате за вакцинација во системот Мој Термин. Согласно распоредот предвиден во планот за вакцинација, преку смс ќе добиете повратна информација за точниот датум, час и место кога треба да се вакцинирате“, се вели во соопштението на министерството

Од таму додаваат дека со бесплатната вакцинација се опфатени следните ризични групи: повозрасни лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и вработените во установи за социјална заштита на стари лица.

The post Над 14.000 граѓани пријавени во првите три дена за бесплатна вакцинација против сезонски грип appeared first on Република.

Судирите во Појасот Газа ќе бидат прекинати за да се овозможи вториот круг вакцинација против детска парализа, со кој ќе бидат опфатени 590.000 деца помлади од 10 години, објави денеска директорката на УНИЦЕФ Кетрин Расел.

Хуманитарната пауза во конфликтот ќе започне на 14 октомври, рече Расел.

„Критично е важно сите страни да ги почитуваат овие хуманитарни паузи. Без тоа ќе биде невозможно да се вакцинираат децата“, додаде таа.

The post Договорен прекин на судирите во Газа поради втор круг вакцинации против детска парализа appeared first on Република.

Градоначалникот на Општина Ѓорче Петров, Александар Стојкоски, на трибина посветена на кампањата за вакцинација против морбили и ХПВ кај младите генерации истакна дека е важно да се разбере улогата на вакцините во заштитата на заедницата и да се продолжи со поддршката на вакциналните програми.

Ваквите настани се од клучно значење за здравјето на децата и младите, изјави градоначалникот Стојкоски.

На трибината учествуваа експерти од здравствениот сектор, Соња Ралева од поликлиника Бит-пазар, дерматовенеролог Ленче Нелоска и претставници од здружението за одржлив развој БИОМ и Светската здравствена организација.

Тие ги претставија предностите на вакцините и ги разгледаа сите аспекти на нивната важност за заштита од сериозни заболувања, информираат од Општината.

Стојкоски ги повика сите родители и млади да се информираат, да поставуваат прашања и да се консултираат со медицински професионалци за најдобрите опции за вакцинирање.

Здравјето на нашата заедница зависи од нашата заедничка посветеност. Со заеднички напори, можеме да постигнеме значајни резултати, порача Стојкоски

The post Стојкоски за вакцинацијата против морбили и ХПВ кај младите: Важно е да се разбере улогата на вакцините во заштитата на заедницата appeared first on Република.

Вакцинацијата на децата против детска парализа (полио) започна во центарот на Појасот Газа, изјави денеска официјалниот претставник на палестинското Министерство за здравство, д-3 Муса Абед, во пресрет на „хуманитарната пауза“ во војувањето, што ОН ги најавија за да го овозможат вакцинирањето, пренесуваат француските медиуми.

-Тимови од Министерството за здравство, УНРВА и невладините организации денеска ја почнаа кампањата за вакцинација против детска парализа во централниот Појас Газа, изјави д-р Абед, директор за прва помош во Министерството за здравство на владата на Хамас.

Првиот случај на детска парализа неодамна беше потврден кај десетмесечно дете во Појасот Газа, каде болеста беше искоренета пред дваесет и пет години.

ОН испратија 1,2 милиони орални вакцини.

Родителите чии деца ја примија првата орална вакцинација од две капки, а две дози од вакцината се потребни во период од еден месец, изјавија за француските медиуми дека стравуваат од епидемија меѓу децата на малата територија од 2,4 милиони луѓе, од кои речиси сите беа раселени за време на војната.

Светската здравствена организација (СЗО) во четвртокот соопшти дека израелските власти се согласиле на неколку „хуманитарни паузи“ од по три дена во Газа за да дозволат 640.000 деца да бидат вакцинирани против детска парализа.

Поради оштетените патишта и раселеното население, ОН најавија дека може да биде потребен дополнителен ден за секоја област.

Договорот предвидува хуманитарната пауза да трае секој ден од рано наутро до рано попладне, а по можност и да се продолжи.

Според ОН, „епидемијата за да биде запрена потребно е да бидат опфатени најмалку 90 отсто од децата во текот на секоја фаза на вакцинација“.

The post Во Појасот Газа почна вакцинацијата на децата против полио, се очекуваат „паузи“ во војувањето appeared first on Република.

