Два вагона-цистерни со фосфорна киселина денеска се излизгаа во Зајечар, но нема истекување ниту опасност по луѓето и околината, соопштија од компанијата „Србија Карго“.

Лизгањето на осмата и деветтата цистерна се случи во 08:40 часот на четвртата пруга, во станицата Зајечар.

Немаше истекување, нема испарувања и нема опасност по животите на луѓето или животната средина, се наведува во соопштението.

Во товарната композиција имало 12 вагони-цистерни, кои се во сопственост на компанијата „Еликсир“ и патувале од Прахов до Шабац.

Заедничка железничка комисија за истрага на вонредни настани на Железничката инфраструктура на Србија и Србија Карго е на терен и ќе ги утврдува причините за несреќата.

Сообраќајот на патнички и товарни возови на станицата Зајечар не е во прекин, се додава во соопштението.

Ова е трето излизгување од вагони во последните неколку недели во Србија.

The post Трета несреќа во Србија, два вагона-цистерни со фосфорна киселина се излизгаа во Зајечар appeared first on Република.