Луѓето кои ќе патуваат за Африка би требало да размислат за вакцина против мпокс (мајмунски сипаници), соопшти Европскиот центар за превенција и контрола на болестите (ЕЦДЦ).

Поради блиските врски меѓу Европа и Африка мораме да бидеме подготвени за повеќе увезени случаи на инфекција, изјави Памела Ренди-Вагнер од ЕЦДЦ.

Според ЕЦДЦ мал е ризикот од глобално ширење на вирусот, затоа лицата треба да бидат вакцинирани со една наместо со две дози вакцина против мпокс. Зголемена доза вакцина обично се препорачуваат на секои две до 10 години ако лицето е во постојан ризик од изложеност на болеста.

Но, Светската здравствена организација (СЗО) неодамна прогласи глобална вонредна состојба за јавно здравје поради ширењето на мпокс. Мајмунските сипаници изминатите месеци усмртија најмалку 450 луѓе во Конго.

Болеста може да се пренесе со контакт со заразено лице, а симптомите се слични на грипот.

Во Шведска неодамна беше откриен случај на мајмунска сипаница кај лице кое се заразило со неа за време на престојот во Африка.

The post Лицата кои патуваат во Африка да се вакцинираат против мајмунски сипаници appeared first on Република.

Дополнителни пет центри за вакцинација против мпокс во различни делови на Грција ќе бидат отворени во следниот период, покрај оние што веќе постојат во две атински болници, а вакцинацијата започна на 22 јули годинава, соопштија од Националната организација за јавно здравје на Грција (ЕОДИ), јави дописничката на МИА од Атина.

Објаснија дека вакцинацијата е наменета за високоризични групи, засега се врши во Атина, а „во следниот период ќе работат уште пет центри за вакцинација во Солун, Александруполи, Крит, Патра и Атина“.

Истакнаа дека во моментов се проценува дека е низок ризикот за пренесување на болеста во Грција, додека пак алтернативната министерка за здравство Ирини Агапидаки рече дека од првиот момент, Националната организација за јавно здравје го имплементира планот за превенција и рано откривање на случаите што евентуално би се појавиле во земјата“.

-Не постои зголемена загриженост за општата популација, туку за високоризичните групи за кои веќе се препорачуваат конкретни мерки за заштита. Ги зголемуваме центрите за вакцинација, додека веќе назначивме конкретни референтни центри и имаме доволно лекови и вакцини за да одговориме на овој нов предизвик за јавното здравје, рече Агапидаки.

Од ЕОДИ, на граѓаните кои планираат да патуваат во земјите во кои се потврдени случаи на мпокс им препорачуваат засилени мерки на претпазливост, односно избегнување контакти со потенцијално заразени лица, со диви животни, со контаминирани површини и предмети што ги користат пациентите или оние кои биле во контакт со диви животни, но и да избегнуваат консумирање или подготовка на месо од диви животни, како и употреба на производи од диви животни

The post Во Грција ќе се отворат дополнителни центри за вакцинација против мпокс appeared first on Република.

За жал, според податоците за 2022 година, во однос на примарната вакцинација и ревакцинација не е постигнат препорачаниот опфат од над 95 отсто за ниту една вакцина на национално ниво. Регистрираниот опфат е под 90 отсто за сите вакцини. Како последица на ова, веќе се соочуваме со епидемија на голема кашлица, а ризикот од повторно соочување со нови епидемии на мали сипаници, е сериозен, рече Калина Гривчева - Старделова, претседателка на Лекарската комора.

Денеска беше потпишана секларација за промоција и поддршка на вакцинацијата од страна на трите медицински комори, Лекарската, Фармацевтската и Стоматолошката, Министерството за здравство, медицинските факултети во земјава и Институтот за јавно здравје.

Како што беше истакнато на прес-конференцијата по овој повод, целта на Декларацијата е создавање поширок фронт за поддршка на вакцинацијата и одржување континуитет на активностите за промоција на имунизацијата.

Лекарите, истакна Гривчева - Старделова, ги разбираат родителите кои се соочени со многу неверодостојни и неточни информации поврзани со вакцините, особено на социјалните мрежи, што предизвикува неоправдан страв и одбивање или одложување на вакцинацијата.

Ние, како најрелевантен извор на информации, треба да ги осигураме родителите дека редовната вакцинација е неопходна за да се одржи добро здравје кај децата и општата популација, а вакцините се безбедни и сигурни, потенцира Гривчева - Старделова.

Според неа, не треба да постојат сомнежи дали децата треба да бидат редовно вакцинирани.

Министерот за здравство Илир Демири рече дека јавноста мора да се сензибилизира за да се постигне оптималната вакцинација.

Прес-конфернцијата во Лекарската комора почна со едноминутно молчење во знак на почит кон двајцата починати, 67-годишниот лекар од Скопје и 40-годишната докторка од Скопје, која загина во сообраќајка пред неколку дена.

The post Регистрираниот опфат е под 90 отсто за сите вакцини на национално ниво, затоа се соочуваме со епидемија на голема кашлица, а можеби и на морбили, кажа претседателката на Лекарската комора appeared first on Република.

Во германската сојузна покраина Саксонија, властите издадоа стотици казни во последниве години на родителите затоа што нивните деца не биле вакцинирани против мали сипаници.

Окрузите пријавуваат различни бројки: додека Централна Саксонија пријави 185 казни во последните две учебни години, округот Герлиц пријави 314 казни само во 2023. Во Лајпциг, во истиот период беа поведени 184 прекршочни постапки.

Од март 2020 година, вакцинацијата против мали сипаници е законски задолжителна за децата кои посетуваат јавни институции како што се градинките или училиштата. Неодамна во Фогтланд имаше избувнување на болеста кај дванаесет деца на возраст меѓу неколку месеци и 13 години. Според Министерството за здравство, овие деца биле несоодветно вакцинирани.

Доколку оваа обврска не се исполни, мерките се различни: забрана за влез на невакцинирани деца може да се издаде во градинките, додека училиштата мора да примаат невакцинирани деца поради задолжително посетување. Сепак, училиштата ги пријавуваат невакцинираните деца до здравствените власти, кои потоа имаат можност да наметнат казни до 2.500 евра.

Сепак, казните се генерално помали. Обласната канцеларија на Бауцен спомена суми меѓу 50 и 200 евра за повеќе од 300 казни минатата година, додека окружната канцеларија на Пирна соопштува за 250 евра за секоја од 79-те казни во 2023 година. „Задолжителното образование ја прекршува задолжителната вакцинација“, објаснуваат од Министерството за култура, нагласувајќи дека невакцинираните деца сепак мора да се примаат во училиштата.

Бројот на забрани во градинките го истакнува построгиот третман: во областа Бауцен, на пример, има 13 забрани, а во Дрезден вкупно 39 од примената на Законот за заштита од сипаници, од кои 26 се веќе укинати.

Честопати проблемот не е недостатокот на вакцинација само по себе, туку тоа што родителите не ги дале потребните докази за тоа. „Забраната за посетување градинка во моментов постои за 13 деца“, велат од градската управа.

Постојаниот комитет за вакцинација (СТИКО) препорачува двојна вакцинација против мали сипаници во комбинација со заушки и рубеола за сите деца.

Затоа, бебињата и малите деца треба да ја примат првата доза на вакцинација помеѓу единаесет и четиринаесет месеци, а втората доза помеѓу петнаесет и дваесет и три месеци.

Ако статусот на вакцинација на возрасните родени по 1970 година или на оние кои не примиле ниту една или само една вакцинација во детството е нејасен, се препорачува и единечна вакцинација.

The post Родителите во Германија плаќаат парични казни бидејќи не ги вакцинираат децата appeared first on Република.

Во Скопје скоро 50 отсто од децата кои посетуваат градинки се невакцинирани или се нецелосно вакцинирани против голема кашлица, односно не ја примиле вакцината ДиТеПер. Според првичните информации во другите градови во државата има покриеност со имунизација на ДиТеПер во предучилишна возраст во скоро над 95 отсто, кажа денеска директорката на Државниот санитарен и здравствен инспекторат (ДСЗИ) Рената Младеновска.

Во другите градови, во внатрешноста на државата родителите се одговорни и ја почитуваат обврската да го вакцинираат детето согласно календарот за имунизација. Очигледно е дека проблемот е тука, во градот Скопје, изјави Младеновска.

Младеновска информираше дека од вчера инспекторите на ДСЗИ се на теран за да извршат вонреден инспекциски надзор согласно одлуката што ја добиле од страна на министерот за здравство.

На приватните градинки уште вчера им се доставени решенијата и тие се контролираат исто како и државните.

Издадовме решенија во сите градинки на територија на град Скопје со забрана за прием на невакцинирани или нецелосно вакцинирани деца со ДиТеПер согласно одлуката од министерот. Првичните информации од терен се дека скоро 50 проценти од децата кои посетуваат градинки на територија на град Скопје се невакцинирани со ДиТеПер или се нецелосно вакцинирани и лично сметам дека е поразителн факт за ова општество. Вчера исто така одговорните лица на градинките ни ги доставија списоците со невакцинирани деца и од таму се и бројките. Сметам дека оваа акција треба да продолжи, продолжува и денеска и во следните денови. Директорите на детските градинки ни дадоа уверување дека ќе ја почитуваат мерката, а дали ќе биде така ќе провериме денеска и во следните денови, изјави Младеновска.

Од вчера, 11 март градинките во Скопје не смееја да примаат деца на згрижување кои не се имунизирани со вакцината ДиТеПер или се нецелосно имунизирани со оваа вакцина против голема кашлица.

Вакцинацијата против голема кашлица во земјава се спроведува со комбинирани вакцини: Hexaxim (DTaP-IPV-Hib-HepB), Pentaxim (DTaP-IPV-Hib) и Tetraxim (DTaP-IPV).

Според Календарот за имунизација, првата доза на вакцина се дава на деца на возраст со навршени два месеца, втората доза на возраст од четири месеци и третата доза на возраст од шест месеци. Првата ревакцинација се врши една година по комплетирањето на примарна вакцинација, на 18-месечна возраст. Втората ревакцина се дава во второ одделение, односно на 7-годишна возраст.

Првиот случај на голема кашлица беше пријавен на 5 јануари, а Центарот за јавно здравје Скопје на 8 февруари прогласи епидемија на ниво на Град Скопје, по препорака на Комисијата за заразни болести.

На 8 март ДСЗИ ја доби Одлуката од Министерот за здравство врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи кои не се имунизирани со ДиТеПер или се нецелосно имунизирани со ДиТеПер.

На новинарско прашање дали вакцинирано дете треба да седи дома 21 ден или веднаш по имунизацијата да се врати во градинка, директорката на ДСЗИ рече дека од нивна страна таква мерка не е пропишана.

Ниту ДСЗИ, ниту Комисијата за заразни болести, ниту министерот за здраввство издала таква мерка. Апсолутно е неточно дека треба да се седи дома 21 ден по примена вакцина, рече Младеновска.

Според Младеновска, ДСЗИ постапува исклучиво по донесената препорака на Комисијата за заразни болести, односно одлуката на Министерот за здравство. Родители реагираат дека иако детето ја примило првата доза од вакцината, втората им била закажана за во мај, утринава им било кажано дека нема да биде примено во градинка.

Нема да правиме исклучок бидејќи ние сме само извршители во оваа ситуација. Ако Комисијата донесе друга препорака и министерот така ни наложи, така ќе постапиме. Се до овој момент ќе постапуваме како и досега, кажа Младеновска.

Од денеска се проверуваат и вакциналните картони. На прашањето кога се очекуваат првични резултати дали се примале и невакцинирани деца во градинките овие деновии Младеновска кажа:

Јас утринава ги добив првичните податоци. Се надевам дека во текот на оваа недела ќе имам информации за подетално да кажам дали се примаат невакцинирани деца и доколку се примаат ДСЗИ има можност да постапи по непочитување на решение и да изрече глоба и за правното и за одговорното лице во правното лице.

Како што беше и со епидемијата на морбили, подеднакво исто постапувме, рече Младеновска, одговарајќи на прашањето што ќе биде со оние деца кои поради оправдани здравствени состојби  не се имунизирраат. За нив е валиден картонот кој е потпишан од специјалистичко-конзилијарно мислење од Детска клиника.

https://republika.mk/zivot/zdravje/od-11-mart-gradinkite-nema-da-primaat-detsa-koi-ne-se-tselosno-vaktsinirani-so-diteper/

The post Во другите градови над 95 отсто од децата кои одат во градинки се вакцинирани против голема кашлица, а во Скопје половина од децата не се имунизирани што е поразително, рече директорката на ДСЗИ Младеновска appeared first on Република.

Министерот за здравство Илир Демири информира дека по прогласувањето на епидемија на голема кашлица во градот Скопје досега се вакцинирани повеќе од 22 илјади лица.

Како што информираат од Министерството за здравство, во гостувањето во емисијата „10 минути“ на ТВ21 Демири посочил дека вакциналните пунктови работат во две смени со цел да им биде полесно на родителите да ги имуницираат своите деца, гарантирајќи дека вакцините немаат никаква врска со аутизмот.

Во однос на функционирањето на здравствениот систем, министерот Демири рече дека има потреба од регионализација.

Тој изјави дека доколку му е дадена можноста да продолжи да ја извршува позицијата министер за здравство по изборите ќе се труди да се формираат регионални центри во Битола, Штип, Куманово и Тетово.

Со ова, вели, пациентите ќе добиваат здравствена услуга најблиску до местото на живеење. Како пример за регионален центар ја посочи Клиничката болница Тетово каде што работел на оваа идеја пред да стане министер.

The post Од прогласувањето на епидемија на голема кашлица во Скопје досега се вакцинирале повеќе од 22 илјади лица appeared first on Република.

Во Авганистан денеска почна нова кампања за вакцинација против детска парализа, чија цел е заштита на околу 7,6 милиони деца на возраст под пет години, соопшти авганистанското Министерството за здравство.

Кампањата ќе трае четири дена во 21 од 34 провинции во земјата, информираа Министерството.

Портпаролот на Министерството за здравство, д-р Шарафат Заман, побара од верските научници и локалните старешини да соработуваат со давателите на вакцини во борбата против полио, заразна болест која може да предизвика парализа и да доведе до смрт.

Бројот на позитивни случаи на полио е намален оваа година, рече Заман.

Минатата година на национално ниво се откриени најмалку шест случаи со полиовирус.

Во декември, Светската здравствена организација (СЗО) предупреди дека репатријацијата на мигрантите од соседен Пакистан го зголеми ризикот од ширење на вирусот. Оттогаш, земјата спроведе најмалку два круга на национално вакцинирање.

The post Авганистан почна масовна кампања за вакцинација против детска парализа appeared first on Република.

Центарот за јавно здравје Скопје има прогласено епидемија и моментално на државно ниво има регистрирано 34 заболени од пертусис. Ја користам можноста да се обратам до сите граѓани, особено на родители кои имаат мали деца, дека најголемо достигнување во здравствениот систем е вакцинација. Затоа замолувам сите да пристапат кон вакцинација на своите деца, истакна денеска новиот министер за здравство во техничката Влада, Илир Демири, прашан за неговиот став за состојбата со пертусисот.

Според Демири, не би требало да се вратат во градинка, децата кои се невакцинирани.

Прво треба да се вакцинираат, па после да се вратат. Мислам дека тоа беше еден од критериумите и препорака од Комисијата за заразни болести. Сите деца кои се вакцинирани треба да одат во градинка. Тие кои не се вакцинирани, треба да ги прашате нивните родители како ќе го организираат чувањето на детето, одговори Демири на новинарско прашање.

Тој имаше обраќање на Свечената академија по повод отворањето на Центарот за трансплантација на хематопоетски матични клетки на Универзитетската клиника за хематологија, по што одговараше на новинарски прашања.

The post Родителите на невакцинираните прашајте ги како ќе го организираат чувањето, порача министерот и повика на вакцинација со Ди-Те-Пер appeared first on Република.

Најмногу ме загрижува тоа што се случува во регионот со големата кашлица, нешто што го има во соседните земји неминовно е да дојде и кај нас, вели микробиологот, професор Никола Пановски во разговор за „Телма“. Вели дека во Србија, па дури и во Хрватска како членка на Европската Унија, до тој степен е навлезено антиваксерството, што ни Македонија не би можело да се рече дека е далеку од тоа, без оглед што деновиве расте бројот на оние кои се вакцинираат. Доказ за тоа, според Пановски, се некои само навидум урбани општини и епидемијата со морбили која не беше така одамна и која може пак да се случи.

Гледав резултати во Шуто Оризари, скопска општина немаше ниту еден случај на морбили, кога беше епидемијата. Зошто? Затоа што е најголем степен на вакцинација во Македонија. Порачувам баш од ова место, општина Центар и општината во која живеам Карпош, големите интелектуалци под наводници да се огледаат на своите сограѓани од Шуто Оризари. Посебна порака до кумановците и струмичаните кои имаат најнизок степен во Македонија, зборам на републичко ниво, а поздрав до прилепчани кои имаат единствено заедно со Кочани кои имаат 98% имунизација, значи 3% над она што го бараме за имунизација. Самиот факт дека во Шуто Оризари каде најмногу може да се пренесува болеста, заради начинот на живеење и субстандардни услови, голем број на деца ја примија вакцината за морбили, се надевам и за црната кашлица постигнала успех, нека им служи на овие „големите“ интелектуалци, некои доктори на науки итн, што расправаат прикаски и нека се погледнат во огледало, вели Пановски.

Важно е родителите да бидат свесни дека и кога ќе ги вакцинираат своите деца и ќе ја добијат потврдата со која може да посетуваат градинка веднаш да не ги носат во градинка.

И како што беше со Ковидот, што медицински е неоправдано, го вакцинираме денеска и истиот ден му даваме потврда што е глупост. Тој не е заштитен, никој не е заштитен после боцкањето. За некоја болест треба месец, два, најмалку три недели за да стекне имунитет. Значи сега ќе го боцнеме и ќе го пуштиме во градинка, а ниту треба да го примат таму, треба да помине време за бебето или детето да добие имунитет, вели д-р Пановски.

The post Д-р Пановски: Големите „интелектуалци“ од Центар и Карпош да се угледаат на Шуто Оризари за вакцинацијата appeared first on Република.

По препораките на здравствените власти поврзани со состојбата и ширење на големата кашлица (пертусис), службата за вакцинација во Здравствен дом Гостивар почна да работи во две смени и во сабота. Оваа мерка треба да овозможи вакцинирање на децата кои не ги примиле потребните дози со вакцината ДиТеПер (дифтерија, тетанус, пертусис).

Деновиве има зголемен интерес и родителите кои го проверуваат вакциналниот статус и ги носат децата за да се вакцинираат, потврдува д-р Дафина Богданоска од гостиварската служба за вакцинација. Една до причините, вели таа е и појавата на болеста во гостиварско.

Таа потврди дека се регистрирани два случаи, две иполмесечно бебе кое не е вакцинирано и четиригодишно дете кое примило вакцина. Двете деца се лекуваат на скопските клиники.

Една од причините за појава на болеста е недоволниот опфат со вакцинирање и тој е во опаѓање. Тој се движи околу 87 проценти, а со бустер дозата тој е под 75 проценти. Пропуштањето на вакцинирањето е најверојатно и заради избегнување на вакцинирање со „мрп“ вакцината. За да излеземе во пресрет на зголемениот интерес и да го зголемиме опфатот, нашата служба ќе работи со продолжено работно време, вели д-р Дафина Богданоска.

Вакциналниот пункт во Гостивар ќе биде отворен од денеска (сабота), а од понеделник во работните денови ќе се работи во две смени.

Болеста голема кашлица (пертусис) во гостиварско не била регистрирана во последниве три децении.

The post Пунктот за вакцинирање во Гостивар ќе работи во две смени и во сабота appeared first on Република.

Вакцинирањето на децата е колективна одговорност. Ги повикуваме родителите и старателите – обезбедете им на своите деца онаква заштита, каква што вашите родители обезбедиле за вас во минатото. Имате моќ да го заштитите своето дете, другите деца и заедницата од болести, што може да се спречат со вакцини, што се докажано безбедни и високо ефикасни, апелираат од УНИЦЕФ во денешното соопштение.

Вакцинирањето, додаваат оттаму, е една од најефективните мерки на заштита на децата и заедниците од сериозни болести. Докажано е, велат од УНИЦЕФ, дека вакцините се безбедни и глобално секоја година, тие спасуваат два до три милиони детски животи од сериозни болести.

Од УНИЦЕФ изразуваат загриженост од растечкиот број случаи на голема кашлица во земјата и од вестите за случаи со мали сипаници во регионот и се придружува кон повикот на здравствените експерти, до родителите и старателите, да ги вакцинираат децата што пропуштиле вакцинација, се наведува во нивното соопштение.

Благодарение на високите стапки на вакцинација во минатото, родителите денес ја имаат таа среќа да растат без да доживеат некој член од семејството, или пријател, да им почине или да има доживотни последици од болести, како што се мали сипаници или детска парализа. Сегашната епидемија од голема кашлица потсетува на важноста од одржување опфат со редовна вакцинација на децата над 90-95 отсто за да се постигне колективен имунитет“, пишува во денешното соопштение на УНИЦЕФ.

Од УНИЦЕФ додаваат оти само со постигнување колективен имунитет можеме да ги заштитиме оние што не можат да се вакцинираат, како што се малите бебиња или лицата со слаб имунитет.

За да ги заштитиме децата и заедниците, важно е сите деца кои од која било причина, ја пропуштиле вакцината според националниот календар на имунизација, да ја примат вакцината“, се додава во соопштението од УНИЦЕФ.

https://republika.mk/zivot/zdravje/komisijata-za-zarazni-bolesti-predlaga-da-se-proglasi-epidemija-na-golema-kashlitsa-vo-skopje/

Од Центарот за јавно здравје денеска информираа дека само на територија на Скопје до овој момент се евидентирани 20 случаи на голема кашлица, но нивниот број се менува од час во час.

Од вакциналниот пункт „Букурешт“ во Скопје претходно денеска информираа дека по зголемениот број случаи на голема кашлица зголемен е и интересот за вакцинација.

Оттаму наведуваат дека пациентите пред сѐ деца поголеми од три години, кои ги пропуштиле дозите од редовната вакцинација, според календарот за имунизација.

https://republika.mk/zivot/zdravje/interesiraneto-za-vaktsinirane-se-zgolemi-otkako-se-najavi-deka-nema-da-se-primaat-detsa-vo-gradinki-koi-ne-se-imunizirani/

The post УНИЦЕФ изразува загриженост од растот на случаи со голема кашлица: Вакцинирањето на децата е колективна одговорност appeared first on Република.

Засега нема информација дали и кога Комисијата за заразни болести ќе заседава по најновите случаи на голема кашлица регистрирани во земјава. Од почетокот на годинава, според информациите на Институтот за јавно здравје, евидентирани се два случаја на персутис или попознати во јавноста како магарешка кашлица.

Портпаролот на Комисијата за заразни болести, Злате Мехмедовиќ во изјава за МИА истакна оти нема најава за заседавање на Комисијата за заразни болести.

Претседателот на Комисијата решава дали ќе има или не. Треба да се апелира, да се вакцинираат децата согласно редовниот календар за имунизација. Тоа е најдобрата заштита. Минатата година имаше три случаи на голема кашлица, подвлече Мехмедовиќ.

На вакцинација денеска повика и министерот за здравство Фатмир Меџити.

Повикуваме на вакцинација затоа што вакцините спасуваат животи, рече Меџити на новинарско прашање дали појавата на големата кашлица во државава се должи на тоа што не се вакцинираат децата.

Директорот на Институтот за јавно здравје, Шабан Мемети за МИА изјави дека од почетокот на годинава евидентирани се два случаја - едното дете е од Кичево, а другото е шестмесечно бебе хоспитализирано на Детската клиника „Козле“ во Скопје.

Станува збор за невакцинирани деца. Едното е во „Козле“, а другото е на домашно лекување, појасни Мемети.

Кај невакцинираните доенчиња во текот на катаралната фаза - 1-2 недели, има незначителна кашлица, зацрвенети очи и ринитис, понекогаш и умерено покачена температура. Во текот на периодот на кашлица, има напади на кашлица кои обично се јавуваат ноќе и често се придружени со повраќање на мукус. Нападите продолжуваат во регуларни интервали во текот на 1-4 недели, а потоа стануваат поретки. Може да се повторат при нова респираторна инфекција. Во текот на фазата на кашлица пациентот е афебрилен. Ц- реактивниот протеин (ЦРП) и седиментацијата обично се нормални. Температура или покачени ЦРП сугерираат на некоја друга инфекција или секундарна бактериска инфекција. Кај невакцинирани доенчиња се јавува леукоцитоза, кај некои и лимфоцитоза.

Пертусис не е секогаш болест на школските деца, може да се јави и кај возрасни. Периодот на изолација треба да е пет дена од започнување со антибиотскиот третман. Ако симптомите траат повеќе од 3 недели, изолација е непотребна.

The post Има два случаја на магарашка кашлица во Македонија appeared first on Република.